Sport

Ronaldo: Ja kush duhet ta fitoj Championsin e kush Topin e Artë

Ronaldo ka thënë se e sheh Real Madridin si skuadër favorite për ta fituar Ligën e Kampionëve.

Published

4 years ago

April 12, 2022

Betim Gashi

Ish-ylli i Interit dhe Real Madrdit Ronaldo është ndalur të flas në lidhje me garën për më të mirin e Ligës së Kampionëve në këtë sezon si dhe për lojtarin që ai mendon se duhet ta fitojë Topin e Artë për vitin 2022.

Ronaldo ka thënë se e sheh Real Madridin si skuadër favorite për ta fituar Ligën e Kampionëve.

“Për Champions League, Real Madridi është favorit. Ata nuk janë në një moment të mirë, por janë në sinkron me këtë kompeticion dhe Ancelotti është një nga trajnerët më të mirë në botë”, tha Ronaldo.

Kurse sa i përket çmimit “Topi i Artë”, Ronaldo u shpreh i bindur se atë e meriton Karim Benzema dhe se këtë e ka thënë edhe më parë.

“Karim Benzema e meriton Topin e Artë. E kam thënë për shumë vite dhe jam kritikuar për këtë, por ai e meriton”, ka thënë Benzema.

Tutje Ronaldo zbuloi edhe arsyen pse u largua nga Barcelona për të kaluar te Interi.

“Kisha arritur një marrëveshje për të vazhduar me Barcelonën, por pas katër ditësh, presidenti më thirri për të më thënë se ishte e pamundur të vazhdohej”, zbuloi ai.

“Unë thashë se isha i lirë të negocioja me klube të tjera dhe Interi shpejtoi të paguante klauzolën time të lirimit. Serie A ishte liga më e mirë në botë”, bëri të ditur braziliani.

Ronaldo gjithashtu veshi fanellën e Milanit në fund të karrierës së tij si lojtar, duke shënuar nëntë gola në 20 paraqitje me kuqezinjtë.

Sport

Briken Calja shkëlqen në Taranto, shpallet kampion dhe thyen rekorde

Published

10 minutes ago

September 1, 2026

UBTNews

Reprezentuesi i Shqipërisë, Briken Calja, është shpallur kampion i Lojërave Mesdhetare “Taranto 2026”, pas një paraqitjeje të jashtëzakonshme në peshëngritje.

Sportisti i Team Albania dominoi garën në kategorinë deri në 75 kilogramë, duke treguar formë të shkëlqyer.

Në stilin e shkëputjes, Calja realizoi tri prova të suksesshme, duke ngritur 147, 152 dhe 154 kilogramë. Me rezultatin maksimal prej 154 kilogramësh, ai fitoi medaljen e artë dhe njëkohësisht vendosi tri rekorde mesdhetare.

Edhe në stilin e shtytjes, Calja vazhdoi me paraqitje mbresëlënëse. Ai ngriti 184 kilogramë, duke vendosur rekordin mesdhetar në këtë stil dhe duke fituar medaljen e bronztë.

Kjo është një tjetër paraqitje e madhe e peshëngritësit shqiptar, i cili i ka dhuruar Shqipërisë një medalje të artë në “Taranto 2026”.

Me suksesin e Caljas, Shqipëria numëron tashmë gjashtë medalje në këto Lojëra: dy të arta, një të argjendtë dhe tri të bronzta.

D.L

Lajmet

Islam Selmani i artë, medalja e 7-të për Kosovën

Published

1 hour ago

September 1, 2026

UBTNews

Islam Selmani ka shkëlqyer në Lojërat Mesdhetare “Taranto 2026”, duke fituar medaljen e artë dhe duke i sjellë Kosovës medaljen e shtatë në këto Lojëra.

Karateisti kosovar triumfoi në finale dhe u shpall kampion, duke shkruar një faqe të rëndësishme për karatenë e Kosovës.

Kjo është medalja e parë e artë për Kosovën në karate në “Taranto 2026” dhe medalja e shtatë e delegacionit kosovar.

Një paraqitje fantastike e Islam Selmanit, i cili tashmë është kampion i Lojërave Mesdhetare.

D.L

Sport

Briken Calja i artë në “Taranto 2026”, Shqipëria fiton medaljen e dytë të artë

Published

3 hours ago

September 1, 2026

UBTNews

Briken Calja i ka sjellë Shqipërisë medalje të artë në Lojërat Mesdhetare “Taranto 2026”.

Peshëngritësi shqiptar garoi të martën paradite në kategorinë deri në 75 kilogramë, duke shkëlqyer në stilin e shkëputjes.

Calja fitoi medaljen e artë në shkëputje, pasi ngriti me sukses peshën maksimale prej 154 kilogramësh.

Në stilin e shtytjes, shqiptari u rendit i treti, duke fituar medaljen e bronztë me një peshë maksimale prej 184 kilogramësh.

Me këtë sukses, Calja ka kontribuar në një paraqitje të mirë të Shqipërisë në “Taranto 2026”, ku deri tani ka fituar dy medalje të arta, një të argjendtë dhe dy të bronzta.

Foto: euronews

D.L

Sport

Sigurohet medalja e shtatë për Kosovën, Islam Selmani në finale

Published

3 hours ago

September 1, 2026

UBTNews

Islam Selmani ka siguruar medaljen e shtatë për Kosovën në Lojërat Mesdhetare “Taranto 2026”, duke shkruar njëkohësisht histori për karatenë kosovare.

Karateisti ynë ka triumfuar në gjysmëfinale dhe është kualifikuar në finale, duke i siguruar Kosovës medaljen e parë në karate në këto Lojëra Mesdhetare.

Selmani tani do të luftojë për medaljen e artë, me synimin për ta kurorëzuar paraqitjen e tij me titullin e kampionit.

D.L