Për nder të 25-vjetorit të çlirimit të Kosovës, do të bëhet parakalimi i njësive të Forcës së Sigurisë së Kosovës dhe të Policisë së Kosovës.

Parakalimi pritet të fillojë në orën 12:00 ku edhe do të ekspozohen sisteme të ndryshme të armatimit.

“Nisja bëhet me fillim në ora 12:00, nga objekti i Qeverisë deri te Sheshi “Zahir Pajaziti”, thuhet në njoftim.

Ndryshe, 25 vjet më parë, më 12 qershor 1999, trupat paqeruajtëse të NATO-s hynë në Kosovë pas një fushate ajrore 78-ditëshe kundër caqeve ushtarake e policore serbe.

Presidenti amerikan Joe Biden ka deklaruar se do të respektojë verdiktin e gjykatës që shpalli fajtor djalin e tij, Hunter Biden, për tri akuza. Juria e gjykatës vendosi se Hunter Biden bëri deklarata të rreme lidhur me përdorimin e drogës kur bleu një armë zjarri në vitin 2018. Akuzat mund të çojnë në disa vite burg për të.

Presidenti Biden, në një deklaratë publike, tha: “Unë jam presidenti, por jam edhe një baba. Jill dhe unë e duam djalin tonë dhe jemi krenarë për burrin që ai është sot. Unë do e respektoj verdiktin në këtë rast dhe do vazhdoj të respektoj sistemin gjyqësor, ndërkohë që Hunter po mendon ta apelojë atë.” Ai gjithashtu përjashtoi mundësinë e amnistisë për djalin e tij.

Hunter Biden e quajti verdiktin “zhgënjyes” në një deklaratë për shtyp, por falënderoi familjen e tij për mbështetjen. Presidenti Biden udhëtoi drejt Delaware për t’u takuar personalisht me të.

Ky vendim vjen pak më pak se dy javë pas shpalljes fajtor të ish-presidentit Donald Trump, kandidati i prezumuar i republikanëve për zgjedhjet presidenciale të 5 nëntorit. Zëdhënësja e fushatës së Trump, Karoline Leavitt, e quajti gjyqin kundër Hunter Biden “një heqje vëmendjeje nga krimet reale të familjes kriminale Biden”. /UBTNews/

Hamasi ka pranuar planin e armëpushimit të propozuar nga Shtetet e Bashkuara për luftën në Rripin e Gazës, por ka paraqitur disa kërkesa shtesë. Këto kërkesa përfshijnë përfundimin e përhershëm të armiqësive, tërheqjen e forcave izraelite, rindërtimin e Gazës dhe lirimin e të burgosurve palestinezë nga Izraeli.

Egjipti dhe Katari, që janë ndërmjetësit e këtij plani, kanë pranuar përgjigjen e Hamasit, por nuk kanë zbuluar detajet e përmbajtjes së saj. Një zyrtar i lartë i Hamasit e ka cilësuar përgjigjen e grupit si “përgjegjëse, serioze dhe pozitive”, duke theksuar se është një hap drejt një marrëveshjeje.

Izraeli, nga ana e tij, ka pranuar propozimin e SHBA-së, sipas deklaratave amerikane, megjithatë nuk ka bërë një deklaratë publike mbi këtë çështje. Izraeli ka vazhduar sulmet në Gaza, ndërsa kryeministri Benjamin Netanjahu ka thënë se Izraeli nuk do të ndalet para se të eliminojë Hamasin.

Ndërkohë, një zyrtar izraelit ka deklaruar se Hamasi ka refuzuar propozimin për lirimin e pengjeve të paraqitur nga Presidenti Biden. Këshilli i Sigurimit i OKB-së ka votuar në favor të një rezolute të SHBA që mbështet armëpushimin dhe lirimin gradual të pengjeve izraelite në Gaza në këmbim të palestinezëve të burgosur në Izrael, duke synuar përfundimin e luftës./UBTNews/

Ish-presidenti i ShBA-së, Bill Clinton i cili pati rolin kyç në ndërhyrjen e NATO-së për të ndalë gjenocidin në Kosovë, ka kujtuar 25-vjetorin e çlirimit të vendit tonë.

Clinton ka publikuar një video në platformën “X” në të cilën flet për ndërhyrjen e NATO-së, ndërsa ka kujtuar 25 vjet paqe në Kosovë.

“Sot po falënderoj për 25 vjet paqe në Kosovë”, ka shkruar Clinton.

Këtë postim e ka shpërndarë edhe presidentja Vjosa Osmani.

“…dhe Republika e Kosovës ju falënderon, zoti President, që e keni bërë të mundur këtë paqe”, ka shkruar Osmani.