Shëndeti

Pirja e çajit zvogëlon rrezikun e zhvillimit të sëmundjeve

Pirja e të paktën katër filxhanëve çaj në ditë mund të zvogëlojë rrezikun e zhvillimit të diabetit të tipit 2, sugjeron një studim i ri.

Published

3 years ago

September 30, 2022

Betim Gashi

Është e mundur që disa përbërës të çajit, të tilla si polifenolet, mund të ulin nivelet e glukozës në gjak, por mund të kërkohen sasi të mjaftueshme të këtyre përbërjeve bioaktive për të qenë efektive.

Pirja e të paktën katër filxhanëve çaj në ditë mund të zvogëlojë rrezikun e zhvillimit të diabetit të tipit 2, sugjeron një studim i ri.

Studimi zbuloi se pirja e çajit të zi, jeshil ose oolong çdo ditë lidhej me një rrezik 17 për qind më të ulët të diabetit për një mesatare prej 10 vjetësh.

Pirja e një deri në tre filxhanë çaji në ditë ul rrezikun me katër për qind.

Gjetjet u prezantuan në takimin vjetor të Shoqatës Evropiane për Studimin e Diabetit në Stokholm dhe bazohen në një rishikim të 19 studimeve që përfshijnë më shumë se një milion njerëz.

“Rezultatet tona janë emocionuese sepse sugjerojnë që njerëzit mund të bëjnë diçka kaq të thjeshtë sa të pinë katër filxhanë çaj në ditë për të reduktuar potencialisht rrezikun e zhvillimit të diabetit të tipit 2”, tha autorja kryesore, Xiaying Li, pranë Universitetit të Shkencës dhe Teknologjisë Wuhan në Kinë.

Hulumtimet e mëparshme kanë treguar se çaji mund të jetë i dobishëm për shëndetin, pjesërisht sepse ai përmban antioksidues dhe polifenole që mund të mbrojnë kundër sëmundjeve. Por për të reduktuar rrezikun e diabetit të tipit 2, ekspertët bien dakord se njerëzit duhet të kontrollojnë kryesisht peshën e tyre, pasi obeziteti është shkaku kryesor i zhvillimit të diabetit të tipit 2.

Kur studiuesit bënë një rishikim sistematik të studimeve ekzistuese deri në shtator 2021 nga tetë vende, analiza tregoi se çdo filxhan çaj në ditë ul rrezikun e zhvillimit të diabetit të tipit 2 me rreth një për qind.

Gjetjet u konfirmuan pavarësisht nga lloji i çajit që pinin njerëzit, nëse ishin burra apo gra, dhe pavarësisht se ku jetonin.

Xiaying Li tha se çaji është treguar se zvogëlon rrezikun, por vetëm kur konsumohet në sasi mjaft të mëdha.

“Është e mundur që disa komponentë të çajit, të tilla si polifenolet, mund të ulin nivelet e glukozës në gjak, por një sasi e mjaftueshme e këtyre përbërjeve bioaktive mund të jetë e nevojshme për të qenë efektive”, shtoi ajo.

Shëndeti

Ushqimet më të mira kundër fryrjes së stomakut

Published

2 days ago

May 8, 2025

Albina Zeneli

Dhimbjet e barkut, gazrat dhe fryrja e stomakut janë simptoma të një tretjeje problematike por edhe pasoja të ushqyerjes së keqe.

Ka ushqime të caktuara që shkaktojnë fryrje artificiale të stomakut por edhe gazra të vazhdueshme dhe një ndjesi parehatie të madhe.

Në shumë raste, fryrja e stomakut mund të eliminohet falë konsumit të ushqimeve dhe pijeve të caktuara të shëndetshme për tretjen.

Cilat janë ushqimet që eliminojnë fryrjen e stomakut?

Kivi – Një frut i pasur me fibër. Ekspertët thonë se ngrënia e dy frutave në ditë për katër javë me rradhë eliminon konstipacionin dhe fryrjet e stomakut.

Çaji i nenexhikut – Ky çaj është përdorur prej shekujsh për të përmirësuar tretjen e zgjidhur problemet e stomakut. Ky çaj ose suplementët e nenexhikut mund të konsumohen rregullisht për katër javë. Në këtë mënyrë përgjysmojnë simptomat e problemeve me tretjen dhe do të shfryjnë stomakun.

Bananja – Ky frut është një burim i pasur i fibrës e cila ushqen bakteret e mira në stomak dhe përmirëson tretjen. Gratë që hanë dy banana në ditë për 2 muaj me rradhë kanë një bark më të sheshtë.

Kefiri – Përmban enzimë të rëndësishme që shpërbën laktozën, një sheqernë tek qumështi që shkakton probleme me stomakun. Pirja e kefirit zgjidh problemet me tretjen dhe eliminon fryrjen dhe gazrat me të paktën 70%.

Xhenxhefili – Xhenxheri është përdorur prej mijëra vitesh për të qetësuar stomakun e përmirësuar tretjen. Ai qetëson muskujt e lejon trupin të nxjerrë gazrat më me lehtësi. Xhinxheri, një prej përbërësve kryesorë të këtij zhardhoku, ofron përfitime të shkëlqyera për stomakun dhe tretjen.

Pjepri – Ka aftësi çliruese edhe madje ndihmon në eliminimin e ujrave të tepërt nga organizmi. Ai shfryn stomakun por edhe shërben si zëvendësues natyral i elektroliteve sepse është shumë i pasur me kalium. /UBT News/

Shëndeti

Qëndrimi ulur për periudha të gjata rrit rrezikun për sëmundje kronike

Published

2 days ago

May 8, 2025

Albina Zeneli

Qëndrimi ulur për më shumë se 6 orë në ditë lidhet me rritjen e rrezikut për diabet, obezitet dhe sëmundje të zemrës, paralajmërojnë ekspertët e shëndetit.

Rekomandohet ngritja dhe lëvizja çdo 30–60 minuta.

Kur trupi është në gjendje pasive për periudha të gjata, metabolizmi ngadalësohet, muskujt e këmbëve dobësohen dhe qarkullimi i gjakut ngadalësohet, duke rritur rrezikun për mpiksje gjaku dhe tension të lartë.

Zgjidhja praktike është përdorimi i tavolinave të ngritura, pushimet aktive ose ecjet e shkurtra gjatë ditës së punës.

Edhe lëvizje të vogla, si shtrirja apo ushtrime të lehta, bëjnë ndryshim të madh në afatgjatë.

Shëndeti

Të mirat dhe “dëmet” nga konsumimi i fasuleve

Published

2 days ago

May 8, 2025

Albina Zeneli

Fasulet konsiderohen si ushqim i shëndetshëm dhe janë të pasura më shumë vitamina. Por, ato kanë edhe disa efekte jo shumë të këndshme.

Ndër dobitë e fasuleve janë përmbajtja e lartë e hekurit, kaliumit, fibrave, proteinave dhe vitaminës B, transmeton EO.

Gjithashtu fasulet kanë veti kundër kancerit, për shkak të kimikateve që përmbajnë të cilat luftojnë qelizat kancerogjene.

Ndër të tjera parandalojnë sëmundjet e zemrës, ulin kolesterolin dhe ndihmojnë në humbje peshe, për shkak se ngopin dhe nuk shëndoshin.

Të prekurit nga diabeti nuk duhet t’i ndajnë nga tryeza, për shkak se garantojnë një burim të qëndrueshëm të glukozës.

Por krahas dobive fasulet kanë edhe efekte të pakëndshme si gazrat, rritje të presionit të gjakut dhe stimulojnë shkaktimin e migrenë.

Shëndeti

Ankthi i heshtur: Si manifestohet te gratë dhe pse nuk merret seriozisht?

Published

2 days ago

May 8, 2025

Albina Zeneli

Ajo është vajza që gjithmonë mban situatat nën kontroll. Qesh, është e organizuar, e vëmendshme me të gjithë. Por ajo që nuk shohim është lodhja që ndjen nga brenda, ndjesia e përhershme e ankthit dhe tensionit që nuk shprehet me fjalë.

Shpesh, tek gratë ankthi nuk vjen me panik apo shpërthime emocionale, por me një ndjesi konstante të “mosmjaftueshmërisë”.

Perfeksionizmi, mbingarkesa me përgjegjësi dhe pritshmëritë sociale bëjnë që shumë gra ta fshehin ankthin me një buzëqeshje, madje edhe nga vetja e tyre.

Mjekët dhe rrethi shoqëror mund të mos e kuptojnë fare – sepse gratë kanë mësuar ta mbajnë veten gjithmonë “në rregull”.

Por kjo është pikërisht ajo që e bën ankthin e tyre më të rrezikshëm: fakti që nuk merret seriozisht, as kur ka nevojë urgjente për ndihmë.

Stop ankthit të heshtur!