Sipas raportimeve, shpërthime janë dëgjuar në kryeqytetin e Ukrainës, Kiev.

Kryebashkiaku i rajonit Vitali Klitschko tha se kishte shpërthime në qendër të kryeqytetit dhe u kërkoi banorëve të qëndrojnë në strehimore.

Më herët sot, Kievi u vu nën sulm intensiv për të dytën ditë radhazi, por nuk raportoi për dëme të konsiderueshme dhe zyrtarët thanë se shumica e dronëve dhe raketave të gjuajtura në kryeqytet gjatë natës janë rrëzuar.

Sulmet ishin pjesë e një vale të re të sulmeve ajrore gjithnjë e më të shpeshta dhe intensive të nisura nga Moska këtë muaj ndërsa Kievi përgatitet të nisë një kundërofensivë në përpjekje për të rimarrë territorin e pushtuar nga forcat ruse.

Aktualisht ka sirena të sulmit ajror që dëgjohen në zona të gjera të vendit./UBTNews/

Presidenti amerikan Biden tha se shpresonte të punonte me Erdoganin për “sfidat e përbashkëta globale”.

“Mezi pres të vazhdoj të punoj së bashku si aleatë të NATO-s për çështjet dypalëshe dhe sfidat e përbashkëta globale”, shkroi Biden, duke mos përmendur tensionet e fundit mes dy palëve.

Presidenti rus Putin, i cili ka bashkëpunuar ngushtë me Erdoganin për çështje kyçe ndërkombëtare pavarësisht disa mosmarrëveshjeve, i tha udhëheqësit të Turqisë se fitorja e tij ishte “rezultat logjik i punës suaj të përkushtuar”.

“Fitorja juaj në këto zgjedhje është rezultati logjik i punës suaj të përkushtuar si kreu i Republikës Turke, një dëshmi e qartë e mbështetjes së popullit turk për përpjekjet tuaja për të forcuar sovranitetin e shtetit dhe për të ndjekur një politikë të jashtme të pavarur”, tha Putin.

Ursula von der Leyen, presidente e Komisionit të Bashkimit Evropian tha se blloku dëshiron të forcojë lidhjet me vendin.

“Unë e përgëzoj (Erdoganin) për fitoren e zgjedhjeve. Mezi pres të vazhdoj të ndërtoj marrëdhëniet BE-Turqi”, shkroi ajo.

“Është e një rëndësie strategjike për BE-në dhe Turqinë që të punojnë për avancimin e kësaj marrëdhënieje, për të mirën e popullit tonë”.

Urime ka dërguar edhe Jens Stoltenberg, sekretari i përgjithshëm i aleancës ushtarake të NATO-s, anëtare e së cilës është edhe Turqia.

“Urime President (Erdogan) për rizgjedhjen tuaj. Mezi pres të vazhdojmë punën tonë së bashku dhe të përgatitemi për Samitin e NATO-s në korrik”, shkroi ai në Twitter.

Ndërsa udhëheqësi francez Emmanuel Macron tha se të dy kombet kishin “sfida të mëdha” për të punuar së bashku. Ai tha se këto sfida përfshinin “kthimin e paqes në Evropë”./UBTNews/

Asambleja e Përgjithshme e Kombeve të Bashkuara ka caktuar 29 majin si Ditën Ndërkombëtare të Paqeruajtësve të OKB-së.

Kjo ditë ka për qëllim të nderojë paqeruajtësit që kanë humbur jetën për kauzën e paqes, si dhe nderimin e gjithë burrave dhe grave që vazhdojnë shërbimin në operacionet e OKB-së, për profesionalizimin e lartë, përkushtimin dhe kurajën.

Që nga themelimi i misionit paqeruajtës në vitin 1948, rreth 3 mijë e 200 ushtarë, policë dhe staf civil, kanë humbur jetën në shërbim të paqes, si pasojë e aksidenteve, dhunës, apo sëmundjeve.

Paqeruajtësit e përdorin këtë ditë për të forcuar lidhjet me popullsinë lokale të cilës i shërbejnë. 

Luan Nam, 72 vjeç, po përpiqej të nxirrte një krokodil nga një kafaz ku kishte vendosur vezë, kur ai rrëmbeu shkopin që po përdorte burri dhe e tërhoqi atë brenda.

Më pas grupi kryesor i zvarranikëve u nis rreth tij, duke e grisur trupin e tij në copa dhe duke e lënë vendin të mbuluar me gjak.

Një vajzë dy vjeçare u vra dhe u ngrënë nga krokodilët në vitin 2019 kur ajo u fut në fermën e zvarranikëve të familjes së saj në të njëjtin fshat, tha shefi i policisë.

Luan Nam ishte presidenti i shoqatës lokale të fermerëve të krokodilëve, por familja e tij tani mund të shesë stokun e tij, pasi i kërkoi për vite të tëra që të ndalonte rritjen e zvarranikëve, tha për AFP shefi i komunës May Sameth.

Ka një numër fermash krokodilësh rreth Siem Reap.

Zvarranikët mbahen për vezët, lëkurën dhe mishin e tyre si dhe tregtimin e të vegjëlve të tyre./UBTNews/