Lajmet

​Rritja e çmimeve e papërballueshme për qytetarët: Po jetojmë për një kafshore bukë

ASK-ja njoftoi se edhe në muajin janar të këtij viti, inflacioni ishte 0.9 për qind më i lartë se muaji dhjetor 2022.

Published

2 years ago

on

Ngritja e vazhdueshme e çmimeve për produktet e konsumit është bërë sfidë për qytetarët e vendit tonë. Përkundër që çmimet e derivateve kanë nisur të bien, qytetarët kërkojnë që të ketë ulje edhe të çmimeve për produkteve tjera.

Sipas raportit të fundit të Agjencisë së Statistikave të Kosovës, edhe në muajin janar të këtij viti, inflacioni ishte 0.9 për qind më i lartë se muaji dhjetor 2022, derisa krahasuar me muajin e njëjtë të vitit paraprak kjo vlerë ishte 12.1 për qind. Sipas këtij raporti rritje të çmimeve ka pasur në pothuajse të gjitha produktet bazike të konsumit.

Qytetari Gëzim Berisha tha se kjo ngritje e çmimeve është vërejtur kohë më parë. Mirëpo, për të ndodhur kjo, ai tha se qytetarët e Kosovës nuk e kanë gjendjen ekonomike të njëjtë sikur qytetarët e shteteve të tjera të rajonit dhe BE-së.

“Kemi filluar t’i vërejmë edhe pak më herët, ka filluar të vërehet ngritja e çmimeve. Po i ngritin ndoshta me një arsye të caktuar, por ndoshta edhe të pacaktuar, por nuk është mirë të ngritën çmimet në stratosferë, sepse qytetarët dhe populli i Kosovës, nuk e kanë gjendjen ekonomike si shtetet e tjera, p.sh evropiane apo të rajonit. Këtu është problemi që duhet të shkojmë pak edhe të shohim se si është gjendja ekonomike, pagesat sa është paga në Kosovë dhe në bazë të saj të ngritën edhe çmimet… Thuajse në të gjitha produktet ka ngritje, nuk mundesh ta cekësh së këto apo ato janë të gjitha produktet, duke filluar nga produktet elementare për jetesë dhe këto që janë më luksoze… Qeveria duhet të punojë në drejtimin që qytetarëve të iu mundësojë gjendjen ekonomike dhe të punojnë, kur e sheh që një biznes i ngrit çmimet pa kritere të shkojnë dhe ta gjobitin. Nuk mundesh t’i veç pse e kam një biznes me e shit një produkt me një çmim sa ka dëshirë ai”, potencoi Berisha.

Edhe qytetari tjetër pensionist nga Prishtina, Hajriz Muharremi, pati pakënaqësitë e tij në lidhje me rritjen e çmimeve. Ai u shpreh se pensionin e shpenzon vetëm për barna, të cilat janë të nevojshme për shëndetin e tij. Ndërkaq, me rritjen e çmimeve, ati thekson se nuk po ia del ë ia dalin. Ndër të tjera, ai ka kritikuar edhe Qeverinë për mos mbështetje të mjaftueshme për pensionistëve.

“Kjo po shihet se janë rritur. Unë p.sh me 100 euro pension jam, tash kur të llogaritet me 100 euro, në të vërtetë me 80 euro, por unë kam punuar 45 vite dhe i marr vetëm 80 euro, e këto janë vetëm sociale. Qysh me ekzistua? Shiko, këto për barna i kam marrë, te gjitha këto i pi, mbi 12-të hapa në një ditë, e si të flasim për gjëra të tjera, kur ne nuk blejmë as pemë as asgjë, jetojmë vetëm për një kafshore bukë… Më së shumti është shtrenjtuar qumështi. Ne nuk blejmë ushqim luks, mirëpo edhe këto të cilat i përdorim ne janë shumë të shtrenjta, ne nuk po mund t’ia dalim. Për ata të cilët e kanë nga 2-3 mijë euro rrogën, nuk janë shtrenjtë. Kjo qeveri na ka mashtruar. Dëshironim ndryshim, edhe rinia e dëshironte ndryshimin, sepse u bë e tepërt, por kjo ka dal akoma më “pus”. Nuk kishte qenë asgjë kjo. Kurrë votën nuk ia jap më, për vete jo dhe as familja ime. Nuk ka treguar asgjë nga ajo se çfarë ka premtuar. Ka premtuar shumë, e ka “kall” qeverinë për të ardhur në pushtet, e tash nuk po punon”, tha Muharremi.

Kritikë të njëjtë për qeverinë pati edhe qytetari Osman Hyseni. Sa i përket ngritjes së çmimeve, ai tha se nuk po munden me ia dalë.

“Këta ato të cilat ju pëlqejnë, disa i zvogëlojnë disa i rritin disa të tjera si të dëshirojnë vet. Keq është, nuk është mirë. Një pastrim kimik e kemi dhe nuk kemi shtrenjtuar asgjë. Qysh i kemi pasur çmimet ashtu i kemi lënë. Për ne janë të përballueshme por për dikë jo. Ne i kemi kushtet pak më të mira mundësi më të mirë, kemi punë e gjëra, po për dikë keq është. Çmimet po e sheh se çka janë, njerëzit i kanë nga 100 euro, kanë ndihma, për ata është shumë zor. Për atë që punon, ai normal që ka diçka më shumë e më mirë. Veç, njëherë për njëherë shpresojmë të bëhet mirë. Edhe Kurti mirë ka nisur, por disi nuk e di, po punon veç vetëm aty nuk po më pëlqen. Unë e kam votuar por po punon vet, dijeninë veç vet, e vet nuk ka, duhet së bashku me qenë, ta pyes edhe dikë tjetër që din”, u shpreh Hyseni.

Ndërkaq, norma vjetore e inflacionit e matur në muajin janar 2023 me muajin janar 2022 ishte 12.1 për qind. Ky shtrenjtim ka ndodhur kryesisht për produktet: vajra dhe yndyra 26.0%; bukë dhe drithëra 21.2%, mallra dhe shërbime për mirëmbajtjen e zakonshme të ekonomisë shtëpiake 20.5%, mish 18.9%, sheqer dhe ëmbëlsira 18.9% dhe prodhime ushqimore 16.5%. 

Related Topics:
Continue Reading

Lajmet

Konfiskohen nëntë armë në formë stilolapsi, arrestohet i dyshuari

Published

31 minutes ago

on

July 30, 2025

By

Një person është arrestuar pasi të njëjtit i janë gjetur nëntë armë në formë stilolapsi dhe katër fishek.

Policia në Pejë njoftoi se pas informacionit për një përleshje fizike në fshatin Carrabreg-Deçan njësitet policore kanë dalë në vendin e ngjarjes ku edhe i janë gjetur dhe i janë konfiskuar armë të dyshuarit.

“Nё koordinim me prokurorin e Shtetit, ёshtё kryer kontroll/bastisje ne shtёpinё e personit tё dyshuar mirёpo nuk ёshtё gjetur diçka e kundёrligjshme.I dyshuari ёshtё arrestuar dhe pas intervistimit nga hetuesit, me urdhёr tё prokurorit tё Shtetit, ёshtё dёrguar nё mbajtje pёr 48- orё“, thuhet në njoftim.

Continue Reading

Aktualitet

Ambasadori francez: Manipulimi i informacionit po bëhet sistematik

Published

2 hours ago

on

July 30, 2025

By

Politizimi i dërgimit të njësiteve të kërkim-shpëtimit të FSK-së në Liqenin e Ujmanit për të ndihmuar në gjetjen e një personi të zhdukur ka nxitur reagime të forta nga ambasadorët ndërkombëtar.

Ambasadori francez, Olivier Guerot, dënoi ashpër veprimin e qeverisë në detyrë. Ai shtoi se Franca do t’i ofrojë mbështetjen e nevojshme misionit paqëruajtes në Kosovës “në një kontekst ku dezinformimi dhe manipulimi i informacionit po bëhen sistematike.”

Geurot shprehu gjithashtu respekt për mediat “që kanë raportuar saktë për rolin e KFOR-it në përpjekjet për gjetjen e trupit të personit të zhdukur nga Liqeni i Gazivodës.”

“Franca e mbështet plotësisht KFOR-in dhe Komandantin e tij. Që nga krijimi i tij, KFOR-i ka luajtur dhe vazhdon të luajë një rol të pazëvendësueshëm në sigurimin e sigurisë për të gjithë. Ai meriton respektin dhe mirënjohjen e të gjithë aktorëve në rajon. Franca do të vazhdojë t’i ofrojë atij gjithë mbështetjen e nevojshme në një kontekst ku dezinformimi dhe manipulimi i informacionit po bëhen sistematike. Po ashtu, i bëj nder mediave që kanë raportuar saktë për rolin e KFOR-it në përpjekjet për gjetjen e trupit të personit të zhdukur nga Liqeni i Gazivodës.” – tha Geurot.

Continue Reading

Aktualitet

Oda Ekonomike: Tregu i papërgatitur për liberalizim, s’kemi marrë as faturat nga KEK-u

Published

2 hours ago

on

July 30, 2025

By

Kryetari i Odës Ekonomike të Kosovës, Lulzim Rafuna, ka bërë thirrje sërish që të pezullohet deri më 1 shkurt të vitit të ardhshëm vendimi i Zyrës së Rregullatorit të Energjisë për daljen e bizneseve në treg të hapur të energjisë.

Rafuna thotë se ka shumë pasiguri te bizneset dhe se nuk janë kundër daljes në treg të lirë të energjisë, por thotë se tregu nuk është i përgatitur ende për këtë.  Ai ka shtuar se bizneset ende nuk i kanë marrë faturat për dy muaj sa janë furnizuar nga furnizuesi i fundit KEK-u.

“Asnjë biznes ende s’ka pranuar faturën e KEK-ut. Na është thënë se KEDS-i i lëshon pasi i shikon orët. KEDS ende nuk i ka lëshuar. Është gjuajtje ZRRE me KEDS derisa gjejnë rrugën, mënyrën e kalkulimit. Ka lloj-lloj kalkulimi. Është çmimi i rrymës që blihet, transmisionit, marzhës, shpenzime administrative etj. Kjo është ajo që kemi thënë nga fillimi. Duhet të përgatitet tregu. Nuk është përgatitur as në kuptim të furnizuesve”, ka thënë Rafuna.

Ai ka potencuar se shumë biznese janë detyruar të lidhin kontrata, pasi ZRRE-ja ka njoftuar se nga 1 gushti bizneset që plotësojnë kushtet për të kaluar në treg të hapur e që s’kanë lidhur marrëveshje do të shkëputen nga rrjeti energjetik.

Rafuna ka thënë se është shqetësuese pasi po goditet prodhimi dhe se për të shtyrë vendimin deri më 1 shkurt, ZRRE-ja ka thënë se duhet subvencionuar 50 milionë euro.

Kreu i Odës Ekonomike ka treguar se në takim që kishin pasur me kryeministrin në detyrë Albin Kurti, para 1 qershorit, ai u kishte thënë biznese se është me to. Ai ka treguar se bizneset kishin dëshmuar se si dëmtohen dhe se ka monopol.

 

Continue Reading

Aktualitet

Dita Botërore kundër Trafikimit të Personave

Published

2 hours ago

on

July 30, 2025

By

E miratuar nga Asambleja e Përgjithshme e Kombeve të Bashkuara në vitin 2013 me anë të rezolutës A/RES/ 68/192, 30 korriku u caktua si Dita Botërore kundër Trafikimit të Qenieve Njerëzore.

Në rezolutë thuhet se një ditë e tillë ishte e nevojshme për të rritur ndërgjegjësimin mbi gjendjen e viktimave të trafikimit njerëzor dhe për promovimin, mbrojtjen e të drejtave të tyre.

Simboli i kësaj dite është ”Zemra blu”, e cila përfaqëson trishtimin e atyre që trafikohen duke na kujtuar zemrën e ftohtë të atyre që blejnë dhe shesin qeniet njerëzore.

Trafikimi i personave është një krim i rëndë dhe një shkelje e rëndë e të drejtave të njeriut. Çdo vit, mijëra burra, gra dhe fëmijë bien në duart e trafikantëve, në vendet e tyre dhe jashtë vendit. Pothuajse çdo vend në botë është i prekur nga trafikimi, qoftë si një vend i origjinës, tranzit apo destinacion për viktimat.

UNODC, si kujdestar i Konventës së Kombeve të Bashkuara kundër krimit të organizuar transnacional (UNTOC) dhe protokolleve të tij, ndihmon shtetet në përpjekjet e tyre për të zbatuar Protokollin për Parandalimin, Frenimin dhe Ndëshkimin e Trafikimit të Personave (Protokolli i Trafikimit të Personave).

Protokolli për parandalimin, shtypjen dhe ndëshkimin e trafikimit të personave përcakton trafikimin e personave si rekrutimin, transportin, transferimin, strehimin ose pranimin e personave, me anë të kërcënimit ose përdorimit të forcës ose formave të tjera të shtrëngimit, rrëmbimit, mashtrimit, abuzimit të pushtetit ose i një pozicioni të cenueshmërisë ose i dhënies ose marrjes së pagesave ose përfitimeve për të arritur pëlqimin e një personi që ka kontroll mbi një person tjetër, me qëllim të shfrytëzimit.

Continue Reading

Të kërkuara