Kulturë

​Rita Ora mes lotëve për rastin e 11-vjeçares: Është me rëndësi të dimë se si i rrisim fëmijët tanë

Ajo ka ftuar të gjithë që të marrin pjesë në koncertin që do të mbahet sonte në sheshin “Skëndërbeu” në Tiranë.

Published

3 years ago

on

Këngëtarja me famë botërore, Rita Ora e përlotur ka folur për rastin e dhunimit seksual të 11-vjeçares në Prishtinë.

Ajo ka thënë se është me rëndësi që fëmijët të mësohen të respektojnë gratë dhe t’i trajtojnë ato në mënyrë të barabartë.

Në konferencën për media para fillimit të koncertit në Tiranë, Rita Ora është shprehur tejet emocionale për rastin e të miturës, e cila dyshohet se u dhunua një javë më parë nga pesë persona.

“Dua të shfrytëzoj rastin për të folur sepse me të vërtetë është e rëndësishme. Më falni, jam e mërzitur sepse e di se çfarë ka ndodhur. Përvojë vërtet traumatike që ndodhi disa javë më parë. Dhe unë mendoj se është me të vërtetw e rëndësishme të dimë se si i rrisim fëmijët tanë dhe t’iu japim fëmijëve një shans të mësojnë se si të respektojnë gratë dhe të na trajtojnë vërtet në mënyrë të barabartë, dhe të kemi të drejtën të ndihemi rehat kur ecim rrugës. Dhe sinqerisht shpresoj shumë që prindërit dhe mendoj se veçoria e vendit tonë mund t’i ndihmojë me të vërtetë gratë. Edhe burrat duhet që të bashkohen vërtet dhe të mësojnë për të drejtat e ndërsjella, të barabarta dhe respektin”, ka thënë ajo mes lotëve.

Ajo ka ftuar të gjithë që të marrin pjesë në koncertin që do të mbahet sonte në sheshin “Skëndërbeu” në Tiranë.

“Dua të theksoj që të flasim për rininë, nuk është diçka që e marrim si të mirëqenë. Dhe dua të theksoj që unë si ambasadore nuk i marrë të mirëqena, por dua të theksoj rëndësinë që ato kanë për të ardhmen tonë kryesisht. Të gjithë talentet që kanë dalë vitet e fundit në fushën time, por jo vetëm, dhe të them që ëndrrat bëhen realitet”, ka shtuar ajo.

E kryetari i Tiranës, Erion Veliaj është shprehur i lumtur që këngëtarja me famë botërore do të performojë sonte para publikut shqiptar.


“Rita është princesha, mbretëresha jonë e pop-it, krenaria jonë. Ajo çfarë kam kuptuar është që e gjithë familja është pjesë e aktivizmit. Jo vetëm aktivizimit muzikor por edhe social. Jo vetëm aktivizim mes nesh shqiptarëve, por kudo. Vera ka qenë disa herë me ne, edhe në javët e aktivizmit për të drejtat e grave, në shumë çështje të shëndetit mendor. Edhe për Besnikun kush ka jetuar në Londër e ka kuptuar që ka një defacto një ambasadë shqiptare prej 30 vitesh”, ka thënë Veliaj.

Po ashtu, ai ka bërë të ditur se koncerti do të jetë me vajza.

Kujtojmë se një javë më parë dyshohet se u dhunua seksualisht një 11-vjeçare nga Prishtina. Për këtë rast janë arrestuar pesë meshkuj, në mesin e tyre edhe të mitur. Gjithashtu në qershor të këtij viti, e mitura ishte raportuar në polici si e zhdukur. Gati tre muaj më pas, janë arrestuar gjashtë persona të tjerë me dyshimet për trafikim dhe shërbime seksuale të viktimës së trafikimit

Related Topics:
Continue Reading

Kulturë

“Art” rrugëtoi edhe në Tetovë, kjo ishte atmosfera e premierës

Published

9 hours ago

on

October 3, 2025

By

Mbrëmjen e 2 tetorit, Teatri i Tetovës mirëpriti shfaqjen teatrale “Art”, një nga veprat më të njohura dhe të vlerësuara të teatrit bashkëkohor.

Premiera filloi në ora 19:00 duke ofruar një përvojë teatrale të pasur me humor, emocione dhe reflektime mbi miqësinë, perceptimin e artit dhe marrëdhëniet njerëzore.

“Art” vepër me me autore Yasemina Reza dhe regjisor, Bashkim Ramadani, kurse Kreshnike Osmani është asistente e regjisë dhe dramaturge Zoga Çeta Çitaku.

 Kjo shfaqje me aktorët: Ard Islami, Ylber Bardhi e Butrint Lumi paraqet miqësinë që përplaset kur arti sfidon çdo perceptim, dhe a mund të mbijetosh në një botë ku vlerat janë të ndryshme.

Përndryshe, adhuruesit e teatrit u argëtuan me shfaqjen në skenën e Teatrit të Tetovës. /A.Z/UBT News/

 

Continue Reading

Kulturë

Orkestra shqiptare ngjitet për herë të parë në skenën prestigjioze të Bolonjës

Published

10 hours ago

on

October 3, 2025

By

Orkestra Simfonike e Teatrit Kombëtar të Operës dhe Baletit do të ngjitet për herë të parë në skenën prestigjioze të Teatro Auditorium Manzoni në Bolonjë, Itali, si pjesë e Festivalit Respighi Bologna 2025, një nga festivalet më të rëndësishme muzikore në Evropë.

Ky festival është i pari rezident i kushtuar Ottorino Respighi-t, një prej kompozitorëve më të shquar italianë të shekullit të 20-të.

Debutimi i orkestrës shqiptare më 13 tetor 2025 do ta vendosë atë në qendër të vëmendjes së një audience ndërkombëtare.

Orkestrën do ta dirigjojë spanjolli Sergio Alapont, ndërsa violinisti i talentuar Giuseppe Gibboni do të performojë si solist.

Në program janë përfshirë:

Nikolaj Rimskij-Korsakov – Ouverture, op. 28

Niccolò Paganini – Koncerti për violinë nr. 2 në si minor, op. 7 (solist Giuseppe Gibboni)

Sergej Rachmaninov / Ottorino Respighi – Cinq Études-tableaux, P 160

Igor Stravinskij – Suite nga L’Uccello di fuoco (The Firebird)

Përpara debutimit në Itali, orkestra do të prezantojë të njëjtin program për publikun shqiptar më 9 tetor 2025 në Teatrin Kombëtar të Operas dhe Baletit në Tiranë, duke shënuar një ngjarje të jashtëzakonshme për skenën muzikore shqiptare.

Violinisti Giuseppe Gibboni do të performojë menjëherë pas dy shfaqjeve të tij me Orkestrën Filarmonike të Teatrit “La Scala” të Milanos.

Në këtë projekt do të përfshihen edhe instrumentistë të rinj të Orkestrës Simfonike të Forcave të Armatosura, duke dhënë një kontribut të veçantë në performancën e orkestrës.

Si festival rezident, Festival Respighi është i fokusuar në jetën dhe veprën e kompozitorit italian, duke e zhvilluar brenda vendit të tij të lindjes dhe në kontekstin e kulturës që e frymëzoi. /A.Z/UBT News/

Continue Reading

Kulturë

Sonte mbrëmje klasike me “Orchestra of Campania” në Mitrovicë

Published

10 hours ago

on

October 3, 2025

By

Sonte, në Muzeun e Mitrovicës, nga ora 19:00, publiku do të ketë mundësinë të shijojë një performancë të veçantë me “Orchestra of Campania”, nën drejtimin e dirigjentit të njohur italian, Leonardo Quadrini.

Koncerti, i organizuar nga Akademia Ndërkombëtare e Pianos në Ballkan, do të sjellë në skenë soprano Federica D’Antonino, mezzo-soprano Orsolla Russo, tenor Giuseppe Maiorano dhe bass Giuseppe Montanaro, të cilët do të interpretojnë veprat e kompozitorit austriak Sigismond Thalberg, një nga pianistët më virtuozë të shekullit të 19-të.

Ky aktivitet zhvillohet në kuadër të Mitrovica Piano Fest dhe përkrahet nga Drejtoria për Kulturë, Rini dhe Sport në Mitrovicë, duke ofruar një mbrëmje muzikore të paharrueshme për të gjithë adhuruesit e muzikës klasike. /A.Z/UBT News/

Continue Reading

Kulturë

Kino Armata prezanton kryeveprën e Saimir Kumbaros: “Koncert në vitin 1936”

Published

1 day ago

on

October 2, 2025

By

Kino Armata vazhdon programin e saj retrospektiv “Netët e Filmit Shqiptar”, duke sjellë për publikun një nga kryeveprat e kinemasë shqiptare – “Koncert në vitin 1936” të regjisorit Saimir Kumbaro.

Filmi do të shfaqet më 8 tetor, në orën 20:00, në versionin e restauruar dhe me titra në gjuhën angleze.

Historia rrëfen udhëtimin e dy artisteve të reja – një këngëtare dhe një pianiste nga Tirana drejt qyteteve të provincës për të dhënë koncerte.

Gjatë rrugëtimit përballen me mikpritjen e njerëzve të thjeshtë, por edhe me pengesa nga autoritetet lokale, të cilët përpiqen të kontrollojnë artin sipas logjikës burokratike dhe konservatore.

Konflikti arrin kulmin në qytetin e Lushnjës, ku autoritetet tentojnë të ndalojnë koncertin, duke imponuar pushtetin e tyre mbi artistët.

Regjisori Saimir Kumbaro, një nga emrat më të rëndësishëm të kinemasë shqiptare, afirmoi veten pikërisht me këtë film të vitit 1978, që mbetet një vepër ikonike e artit shqiptar.

Me një karrierë që përfshin mbi 90 dokumentarë, Kumbaro ka lënë gjurmë të pashlyeshme në historinë e kinemasë në vend.

Cikli i filmave organizohet në bashkëpunim me Ambasadën e Republikës së Shqipërisë në Kosovë dhe Arkivin Qendror Shtetëror të Filmit, duke sjellë për publikun kosovar prodhime të rëndësishme të viteve ’70–’90. /A.Z/UBT News/

Continue Reading

Të kërkuara