

Lajmet
Rreth 20 mijë operacione më pak në vitin 2021, kërkohet shkarkimi i bordit të ShSKUK-së
Deputeti i Partisë Demokratike të Kosovës, Bekim Haxhiu ka thënë se janë të shqetësuar me situatën aktuale në ShSKUK.
Published
3 years agoon
By
Betim GashiNë Komisionin Parlamentar për Shëndetësi janë shprehur shqetësime rreth listave të pritjes në kuadër të shërbimit Spitalor Klinik Universitar dhe janë adresuar kritika rreth bordit të këtij institucioni, për çka disa deputetë kanë kërkuar edhe shkarkimin e kryesueses së bordit të ShSKUK-së. Deputeti Bekim Haxhiu ka thënë se në vitin 2021 janë realizuar rreth 20 mijë operacione më pak në institucionet publike të shëndetësisë në vend.
Deputetët e Komisionit për Shëndetësi kishin mbajtur një takim me Bordin dhe drejtorin e ShSKUK-së, takim të cilin kanë deklaruar se nuk ka përfunduar në mënyrë të rregullt meqë sipas tyre kryesuesja e bordit, Agreta Gecaj- Gashi kishte fyer deputetët dhe e kishte lëshuar takimin.
Deputeti i Partisë Demokratike të Kosovës, Bekim Haxhiu ka thënë se janë të shqetësuar me situatën aktuale në ShSKUK.
“20 mijë operacione më pak janë në ShSKUK në vitin 2021, pra 20 mijë operacione janë më pak në sektorin publik dhe janë 20 mijë operacione më shumë në sektorin privat dhe kjo ka kosto miliona euro, dikush ka përfituar, prandaj ka përpjekje me i ikë llogaridhënies dhe nuk ka përgjegjësi kur lista e pritjes në procedurë diagnostifikuese nga zero sa ishte deri në një javë është bërë në gjashtë muaj deri në një vit, ne kërkuam edhe për këto llogari dhe nuk morëm. Mund ta mbajë atë bord Ministria, por bazuar në atë llogaridhënie që pamë, ose në atë paaftësi me u përgjigj në pyetje të deputetëve, ne kërkuam sa është numri i përgjithshëm i referimeve gjatë vitit 2021 nga sektori publik në sektorin privat, tha: ‘nuk kemi’, sa miliona euro kanë përfunduar në sektorin privat, ‘nuk kemi’. Bazuar në këto besoj që duhet t’i rekomandojmë ministrit të Shëndetësisë që të shkarkojë bordin sepse është bord i paaftë”, ka thënë Haxhiu.
Lidhur me takimin me Bordin e ShSKUK-së, kryetarja e komisionit, Fatmire Kollçaku ka deklaruar që edhe pse mediat nuk ishin në atë takim, dikush ka incizuar disa pjesë dhe i ka shpërndarë ato për çka ajo e ka konsideruar në kundërshtim me ligjin.
“Ka ndodhur një akt i dënueshëm sepse është bërë incizimi i takimit i paautorizuar, aty nuk ka pasur përfaqësues të mediave dhe nuk është paralajmëruar që do të bëhet incizimi i bisedave, ka qenë një bisedë, një raportim në fakt i Bordit dhe drejtorit të shërbimit spitalor klinik universitar dhe kanë rrjedh incizimet në media. Unë besoj që edhe me ligjet në fuqi kjo është e dënueshme”, ka thënë Kollçaku.
Kritika për kryesuesen e Bordit të ShSKUK-së ka pasur edhe deputeti i Lidhjes Demokratike të Kosovës, Armend Zemaj.
“Skandali më i madh i saj dhe që e ka humbur fokusin e punës është se kryetarja e Bordit kohët e fundit ose ka muaj që është kryesuese e komisionit përzgjedhës për drejtor të klinikave, një person i emëruar nga Qeveria e Republikës së Kosovës, edhe kjo është në kundërshtim me krejt normat ligjore që janë dhe këtu dikush duhet të vihet para përgjegjësisë… Informacionet që kemi, edhe mediat, edhe shërbimet atje, kanë parë keqpërdorime, kanë parë duke dhënë testime, duke shpërndarë letra të ndryshme edhe që kanë lënë shije të keqe edhe tek vet kolegët aty që janë mjekë profesionistë dhe që kanë garuar për drejtor të klinikave. Shkoni sot në emergjencë dhe e keni kaos, ata kanë krijuar kaos për shkak të papërgjegjësisë të saj dhe të këtij ekipi. Askush nuk po jep përgjegjësi, ju e dini çka ka ndodhur me metalet nëpër barna, askush nuk ka dhënë përgjegjësi deri sot, ju e dini çka ka ndodh në ndërrimin e kufomave, askush nuk ka dhënë përgjegjësi deri sot”, ka thënë Zemaj.
Edhe deputeti Mirsad Shkreta ka thënë se Ministria e Shëndetësisë duhet të ndërmarrë masa ndaj Bordit të ShSKUK-së.
“Kryetarja e Bordit na është drejtuar me fyerje, deputetëve, zotëri Haxhiut, mua, ‘unë juve nuk ju përfill, nuk ju njoh kush jeni’. Mbi vazhdën e kësaj konstatoj që persona të tillë, të cilët mund të kenë dhe kanë dëshmi që keqpërdorin pozitën zyrtare duhet të trajtohen komfort ligjit, andaj unë personalisht besoj që të gjithë deputetët janë të mendimit, kërkojmë nga organet kompetente, ministria e shëndetësisë, konform ligjit të merr masa, masa të cilat janë obligim edhe ligjor por njëkohësisht janë edhe mandat i yni për të cilin ne jemi zotuar para qytetarëve”, ka thënë ai.
Ndërsa deputeti i Aleancës për Ardhmërinë e Kosovës, Shemsedin Dreshaj ka thënë se është brengosëse lista e pritjes deri në tetë muaj për procedura diagonostike.
“Shumë herë është proklamuar shëndetësia prioritet por edhe këtë herë po shihet që nuk është prioritet shëndetësia, nuk është prioritet për shkak se që sa kohë u bë tërë vitin e kaluar kemi pasur të njëjtat debate dhe prap jemi në të njëjtat, më të thelluara dhe situatën shumë më të rëndë sot sesa që e kemi pasur në fund të vitit të kaluar kur listat e pritjes kanë qenë zero e sot janë me tetë muaj, cila ishte arsyeja nuk patëm ndonjë valë të re, brengosëse është që për një interval kohor prej gjashtë muajsh të bëhet rendi gjashtë, shtatë apo tetë muaj të presin pacientët për procedura diagnostike dhe jo për intervenime apo operacione të ftohta”, ka thënë Dreshaj.
Komisioni për Shëndetësi ka miratuar Projektligjin për ndryshimin dhe plotësimin e ligjit për shëndetësi dhe atë për ndryshimin dhe plotësimin e Ligjit për sigurimin shëndetësor.
Lidhur me këtë të fundit, është thënë se bëhet fjalë për harmonizim me Ligjin për kundërvajtje.
Aktualitet
Regjistrohu tani në Gjuha Angleze në UBT dhe përfito bursë 20%
Published
21 minutes agoon
August 29, 2025By
Driton Iseni
UBT njofton se kanë mbetur edhe pak vende të lira për regjistrim në programin Bachelor Gjuha Angleze, një drejtim studimor që hap mundësi të shumta karriere në arsim, përkthim, diplomaci, media dhe organizata ndërkombëtare.
Përmes këtij programi, studentët përgatiten jo vetëm në aspektin gjuhësor dhe kulturor, por edhe në atë profesional, duke u bërë të aftë të kontribuojnë në tregun vendor dhe global.
UBT ofron bursë prej 20% për të gjithë ata që regjistrohen në këtë program, duke i dhënë mundësinë studentëve të sigurojnë arsimim cilësor dhe të përballueshëm financiarisht.
Studentët e interesuar mund të aplikojnë online përmes platformës: APLIKO TANI ONLINE!
Aktualitet
Në zyrën e Ivica Daçiqit mbërrin një zarf me tre plumba
Published
1 hour agoon
August 29, 2025By
UBT News
Në Qeverinë e Serbisë ka mbërritur një zarf i adresuar për ministrin e Brendshëm, Ivica Daçiq, brenda të cilit janë gjetur tre plumba, njoftoi më 29 gusht Ministria e Punëve të Brendshme (MUP).
Sipas njoftimit, zarfi është vërejtur të enjten gjatë procesit të rregullt të ndarjes së postës.
“Gjatë kontrollit të sigurisë me pajisje me rreze X, në zarf u gjetën tre plumba”, thuhet në komunikatën e MUP-it.
Autoritetet shtuan se policia ka identifikuar dhe gjetur personin që më 26 gusht kishte dorëzuar dërgesën në një degë të Postës së Serbisë në Pozharevc.
Nuk është bërë i ditur identiteti i të dyshuarit.
Aktualitet
U përurua çerdhja e re për 60 fëmijë në Fushë Kosovë
Published
1 hour agoon
August 29, 2025By
UBT News
Në Fushë Kosovë u përurua një çerdhe e fëmijëve në Fushë Kosovë, investim ky i Ministrisë së Arsimit , në vlerë prej rreth 415 mijë euro.
Kjo çerdhe për 60 fëmijë me një hapësirë prej 750 m² u tha është e pajisur me të gjitha mjetet e nevojshme për kujdesin dhe zhvillimin e fëmijëve tanë të gjithë hapësirat në këtë çerdhe të re.
Kryeministri në detyrë, Albin Kurti, tha se vetëm gjatë këtij mandati qeverisës në komunën e Fushë Kosovës, në fushën e arsimit janë bërë investime kapitale me vlerë prej 5.6 milionë euro, duke shtuar se treguan kështu përkushtimin për gjeneratat e reja, të cilat duhet të kenë arsim cilësor dhe mirëqenie të garantuar.
“Të investosh në çerdhe për fëmijë dhe edukim të hershëm, do të thotë të investosh në të ardhmen e shtetit. Pikërisht në vitet e para të jetës aty ku hidhen themelet për zhvillimin, lumturinë dhe suksesin e fëmijëve të Kosovës, nesër profesionistë e kuadro, që do të udhëheqin institucionet, ekonominë, shoqërinë, politikën e kështu me radhë”, tha Kurti.
Në përurim mori pjesë edhe ministrja në detyrë e Arsimit, Arbërie Nagavci.
Kurti njoftoi se për ndërtimin edhe të një çerdhe tjetër publike, me vlerë mbi 1.2 milionë euro, po në Fushë Kosovë.
Pas përurimit të Çerdhes së fëmijëvë, kryeministri në detyrë Kurti vizitën e tij e vazhdoi me vënien e gurthemelit të Shkollës Fillore dhe të Mesme të Ulët, po ashtu në Fushë Kosovë, investim i Ministrisë së Arsimit, me një sipërfaqe prej 8,000 metra katror, për 1500 nxënës, me vlerë të investimit prej 3.8 milionë euro.
Aktualitet
Kurti për akuzat ndaj UÇK-së: Manipulohet një kapitull për të cilin Basha s’ka faj
Published
1 hour agoon
August 29, 2025By
UBT News
Kryeministri në detyrë, Albin Kurti, foli lidhur me zhurmën publike rreth artikullit ku bashkautor është kryetari i zgjedhur i Kuvendit të Kosovës, Dimal Basha kundër UÇK-së.
Ai kritikoi qeveritë e kaluara, duke thënë se janë vendimet e atyre qeverive i kanë shkaktuar probleme Kosovës dhe se të tilla s’po i shkakton artikulli me bashkautor Bashën.
“Unë besoj që problemet që i kemi sot në Kosovë nuk i kemi nga një deformim e keqinterpretim i një artikulli me bashkautorësi ku ky nuk është autor i atij kapitulli të para më shumë se një dekade. Problemet i kemi kur është nënshkruar ‘Zajednica’ në 2013-tën, problemet i kemi kur janë amnistuar kriminelët serbë në veri, po astu në 2013-tën, problemet i kemi kur është votuar Gjykata Speciale në 2015-n, problemet i kemi kur është themeluar Lista Serbe në bashkëpunim me Beogradin në vitin 2013, problemet i kemi politikanët e Kosovës kanë bërë qeveri duke u varur nga Lista Serbe, problemet i kemi kur kanë hyrë në pazare për ndarje të Kosovës – jo te ky farë artikulli ku manipulohet një kre, në të cilin ky s’ka fare autorësi”, tha Kurti .
Kryeministri në detyrë tha se buja që bëri ky shkrim është keqinterpretim dhe deformim.
“Dimal Basha e ka dhënë sqarimin për atë publikim që është bërë para më shumë se një dekade. Ai ka thënë se kapitulli që e ka shkruar nuk ka të bëjë me UÇK-në. Edhe në fjalimin e tij pas zgjedhjes si kryetar Kuvendi, ai shprehu vlerësimet më të larta për këtë vlerë të kombit shqiptar”, tha Kurti.
Kryeministri në detyrë këto deklarata i bëri në komunikim me gazetarë në Fushë Kosovë, ku mori pjesë në përurimin e një Çerdheje për fëmijë.

Regjistrohu tani në Gjuha Angleze në UBT dhe përfito bursë 20%

Në zyrën e Ivica Daçiqit mbërrin një zarf me tre plumba

U përurua çerdhja e re për 60 fëmijë në Fushë Kosovë

Kurti për akuzat ndaj UÇK-së: Manipulohet një kapitull për të cilin Basha s’ka faj

Supremja hodhi poshtë ankesën e VV-së kundër vendimit të PZAP-së për Listën Serbe

Presidentja Osmani kërkon zgjidhje urgjente për konstituimin e Kuvendit

FSK-ja realizon ushtrimin fushor “Ujku shigjetë” pesë ditë

Hoti: Janë gjetur mbetjet mortore të nëntë personave të zhdukur, pesë lokacione pritën të hapen

Një vdekje e dyshimtë në Skenderaj
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA