Sport

Ronaldo zbulon pse yjet e futbollit po i bashkohen atij në Arabinë Saudite

“Jam i sigurt se pas dy ose tre vitesh, kjo ligë do të jetë njëra nga më të rëndësishmet në botë”, tha ai.

Published

3 years ago

June 8, 2023

UBT news

Cristiano Ronaldo beson se transferimi i tij në Arabinë Saudite më herët këtë vit i ka hapur rrugën lojtarëve të tjerë të futbollit evropian t’i bashkohen atij atje.

Ronaldo u largua nga Manchester United para se të nënshkruante një marrëveshje prej 200 milionë eurosh në vit te Al Nassri.

Që nga ajo kohë, klubet nga liga saudite kanë filluar të jenë më të përfshira në transferimet në merkaton evropiane, duke qenë vazhdimisht të lidhura me disa nga emrat më të njohur të futbollit.

Lionel Messi ishte i lidhur gjithashtu me një kalim te Al Hilal para se t’i bashkohej Inter Miamit, ndërsa N’Golo Kante është afër që të kompletojë transferimin e tij te Al Ittihad në një marrëveshje prej 200 milionë eurosh për dy vitet e ardhshme.

Karim Benzema, fituesi i Topit të Artë, befasoi tifozët e futbollit evropian duke iu bashkuar Al Ittihad nga Real Madridi.

“E dija se transferimi im në Arabinë Saudite do të hapte dyert dhe unë nuk isha gabim. Jam i sigurt se pas dy ose tre vitesh, kjo ligë do të jetë njëra nga më të rëndësishmet në botë. Karim Benzema veçse u largua dhe jam i sigurt 1000% që edhe shumë të tjerë”, tha më tej Ronaldo.

Kalimi i Ronaldos në Arabinë Saudite me sa duket ka qenë pika e kthesës në përpjekjet e rekrutimit të ligës saudite. Që atëherë, një numër emrash janë përfolur për një kalim në Lindjen e Mesme.

Related Topics:Cristiano Ronaldo Arabia Saudite

Up Next

Pesë vjet pa legjendën e futbollit

Don't Miss

City e konfirmon listën e lojtarëve për finalen e Ligës së Kampionëve

Sport

Sukses i madh për Kosovën, Lisjeta Thaqi del e para në botë

Published

1 hour ago

May 26, 2026

UBTNews

Pilotja kosovare Lisjeta Thaqi ka shkëlqyer në serinë e dytë të Paragliding Accuracy World Cup, e mbajtur në Maqedonia e Veriut, duke triumfuar me vendin e parë në kategorinë e femrave.

Me një performancë të qetë, të saktë dhe në nivel elitar, Thaqi arriti të lërë pas shumë emra të njohur të këtij sporti, duke ngritur flamurin e Kosovës në arenën ndërkombëtare. Ky sukses vlerësohet si rezultat i punës së vazhdueshme, përkushtimit dhe profesionalizmit që ajo ka dëshmuar në garat ndërkombëtare.

Suksese të rëndësishme regjistruan edhe pilotët tjerë kosovarë. Migjen Shala u rendit në vendin e katërt në klasifikimin e përgjithshëm, ndërsa Fanol Shala dhe Lisjeta Thaqi ndanë vendin e pestë në botë.

Rezultatet e fundit konfirmojnë ngritjen e vazhdueshme të Kosovës në sportin e paragllajdingut, me sportistët kosovarë që po rivalizojnë dhe mposhtin elitën botërore në garat ndërkombëtare.

Sport

Titulli i shtatë në histori për KFF Mitrovicën

Published

2 hours ago

May 26, 2026

UBTNews

KFF Mitrovica është shpallur zyrtarisht kampione e Siguria Superligës së Kosovës për edicionin 2025/26, duke kurorëzuar edhe një sezon të suksesshëm në futbollin e femrave.

Skuadra mitrovicase arriti ta fitojë titullin pas paraqitjeve dominuese gjatë gjithë kampionatit, duke konfirmuar edhe një herë epërsinë në elitën e futbollit kosovar.

Ky është titulli i shtatë kampion në historinë e klubit, sukses që dëshmon vazhdimësinë, organizimin dhe stabilitetin e KFF Mitrovicës ndër vite. Me këtë triumf, mitrovicaset kanë siguruar gjithashtu pjesëmarrjen në garat evropiane për sezonin e ardhshëm.

Dominimi i KFF Mitrovicës në futbollin e femrave vazhdon të mbetet shembull i suksesit dhe profesionalizmit në sportin kosovar.

Sport

Kosova fiton sërish ndaj Shqipërisë në përgatitjet për European League 2026

Published

2 hours ago

May 26, 2026

UBTNews

Kombëtarja e Kosovës në volejboll për vajza ka regjistruar edhe fitoren e dytë radhazi në ndeshjet miqësore ndaj Kombëtarës së Shqipërisë në volejboll për vajza, duke triumfuar me rezultat 3:1 në përballjen e zhvilluar në Fark të Shqipërisë.

Ndeshja u zhvillua në kuadër të përgatitjeve për CEV Volleyball European League 2026, ku Kosova synon të paraqitet sa më e përgatitur në sfidat zyrtare të muajit qershor.

Vashat kosovare treguan lojë të mirë, stabilitet dhe organizim në parket, duke konfirmuar progresin e ekipit nën drejtimin e shtabit teknik të udhëhequr nga përzgjedhësi Lorik Ilazi. Në staf janë edhe ndihmësit Ylli Kadriu dhe Vlora Berisha, ndërsa së fundmi ekipit i është bashkuar edhe trajneri spanjoll Alberto Ruiz Rubio.

Kosova do të zhvillojë gjashtë ndeshje gjatë muajit qershor në kuadër të European League 2026. Fillimisht do të përballet me Kombëtarja e Spanjës në volejboll për vajza më 6 qershor, më pas ndaj Kombëtarja e Bosnjë dhe Hercegovinës në volejboll për vajza më 7 qershor.

Më 12 qershor, Kosova luan kundër Kombëtarja e Greqisë në volejboll për vajza, më 14 qershor përballet me Kombëtarja e Portugalisë në volejboll për vajza, ndërsa më 19 dhe 21 qershor do të luajë ndaj Kombëtarja e Malit të Zi në volejboll për vajza dhe Kombëtarja e Hungarisë në volejboll për vajza.

Federata e Volejbollit e Kosovës ka falënderuar Federata Shqiptare e Volejbollit për bashkëpunimin dhe organizimin e ndeshjeve miqësore, të cilat konsiderohen shumë të rëndësishme për përgatitjen e të dy kombëtareve.

Sport

Hadërgjonaj mahnit Turqinë, sezoni më i mirë në karrierë me Alanyasporin

Published

2 hours ago

May 26, 2026

UBTNews

Mbrojtësi i Kosovës, Florent Hadërgjonaj, po vazhdon të marrë vlerësime të mëdha në mediat turke pas një sezoni të shkëlqyer me Alanyaspor.

Mediumi turk “SonDakika” ka shkruar të hënën se 31-vjeçari zhvilloi një nga edicionet më të mira të karrierës së tij gjatë sezonit 2025/26, duke u shndërruar në një prej futbollistëve më të rëndësishëm të skuadrës.

Përveç sigurisë në repartin defensiv, Hadërgjonaj impresionoi edhe në fazën sulmuese. Ai e mbylli sezonin me statistika mbresëlënëse, duke realizuar nëntë gola dhe duke kontribuar me 11 asistime në të gjitha garat.

Sipas “SonDakika”, reprezentuesi kosovar ishte një nga lojtarët kyç në pikët e grumbulluara nga Alanyaspori këtë sezon dhe hyri në histori si një nga mbrojtësit më produktivë jo vetëm të klubit, por edhe të Superligës turke.

Hadërgjonaj është pjesë e Alanyasporit që nga vera e vitit 2023, ndërsa kontrata e tij me klubin turk skadon në vitin 2027.

Te skuadra turke aktivizohet edhe mbrojtësi tjetër kosovar, Fidan Aliti.