Aktualitet

​Përkujtohet Qerim Kelmendi, kërkohet që vrasësit të dalin para drejtësisë

Dy vjet nga vrasja e tij.

Published

4 years ago

on

Në përvjetorin dytë të vrasjes së Qerim Kelmendit, në Pejë është mbajtur një akademi përkujtimore, ku u tha se ai ishte njeri vizionarë që nuk ia kishte frikën vdekjes, si dhe u kërkua nga institucionet kompetente që të dalin para drejtësisë vrasësit e ish-ushtarit të UÇK-së, Qërim Kelmendit.

Në emër të familjes Kelmendi, vajza e Qerimit, Era Kelmendi, tha se fëmijët e prindërve luftëtarë kanë fat të keq por edhe të mirë, pasi që asnjëherë nuk kishin mundësi të çmalleshin me prindërit e tyre, por fat të mirë pasi që falë tyre Kosova gëzon lirinë.

Ajo kishte edhe një thirrje për institucionet e Kosovës, që sa më parë të gjenden vrasësit e tij.

“Fëmijët e prindërve luftëtarë të lirisë qenkan me fat të keq, por edhe me fat të mirë. Me fat të keq sepse nuk kanë munduar të rriten dhe të çmallen me prindërit e tyre, të përndjekur dhe të rrezikuar deri në vrasje nga armiqtë dhe shërbëtorët e tyre. Por qenkam edhe me fat të mirë sepse liria që e gëzojmë është rezultat i luftës së prindërve tanë. Pra prindërit tanë janë pjesë e lirisë të cilën po e gëzojmë sot, ky fat për ne fëmijët prindërve tanë luftëtarë na bën të ndjehemi krenarë, uroj që babi im Qerim Kelmendi të jetë martiri i fundit i cili pagunë me jetën e vet çlirimin e Kosovës. Më lejoni që në këtë akademi përkujtimore për babanë tim, të kërkojë nga institucionet kompetente të Kosovës që t’i zbulojnë vrasësit dhe ata që qëndrojnë mbrapa vrasjes së babit tim, Qerim Kelmendit”, tha ajo.

Kryetari i Aleancës për Ardhmërinë e Kosovës (AAK), Ramush Haradinaj, në pamundësi të pjesëmarrjes përmes një letre ka kujtuar heroin, Qerim Kelmendi, duke thënë se këto raste të ndriçohen dhe drejtësia të vendoset.

Bedri Islami, kryetari i Lëvizjes Popullore të Kosovës, gjatë viteve 1998-1999, por mik dhe bashkëluftëtarë, e kujton Qerimin si një djalë vizionar, i cili nuk i frikësohej vdekjes, madje siç thotë Islami e shikonte atë duke qeshur. Ai shtoi se Kosova kishte djemë të armatosur dhe vizionarë duke luftuar për mbrojtjen e saj.

“Dy vite më parë, më 27 shkurt, në të gjithë morëm mandatën e Qerim Kelmendit. Askush nuk e kishte menduar se një ditë si kjo do të ndahej nga ne nga familja, miq shokë she Kosova, njëri nga djemtë më shembullor të saj, njeriu që e mbrojti kur të tjerët po e braktisnin, biri që dha jetë, duke mos e llogaritur jetën e tij, luftëtari ndër të parët i Ushtrisë Çlirimtare të Kosovës që e shikonte vdekjen duke qeshur dhe jetën në robëri e përbuzte si parel. Militanti i Lëvizjes Popullore të Kosovës që shikonte tej e përtej të ardhmes dhe përgatiti armët përmes sakrificës. Nuk e kishim menduar se hasmi nuk do ia falte kurrë aktin e tij të shpresës dhe të lirisë, pasur ai vetë e kishte falur hasmin. Jeta dhe rënia e Qerimit nuk mund të kuptohet pa atë që kishte ndodhur në Kosovë, dhe pa atë që pritej të ndodhte. Emrat e mëdhenj takohen lehtësisht, takohen në jetë dhe në histori, ata e bëjnë luftën si gjënë më të natyrshme në botë dhe më e rëndësishmja e bëjnë këtë në kohën e duhur…Historia e Kosovës nuk njeh akt më madhështor, më fatsjellës, më të dobishëm dhe plot sukses se ajo e Ushtrisë Çlirimtare të Kosovës dhe themeluesve të saj, organizatores dhe drejtueses Lëvizjes Popullore të Kosovës”, tha Islami.

Edhe në emër të shoqatave të dala nga lufta e UÇK-së, Faton Klinaku, heroin Qerim Klemendi e cilësoi si një njeri me kontribut shumë të madh dhe me këtë rast ndau edhe një mirënjohje për të.

Kryetari i shoqatës së të burgosurve politik, Hydajet Hyseni, e cilësoi emrin e familjes Kelmendi si një familje me vlera të mëdha.

“Familjen Kelmendi e kemi dëgjuar dhe jemi rritur me emra të njëpasnjëshëm, por personalisht jam takuar me Ibrahim Kelmendi me njërin nga bijtë e kësaj familje në përpjekje me shtyllat e lëvizjes sonë në mërgim, Jusuf Gërvallën, Kadri Zekën, Bardhosh Gërvallën e sa e sa të tjerë gjithandej. Por në përhapje për tu afruar, për tu bashkuar dhe për të krijuar një front të përbashkët të qëndresës dhe të luftës për liri. Ibrahim Kelmendi është njëri nga dijetarët e kësaj përpjekje, ata në Evrope dhe botë kishin arritur të ndërtojnë lirinë ende pa u shpallur, duke i çliruar klubet shqiptare nga prangat e agjenturës jugosllave, dhe kishin ndërtuar rrjedhën e bashkëpunimit të përpjekjeve e që të bashkuar dhe të kalonin në faza të luftës për liri, të unitetit, të luftës politike, dhe mbi këtë bazë edhe të luftës fitimtare finale çlirimtare. Kisha dëgjuar edhe për të burgosur të kësaj familje edhe të familjeve të tjera por që nuk i kishim takuar, shumë vite më vonë pas daljes nga burgu edhe prej atyre që kishin ardhur për vizitë, ishte një djalosh i ri, një i ri tamam, erdhi dhe nuk qëndroi një ditë dhe një orë por qëndroi shumë ditë, një javë më tepër, ishte Qerim Kelmendi…Lavdi Qerim Kelmendit dhe heronjve si Qerim Kelmendit para tij dhe pas tij”, tha ai.

Qerim Kelmendi, dy vite më parë u vra me breshëri automatiku dhe trupi i tij u gjend i djegur në veturën e tij në fshatin Zahaq të Pejës.

Related Topics:
Continue Reading

Rajoni

UBT ofron 20 për qind bursë për programin Master në E Drejta Komerciale për punonjësit e institucioneve të drejtësisë

Published

11 hours ago

on

October 7, 2025

By

UBT po ofron një mundësi të veçantë për profesionistët dhe punonjësit e institucioneve të drejtësisë në Kosovë. Me bursën prej 20 për qind në programin Master (LLM) në E Drejta Komerciale -Tregtare, të gjithë zyrtarët dhe profesionistët e fushës së drejtësisë kanë mundësinë të thellojnë njohuritë e tyre akademike, të zhvillojnë aftësi praktike dhe të përfitojnë nga një program modern dhe multidisiplinar që adreson sfidat komplekse të së drejtës tregtare dhe menaxhimit ligjor.

Ky program synon të zhvillojë ekspertizën e studentëve në aspekte të avancuara të së drejtës tregtare, duke u fokusuar në interpretimin kritik të strukturave dhe parimeve të shoqërive tregtare, kuadrit ligjor kombëtar dhe ndërkombëtar, si dhe menaxhimin e proceseve gjyqësore dhe kontraktuale në një mjedis biznesi gjithnjë më kompleks dhe global.

Objektivat kryesore të programit LLM në E Drejta Komerciale:

  • Zhvillimi i njohurive të thelluara në të drejtën tregtare: Studentët do të mësojnë interpretimin kritik të shoqërive tregtare, qeverisjen dhe shpërbërjen e tyre.
  • Përvetësimi i metodologjive kërkimore të avancuara: Programi ofron aftësi për të kryer kërkime shkencore dhe analizuar të dhëna ligjore në mënyrë kritike.
  • Kuptimi i thelluar i së drejtës së kontratave afariste: Analizimi i krijimit, ekzekutimit dhe shkeljes së kontratave tregtare.
  • Krahasimi i kuadrove ligjore kombëtare dhe ndërkombëtare: Njohuri mbi pronësinë intelektuale, financat dhe bankat, konkurencën, falimentimin dhe arbitrazhin tregtar në kontekstin evropian dhe global.
  • Menaxhimi kreativ i të drejtave të pronësisë intelektuale: Zhvillimi i zgjidhjeve për patentat, markat, të drejtat e autorit dhe sekretet tregtare.
  • Analiza e të drejtave të shoqërive tregtare dhe të ligjeve afariste: Kuptim i avancuar mbi etikën e biznesit, kontratat tregtare dhe tregun e brendshëm të BE-së.
  • Zgjidhja e problemeve në qeverisjen korporative dhe përgjegjësinë sociale: Trajtim i çështjeve komplekse të qeverisjes dhe ndikimi i tyre në performancën e biznesit.

Përfitimet për studentët:

  • Njohuri të avancuara në struktura ligjore dhe procedura gjyqësore.
  • Aftësi për të menaxhuar ekipe në simulime të proceseve gjyqësore tregtare.
  • Ekspertizë në hartimin e kontratave tregtare dhe analizimin kritik të fenomeneve dhe tendencave ligjore.
  • Gatishmëri për të zhvilluar projekte kërkimore dhe analiza në fushën e së drejtës tregtare.

Programi LLM në E Drejta Komerciale i UBT-së është ndërtuar sipas standardeve ndërkombëtare dhe ofron mundësi specializimi në fusha të tilla si:

  • E-drejtësia dhe transaksionet E-Commerce
  • Qeverisja e korporatave dhe përgjegjësia sociale
  • Të drejtat digjitale dhe privatësia
  • Etika në biznes
  • Tregu i brendshëm i BE-së dhe konkurrenca

Me laboratorë modernë, staf akademik me përvojë ndërkombëtare dhe mundësi mobiliteti në universitete partnere, UBT siguron një eksperiencë akademike dhe profesionale të plotë.

Ligjëratat do të zhvillohen me orar fleksibël, duke u përshtatur me nevojat e profesionistëve që tashmë janë aktivë në tregun e punës.

Misioni i programit: Të edukojë profesionistë të kualifikuar dhe etikë, të pajisur me njohuri të avancuara në drejtësinë komerciale, duke kontribuar në forcimin e sundimit të ligjit dhe zhvillimin e qëndrueshëm në Kosovë dhe rajon.

APLIKO TANI ONLINE dhe përfito nga bursa 20 për qind për punonjësit e institucioneve të drejtësisë për të qenë pjesë e këtij programi inovativ dhe avancuar në E Drejta Komerciale.

Continue Reading

Lajmet nga UBT

Profesoresha e UBT-së, Dr. Blertë Zylfiu – Latifi publikon punim shkencor në revistën ndërkombëtare Journal of Stomatology

Published

12 hours ago

on

October 7, 2025

By

Profesoresha e Fakultetit të Stomatologjisë në UBT, Dr. Blertë Zylfiu – Latifi, ka publikuar punimin shkencor me titull “Kosovar Dentists’ Knowledge on Oral Cancer” në revistën ndërkombëtare Journal of Stomatology (Poloni). Artikulli është botuar në vëllimin 78, numrin 3 të vitit 2025 dhe është i qasshëm në format Open Access përmes DOI.

Ky studim ka për qëllim të vlerësojë nivelin e njohurive të dentistëve kosovarë për kancerin oral, duke u fokusuar në njohuritë diagnostike, faktorët e rrezikut dhe aftësitë për identifikimin e lezioneve të hershme. Hulumtimi është zhvilluar me 147 dentistë të përfshirë në programet e specializimit në Qendrën Klinike Stomatologjike Universitare të Kosovës (QKSUK), dhe ka arritur një përgjigje prej 93.19% nga pjesëmarrësit.

Rezultatet tregojnë se dentistët specializantë në Kosovë kanë një nivel mesatarisht të kënaqshëm të njohurive mbi diagnostikimin e kancerit oral, ndërsa vërehet nevoja për arsimim të vazhdueshëm dhe trajnime profesionale në këtë fushë. Studimi thekson rëndësinë e edukimit të dentistëve në parandalimin dhe zbulimin e hershëm të kancerit oral, si pjesë e përpjekjeve për të përmirësuar kujdesin shëndetësor oral në vend.

Punimi është realizuar në bashkëpunim me Dr. Olsa Alku – Latifi, ndërsa është miratuar nga Oda e Stomatologëve të Kosovës (Ref. Nr. 12, 25.05.2021) në përputhje me Deklaratën e Helsinkit.

Ky publikim përbën një tjetër arritje të rëndësishme për UBT-në, duke dëshmuar angazhimin e stafit akademik në kërkimet shkencore me ndikim ndërkombëtar dhe në përmirësimin e praktikave klinike në stomatologji.

Continue Reading

Rajoni

UBT përfaqësohet me sukses në Konferencën Ndërkombëtare të Pedodontisë në Turqi

Published

1 day ago

on

October 6, 2025

By

Prof. Dr. Aida Rexhepi dhe Ligj. Aferdita Gashi nga Katedra e Pedodoncisë dhe Stomatologjisë Preventive të Fakultetit të Stomatologjisë përfaqësuan UBT-në në Konferencën Ndërkombëtare të Pedodontisë në Antalia të Turqisë.

Me një prezantim të studimit të tyre shkencor mbi prevalencën e hipomineralizimit të molarit dhe incizivit te fëmijët e moshës 8-11 vjeç, përfaqësueset e UBT-së treguan ekspertizën e institucionit në hulumtime të avancuara në shëndetin oral dhe stomatologjinë pediatrike.

Konferenca u zhvillua në Antalia të Turqisë, më 4-7 tetor 2025, nën ombrellën e Shoqatës së Pedodonteve të Turqisë. Ky aktivitet ofroi një platformë ndërkombëtare për shkëmbimin e njohurive, diskutimin e metodave më të fundit në stomatologji pediatrike dhe prezantimin e rezultateve të studimeve shkencore nga specialistë të fushës.

Continue Reading

Lajmet

Rektori Hajrizi u uron studentëve mirëseardhje dhe një fillim të mbarë të vitit akademik 2025/26

Published

1 day ago

on

October 6, 2025

By

Rektori i UBT-së, Prof. Dr. Edmond Hajrizi, u ka uruar mirëseardhjen studentëve të rinj dhe atyre aktualë në fillimin e vitit të ri akademik 2025/26. Në fjalën e tij, Rektori Hajrizi theksoi rëndësinë e këtij fillimviti, i cili sjell mundësi për suksese, përvoja të reja edukative dhe zhvillim personal e profesional.

Lexoni mesazhin e plotë të Rektorit Hajrizi:

Të dashur studentë të rinj dhe studentë aktualë të UBT-së,

Në emër të UBT-së dhe në emrin tim personal, ju urojmë mirëseardhje në fillimin e vitit të ri akademik 2025/26.

Ky është një fillimvit që na bashkon për më shumë suksese, përvoja të reja edukative e akademike, si dhe mundësi për zhvillim personal dhe profesional.

UBT mirëpret gjeneratën e re të radhës, e cila bashkë me studentët aktualë, që kanë besuar në edukimin dhe zhvillimin profesional të ofruar nga UBT, do të kontribuojë në një vit të pasur akademik.

Besojmë fuqimisht se, ashtu si gjithmonë, do të veprojmë për të arritur synimet tona kryesore: Top Education for Top Students, duke mbështetur jo vetëm studentët, por edhe zhvillimin e vendit dhe suksesin e Kosovës në arenën globale.

Ju keni zgjedhur të studioni në institucionin më prestigjioz, tashmë të dëshmuar edhe në nivel global, ku cilësia dhe inovacioni janë parimet themelore.

UBT është ranguar ndër universitetet më të mira në botë për cilësi, inovacion, ndërmarrësi, zhvillim të qëndrueshëm, teknologji dhe inteligjencë artificiale, dhe së fundmi, renditet në vendin e parë në botë për angazhimin dhe impaktin në shoqëri.

Për herë të parë në Kosovë dhe në rajon, UBT ka integruar Inteligjencën Artificiale, teknologjitë më të avancuara dhe infrastrukturën e kompletuar të një Qyteti të Mençur, së bashku me një staf cilësor, në rritje, dhe shumë të përkushtuar, në mënyrë që ju të jeni sa më të suksesshëm.

Kështu, gjatë studimeve, ju do të keni mbështetje të plotë nga profesorët, mentorët dhe strukturat tona akademike, duke ju dhënë hapësirën e duhur për të mësuar, krijuar dhe ndërtuar karrierën tuaj.

Ne jemi të përkushtuar t’ju ofrojmë një përvojë studimi të pasur, që jo vetëm do të ndikojë në jetën tuaj personale, por gjithashtu do të kontribuojë në shoqëri dhe në zhvillimin e Kosovës.

Ju uroj një vit akademik të suksesshëm, të mbushur me dije, përvoja dhe arritje të reja. Le të jetë ky vit një hap i sigurt drejt realizimit të ëndrrave tuaja!

Me respekt,

Prof. Dr. Edmond Hajrizi

President dhe Rektor i UBT-së

Continue Reading

Të kërkuara