Sport

​Reali nuk e do më transferimin e Mbappes

“Marca” pretendon se Real Madridi ka mbyllur derën për çdo lëvizje të ardhshme për Mbappen.

Published

on

Real Madrid thuhet se ka hequr dorë nga interesimi për sulmuesin e Paris Saint-Germain, Kylian Mbappe pas përpjekjeve të dështuara për ta nënshkruar me atë në verë.

Fituesi i Kupës së Botës fillimisht duhej të bëhej lojtar i lirë në fund të sezonit 2021-22 dhe pritej të bashkohej me kampionët spanjollë dhe evropianë të Carlo Ancelottit.

Megjithatë, më pak se një muaj para se të skadonte kontrata e tij me PSG-në, Mbappe ra dakord për një marrëveshje të re trevjeçare me kampionët e Ligue 1, me vlerë 1 milion funte në javë.

Kontrata e re e Mbappe çoi në një luftë të ashpër fjalësh midis drejtuesve të klubit francez dhe atij spanjoll, pasi Florentino Perez u informua personalisht nga Mbappe se ai nuk do të kalone në “Bernabeu”.

“Los Blancos” gjithashtu humbën nga Manchester City në garën për Erling Braut Haaland, me Karim Benzeman që ende e mban stafetën në majë të sulmit të Realit për momentin.

Ndërsa Mbappe është kontraktuar me “Les Parisiens” për tre sezone të tjera, 23-vjeçari supozohet se mund të largohet falas në fund të sezonit 2023-24 për shkak të një klauzole në kontratën e tij.

Megjithatë, “Marca” pretendon se Real Madridi ka mbyllur derën për çdo lëvizje të ardhshme për Mbappen për shkak të kërkesave financiare të lojtarit, të cilave “Los Blancos” nuk do të ishin të gatshëm t’i plotësonin.

Sport

Real Madrid i hapur për shitjen e Rodrygos – por vendimi i mbetet lojtarit

Published

on

E ardhmja e Rodrygo Goes te Real Madrid është e pasigurt, pasi klubi është i hapur ndaj mundësisë së largimit të sulmuesit brazilian.

Sipas Fabrizio Romano, një takim i drejtpërdrejtë midis përfaqësuesve të klubit e vetë lojtarit pritet të zhvillohet javën e ardhshme, ku do të merret një vendim përfundimtar. Burime pranë klubit konfirmojnë se nuk ka presion nga Real Madridi për ta larguar lojtarin, gjithçka varet nga dëshira e vetë Rodrygos.

Një element që ka ushqyer spekulimet për një largim të mundshëm është fakti që trajneri i ri Xabi Alonso nuk e ka përfshirë brazilianin në formacionin titullar në pesë ndeshjet e fundit.

Pavarësisht interesimit të raportuar nga klube të Ligës Saudite, Rodrygo nuk e sheh Arabinë Saudite si një opsion për të ardhmen. Përfaqësuesit e tij kanë mohuar çdo lloj kontakti me Al Nassr dhe theksojnë se fokusi është vetëm te transferimet brenda futbollit evropian.

Rodrygo, 24 vjeç, iu bashkua Real Madridit më 2019 nga Santos për 45 milionë euro. Deri tani, ai ka zhvilluar 270 ndeshje, duke shënuar 68 gola dhe dhënë 51 asiste me fanellën e “Los Blancos”. Sipas vlerësimeve të fundit nga Transfermarkt, ai ka një vlerë prej 90 milionë euro.

Continue Reading

Sport

Hendersoni largohet nga Ajaxi

Published

on

Ajaxi dhe Jordan Hendersoni kanë shkëputur kontratën. Kjo është bërë zyrtare të enjten nga klubi i madh holandez.

Anglezi Henderson kishte kontratë edhe një vit, por bëri kërkesë për ndërprerje të bashkëpunimit. Dhe kërkesa u aprovua nga Ajaxi.

Ai i ishte bashkuar Ajaxit në janar të vitit të kaluar nga skuadra arabe, Al-Ettifaq. Me skuadrën holandeze i bëri 57 paraqitje.

35-vjeçari luan në mesfushë, ndërsa ka bërë karrierë të gjatë te Liverpooli. Te skuadra e madhe angleze ishte prej vitit 2011 deri në vitin 2023. Më herët ishte edhe te Sunderlandi dhe Coventry City. Henderson është reprezentues i Anglisë, ndërsa i ka 84 paraqitje e tri gola.

Continue Reading

Sport

Arsenali nënshkruan me Christian Norgaard

Published

on

Klubi anglez, Arsenali ka njoftuar zyrtarisht nënshkrimin e mesfushorit të Brentford, Christian Norgaard.

Topçinjtë kanë vazhduar me përforcime në këtë afat kalimtar, pasi kanë konfirmuar tashmë edhe prurjen e tretë këtë verë.

Pas portierit Kepa Arrizabalaga dhe mesfushorit Martin Zubimendi, Arsenali ka konfirmuar edhe transferimin e Norgaard nga Brentford.

“Jemi të kënaqur të njoftojmë se reprezentuesi i Danimarkës, Christian Norgaard, është bashkuar me klubin”, thuhet në njoftimin e Arsenalit.

Marrëveshja raportohet të jetë me vlerë të garantuar 10 milionë funte plus 2 milionë funte tjera bonuse që lidhen me performancën.

Norgaard do të veshë fanellën me numër 16 dhe do të bashkohet menjëherë me shokët e tij të rinj të ekipit për ndeshjet para-sezonale.

Continue Reading

Sport

Kosova me pozitën më të mirë ndonjëherë në renditjen e FIFA-s

Published

on

By

Përfaqësuesja e Kosovës në futboll është ngritur në pozitën e 95-të në renditjen e FIFA-s.

Është kjo pozita më e mirë që Kosova ka pasur ndonjëherë.

Federata Ndërkombëtare e Futbollit të enjten publikoi renditjen e re, ndërsa ka shkruar se Kosova dhe Kanadaja kanë pozitat më të mira që kanë pasur ndonjëherë.

Në krahasim me renditjen e kaluar, Kosova ka avancuar për dy pozita. Ndërkohë Kanadaja renditet e 28-ta dhe po ashtu ka avancuar për dy pozita.

Kosova në qershor fitoi miqësoret me Armeninë dhe Komoret. Ndërkohë në mars kishte fituar dy ndeshjet e plejofit të Ligës së Kombeve ndaj Islandës.

Argjentina mbetet e para në ranglistë, e pasuar nga Spanja, Franca, Anglia e Brazili. Dhjetëshen e parë e kompletojnë Portugalia, Holanda, Belgjika, Gjermani dhe Kroacia.

Ndërkohë Shqipëria ka rënë për dy pozita dhe tani është e 68-ta.

Renditja e kaluar e FIFA-s ishte publikuar më 3 prill. Renditja e re publikohet më 18 shtator.

Continue Reading

Të kërkuara