Sport

Pesë ndeshjet e para të Kampionatit Botëror “Katar 2022”

Ndeshja hapëse do të zhvillohet më 20 nëntor nga ora 16:00 ku do të ballafaqohen Katari me Ekuadorin.

Published

4 years ago

October 17, 2022

UBT news

Nga 20 nëntori deri më 18 dhjetor të këtij vitit në Katar do të zhvillohet kampionati botëror i futbollit.

Tashmë kur ka mbetur pak më shumë se një muaj, të gjitha përgatitjet janë bërë, ndërsa pritet të ketë një interesim të jashtëzakonshëm për t’i ndjekur ndeshje, si nga tribunat, ashtu edhe përmes transmetimeve televizive.

Ndeshja hapëse do të zhvillohet më 20 nëntor nga ora 16:00 ku do të ballafaqohen Katari me Ekuadorin. Kjo do të jetë ndeshja e vetme e kësaj dite.

Një ditë më pas, pra me 21 nëntor do të zhvillohen tre ndeshje të tjera ku do të ballafaqohen: Anglia-Irani (ora 13:00), Senegali-Holanda (16:00) dhe Amerika-Uellsi (19:00).

Ndërsa, 22 nëntori do të hapet me ballafaqimin ndërmjet Argjentinës dhe Arabisë Saudite, që zhvillohet nga ora 10:00, për të kompletuar kështu pesë ndeshjet e para të botërorit.

Related Topics:Kampionati Boterore "Katari 2022"

Up Next

Pronari i Chelseat kërkon transferimin e yllit të Arsenalit

Don't Miss

Premier Liga po planifikon zhvillimin e një turneu në ShBA

Sport

Tunizia shkarkon trajnerin pas humbjes së rëndë ndaj Suedisë në Botëror

Published

7 hours ago

June 15, 2026

UBTNews

Vetëm pak orë pas humbjes së thellë 5:1 ndaj Suedisë në ndeshjen hapëse të Kupës së Botës 2026, Federata Tuniziane e Futbollit raportohet se ka shkarkuar trajnerin Sabri Lamouchi. Vendimi thuhet se është marrë pas një mbledhjeje urgjente të drejtuesve të federatës, të thirrur menjëherë pas ndeshjes.

Sipas raportimeve të mediave ndërkombëtare, humbja ndaj Suedisë ishte pika kulmore e një serie rezultatesh zhgënjyese, ku përfshihet edhe disfata 5:0 ndaj Belgjikës në një ndeshje miqësore para fillimit të turneut.

Edhe pse Federata Tuniziane ende nuk ka dalë me një njoftim zyrtar, mediat e huaja raportojnë se largimi i Lamouchit konsiderohet i kryer. Trajneri francezo-tunizian kishte marrë drejtimin e kombëtares vetëm në fillim të këtij viti dhe largohet pas vetëm pesë ndeshjeve në krye të ekipit.

Tunizia renditet e fundit në Grupin F pas humbjes ndaj Suedisë, ndërsa ndeshjen e radhës do ta zhvillojë kundër Japonisë më 20 qershor.

Sport

Portugalia mposht Kosovën në CEV European League 2026

Published

10 hours ago

June 15, 2026

UBTNews

Përfaqësuesja e Kosovës në volejboll për femra është mposhtur nga Portugalia me rezultat 3:0 në sete, në ndeshjen e zhvilluar në kuadër të CEV European League 2026 në Larisa të Greqisë.

Portugalia e dominoi setin e parë, duke e fituar me rezultat 25:13. Në setin e dytë, Kosova tregoi reagim më të mirë dhe qëndroi në lojë deri në momentet vendimtare, por përfaqësuesja portugeze arriti ta mbyllë edhe këtë pjesë me 25:20.

Në setin e tretë, Portugalia vazhdoi me ritëm të lartë dhe krijoi epërsi të hershme, duke e fituar 25:12 dhe duke e vulosur fitoren e përgjithshme 3:0.

Kjo ishte ndeshja e fundit e Kosovës në turneun e zhvilluar në Greqi, ku përfaqësuesja fitoi përvojë të vlefshme ndërkombëtare përballë kundërshtareve të forta në kuadër të European League 2026.

D.L

Sport

Diallo i jep fitoren Bregut të Fildishtë me gol në minutën e 90-të

Published

13 hours ago

June 15, 2026

UBTNews

Amad Diallo ishte heroi i ndeshjes, duke shënuar golin vendimtar në fitoren 1:0 të Bregut të Fildishtë ndaj Ekuadorit në Kupën e Botës 2026.

Takimi, i zhvilluar në Filadelfia dhe i vlefshëm për Grupin E, u vendos në minutën e 90-të, kur ylli i ri i Manchester Unitedit realizoi pas aktivizimit në pjesën e dytë, duke i siguruar ekipit tre pikë të arta.

Ndeshja ishte mjaft e tensionuar, me Bregun e Fildishtë që goditi tri herë shtyllën para golit vendimtar, ndërsa Ekuadori vinte në këtë përballje me një seri prej 19 ndeshjesh pa humbje.

Në këtë grup bëjnë pjesë edhe Gjermania dhe Kuraçao, ndërsa përballja e radhës mes Gjermanisë dhe Bregut të Fildishtë do të zhvillohet më 20 qershor në Toronto.

Përfaqësuesja afrikane, e cila në tri Botërorët e fundit nuk ka kaluar grupin, tashmë ka bërë një hap të rëndësishëm drejt kualifikimit në fazën nokaut.

D.L

Foto: Fifa World Cup

Sport

KF Dukagjini njofton ndarjen nga jeta të futbollistit Bajram Rragamaj

Published

13 hours ago

June 15, 2026

UBTNews

Klubi i Futbollit KF Dukagjini nga Gjakova ka bërë të ditur lajmin e rëndë për ndarjen nga jeta të futbollistit të tij të ri dhe premtues, Bajram Rragamaj.

Në një komunikatë zyrtare, klubi ka theksuar se Rragamaj do të kujtohet për kontributin, përkushtimin dhe dashurinë e madhe që kishte për futbollin dhe ekipin.

“Bajrami do të kujtohet gjithmonë për kontributin, përkushtimin dhe dashurinë që kishte,” thuhet në njoftim.

Po ashtu, klubi ka vlerësuar se humbja e tij është e madhe jo vetëm për familjen dhe të afërmit, por edhe për gjithë komunitetin sportiv që e njohu.

“Largimi i tij është një humbje e madhe për familjen, miqtë dhe gjithë komunitetin sportiv që pati fatin ta njohë,” theksohet më tej në komunikatë.

Stafi, futbollistët dhe e gjithë familja e KF Dukagjinit kanë shprehur ngushëllimet më të sinqerta për familjen Rragamaj, të afërmit dhe miqtë e të ndjerit.

D.L