

Lajmet
Rusia po humb një luftë kundër hakerëve që vjedhin sasi të mëdha të të dhënave
Terabajt të dhëna të vjedhura kanë rrjedhur në internet.
Published
3 years agoon
By
Betim GashiDhjetëra kompani ruse dhe agjenci qeveritare janë hakuar si ndëshkim për pushtimin e Ukrainës.
Rusia njihet për ushtrinë e saj të hakerëve, por që nga fillimi i pushtimit të saj në Ukrainë, dhjetëra organizata ruse – duke përfshirë agjencitë qeveritare, kompanitë e naftës dhe gazit, dhe institucionet financiare – janë hakuar, ku terabajt të dhëna të vjedhura kanë rrjedhur në internet.
‘Distributed Denial of Secrets’, kolektivi i transparencës që njihet më së shumti për publikimin e tij në vitin 2020 prej 270 gigabajt të të dhënave të zbatimit të ligjit në ShBA (gjatë protestave për drejtësinë racore pas vrasjes së George Floyd), është bërë shtëpia ‘de facto’ e të dhënave të hakuara nga Rusia. Të dhënat i dorëzohen ‘DDoSecrets’ kryesisht nga hakerë anonimë, dhe ato të dhëna më pas vihen në dispozicion të publikut në faqen e internetit të kolektivit dhe shpërndahen duke përdorur BitTorrent.
“Vërshimi i të dhënave ruse ka nënkuptuar shumë netë pa gjumë dhe është me të vërtetë dërrmuese”, tha Emma Best, bashkëthemeluese e DDoSecrets, për The Intercept përmes një aplikacioni të koduar të mesazheve.
“Në më pak se dy muaj që nga fillimi i pushtimit, ne kemi publikuar mbi 6 milionë dokumente ruse – dhe është absolutisht ashtu”, ka shtuar ajo.
Pas marrjes së një grupi të dhënash, DDoSecrets organizon dhe përmbledh të dhënat; më pas fillon shpërndarjen e të dhënave duke përdorur BitTorrent për konsum publik, i publikon ato dhe i ndihmon gazetarët në një gamë të gjerë redaksish të kenë qasje dhe raportojnë për to.
DDoSecrets ka publikuar rreth 30 grupe të dhënash të hakuara nga Rusia që nga fillimi i pushtimit të Ukrainës në fund të muajit shkurt.
Shumica dërrmuese e burimeve që dhanë të dhënat e hakuara ruse, duket se janë individë anonimë, shumë që vetë-identifikohen si pjesë e lëvizjes Anonymous.
Disa burime ofrojnë e-mail adresa ose informacione të tjera kontakti si pjesë e të dhënave të hedhura, dhe disa, si ‘Network Battalion 65’, janë të pranishme në mediat sociale.
Lajmet
Kurti për protestën e bizneseve: Duan të bëjnë barrikada në hyrje të Prishtinës, koha e barrikadave ka perënduar!
Published
12 minutes agoon
May 29, 2025By
UBTNews
Kryeministri në detyrë Albin Kurti reagoi ndaj paralajmërimit të bizneseve për protestën e sotme të bizneseve me kërkesën për shtyrjen e tregut të lirë të energjisë elektrike, i paraparë të fillojë më 1 qershor.
Kurti në mbledhjen e qeverisë në detyrë tha se Oda Ekonomike duan që të bëjnë barrikada dhe të bllokojnë rrugët në hyrje të Prishtinës.
“Koha për barrikada ka perënduar, i kemi hequr kudo që ishin ato”, tha Kurti.
Kryeministri në detyrë kritikoi Odën Ekonomike për rolin e saj në organizimin e protestës.
“Oda Ekonomike që duhej të qëndronte pranë bizneseve për t’u përballur me realitetin e ri, sot po tenton të bllokojë rrugët magjistrale me kërkesën për shtyrje. Por ajo çka nuk po iu tregon Oda Ekonomike është se kërkesa e tyre për një vit shtyrje nuk e zgjidh problemin, por vetëm e bart koston e energjisë te fatura e secilit prej jush”, tha ai.
Kryeministri në detyrë tha se bizneset kanë pasur kohë të përgatiten tetë vjet për tregun e lirë të energjisë elektrike.
“Ligji për energjinë elektrike është miratuar që në vitin 2016, ndërsa faza e parë e liberalizimit ka nisur më 2017. Sipas tij, faza e dytë është shtyrë disa herë në këto tetë vjet, duke u dhënë bizneseve kohë të mjaftueshme për t’u përgatitur. Nga vendimi për të dalë në treg të hapur preken 1200 ndërmarrjes apo 1% e të gjitha ndërmarrjeve në Kosovë. 300 prej tyre si prodhuese dhe shpenzuese më të mëdha, preken më së shumti, por duhet theksuar se ky proces nuk është i befasishëm”, tha Kurti.
Kryeministri në detyrë tha se ndërmarrjet kanë përfituar tarifa të rregulluara dhe subvencione në vlerë prej 26 milionë eurosh, ndërsa qeveria i ka mbështetur edhe gjatë pandemisë dhe krizës energjetike, duke përmendur skemat për efikasitet energjetik, instalimin e paneleve solare dhe subvencionim për pajisje e makina më efiçiente si mjete konkrete të përkrahjes.
Kurti tha se nuk mund të mbrojmë 1% të bizneseve në kurriz të 99%.
“U bëjmë thirrje bizneseve të mendojnë në mënyrë të mençur dhe ne do t’i mbështesim”, tha ai.
Lajmet
Sot bllokohen hyrjet kryesore të Prishtinës në shenjë proteste për liberalizimin e energjisë
Published
51 minutes agoon
May 29, 2025By
UBTNews
Sot me 29 maj, hyrjet kryesore të kryeqytetit do të mbyllen për dy orë nga bizneset, si formë proteste kundër liberalizimit të tregut të energjisë elektrike, i cili pritet të hyjë në fuqi më 1 qershor.
Automjetet e kompanive që preken nga ky vendim do të bllokojnë rrugët nga ora 10:00 deri në 12:00. Bizneset kërkojnë shtyrjen e këtij vendimi dhe nisjen e një dialogu me qëllim gjetjen e zgjidhjeve që të mos ndikojnë rëndë në sektorin privat.
Në mungesë të përgjigjes nga institucionet, Oda Ekonomike ka paralajmëruar protesta të ngjashme në ditët në vijim. Ndërkaq, Qeveria në detyrë ka deklaruar se do të mbështesë prodhuesit gjatë këtij procesi.
Policia e Kosovës njoftoi se do të marrë masat e nevojshme për të ruajtur rendin dhe sigurinë, duke orientuar automjetet në rrugë alternative gjatë kohës së bllokimeve.
Sipas vendimit të ZRRE-së, bizneset me mbi 50 punëtorë dhe me qarkullim mbi 100 milionë euro duhet të zgjedhin furnizues me çmime të lirë, jashtë kontrollit të ZRRE-së. Por Oda Ekonomike thekson se në tregun e lirë çmimet janë rritur deri në 200% më shumë.
Lokacionet ku do të bëhen bllokimet janë:
-
Hyrja nga Veterniku dhe Gjilani, duke përfshirë zonën nga Albi Mall dhe rrugët që lidhen me hyrjet nga Ferizaj, Gjilan dhe Aeroporti.
-
Hyrja nga Fushë-Kosova dhe Mitrovica, me bllokim në rrethin e Madh te Lakrishtja (Dukagjini Tower).
-
Hyrja nga Podujeva dhe në lagjen e Vranjevcit, përfshirë udhëkryqin pranë ish-Humanistit dhe bankës Raiffeisen, duke kufizuar edhe lëvizjet nga Dragodani drejt Shkabaj/Orlloviq.

Deputetët e Kuvendit të Kosovës do të mblidhen sot në vazhdimin e seancës për konstituimin e legjislaturës së nëntë të dalë nga zgjedhjet parlamentare të 9 shkurtit. Ky është tentimi i 23-të me radhë.
Çështja e konstituimit të legjislaturës së nëntë ka ngecur te votimi i kryetarit të Kuvendit pasi partia e parë e dalë nga zgjedhjet e 9 shkurtit, Lëvizja Vetëvendosje – në koalicion me Guxo dhe Alternativa nuk po arrin t’i sigurojë 61 votat e nevojshme për të zgjedhur Albulena Haxhiun kryeparlamentare.
Partia Demokratike e Kosovës dhe Aleanca për Ardhmërinë e Kosovës kanë kërkuar ndërrim të kandidatit të propozuar ndërkaq, Lidhja Demokratike e Kosovës është shprehur kundër çdo propozimi të Lëvizjes Vetëvendosje.
Në seancat paraprake, nuk pati kuorum për vendimmarrjen mbi komisionin për votimin e fshehtë. Propozimi – për disa herë me radhë – i kryesuesit të seancës, Avni Dehari, që procesi i votimit të bëhet në mënyrë të fshehtë, nuk po merr përkrahje nga partitë e tjera parlamentare.
Grupi parlamentar i Aleancës për Ardhmërinë e Kosovës ka dërguar mënyrën e votimit të fshehtë për kryetarin e ri të Kuvendit për interpretim në Gjykatën Kushtetuese.
Në përpjekje për të zhbllokuar situatën, më 15 maj, presidentja Vjosa Osmani takoi përfaqësuesit e partive politike, por as aty nuk pati pajtim për konstituim të Kuvendit.
Thirrje për dalje nga ngërçi ka bërë edhe faktori ndërkombëtar.

I nxehti ekstrem ka ardhur herët në gadishullin iberik. Jugu i Spanjës pritet të përballet me temperatura që arrijnë deri në 40 gradë Celsius në fund të majit, teksa vera pritet të hetë edhe më e nxehtë.
Agjencia meteoroligjike e Spanjës, Aemet tha se kjo valë të nxehti është e zakonshme në muajt e mëvonshëm të verës.
Në disa pjesë jugore të gadishullit temperaturat maksimale shkojnë mbi 40 gradë Celsius dhe vlerat minimale nuk do të bien nën 20 gradë. Këto temperatura maksimale janë midis pesë dhe 10 gradë mbi kufirin normal për këtë kohë të vitit.
Temperaturat e larta janë për shkak të pranisë së zonave me presion të lartë mbi gadishull dhe mbërritjes së një mase ajri të thatë dhe të ngrohtë mbi gadishull nga Afrika e Veriut.
Dy ditët më të nxehta pritet të jenë e enjtja dhe e premtja dhe vala e të nxehtit parashikohet të zgjasë të paktën deri të shtunën kur paqëndrueshmëria atmosferike mund të sjellë re, re pluhuri dhe rënie të temperaturës.
Tre vjet më parë, disa pjesë të Spanjës përjetuan majin më të nxehtë ndonjëherë, me temperatura në aeroportin e Seviljes që arritën 41 gradë Celsius.
Spanja regjistroi temperaturën më të lartë të regjistruar ndonjëherë në gusht 2021, në qytetin andaluzian të Montoro, në 47.4 gradë Celsius.

Kurti për protestën e bizneseve: Duan të bëjnë barrikada në hyrje të Prishtinës, koha e barrikadave ka perënduar!

Çeku: Kurrë më parë nuk është investuar kaq shumë në infrastrukturën e futbollit

Evakuime masive për shkak të zjarrit në Kanada: Më shumë se 17,000 njerëz largohen

Sot bllokohen hyrjet kryesore të Prishtinës në shenjë proteste për liberalizimin e energjisë

Tentimi i 23-të për konstituimin e Kuvendit

Të mirat që i sjell moskonsumimi i mishit

Hailey Bieber shfaqet e tensionuar mes thashethemeve për krizë martesore

Studim: Si ta ruani peshën pas përdorimit të Ozempic?

Rënie drastike e temperaturave
Të kërkuara
-
Lajmet nga UBT1 month ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet2 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati
-
Kulturë2 months ago
27 marsi/Dita Ndërkombëtare e Teatrit! Mitrovica sjell shfaqjen “Kontesha Arduini”, histori magjepëse që nuk duhet humbur