Lajmet

​Punëtorët e KEK-ut kërkojnë rritje të pagave, kërcënojnë me grevë

Llumnica tha se krahas rritjes së pagës duhet të paguhet edhe rrezikshmëria në punë dhe disa kërkesa të tjera.

Published

on

Qindra punëtorë të KEK-ut protestuan të enjten, duke kërkuar rritje të pagave. Para zyrave qendrore të KEK-ut në Prishtinë, ata kërcënuan menaxhmentin aktual se në rast se nuk përmbushin kërkesat e tyre do të hyjnë në grevë, duke lënë siç thanë, Kosovën në terr.

Kryetari i Sindikatës së Punëtorëve në KEK, Nexhat Llumnica tha se krahas rritjes së pagës duhet të paguhet edhe rrezikshmëria në punë, shujta e ushqimit dhe pagesa për punën në vikend, sipas Ligjit të punës.

“Sot jemi këtu sepse kemi kërkuar që 1 vit ngritjen e pagave. Ne si përfaqësues sindikal në mënyrë të shkruar i kemi kryer detyrat tona, janë shterë mundësitë e dialogimit. Nuk kemi dal për dëshirë këtu, e di që ju kemi vonuar pak, e di që keni bërë presion shumë më herët tek ne që me bë këtë protestë. Por, të tregojmë sinqerisht, kemi dashur të dalim mirë dhe t’i shterim gjitha mënyrat e dialogimit. Premtimi i drejtorit menaxhues për shujtën e ushqimit ka qenë më 22 shtator që do të paguhet shujta nëse nuk hapen restorantet, ajo nuk ndodhi. Premtimi i tij prapë ka qenë më 22 dhjetor që nuk po mundemi tash se mos po vonohet paga dhe iu paguajmë në janar. Prapë ne besuam, por ja që nuk doli kjo. Punëtorët e KEK-ut kanë punë të rëndë, por ushqim të lehtë. Ngritja e pagave duhet të jetë e domosdoshme për kohën, për arsyen se ne kemi arritur të tejkalojmë prodhimin, të eksportojmë 10 për qind të prodhimit të energjisë elektrike, kemi arritur të bëjmë Kosovën në dritë, punëtorët janë ata që e kanë arritur, mirëpo menaxhmenti po i injoron punëtorët”, tha ai.

Më kërcënues ndaj menaxhmentit të KEK-ut për rritje të pagave ishte përfaqësuesi tjetër i sindikatës, Xhelal Jashari. Ai tha se rritja e pagave nuk ka alternativë në KEK, pasi në të kundërtën do të hyjnë në grevë.

“Nga këtu i bëjmë apel këtij menaxhimet të dështuar ose të ngritë pagën ose ne do të hymë në grevë dhe Kosova do të jetë në terr. Nuk ka alternativë tjetër, ne jemi lodhur. Kjo djersë ky mund që derdhet në KEK nuk paguhet, shkelen shumë të drejta prandaj kështu si jemi të bashkuar, ky menaxhimet nuk ka si na gjunjëzoj, përkundrazi do të forcojë deri në realizimin e kërkesës sonë”, theksoi ai.

Përkrahje kërkesave të punëtorëve të KEK-ut iu dha edhe kryetari i Bashkimit të Sindikatave të Pavarura të Kosovës (BSPK), Atdhe Hykolli.

“Ne kemi dalë të kërkojmë të drejtën tonë e cila na takon. Ju që e rrezikoni jetën, shëndetin e juaj që ne të jemi këtu, andaj edhe menaxhmenti duhet të jetë transparent dhe t’i plotësojë kërkesat e juaja që janë shumë të drejta. Ne po kërkojmë një pagë dinjitoze. Paga dinjitoze do të thotë që ne të blejmë ushqimin sot sikur e kemi ble dje dhe ditët e tjera. Ky menaxhment duhet të kuptojë dhe është mirë që ta bëjë këtë sa më shpejtë. Ne këtu jemi partner dhe nuk jemi kundërshtar të këtij menaxhmenti”, deklaroi ai.

Ndërkaq, kryetar i Sindikatës së Administratës Publike, Ali Gashi tha se kërkesat për rritje pagash në KEK janë legjitime.

“Sot jemi me ju në mbështetje e kërkesave të juaja të drejta dhe legjitime. Ju jeni ata që me punën tuaj, sakrificën e vazhdueshme Kosovën e ndriçoni atëherë kur tërë bota paraqet që kemi krizë energjetike…Ju meritoni më shumë sesa rritje të pagave, kurse sa i përket çështjes së kushteve të punës kjo është një mizerje, shkelje e të drejtave të njeriut, pasi ju jeni ata të cilët në vazhdimësi jeni shembulli më i mirë se si duhet atdheu”, theksoi Gashi.

Punëtorët e KEK-ut marshuan edhe para ndërtesës së Qeverisë së Kosovës, ku potencuan nevojën e pranimit edhe të 2 mijë punëtorëve të rinj në KEK.

Lajmet

Veteranët reagojnë pas vendimit të Supremes: Vendimmarrje e drejtë dhe e guximshme

Published

on

Gjykata Supreme e Kosovës ka shpallur të paligjshëm dhe shfuqizuar nenin 14.A të Udhëzimit Administrativ që kërkonte vërtetim nga ATK se aplikuesi nuk është në marrëdhënie pune si kusht për realizimin e pensionit të veteranit-luftëtar.

Lidhur me këtë vendim kanë reaguar nga Organizata e Veteranëve të Luftës së Ushtrisë Çlirimtare të Kosovës.

Nga OVL e kanë mirëpritur këtë duke thënë se rikthehet në vend padrejtësia që iu është bërë veteranëve.

“Organizata e Veteranëve të Luftës së Ushtrisë Çlirimtare të Kosovës e përshëndet vendimin e Gjykatës Supreme të Republikës së Kosovës, e cila ka shfuqizuar nenin diskriminues të Udhëzimit Administrativ Nr.01/2025, që kufizonte të drejtën e veteranëve për kompensim financiar”, thuhet në njoftim.

Sipas tyre ky vendim është një fitore e drejtësisë dhe e ligjit, sepse rikthen në vend një padrejtësi të bërë ndaj shumë veteranëve që, pavarësisht se janë të punësuar në sektorin privat, u ishin mohuar të drejtat ligjore të përfitimit nga skema e kompensimeve.

Gjykata Supreme ka konstatuar saktë se e drejta e veteranëve nuk mund të varet nga fakti nëse janë apo jo në marrëdhënie pune, por nga natyra e punëdhënësit, duke përjashtuar vetëm ata që paguhen nga buxheti i shtetit, ndërsa duke garantuar të drejtën për të gjithë ata që punojnë në sektorin privat.

OVL-UÇK falënderoi Gjykatën Supreme për vendimmarrjen e drejtë dhe të guximshme, e cila sipas tyre kontribuon në forcimin e shtetit ligjor dhe në mbrojtjen e të drejtave të atyre që sakrifikuan për lirinë e Kosovës./S.K/EO/

Continue Reading

Lajmet

Dukagjini mposht Gjilanin në Superligën e Kosovës

Published

on

Dukagjini duket se i është rikthyer fitoreve në Superligën e Kosovës, e kjo u dëshmua edhe sot kur mposhti ekipin e Gjilanit me rezultat 0-2.

Golat i realizoi Mërlaku në minutën e 5-të dhe ganezi Basit Abdul Khalid i cili arriti të shënoj në minutën e 84-të.

Me këtë fitore Dukagjini, mbetet në pozitën e 4-të ku ka gjithsej 17 pikë, ndërsa Gjilani në pozitën e 8-të me 11 pikë./S.K/KP/

Continue Reading

Lajmet

​Ballkani shënon fitore ndaj Malishevës

Published

on

Skuadra e Ballkanit ka regjistruar një fitore të madhe në javën e 11-të të Albi Mall Superligës, duke triumfuar me rezultat të thellë 5-0 në udhëtim ndaj Malishevës.

Verdhezinjtë zhvilluan një ndeshje të shkëlqyer, duke dominuar nga fillimi deri në fund, ku goli i parë erdhi herët, në minutën e 7-të, kur Almir Kryeziu shënoi nga pika e bardhë e penalltisë.

Në pjesën e dytë, Ballkani shpërtheu me katër gola të tjerë.

Bleart Tolaj realizoi dy herë, në minutat 47 dhe 61, me asistime nga Kryeziu dhe Giovanni. Më pas, vetë Giovanni u fut në listën e golashënuesve në minutën e 70-të, pas një pasimi të saktë nga Valentin Serebe.

Ky i fundit vulosi fitoren e thellë në minutën e 76-të me një gol të bukur, pas asistit të Geralb Smajlit.

Pas këtij suksesi bindës, Ballkani arrin fitoren e gjashtë sezonale dhe ngjitet në kuotën e 22 pikëve, duke ruajtur pozitën e dytë në renditje.

Në xhiron e ardhshme, skuadra nga Suhareka pret në shtëpi Ferizajn./S.K/KP/

Continue Reading

Lajmet

Cristiano Ronaldo arrin shifrën 950 gola

Published

on

Ylli i Al-Nassr, Cristiano Ronaldo, po vazhdon të shkruajë histori në futboll, duke arritur shifrën prej 950 golash në karrierë.

Në vitin 2025, 40-vjeçari ka realizuar 34 gola dhe ka dhënë 3 asistime në 38 ndeshje, duke treguar se mbetet vendimtar si për klubin ashtu edhe për Kombëtaren e Portugalisë, ku synon të jetë lider edhe në Botërorin 2026.

Ronaldo, legjendë e Real Madrid dhe Manchester United, po vijon të jetë “i pangopur” me rekorde./S.K/EO/

Continue Reading

Të kërkuara