Sport

Pesë vjet pa legjendën e futbollit

Mëngjesin e 9 qershorit të vitit 2018, ndërsa po ushtronte në palestër Vokrri pësoi një sulm në zemër dhe ndërroi jetë në moshën 57-vjeçare.

Published

3 years ago

June 9, 2023

Betim Gashi

Sot bëhen pesë vjet pas ndarjes nga jeta të legjendës shqiptare të futbollit Fadil Vokrri. Ai ishte njëri nga futbollistët më të mirë shqiptar dhe është më i merituari për formimin e Kombëtares së Kosovës në futboll dhe për pranimin e FFK-së në UEFA dhe FIFA.

Fadil Vokrri u lind më 23 korrik të vitit 1960 në Podujevë. Me futboll nisi të merret si 15-vjeçar, kurse si 17-vjeçar debutoi në KF “Llapi” në Podujevë.

Më pas në vitin 1980 kaloi tek KF “Prishtina”, ku luajti 84 ndeshje dhe shënoi 33 gola me këtë skuadër në Ligën e Dytë, kurse në Ligën e Parë të Jugosllavisë në fanellën e Prishtinës pati 88 paraqitje dhe realizoi 22 gola. Periudha e viteve të 80-ta ishte e artë për Vokrrin, i cili në vitin 1984 debutoi në ekipin përfaqësues të Jugosllavisë, duke u bërë futbollisti i vetëm shqiptar që u paraqit në Përfaqësuese, e ku regjistroi 12 paraqitje dhe shënoi 6 gola.

Në vitin 1986 u transferua te Partizani i Beogradit ku në 27 ndeshje shënoi 13 gola. Ai me meritë e fitoi epitetin e legjendës së futbollit kosovar, pasi ishte bartës i flamurit olimpik në Lojërat Olimpike Dimërore në Sarajevë në vitin 1984, derisa në vitin 1987 ishte shpallur lojtari më i mirë në Jugosllavi.

Në vitin 1989 kaloi në Francë te skuadra Nimes dhe më pas u transferua në klubin turk, Fenerbahçe ku luajti me mjaft sukses në edicionet 1990-1992. Pas karrierës në kampionatin turk ai u rikthye në Francë ku jetoi me familjen dhe luajti edhe për disa vjet për skuadrat e niveleve më të ulëta franceze, Bourges dhe Montluçon, para se t’i jepte fund karrierës.

Pas çlirimit të Kosovës, ai, u kthye në atdhe, fillimisht për ta ndihmuar ish-klubin e tij, Prishtina, në postin e drejtorit, kurse më pas në shkurt të vitit 2008 e mori timonin e Federatës së Futbollit të Kosovës si njeriu më i duhur për ta drejtuar FFK-në drejt anëtarësimit në UEFA e FIFA.

Më 15 janar 2016, Vokrrit iu besua mandati i tretë katërvjeçar si kryetar i FFK-së. Ai ishte i diplomuar në Fakultetin e Menaxhmentit dhe Biznesit, kurse përveç gjuhës amtare zotëronte edhe gjuhët frënge, turke dhe serbo-kroate.

Mëngjesin e 9 qershorit të vitit 2018, ndërsa po ushtronte në palestër Vokrri pësoi një sulm në zemër dhe ndërroi jetë në moshën 57-vjeçare.

Lamtumira e fundit Vokrrit iu dha me nderimet më të larta shtetërore të nesërmen, më 10 qershor, ndërsa ajo ditë ishte ditë zie kombëtare.

Sport

Muriqi emocionon tifozët e Mallorcas me mesazhin pas sezonit

Published

1 hour ago

May 26, 2026

UBTNews

Vedat Muriqi u ka dërguar një mesazh emocional tifozëve të RCD Mallorca pas përfundimit të sezonit në La Liga, duke shprehur zhgënjimin për mënyrën se si u mbyll edicioni për skuadrën spanjolle.

Sulmuesi kosovar tha se ndien “dhembje dhe trishtim në zemër”, pasi Mallorca nuk arriti objektivat e synuara këtë sezon, megjithatë ai theksoi se skuadra ka luftuar deri në fund në çdo ndeshje.

Muriqi falënderoi tifozët për mbështetjen gjatë gjithë sezonit, duke thënë se përkrahja e tyre ka qenë shumë e rëndësishme për ekipin në momentet më të vështira.

Ai gjithashtu premtoi se skuadra do të punojë për t’u rikthyer më e fortë në sezonin e ardhshëm, ndërsa mbetet një nga lojtarët kryesorë të Mallorcas dhe një prej futbollistëve më të rëndësishëm të Kombëtares së Kosovës.

Sport

Sukses i madh për Kosovën, Lisjeta Thaqi del e para në botë

Published

5 hours ago

May 26, 2026

UBTNews

Pilotja kosovare Lisjeta Thaqi ka shkëlqyer në serinë e dytë të Paragliding Accuracy World Cup, e mbajtur në Maqedonia e Veriut, duke triumfuar me vendin e parë në kategorinë e femrave.

Me një performancë të qetë, të saktë dhe në nivel elitar, Thaqi arriti të lërë pas shumë emra të njohur të këtij sporti, duke ngritur flamurin e Kosovës në arenën ndërkombëtare. Ky sukses vlerësohet si rezultat i punës së vazhdueshme, përkushtimit dhe profesionalizmit që ajo ka dëshmuar në garat ndërkombëtare.

Suksese të rëndësishme regjistruan edhe pilotët tjerë kosovarë. Migjen Shala u rendit në vendin e katërt në klasifikimin e përgjithshëm, ndërsa Fanol Shala dhe Lisjeta Thaqi ndanë vendin e pestë në botë.

Rezultatet e fundit konfirmojnë ngritjen e vazhdueshme të Kosovës në sportin e paragllajdingut, me sportistët kosovarë që po rivalizojnë dhe mposhtin elitën botërore në garat ndërkombëtare.

Sport

Titulli i shtatë në histori për KFF Mitrovicën

Published

5 hours ago

May 26, 2026

UBTNews

KFF Mitrovica është shpallur zyrtarisht kampione e Siguria Superligës së Kosovës për edicionin 2025/26, duke kurorëzuar edhe një sezon të suksesshëm në futbollin e femrave.

Skuadra mitrovicase arriti ta fitojë titullin pas paraqitjeve dominuese gjatë gjithë kampionatit, duke konfirmuar edhe një herë epërsinë në elitën e futbollit kosovar.

Ky është titulli i shtatë kampion në historinë e klubit, sukses që dëshmon vazhdimësinë, organizimin dhe stabilitetin e KFF Mitrovicës ndër vite. Me këtë triumf, mitrovicaset kanë siguruar gjithashtu pjesëmarrjen në garat evropiane për sezonin e ardhshëm.

Dominimi i KFF Mitrovicës në futbollin e femrave vazhdon të mbetet shembull i suksesit dhe profesionalizmit në sportin kosovar.

Sport

Kosova fiton sërish ndaj Shqipërisë në përgatitjet për European League 2026

Published

6 hours ago

May 26, 2026

UBTNews

Kombëtarja e Kosovës në volejboll për vajza ka regjistruar edhe fitoren e dytë radhazi në ndeshjet miqësore ndaj Kombëtarës së Shqipërisë në volejboll për vajza, duke triumfuar me rezultat 3:1 në përballjen e zhvilluar në Fark të Shqipërisë.

Ndeshja u zhvillua në kuadër të përgatitjeve për CEV Volleyball European League 2026, ku Kosova synon të paraqitet sa më e përgatitur në sfidat zyrtare të muajit qershor.

Vashat kosovare treguan lojë të mirë, stabilitet dhe organizim në parket, duke konfirmuar progresin e ekipit nën drejtimin e shtabit teknik të udhëhequr nga përzgjedhësi Lorik Ilazi. Në staf janë edhe ndihmësit Ylli Kadriu dhe Vlora Berisha, ndërsa së fundmi ekipit i është bashkuar edhe trajneri spanjoll Alberto Ruiz Rubio.

Kosova do të zhvillojë gjashtë ndeshje gjatë muajit qershor në kuadër të European League 2026. Fillimisht do të përballet me Kombëtarja e Spanjës në volejboll për vajza më 6 qershor, më pas ndaj Kombëtarja e Bosnjë dhe Hercegovinës në volejboll për vajza më 7 qershor.

Më 12 qershor, Kosova luan kundër Kombëtarja e Greqisë në volejboll për vajza, më 14 qershor përballet me Kombëtarja e Portugalisë në volejboll për vajza, ndërsa më 19 dhe 21 qershor do të luajë ndaj Kombëtarja e Malit të Zi në volejboll për vajza dhe Kombëtarja e Hungarisë në volejboll për vajza.

Federata e Volejbollit e Kosovës ka falënderuar Federata Shqiptare e Volejbollit për bashkëpunimin dhe organizimin e ndeshjeve miqësore, të cilat konsiderohen shumë të rëndësishme për përgatitjen e të dy kombëtareve.