Lajmet

​Sali Berisha ‘non grata’ edhe nga Britania e Madhe

Këtë e pranoi vetë gjatë një konference për shtyp.

Publikuar

Sali Berisha është shpallur non grata edhe nga Britania e Madhe. Këtë e pranoi vetë gjatë një konference për shtyp.

“Disa orë pasi Edi Rama dha lajmin për vendimin që do të merrte qeveria e MB, jam njoftuar me një letër se, Home Secretary ka marrë vendimin për moslejimin e hyrjes sime në MB me arsyetimin:

-Se ju keni lidhje të qarta me grupe të krimit të organizuar dhe kriminelë, të cilët kanë paraqitur një rrezik për sigurinë publike në Shqipëri dhe në MB dhe, se ju jeni i gatshëm t’i përdorni këto lidhje për të avancuar ambiciet tuaja politike, dhe

-Për korrupsion dhe pasurimin tim, dhe rretheve të njerëzve pranë meje, ku si shembull përmendet ish këshilltari për zgjedhjet Damir Fazlliç, të cilin sipas vlerësimit të tyre, unë e kam mbrojtur kur, kundër tij kanë dalë prova inkriminuese.

Ndonëse, ashtu si thotë ky vendim, është konfidencial dhe, ndonëse përfaqësuesit e MB në Tiranë kane deklaruar se nuk do të publikojne emrat, unë kam marrë vendimin t’a bëj publik për qytetarët shqiptarë, para të cilëve unë kam qenë gjithnjë i vërtetë, me të mirat dhe gabimet, kam luftuar gjithnjë në mbrojtje të interesit të tyre, ashtu siç e kam vlerësuar unë. Në lidhje me këtë vendim dua të sqaroj sa vijon:Ky vendim është në vazhdën e shpifjeve për interesa të të njëjtit grup, që ka sponsorizuar edhe vendimin e Sekretarit Blinken, të bazuar në shpifje dhe lobimin korruptiv të Edi Ramës dhe multimiliardierit George Soros. Unë kam qenë në dijeni të përpjekjeve të diplomatëve të Departamentit të Shtetit, që partnerët ndërkombëtarë t’i bashkangjiten vendimit të tyre, absolutisht pa asnjë bazë, me qëllim rritjen e presionit ndaj meje dhe justifikimin e vendimit të tyre bazuar në shpifje”, ka thënë Berisha.

“Por, një gënjeshtër, sado të përsëritet mund të bëhet e besueshme, por kurrë e vërtetë dhe asnjë fuqi në botë nuk do të jetë në gjendje të më detyrojë që të pranoj gënjeshtrën për të vërtetë, apo t’i nënshtrohem mashtrimit, për të cilin me prova, këto muaj, kam argumentuar se nuk synon skajimin e Sali Berishës, por kthimin e Shqipërisë në një vend pa opozitë, së cilës i rripet çdo pasuri, e nga e cila shqiptarët ikin nga sytë këmbët. Kjo synon mbajtjen në pushtet të një qeverie, me e korruptuara në Europë, e cila, duke dhunuar votën e qytetarëve, ka rivendosur në vend monizmin e plotë dhe vjedh e sakrifikon Shqipërinë e shqiptarët, e çon shtetin në falimentim për të blerë e mbajtur pushtetin. Sikundër ritheksoj edhe një herë, se në momentin e parë që qeveria e MB, ose çdo qeveri tjeter e huaj apo kushdo do të provojë – jo të gënjejë – një provë dhe fakt korrupsioni, unë do të marr çdo vendim ndaj vetes sime”, tha Berisha.

Lajmet

Azemi paralajmëron protesta të përditshme

Azemi tha se nëse greva e arsimtarëve vazhdon sindikata që ai udhëheq s’do të hyjnë në grevë.

Publikuar

nga

Kryetar i Sindikatës të Pavarur të Sektorit Privat, Jusuf Azemi tha që në këtë muaj do ta vendosin datën se kur do të mbajnë grevën.

Por sipas tij, ky sektorët në këtë fazë do të fillojë me protesta të përditshme. Ai gjithashtu shtoi që protestat do të mbahen në ditët në vazhdim, por nuk ka bërë të ditur datën e saktë.

Ndoshta do të ndërrojnë kahje dhe do të mbajmë protesta të përditshme pasi që tani nuk është koha e duhur për greva sepse i gjithë sistemi arsimor po mbajnë greva”, tha Azemi.

Azemi shtoi se nëse greva e arsimtarëve vazhdon sindikata që ai udhëheq s’do të hyjnë në grevë.

E sa i përket kontakti me Qeverinë Azemi shtoi se i kanë dërguar tetë kërkesa por nuk ka marr përgjigje, duke numëruar kërkesat karshi ekzekutivit.

Nuk e shoh të arsyeshme që të dërgojmë kërkesa pasi sipas të gjithave gjasave nuk i ndjen që këta punëtorë të sektorit privat janë qytetar të Republikës së Kosovës. Kërkesat për Qeverinë janë që të kenë rritje të pagave edhe sigurime shëndetësore, nënshkrimi i marrëveshjes kolektive, gjykata e punës fondi për punëtorët të cilit humbin vendin e punës dhe shumë kërkesa të tjera”, tha ai.

Gjithashtu Azemi tha se nëse vazhdon që Qeveria të mos na plotësoj kërkesat atëherë të rinjtë do ta lëshojnë Kosovën.

Sigurisht që mbas  dy vite nuk do të munden që të gjejnë punëtorë të rijnë por vetëm mosha 50 vjeçe”, përfundoi i pari i Sindikatës të Pavarur të Sektorit Privat.

Vazhdo të lexosh

Lajmet

​Sllovakia kundër strehimit të rusëve që i largohen mobilizimit

“Sllovakia do të vlerësojë çdo rast”, tha dje zëdhënësi i Ministrisë së Jashtme, Juraj Tomaga.

Publikuar

nga

Fqinja e Ukrainës, Sllovakia, ka hedhur poshtë propozimin për të strehuar të gjithë qytetarët rusë që largohen nga vendi për shkak të urdhrit të mobilizimit. “Sllovakia do të vlerësojë çdo rast”, tha dje zëdhënësi i Ministrisë së Jashtme, Juraj Tomaga.

Sllovakia në parim lëshon viza për arsye humanitare, por nuk ka një rregull të qartë sipas të cilit kundërshtimi i urdhrave të mobilizimit mund të jetë një arsye e mjaftueshme. Zëdhënësi tha se arsyeja pse disa qytetarë rusë mendojnë se Sllovakia po vonon qëllimisht lëshimin e vizave, jo vetëm për arsye humanitare, por gjithashtu, për qëllime studimi, ishte kryesisht për faktin se Rusia kishte reduktuar stafin e përfaqësive sllovake në Moskë dhe Shën Petërburg në një vendim të pabazuar.

Sipas tij, po aludohet një mosmarrëveshje diplomatike midis Sllovakisë dhe Rusisë. Në fund të marsit, Sllovakia dëboi 35 punonjës të ambasadës ruse të dyshuar për spiunazh, ndaj të cilit Moska reagoi reciprokisht. Presidenti çek, Milos Zeman është distancuar nga qëndrimi i qeverisë çeke.

“Një person që largohet nga Rusia nuk është një rrezik sigurie për ne”, tha Zeman në një intervistë televizive. Ai tha se rusët që nuk duan të luftojnë në luftën e Ukrainës duhet të pranohen në të njëjtën mënyrë si refugjatët nga Ukraina.“Ata që ikin nga vendi i tyre sepse nuk duan të përmbushin detyrimet ndaj shtetit të tyre, nuk i përmbushin kushtet për dhënien e vizës humanitare”, tha ministri i Jashtëm çek, Jan Lipavsky./atsh/

Vazhdo të lexosh

Lajmet

Sulm me armë zjarri në një shkollë ruse, autori vret veten pasi vrau gjashtë persona

Ambulanca dhe shërbimet e sigurisë kanë mbërritur në vendngjarje në qytetin e Izhevsk.

Publikuar

nga

Një person i armatosur ka hapur zjarr në një shkollë në Rusinë qendrore, duke vrarë të paktën gjashtë persona dhe duke plagosur 20 të tjerë, thonë zyrtarët rusë.

Ambulanca dhe shërbimet e sigurisë kanë mbërritur në vendngjarje në qytetin e Izhevsk.

Të shtënat kanë ndodhur në shkollën numër 88, me gati 1000 nxënës dhe 80 mësues.

Autori i armatosur thuhet se ka vrarë veten dhe motivi i të shtënave është i paqartë./UBTNews/

Vazhdo të lexosh

Lajmet

​Kurti: Masakra e Abrisë më çnjerëzorja që Serbia ka kryer mbi shqiptarët e Kosovës

Kurti tha se 23 të vrarët e kësaj masakre nuk mund të përkujtohen pa Imer Deliun, familjarin e gjallë të tyre.

Publikuar

nga

Kryeministri i Kosovës, Albin Kurti në 24 vjetorin e masakrës së Abrisë, ka thënë se ajo është më çnjerëzorja dhe më e tmerrshmja që Serbia ka kryer mbi shqiptarët e Kosovës.

I pari i ekzekutivit ka kujtuar se mjafton të shihen moshat kufitare të viktimave të masakrës së Abrisë, nga më i moshuari Fazli Deliu 94 vjeç deri te më e vogla Diturije Deliu 6 javëshe, për të kuptuar se sa totale dhe çnjerëzore ishte kjo masakër që kryen forcat serbe mbi këta 23 civilë shqiptarë të pafajshëm.

Ai ka shtuar se 23 të vrarët e kësaj masakre nuk mund të përkujtohen pa Imer Deliun, familjarin e gjallë të tyre. 

Vazhdo të lexosh

Të kërkuara