

Aktualitet
Rasti i Pjetër Shalës në Speciale, gjykata urdhëron prokurorinë të dorëzojë dosjen deri më 19 nëntor
Published
4 years agoon
By
Betim GashiNë konferencën e sotme mbi ecurinë e çështjes së ish-komandantit të Ushtrisë Çlirimtare të Kosovës (UÇK), Pjetër Shala, i cili po akuzohet për krime të pretenduara të luftës nga Prokuroria e specializuar në Hagë, gjyqtari i procedurës paraprake, Nicolas Guillou ka urdhëruar Zyrën e Prokurorit të Specializuar që deri më 19 nëntor të dorëzojë dosjen paragjyqësore dhe materialet tjera të këtij rasti.
Gjyqtari tha se në parashtrimet e bëra me shkrim, ZPS-së ka deklaruar se ka ende disa hapa hetimor për të ndërmarrë por që sipas prokurorisë, kjo nuk ndikon në afatet e nxjerrjes së materialeve.
“Mendojmë përpara fundit të afatit të nxjerrjes së materialeve, 30 korrik, nëse nuk do të mundemi do të ju njoftojmë”, tha prokurori kur është pyetur nga gjyqtari për afatin e përfundimit të hapave hetimor.
Në urdhrin e tij, gjyqtari i procedurës paraprake, Nicolas Guillou ka kërkuar nga prokuroria që të dorëzojë dosjen sipas rregullës 95 4A të rregullores deri më 19 nëntor 2021.
“ZPS parashikon se do të mund të dorëzojë dosjen paraprake dhe materialet e lidhura me të deri te premten 19 nëntor 2021”, ka thënë ai.
Ndërsa mbrojtja ka deklaruar se presin që të marrin materiale të rëndësishme për çka tha se do të informojmë më shumë në konferencën e radhës mbi ecurinë e çështjes.
“Për aftin e ardhshëm për nxjerrjen e materialeve nga ZPS në bazë të rregullës 102 b, është data 30 korrik 2021. Ne mendojmë se do të marrim materiale të rëndësishme të cilat do të na japin neve mundësi të kuptojmë provat dhe materialet që do të përdoren në gjykim. Kështu që ne mendojmë se jam i sigurt që gjërat do të ecin pa asnjë problem, mendojmë që do të jemi në një gjendje më të mirë të ju informojmë ju zoti gjykatës në konferencat e tjera për ecurinë e çështjes”, ka thënë avokati Jean-Louis Gillisen.
Në konferencën e sotme të mbajtur në Hagë, gjykatësi i procedurës paraprake ka urdhëruar mbrojtjen të dorëzojë deri më 12 korrik të këtij viti mocionin paraprake, derisa ka bërë të ditur afatin deri kur prokuroria mund të përgjigjet.
“Urdhëroj mbrojtjen e zotri Shalës të dorëzoj mocionin paraprak jo më vonë se data 12 korrik 2021, ZPS-në që t’u përgjigjet jo më vonë se ditës së premte 13 gusht 2021, dhe mbrojtjen që të dorëzojë kundërpërgjigjen jo më vonë se data 30 gusht 2021, ditë e hënë”, ka thënë gjykatësi.
Mbrojtja ka kërkuar që konferenca e radhës mbi ecurinë e çështjet të mbahet në shtator, për çka palët janë pajtuar.
“Propozojmë që në shtator të jetë konferenca për ecurinë e çështjes, por te mbahen parasysh afatet dhe elementet të cilat priten nga ne për t’i bërë gjatë kësaj periudhe. Në shtator do të na duhet gjithashtu që të bëjmë të ditur materialet që dëshirojmë që të shohim nga lista e ZPS-së afatin për ta bërë këtë gjë, është 17 shtator 2021. Shtatori do të jetë disi i ngarkuar”, ka thënë mbrojtja.
Në konferencën e stome gjithashtu u bë e ditur nga administrata se për shkak të përmirësimit të situatës me Covid-19, familjarët e të akuzuarve që deri më tani kanë kontaktuar vetëm përmes platformës online zoom, të mund t’i takojnë ata edhe fizikisht nga data 15 korrik.
Shala i cili nuk ishte prezent në sallë e ka përcjellë konferencën përmes video-lidhjes. Ai u arrestua më 16 mars 2021 nga autoritetet belge dhe u transferua në Hagë më 15 prill të këtij viti, në bazë të një kërkese për bashkëpunim në zbatimin e fletë-arrestit dhe urdhrit për transferim lëshuar nga Dhomat e Specializuara të Kosovës në Hagë.
Bota
Trump kërkon që gjyqi ndaj Netanyahut të anulohet
Published
2 hours agoon
June 26, 2025By
UBTnews
Presidenti i Shteteve të Bashkuara të Amerikës, Donald Trump, ka kërkuar që Izraeli ta falë kryeministrin Benjamin Netanyahu, ose ta anulojë gjyqin ndaj tij për korrupsion, duke thënë se SHBA-ja do ta shpëtojë atë ashtu siç e shpëtoi vendin e tij.
Ndaj Netanyahut u ngrit aktakuzë për ryshfet, mashtrim dhe shkelje të besimit në vitin 2019. AI i mohon të gjitha akuzat.
Gjyqi ndaj tij filloi në vitin 2020 dhe përfshin tri çështje penale. Netanyahu është deklaruar i pafajshëm.
“Gjyqi i Bibi Netanyahut duhet të ANULOHET, MENJËHERË, ose të falet Heroi i Madh, i cili ka bërë kaq shumë për shtetin [e Izraelit]”, shkroi Trump në platformën Truth Social të mërkurën, duke shtuar se mori vesh që Netanyahu pritet të paraqitet në gjykatë të hënën.
Lideri i opozitës izraelite, Yair Lapid, tha se Trump nuk duhet të ndërhyjë në këtë çështje.
“Me gjithë respektin dhe mirënjohjen për presidentin e Shteteve të Bashkuara, ai nuk duhet të ndërhyjë në një proces ligjor të një shteti të pavarur”, tha Lapid.
“Shpresoj dhe besoj se ky është një shpërblim që ai [Trump] po i jep atij [Netanyahut], sepse synon të ushtrojë trysni ndaj tij për Gazën dhe për ta detyruar ta pranojë një marrëveshje për pengjet që do ta përfundojë luftën”, i tha Lapid faqes izraelite të lajmeve Ynet.
Trump e lavdëroi Netanyahun si një “luftëtar”, por shtoi në postimin e tij: “Ishin Shtetet e Bashkuara të Amerikës ato që e shpëtuan Izraelin, dhe tani do të jenë Shtetet e Bashkuara të Amerikës ato që do ta shpëtojnë Bibi Netanyahun”.
Duket se ai po i referohej përfshirjes dhe mbështetjes së SHBA-së për sulmet izraelite ndaj programit bërthamor të Iranit.
Nuk është e qartë nëse Trump nënkuptoi se SHBA-ja mund të bëjë diçka konkrete për ta ndihmuar Netanyahun në betejën e tij ligjore.
Presidenti republikan e përshkroi çështjen kundër udhëheqësit izraelit si “gjueti shtrigash” – një term që Trump e ka përdorur shpesh për t’i përshkruar përpjekjet për ta ndjekur atë penalisht në SHBA, dhe të cilin edhe Netanyahu e ka përdorur për ta përshkruar gjyqin ndaj tij.
Fjalët e ngrohta të Trumpit vijnë pas një qortimi të rrallë që ai ia bëri të martën Izraelit për sulmet ajrore ndaj Iranit pas armëpushimit./REL
Bota
Seuli thotë se Koreja e Veriut mund të dërgojë më shumë trupa në Rusi së shpejti
Published
3 hours agoon
June 26, 2025By
UBTnews
Koreja e Veriut mund të dërgojë trupa shtesë në Rusi për të luftuar në luftën e Moskës kundër Ukrainës në korrik ose gusht, dhe për më tepër është duke vazhduar ta furnizojë Rusinë me armë, thanë të enjten ligjvënësit koreanojugorë, duke cituar agjencinë e inteligjencës.
Shërbimi Kombëtar i Inteligjencës (NIS) beson se Rusia mund të jetë duke u përgatitur për një sulm në shkallë të gjerë kundër Ukrainës në korrik ose gusht, tha për gazetarët deputeti koreanojugor, Lee Seong-kweun, pas një seance me dyer të mbyllura.
“Koha e dislokimit shtesë mund të jetë qysh në korrik ose gusht”, tha Lee, duke shtuar se agjencia përmendi një rund të ri të rekrutimit të trupave për dislokim nga Koreja e Veriut dhe një vizitë të fundit në Penian nga një zyrtar i lartë i sigurisë i presidencës ruse si bazë për vlerësimin e saj.
Në këmbim të dërgimit të municioneve të artilerisë dhe raketave nga Koreja e Veriut për në Rusi, Peniani ka shumë mundësi të marrë këshilla teknike për lëshimet satelitore dhe sistemet drejtuese të raketave, tha Lee, duke cituar NIS-in.
Pas muajsh heshtjeje, si Koreja e Veriut ashtu edhe Rusia e bënë publike zhvendosjen e trupave koreanoveriore dhe rolin që kanë luajtur ata në ofensivën e Moskës kundër Ukrainës për ta rimarrë rajonin e Kurskut.
Të dyja vendet kanë thënë se bashkëpunimi bazohet në traktatin e nënshkruar nga udhëheqësit e tyre në qershorin e vitit të kaluar, që përfshin një pakt të mbrojtjes së ndërsjellë./REL
Bota
Parlamenti iranian miraton projektligjin që pezullon bashkëpunimin me IAEA-në
Published
3 hours agoon
June 26, 2025By
UBTnews
Parlamenti iranian ka miratuar një projektligj që pezullon bashkëpunimin me Agjencinë Ndërkombëtare të Energjisë Atomike (IAEA).
Sipas televizionit shtetëror, kryetari i parlamentit iranian, Mohammad Baqer Qalibaf, bëri një deklaratë pasi u miratua projektligji.
“Organizata e Energjisë Atomike e Iranit pezullon bashkëpunimin me Agjencinë Ndërkombëtare të Energjisë Atomike derisa siguria e objekteve tona bërthamore të jetë plotësisht e garantuar”, tha Qalibaf.
Zyrtari iranian thekson se aktivitetet bërthamore paqësore të vendit të tij do të përparojnë me një ritëm më të shpejtë.
“Po përpiqemi të miratojmë një projektligj në parlament që do të ndalonte bashkëpunimin e Iranit me IAEA-në derisa të marrim garanci konkrete për një qëndrim profesional”, tha kryetari i Parlamentit iranian Qalibaf më 23 qershor.
Projektligji kërkon miratimin e Këshillit të Gardës Kushtetuese të Iranit që të hyjë në fuqi./atsh
Bota
Von der Leyen i bën thirrje Hungarisë ta lejojë mbajtjen e Paradës së Krenarisë
Published
3 hours agoon
June 26, 2025By
UBTnews
Presidentja e Komisionit Evropian, Ursula von der Leyen, u ka bërë thirrje autoriteteve hungareze për ta lejuar mbajtjen e Paradës së Krenarisë në Budapest, pasi policia e ndaloi zhvillimin e saj.
Në një reagim në platformën X, kryeministri i Hungarisë, Viktor Orban, tha se Komisioni Evropian duhet të përmbahet nga ndërhyrjet në çështjet e zbatimit të ligjit në vendet anëtare të bllokut, “ku nuk ka asnjë rol për të luajtur”.
Policia hungareze ndaloi javën e kaluar marshimin e caktuar për të shtunën nga komuniteti LGBTQ, duke u thirrur mbi një ligj të miratuar në mars, i cili thotë se mbrojtja e fëmijëve duhet të ketë përparësi ndaj të drejtës për tubim.
Megjithatë, kryetari liberal i Budapestit dhe organizatorët e aktivitetit deklaruan se marshimi do të zhvillohej pavarësisht ndalimit, pasi ai cilësohet si aktivitet komunal dhe nuk ka nevojë për leje nga autoritetet qendrore.
“U bëj thirrje autoriteteve hungareze për ta lejuar zhvillimin e Paradës së Krenarisë në Budapest pa frikë nga ndonjë sanksion penal apo administrativ ndaj organizatorëve apo pjesëmarrësve”, tha von der Leyen në një video të postuar në X të mërkurën në mbrëmje.
“Në Evropë, të marshosh për të drejtat e tua është liri themelore”, shtoi ajo.
I pyetur nëse policia mund ta shpërndajë me forcë marshimin të shtunën, Orban tha të enjten në Bruksel se Hungaria është “vend i civilizuar, nuk e lëndojmë njëri-tjetrin”.
Kritikët e shohin ndalimin e Paradës si pjesë e një goditjeje më të gjerë ndaj lirive demokratike para zgjedhjeve të përgjithshme të vitit të ardhshëm, ku nacionalisti Orban do të përballet me një kundërshtar të fortë opozitar.
Orban, që është në pushtet nga viti 2010, e paraqet veten si mbrojtës të vlerave familjare dhe në shkurt tha se organizatorët as nuk duhet të përpiqen të mbajnë Paradë Krenarie në Budapest këtë vit.
Të martën, ministri hungarez i Drejtësisë ia dërgoi një letër disa ambasadave të huaja, duke i njoftuar se Parada e Krenarisë është “tubim i ndaluar ligjërisht, organizimi dhe shpallja e të cilit përbën vepër penale të dënueshme me burg deri në një vit, sipas ligjit hungarez”.
Ministri Bence Tuzson e dërgoi letrën një ditë pasi diplomatët nga Britania, Franca, Gjermania dhe 30 vende të tjera shprehën mbështetje për komunitetin LGBTQ të Hungarisë dhe Paradën e Krenarisë në Budapest./REL

Foda zbulon pse refuzoi ofertën milionëshe

Zbulohet një grup i ri gjaku

Franca tërheq 2.5 milionë vetura për shkak të një defekti

Inagurohet Orkestra e Kryeqytetit në Prishtinë

CEO i OpenAI thotë se nuk duhet t’i besojmë ChatGPT sepse shpik!

Trump kërkon që gjyqi ndaj Netanyahut të anulohet

Tre fruta dhe perime që duhet t’i hani këtë verë për të qëndruar të hidratuar

Seuli thotë se Koreja e Veriut mund të dërgojë më shumë trupa në Rusi së shpejti

Parlamenti iranian miraton projektligjin që pezullon bashkëpunimin me IAEA-në
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT3 weeks ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 weeks ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore