

Lajmet
Protestojnë punëtorët e Lotarisë së Kosovës, kërkojnë miratimin e ligjit
Published
4 years agoon
By
Betim GashiSindikata e Punëtorëve të Lotarisë së Kosovës kanë organizuar sot një protestë para Qeverisë së Kosovës, me kërkesa për miratimin e ligjit për Lotarinë e Kosovës dhe kthimin e tyre në vendet e punës.
Ata thonë se qe dy vjet kanë mbetur pa punë, ndërsa kanë kaluar më shumë se 12 muaj pa marrë asnjë pagë, gjë e cila ua ka rënduar edhe më shumë gjendjen ekonomike.
Kryetari i Sindikatës së Punëtorëve të Lotarisë, Shkumbin Goçi ka tentuar të takohet me zyrtarët nga Qeveria e Kosovës, por ai tregon se një gjë e tillë ishte e pamundur.
“Prej formimit të qeverisë kemi tentuar disa herë të takohemi me ministrin, kemi dërguar shkresa, kërkesa fizikisht, kemi dërguar edhe përmes e-mail, kemi tentuar të kontaktojmë dhe përmes telefonit. Kemi ardhur edhe fizikisht disa herë, nuk kanë pranuar që të takohen. Edhe sot kërkova që të takohen, më thanë që janë në rishikim të buxhetit edhe nuk kanë kohë me u taku me juve”, tha ai.
Ai tha se do të dalin çdo ditë në rrugë të kërkojnë të drejtat e tyre, meqë gati 70 familje janë shkatërruar ekonomikisht. Edhe Ibadete Hasani, dikur punëtore në Lotarinë e Kosovës, ka shprehur pakënaqësitë e saj, duke shtuar se durimit të tyre u ka ardhur fundi.
“Ne më 10 maj 2019 jemi të pezulluar dhe kanë kaluar pothuajse dy vjet edhe asgjë nuk kanë marrë asnjë hap. Nuk kërkojmë asgjë më tepër, vetëm miratimin e ligjit dhe pagat. Kanë kaluar një vit prej kur nuk ka pasur as paga. Duke e marrë parasysh edhe pandemia, punëtorët janë në hall të madh. Shkaqet ekonomike do të thotë na takon… Është e tepërt durimin pothuajse i ka ardhur fundi, duke pritur. Para zgjedhjeve premtime, pas zgjedhjeve neglizhim total për Lotarinë e Kosovës”, tha ajo.
Ajo shton se kanë dërguar shumë kërkesa në adresë të ekzekutivit, por që shumë prej tyre as nuk janë hapur.
Për këto vështirësi flet edhe Zijadin Ramadani, i cili tregon se ai është i shqetësuar për gjendjen e tij të rëndë ekonomike.
“Edhe një vit dal në pension dhe nuk kemi kurrfarë të drejt. Kjo nuk është e mirë as për shtetin, as për neve. Kemi kredi, absolutisht nuk ka dëgjuar askush për ne. Deri në momentin e fundit do të jem këtu”, ka thënë Ramadani për KosovaPress.
Pjesë e protestës ishte edhe Shkëlzen Morina nga Gjakova, i cili ka punuar më shumë se tri dekada në Lotarinë e Kosovës. Ai tha se nga qeveria po kërkojnë punë dhe jo lëmoshë.
“Kemi mbetur shumë keq, kemi familje. Jemi në prag të ekzistencës elementare për jetesë. Ne do të dalim prapë këtu, qeveria nuk pranoi të bisedojë. Ne do të dalim çdo ditë derisa të na plotësohen kushtet. Ligji është miratuar, andaj Kuvendi duhet ta miratojë. Nuk jemi duke kërkuar lëmoshë, por punë”, u shpreh ai.
Para dy vjetësh, Kuvendi i Kosovës ka miratuar ligjin, sipas të cilit mbyllen të gjitha lojërat e fatit në tërë Kosovën, përfshirë lojërat që organizohen nga Lotaria e Kosovës. Ligji ka hyrë në fuqi më 10 maj 2019 dhe nga ajo datë janë pezulluar të gjitha lojërat e fatit të lotarisë deri në miratimin e ligjit të veçantë për Lotarinë e Kosovës.

Këtë të mërkurë, Stambolli ishte thuajse bosh. Lokalet, marketet dhe bizneset e tjera ishin të pashkelura, pasi qytetarët iu bashkuan thirrjes së opozitës për një bojkot 24-orësh, duke shprehur pakënaqësinë e tyre ndaj çmimeve të larta dhe gjendjes ekonomike të vështirë. Kjo nismë është përgjigje ndaj inflacionit në rritje dhe humbjes së vlerës së monedhës vendase, Lirës turke.
Një Euro këmbehet tani me rreth 41 Lira, ndërsa një Dollar me rreth 38 Lira, duke shkaktuar pasiguri ekonomike për shumë qytetarë. Pavarësisht mbështetjes për bojkotin nga opozita, mendimet e qytetarëve janë të ndara për këtë nismë. Disa shohin në të një mundësi për të shprehur pakënaqësinë, ndërsa të tjerë mbeten të rezervuar, duke dyshuar për efektivitetin e tij.
Përveç sektorit të biznesit, bojkoti ka prekur edhe median. Opozita ka kërkuar bojkotimin e televizioneve pro-qeveritare, duke rezultuar në një rënie të dukshme të audiencës. Ky reagim qytetar është përshkallëzuar pas arrestimit të kryebashkiakut të Stambollit, Ekrem Imamoglu, dhe një valë protestash që ka përfshirë vendin.
Lajmet
Tarifat e reja nga SHBA: Kosova dhe Shqipëria 10 për qind, Serbisë 37 për qind
Published
9 minutes agoon
April 3, 2025By
UBT NEWS
Presidenti amerikan Donald Trump ka vendosur tarifa të reja ndaj partnerëve tregtarë të Shteteve të Bashkuara, duke përfshirë Kosovën dhe Shqipërinë, të cilat do të përballen me një tarifë prej 10%. Ndërkohë, Serbisë i është vendosur një tarifë më e lartë prej 37%. Këto tarifa kanë hyrë menjëherë në fuqi, duke shkaktuar një reagim të shpejtë ndërkombëtar dhe duke theksuar politikën proteksioniste të SHBA-së në fushën e tregtisë.
Në një fjalim të mbajtur në Kopshtin e Trëndafilave të Shtëpisë së Bardhë, Trump e quajti këtë ditë “ditë të lirisë”, duke theksuar se ky veprim është një hap drejt rilindjes së industrisë amerikane dhe përmirësimit të balancave tregtare. Ai akuzoi shtetet e tjera për praktika të padrejta tregtare, përfshirë vjedhjen e pronës intelektuale dhe mbështetje të padrejtë për industrinë e makinave, duke theksuar se kjo ka dëmruar ekonominë amerikane.
Trump gjithashtu njoftoi se do të vendoset një tarifë prej 25% për makinat e prodhuara jashtë SHBA-së, duke synuar mbrojtjen e industrisë automobilistike të vendit. Ky vendim ka shkaktuar reagime të ndryshme, veçanërisht në vendet e Ballkanit, që tani do të përballen me rritje të kostove tregtare si pasojë e masave të reja tarifore./UBTNews/
Lajmet
Vuçiç bisedon me sekretarin e Jashtëm britanik për Kosovën dhe situatën në Bosnje
Published
26 minutes agoon
April 3, 2025By
UBT NEWS
Sekretari i Jashtëm i Mbretërisë së Bashkuar, David Lammy, ka zhvilluar një bisedë të rëndësishme me presidentin e Serbisë, Aleksandar Vučić, në Beograd, ku kanë diskutuar mbi procesin e normalizimit të marrëdhënieve ndërmjet Serbisë dhe Kosovës, si dhe mbi situatën në Bosnje e Hercegovinë, veçanërisht në lidhje me veprimet antikushtetuese të Millorad Dodikut, presidentit të entitetit serb të Bosnje e Hercegovinës, Republika Sërpska.
Pas takimit, Lammy theksoi rëndësinë e një Ballkani Perëndimor të qëndrueshëm dhe të sigurt, duke shtuar se stabiliteti i këtij rajoni është thelbësor për Mbretërinë e Bashkuar. Ai theksoi gjithashtu rolin kyç që Serbia ka në ruajtjen e këtij stabiliteti.
Në lidhje me çështjen e Kosovës, Lammy dhe Vučić u pajtuan se dialogu ndërmjet Kosovës dhe Serbisë është thelbësor për arritjen e një normalizimi të qëndrueshëm dhe paqësor të marrëdhënieve. Lammy po qëndronte në Beograd pas një vizite dyditore në Prishtinë, ku u takua me liderët e Kosovës dhe u bëri thirrje autoriteteve të Kosovës që të angazhohen plotësisht në dialogun me Serbinë, i ndërmjetësuar nga Bashkimi Evropian.
Në lidhje me Bosnje e Hercegovinën, Lammy diskutoi me Vučićin mbi veprimet e presidentit të Republikës Sërpska, Millorad Dodik, të cilat ai i cilësoi si antikushtetuese. Megjithatë, Vučić shprehu mospajtim me këtë vlerësim, duke theksuar se Serbia do të respektojë gjithmonë Marrëveshjen e Dejtonit dhe integritetin territorial të Bosnje e Hercegovinës. Ai shtoi se Serbia nuk dëshiron asnjë konflikt.
Gjykata e Bosnje e Hercegovinës kishte kërkuar më herët fletarrestime ndërkombëtare për Dodikun dhe Nenad Stevandiqin, kryetarin e Kuvendit Popullor të Republikës Sërpska, për shkak të dyshimeve se ata kanë shkelur rendin kushtetues të Bosnjës. Megjithatë, Dodik deklaroi se iu ishte njoftuar nga Vučić se kërkesa për fletarrestime ndërkombëtare nuk ishte pranuar nga INTERPOL-i.
Takimi mes Lammy dhe Vučićit u shoqërua me nënshkrimin e tri memorandumeve mirëkuptimi nga të dyja palët.
Lajmet
Trump njofton tarifat e reja globale, Von der Leyen paralajmëron kundërmasa nga BE
Published
39 minutes agoon
April 3, 2025By
UBTNews
Presidenti amerikan, Donald Trump ka njoftuar një valë tarifash të reja doganore ndaj shumë shteteve, duke deklaruar një taksë universale “bazë” prej 10% për importet në SHBA, teksa e ka quajtur atë si “Dita e Çlirimit”. Trump konfirmoi një tarifë prej 10% për mallrat e Mbretërisë së Bashkuar dhe 20% për mallrat e BE-së, teksa tha se do të fillojë një “epokë të artë” për Amerikën.
Ursula von der Leyen, presidentja e Komisionit Evropian, i ka quajtur tarifat një goditje të madhe për ekonominë botërore.
“Le të jemi të qartë për pasojat e mëdha: ekonomia globale do të vuajë masivisht, pasiguria do të spiralizohet dhe do të shkaktojë rritjen e proteksionizmit të mëtejshëm. Pasojat do të jenë të tmerrshme për miliona njerëz në mbarë globin.”
Ajo theksoi ndikimin që tarifat e Trump do të kenë tek konsumatorët dhe bizneset, të cilët zakonisht përfundojnë duke paguar koston shtesë për mallrat pas zbatimit të masave të tilla.
“Ajo do të ndihet menjëherë nga konsumatorët, duke dëmtuar veçanërisht qytetarët më të rrezikuar,” tha ajo, duke shtuar se të gjitha bizneset, të mëdha dhe të vogla, do të vuajnë që nga dita e parë.
Von der Leyen u ankua gjithashtu për natyrën e gjerë të tarifave, të cilat do të ndikojnë në mënyrë dramatike marrëdhëniet tregtare me atë që ajo e përshkroi si “aleatin më të vjetër të Evropës”.
“Kostoja e të bërit biznes me Shtetet e Bashkuara do të rritet në mënyrë drastike. Dhe për më tepër duket se nuk ka rregull në çrregullim – asnjë rrugë e qartë në kompleksitetin dhe kaosin që po krijohet, pasi të gjithë partnerët kryesorë tregtarë janë goditur”, tha ajo.
Von der Leyen foli gjithashtu për kundërmasa ndaj tarifave të Trump, duke thënë se Evropa tashmë po finalizon paketën e saj të parë të masave në përgjigje të tarifave të para për çelikun dhe përgatit kundërmasa të mëtejshme nëse negociatat dështojnë.
“Unë e di se shumë prej jush ndihen të zhgënjyer nga aleati ynë më i vjetër. Ne duhet të përgatitemi për ndikimin që do të ketë në mënyrë të pashmangshme”, shtoi presidentja e Komisionit Evropian.
Duke mbyllur deklaratën e saj, Von der Leyen theksoi pozicionin e Evropës si një front i bashkuar.
“Ne, Evropa jemi në këtë së bashku: nëse ju përballeni me njërin prej nesh, ju na merrni të gjithëve. Uniteti ynë është forca jonë,” tha von der Leyen.
Ajo theksoi se Evropa do të qëndronte në anën e atyre që preken drejtpërdrejt, duke vënë në dukje se disa nga vendet më të cenueshme në botë po goditen me tarifat më të larta.
“Evropa qëndron së bashku – për biznesin, për qytetarët dhe për të gjithë evropianët, dhe ne do të vazhdojmë të ndërtojmë ura me të gjithë ata që si ne kujdesen për tregtinë e drejtë dhe të bazuar në rregulla si bazë për prosperitet”, përfundoi Von der Leyen.

S’ndalet Ylli, gjunjëzon edhe Vëllaznimin dhe e largon nga gara për pozitën 4

Qytetarët bojkotojnë bizneset në Turqi

Tarifat e reja nga SHBA: Kosova dhe Shqipëria 10 për qind, Serbisë 37 për qind

Vuçiç bisedon me sekretarin e Jashtëm britanik për Kosovën dhe situatën në Bosnje

Ikona e teatrit dhe kinematografisë shqiptare, Margarita Xhepa, ndërron jetë në moshën 91 vjeçare

Rrjedhje masive e informacioneve të 2.8 miliardë llogarive në X, a është goditur gjiganti i Elon Musk?

Trump njofton tarifat e reja globale, Von der Leyen paralajmëron kundërmasa nga BE

“S’e pranova ndarjen, trupin e futa në valixhe”, dëshmia e 23-vjeçarit filipinas që vrau studenten shqiptare

Tarifat, grupi “Asnjë cent më shumë” sërish proteston te ZRRE-ja
Të kërkuara
-
Bota2 months ago
Marrëveshja për pranimin e pakufizuar të emigrantëve, Shtëpia e Bardhë tërhiqet nga tarifat ndaj Kolumbisë
-
Bota2 months ago
Fluturimet e dëbimit kanë filluar, thotë Shtëpia e Bardhë
-
Bota2 months ago
Shtëpia e Bardhë: Armëpushimi në Liban do të zgjatet deri më 18 shkurt
-
Bota3 months ago
Trump zbulon listën e zezë të Shtëpisë së Bardhë