Sport

​Roberto: Messi nuk po trajtohet mirë në PSG

Shtatë herë fituesi i Topit të Artë u largua nga Katalunja për në kryeqytetin francez në vitin 2021.

Published

2 years ago

on

Sergi Roberto shpreson se Barcelona mund të arrijë një marrëveshje që do ta kthejë Lionel Messin në “Camp Nou”, me argjentinasin që po trajtohet në mënyrë të padrejtë në PSG.

Shtatë herë fituesi i Topit të Artë u largua nga Katalunja për në kryeqytetin francez në vitin 2021 dhe po i afrohet fundit të sezonit të tij të dytë në Parc des Princes. Messi e ka fituar Kupën e Botës brenda kësaj periudhe, por jo gjithmonë i ka përmbushur pritshmëritë e klubit dhe u fishkëllyer nga tribunat gjatë humbjes 2-0 së Paris Saint-Germain në shtëpi ndaj Rennes të dielën. Ai shkoi drejt e në tunel pas asaj ndeshjeje, me shpresën që tani do të largohet nga PSG si agjent i lirë kur t’i skadojë kontrata në verë.

Sergi Roberto është i etur për t’u ribashkuar me ish-shokun e tij të skuadrës, duke treguar se si do ta priste Barca një djalë fantastik si argjentinasi.

“Me krahë hapur, kush nuk do të përgatitet për rikthimin e Messit? Në fund, nuk duam të flasim shumë sepse ai, presidenti, trajneri apo kushdo tjetër duhet të vendosë, por nëse është për shkak të lojtarëve, ne jemi duke e pritur atë tani”, tha ai.

Ai më pas foli edhe për mënyrën se si Messi nuk po trajtohet në mënyrën e duhur te klubi francez.

“Ju nuk e kuptoni që ai po kalon një sezon të mirë në Paris, duke shënuar shumë gola, duke asistime. Për shkak të eliminimit në Ligën e Kampionëve, ata janë marrë me të, por ai është një lojtar spektakolar dhe është keq që një lojtar i këtij niveli trajtohet në këtë mënyrë. Këtu do ta trajtojmë shumë mirë nëse ai vjen”, shtoi ai.

Në shumë raste Messi është lidhur me një rikthim te Barcelona duke pasur edhe bekimin e trajneri Xavi Hernandez.

Related Topics:
Continue Reading

Lajmet

Kosova ballafaqohet sot me Spanjën për Euro U21

Published

18 hours ago

on

September 9, 2025

By

Përfaqësuesja e Kosovës U21 do të zbresë sot në fushë për ndeshjen e dytë kualifikuese të Kampionatit Evropian 2027.

Dardanët e rinj do të kenë përballë një kundërshtar të madh, Spanjën U21, në një sfidë që nis nga ora 19:00 në stadiumin “Fadil Vokrri” në Prishtinë.

Kosova U21 vjen në këtë takim pas një barazimi në ndeshjen e parë dhe aktualisht ka një pikë në Grupin A, ku renditet në mesin e gjashtë përfaqësueseve. Nga ana tjetër, Spanja ka arritur fitoren në ndeshjen hapëse dhe me tri pikë mban pozitën e dytë në grup.

Përveç Kosovës dhe Spanjës, në Grupin A bëjnë pjesë edhe Finlanda, Rumania, San Marino dhe Qipro, gjë që e bën garën për kualifikim të fortë dhe të pasigurt deri në fund.

Dardanët U21 shpresojnë të marrin mbështetje të madhe nga tifozët në “Fadil Vokrri”, në përpjekje për të befasuar një prej skuadrave më të fuqishme të futbollit evropian të kësaj moshe. Dardanët kanë mbajtur stërvitjen e fundit në Kampin Nacional në Hajvali/S.K/KP/FFK/

Continue Reading

Lajmet

Kosova mposht Suedinë në stadiumin “Fadil Vokrri”

Published

18 hours ago

on

September 9, 2025

By

Kombëtarja e Kosovës ka arritur një fitore të madhe mbrëmë në stadiumin “Fadil Vokrri” në Prishtinë duke mposhtur Suedinë me rezultat 2-0.

Dardanët zhvilluan një ndeshje të shkëlqyer dhe falë golave të Elvis Rexhbecajt dhe Vedat Muriqit siguruan fitoren e parë në kuadër të grupit B në kualifikimet për Kampionatin Botëror 2026.

Me këtë sukses, Kosova regjistron tri pikët e para në grup dhe rikthehet fuqishëm në garë pas humbjes në ndeshjen e parë. Dardanët do të rikthehen në fushë në muajin nëntor, kur do të zhvillojnë duelet e radhës në këtë cikël kualifikues./S.K/KP/ FFK/

Continue Reading

Lajmet

Santos nuk është më trajner i Azerbajxhanit

Published

1 day ago

on

September 8, 2025

By

Azerbajxhani ka ndërprerë kontratën e trajnerit të ekipit kombëtar Fernando Santos me pëlqim të ndërsjellë, tha të hënën federata e futbollit të vendit (AFFA), disa ditë pas humbjes 5-0 ndaj Islandës në një ndeshje kualifikuese për Kupën e Botës ka shkruar Reuters.

Santos, i cili më parë e udhëhoqi Portugalinë drejt fitores në Kampionatin Evropian dhe Ligën e Kombeve, ka mbetur pa fitore në 11 ndeshje që kur mori drejtimin e Azerbajxhanit në qershor 2024, ndërsa pësoi nëntë humbje.

Azerbajxhani pësoi pesë gola brenda gjysmë ore loje, ndërsa u shkatërrua nga Islanda në ndeshjen e tyre të parë të Grupit D në kualifikueset e Kupës së Botës 2026 të premten.

Ayxan Abbasov, trajneri i ekipit U21 të vendit, do të jetë në krye kur Azerbajxhani të përballet me Ukrainën në ndeshjen e tyre të radhës kualifikuese për Kupën e Botës të martën, shtoi AFFA.

Mes kandidatëve për të zëvendësuar Santosin është edhe italiani Gianni De Biasi, i cili ka drejtuar më parë Azerbajxhanin nga korriku 2020 deri në nëntor 2023. Gjatë periudhës së tij, De Biasi grumbulloi 10 fitore, 8 barazime dhe 21 humbje në 39 ndeshje, me 34 gola të shënuar dhe 56 të pësuar./S.K/Reuters/

Continue Reading

Lajmet

​Kosova mëson kundërshtarët për parakualifikueset e Eurobasket 2029

Published

1 day ago

on

September 8, 2025

By

Në Raundin e Parë të Parakualifikimeve të FIBA EuroBasket 2029, Kosova ka mësuar kundërshtarët, ku dardanët do të ballafaqohen me Shqipërinë dhe Sllovakinë.

Dardanët janë shortuar në Grupin C dhe raundi i Parë të Parakualifikimeve të FIBA EuroBasket 2029 zhvillohet në kryeqytetin letonez, Riga.

Raundi do të luhet në tre dritare: nëntor 2025, shkurt 2026 dhe qershor-korrik 2026.

Kualifikimet do të jenë katër kombëtare, tre fitueset e grupeve si dhe vendi i dytë më i mirë./S.K/KP/

Continue Reading

Të kërkuara