Lajmet

​Protestuesit kërkojnë anulimin e vendimit për ngritjen e çmimit të energjisë

Ndër të tjerash ata thanë se do ta kundërshtojnë me të gjitha mjetet demokratike vendimin e ZRrE-së dhe Qeverisë.

Publikuar

2 vjet më parë

më

Grupi organizativ i protestës “Asnjë cent më shumë”, kanë protestuar sot me qëllim të anulimit të vendimit të Zyrës së Rregullatorit të Energjisë ZRrE-së dhe Qeverisë për ngritjen e çmimit të energjisë elektrike. Ata thanë se ky vendim është zhvatës dhe do t’i varfërojë qytetarët.

“Anulo Vendimin”, “Qeveri e popullit apo e privatnikut”,”S’paguaj edhe për veriun”, ishin disa nga shkrimet në pankartat e protestuesve, të cilët u nisën nga sheshi “Zahir Pajaziti”, drejt Qeverisë, e ku më pas situata u tensionua në mes atyre dhe zyrëtarëve policor, në momentin që ata tentuan të hynë në oborrin e Qeverisë për ta lexuar fjalimin e tyre.

Pas akuzave e shtyrjeve nga ana e Policisë, anëtari i grupit organizativ të protestës, Denis Krasniqi, tha se me këtë vendim ZRrE dhe ekzekutivi po i dalin në mbrojtje të Kompanisë Kosovare për Distribuim me Energji Elektrike në Kosovë (KEDS).

“Ajo që pritej edhe ndodhi. ZRrE bashkë me Qeverinë i dolën në krahë një kompanie private si KEDS-i, e nuk i mbrojti interesat tona e bile edhe sot po mundohet t’i shtypë të drejtat tona. Qeveria u bë garanci e fitimit të KEDS-it duke i dhënë subvencione 100 milionë euro. E këto para po thotë që i kamë dhënë prej buxhetit, por buxheti a është i joni. Vendimi i ZRrE-së për vendosjen e bllok tarifës dhe rritja e çmimit për të gjithë konsumatorët do të na varfërojë secilin prej nesh. Po rritet çmimi i rrymës, po rriten çmimet e produkteve ushqimore, po rritet çmimi i naftës e xhepat tonë vetëm po varfërohen. E ne sot i tregojmë Qeverisë, gjithashtu edhe zhvatësit kryesorë në rrjetin energjetik të Kosovës KEDS-it që ‘Asnjë cent më shumë nuk e keni prej nesh’”, tha ai.

Ndër të tjerash me këtë rritje të madhe të çmimeve në Kosovë, protestuesit bëjnë kërkesë te ZRrE që të anulojë vendimin për ngritje të çmimit të energjisë.

“Vendimi është marrë thellësisht i padrejtë dhe zhvatës, kjo është një tentativë tjetër për të na e faturuar ne qytetarëve pasurimin e bizneseve. Në këto kushte një numër i madh i papunësisë është në Kosovë, dhe rroga minimale është rreth 180 euro, si t’ia dalin familjet me 180 euro, plus me shtrenjtimin e të gjitha çmimeve. Ne këtu ia bëjmë me dije kryeministrit dhe të gjithë atyre që kanë mundësi të fyejnë çdo person në Kosovë që rryma asnjëherë nuk ka qenë e lirë, secili prej nesh e dinë fare mirë se sa ka paguar dhe ka përfituar KEDS-i tërë këto vite…E kemi një kërkesë për ZRrE-në që është të anulohet vendimi për vendosjen e bllok tarifës dhe për rritjen e çmimit dhe e kemi një kërkesë edhe më të madhe për Qeverinë që të fillojë procesin për nacionalizimin e rrjetit energjetik të Kosovës. Kjo është zgjidhja më e qëndrueshme për furnizimin e drejtë me energji elektrike të gjithë ne pa dallim, duke përfshirë edhe Qeverinë”, tha ai.

Ndër të tjerash ata thanë se do ta kundërshtojnë me të gjitha mjetet demokratike vendimin e Zyrës së Rregullatorit të Energjisë dhe Qeverisë.

Etiketa
Vazhdo të lexosh

Lajmet

Drama Kurti-Rama, probleme të protagonizmit personal të dy kryeministrave

Publikuar

1 orë më parë

më

16 Qershor, 2024

nga

Ditët e fundit u vërshuan me reagime raportet ‘e ngurta’ mes kryeministrit të Kosovës, Albin Kurti dhe kryeministrit të Shqipërisë, Edi Rama. Ky i fundit qëndroi për vizitë në Kosovë më 10 qershor në shënimin e 25-vjetorit të Çlirimit të Kosovës, porse në agjendën e tij nuk kishte takim të planifikuar me homologun e tij nga Kosova.

Mospajtimet e dy udhëheqësve politikë nisën që nga 7 korriku i vitit të kaluar, kur Rama kishte anuluar pjesëmarrjen e kabinetit të tij në mbledhjem e përbashkët të dy qeverive.

Megjithatë analistja politike, Afërdita Maliqi në një prononcim për UBTNews tha se brishtësia e raporteve mes kryeministrave shqiptarë e ka zanafillën që nga fillimi i qeverisjes së Kurtit.

“Problemet mes dy kryeministrave nuk është që janë sotshme, datojnë pothuajse qëkur ka ardhur kryeministri Kurti në pushtet. Nëse ju kujtohet kryeministri Kurti pati konkuruar në zgjedhjet në Shqipëri dhe kishte shkuar me votu atje dhe prej aty kanë filluar ato ndërstramcat mes të dy kryeministrave. Kryeministri Rama e ka thumbuar ndonjëherë kur ju ka thënë mundësia, ndërkaq kryeministri Kurti ka dëshiruar të jetë ai lideri i të gjithë shqiptarëve në Ballkan për të cilën nuk ka pranuar kryeministri Rama”, deklaroi Maliqi.

Vlerëson se mospajtimet rrjedhin si pasojë e protagonizmit personal të dy kryeministrave.

“Nga ana e kryeministrit Kurti protagonizmin me qenë lider i Ballkanit për shkak se është përzier në zgjedhjet në Shqipëri, ëshët përzier në zgjedhjet në Luginë të Preshevës, është përzier në zgjedhejet në Maqedoninë e Veriut, d.m.th kur në Kosovë vlojnë problemet ne e shohim kryeministrin duke u marr pjesë nëpër fushata dhe duke u mbështetur në parti të caktuara”, shtoi ajo.

“Në këtë pikë problemet mes dy kryeministrave i shoh më shumë probleme personale dhe probleme të protagonizmit personal të tyre”, thotë ajo.

Gjatë vizitës së tij në Kosovë, Rama u takua me të parën e shtetit, Vjosa Osmanin. Ai mori pjesë edhe në një konferencë ndërkombëtare për ish-presidentin Ibrahim Rugova të organizuar nga Lidhja Demokratike e Kosovës./UBTNews/

Teksti: Dea Berisha

Vazhdo të lexosh

Lajmet

​Piramida e Tiranës nderohet me çmim nga “WAN Awards EMEA”

Publikuar

1 ditë më parë

më

15 Qershor, 2024

nga

Piramida e Tiranës ka marrë një tjetër çmim nga juria e “WAN Awards EMEA”, vlerësuese e projekteve arkitekturore më novatore nga e gjithë bota.

Kryeministri Edi Rama bëri sot të ditur se juria e “WAN Awards EMEA”, e cilëson Piramidën e Tiranës si një “projekt të guximshëm”, të hapur për publikun, dhe e rrethuar nga një ansambël kutish shumëngjyrëshe, të shpërndara brenda dhe përreth ndërtesës origjinale.

Juria e “WAN Awards EMEA” vlerëson se transformimi i Piramidës tregon se si një ndërtesë mund të përshtatet për një “erë të re”, duke ruajtur historinë e saj komplekse.

“Në vend që struktura të shembej më kot, guaska e saj e fortë prej betoni është përshtatur sipas parimeve të “ekonomisë qarkulluese”. Fletë të mëdha xhami me nivele zëvendësojnë xhamat midis trarëve të betonit të Piramidës, duke mbrojtur brendinë nga shiu, ndërsa njëkohësisht e mbajnë atë të hapur ndaj elementëve të natyrës”, vlerëson juria.

Arkitektja e njohur Eva Jiricna, kryetare e jurisë së “WAN Awards EMEA” vlerësoi projektuesit për këtë zgjidhje kaq të mirë, “për t’i treguar publikut se pak humor mund të shërojë edhe plagët më të thella”./ATSH/

Vazhdo të lexosh

Lajmet

Aksionarët e Tesla-s padisin Elon Musk për devijimin e burimeve në kompaninë e tij të AI

Publikuar

2 ditë më parë

më

15 Qershor, 2024

nga

Aksionarët e Tesla kanë ngritur një padi kundër CEO-s, Elon Musk dhe bordit të kompanisë për zhvendosjen e burimeve dhe talentit nga prodhuesi i makinave elektrike dhe përdorimin e tyre në vend të kësaj për kompaninë e inteligjencës artificiale (AI) të Musk, xAI.

Disa aksionarë pohuan se Musk u përpoq për vite me radhë ta poziciononte Tesla-n si një kompani robotike dhe AI-në ​​dhe jo si një prodhues automjetesh.

Sipas padisë e cila u ngrit në shtetin amerikan të Delaware, Musk “devijoi talentin dhe burimet e pakta nga Tesla në xAI dhe mblodhi miliarda dollarë për xAI ndërsa pretendonte aksesin e xAI në të dhënat e lidhura me AI të Tesla”.

Padia, e raportuar fillimisht nga TechCrunch dhe Business Insider, vjen menjëherë pasi Musk hoqi dorë nga padia e tij kundër OpenAI, kompania e cila qëndron pas ChatGPT, te e cila ai ishte një investitor origjinal./UBTNews/

Vazhdo të lexosh

Lajmet

Gjermania kap sasi rekorde të kokainës

Publikuar

2 ditë më parë

më

14 Qershor, 2024

nga

Autoritetet gjermane njoftuan sot për sekuestrimin e rreth 35 ton kokaine, në atë që besohet të jetë kapja më e madhe në llojin e tij.

Droga u zbulua për herë të parë në portin e Hamburgut vitin e kaluar, por autoritetet nuk kanë dhënë asnjë informacion prej muajsh për shkak të hetimeve në vazhdim, sipas mediave gjermane.

Sipas Ministrisë së Drejtësisë të North Rhine-Westphalia, vlera e vlerësuar në rrugë e 35 tonëve kokainë ishte disa miliardë euro.

Gjatë bastisjeve të policisë, të paktën shtatë të dyshuar u arrestuan në disa shtete federale, duke përfshirë Hamburgun, Berlinin, Bavarinë dhe Saksoninë e Ulët.

Tri portet më të mëdha në Evropë – Roterdami, Antverpen dhe Hamburgu – përdoren shpesh nga kartelet për kontrabandë të drogës nga Amerika e Jugut.

Në vitin 2021, zyrtarët doganorë në Hamburg sekuestruan 16 ton kokainë, me një vlerë rruge prej afro 3.5 miliardë euro. Ishte kapja më e madhe e vetme e kokainës deri më tani në Gjermani. /AA

Vazhdo të lexosh

Të kërkuara