Lajmet

​Osmani: Zgjedhjet në katër komunat veriore në koordinim më institucionet e sigurisë

Më 18 dhjetor mbahen zgjedhjet në komunat veriore.

Published

3 years ago

on

Presidentja e Kosovës, Vjosa Osmani, ka njoftuar se sipas të gjitha gjasave, 18 dhjetori do të jetë data e zgjedhjeve të jashtëzakonshme për katër komunat veriore në vend.

Osmani para mediave tha se për këtë datë u dakorduan edhe me subjektet politike që morën pjesë në takim.

Presidentja e vendit shtoi se sot në mbrëmje ose nesër në mëngjes pritet të shpallen zgjedhjet, të cilat do të organizohen në koordinim me institucionet e sigurisë.

“Nga të gjitha partitë që ishin prezentë, kërkova mendim rreth datës 18 dhjetor, sepse është data e fundit që lejohet, por në të njëjtën kohë kjo do t’i lejonte hapësirë më të madhe manovrimi Komisionit Qendror të Zgjedhjeve, në mënyrë që të bëhen përgatitjet e nevojshme. Ne, sapo t’i përfundojmë këto deklarime, do të ulemi edhe një herë me ekipin tonë ligjor dhe pastaj do ta bëjmë publik vendimin përfundimtar. Opsion tjetër është data 11 dhjetor, por sipas të gjitha gjasave do të shkojmë më datën 18 dhjetor sapo t’i marrim konfirmimet e duhura nga Komisioni Qendror i Zgjedhjeve që gjithçka është në rregull në këtë datë sa i përket përgatitjeve por, edhe nga institucionet e sigurisë për të gjitha planet operacionale edhe përgatitjen që duhet të bëhen për mbarëvajtjen të zgjedhjeve”, tha Osmani.

Në këtë takim ku nuk morën pjesë përfaqësues të AAK-së dhe Listës Serbe, presidentja nga këtu i bëri thirrje partnerëve tanë ndërkombëtarë për monitorim të zgjedhjeve në veri.

“Data e fundit kur do të mund të mbaheshin zgjedhje sipas këtyre afateve është data 18 dhjetor. Ne kemi diskutuar me partitë politike që ishin pjesëmarrëse në këtë konsultim rreth përgatitjeve që duhet t’i bëjë Komisioni Qendror Zgjedhor, sepse ka procedura të cilat duhet të respektohet në mënyrë që gjithçka të shkojë sipas rregullave dhe standardeve më të larta demokratike. Në të njëjtën kohë unë do t’i drejtoj një kërkesë partnerëve tanë ndërkombëtarë për monitorim të zgjedhjeve dhe pjesëmarrje sa më të madhe ndërkombëtare në këtë proces zgjedhor. Po ashtu, duhet të bëhen të gjitha përgatitjet e nevojshme së bashku me institucionet tona të sigurisë që procesi zgjedhor të shkojë pa tensione”, tha ajo.

Në këtë takim janë diskutuar edhe shqetësimet e partive politike për organizimin e zgjedhjeve, pjesëmarrëse në takim, por Osmani premtoi se do të jenë në koordinim më institucionet e sigurisë për organizimin e zgjedhjeve, të cilat janë të garantuara me Kushtetutë, përfshirë të drejtën në votë.

“Natyrisht që janë diskutuar edhe shqetësimet e të tjera, të cilat ekzistojnë. Si presidente e vendit do të bëj çmos që në koordinim me institucionet e sigurisë të ndërmerren të gjithë hapat, në mënyrë që siguria e qytetarëve tanë të jetë primare dhe të mbrohen të drejtat e tyre të cilat janë të garantuara me Kushtetutë, përfshirë të drejtën në votë”, tha ajo.

Në takim me presidenten kanë marrë pjesë përfaqësues nga Vetëvendosje, Glauk Konjufca, nga PDK-ja, Betim Gjoshi, nga LDK, Imri Ahmeti, dhe nga partitë tjera minoritare, Aleksandër Jabllanoviq nga Partia Serbe e Kosovës, Nenad Rashiq nga Partia Demokratike Progresive, Emilia Rexhepi nga NDS, Elbert Krasniqi dhe Faton Peci nga Lista Guxo.

Zyrtarët e Listës Serbe u larguan nga institucionet e Kosovës nga data 5 nëntor, me arsyetimin se Qeveria nuk po e pezullon vendimin për targat.

Related Topics:
Continue Reading

Lajmet

Anulohen të gjitha seancat për Thaçin për muajt nëntor dhe dhjetor

Published

14 minutes ago

on

November 20, 2025

By

Seancat gjyqësore ndaj ish presidentit të Kosovës, Hashim Thaçi janë anuluar nga Dhomat e Specializuara në Hagë.

“Pas përfundimit të Konferencës së Statusit të sotëm, ju njoftojmë se të gjitha seancat dëgjimore të planifikuara më parë për nëntor dhe dhjetor në gjyqin Thaçi etj. janë anuluar dhe hequr nga Kalendari i Gjykatës. Siç u përmend gjatë Konferencës së Statusit, Trupi Gjykues synon të nxjerrë një vendim mbi hapat e mëtejshëm në procedura më vonë këtë javë“, thuhet në njoftim.

Kujtojmë se në Hagë kanë dëshmuar si dëshmitar të mbrojtjes së Thaçit ndër të tjerë kanë dëshmuar diplomatë amerikanë si; James Rubin, Cristopher Hill dhe së fundmi ish gjenerali i NATO-s, Wesley Clark.

Në mbështetje të krerëve të Ushtrisë Çlirimtare të Kosovës janë mbajtur katër protesta në Prishtinë, Hagë, Tiranë dhe e fundit ka qenë në Strasburg.

Ndërsa, më 5 nëntor janë bërë 5 vite prej kur katërshja e UÇK-së ndodhen në paraburgim. Ish-krerët e UÇK-së akuzohen për krime të pretenduara të luftës për çka janë deklaruar të pafajshëm./KP

Continue Reading

Lajmet

Xhafer Tahiri jep dorëheqje nga pozita e kryetarit të degës së LDK-së në Vushtrri

Published

15 minutes ago

on

November 20, 2025

By

Xhafer Tahiri ka dhënë dorëheqje nga pozita e kryetarit të degës së LDK-së në Vushtrri.

Përmes një postimi në Facebook Tahiri tha se ky vendim i tij nuk erdhi nga lodhja apo zhgënjimi por për të hapur rrugë për energji të reja, transmeton KosovaPress.

“Ky vendim nuk vjen as nga lodhja, as nga zhgënjimi. Vjen nga dashnia e madhe që kam për qytetin e zemrës dhe nga respekti që kam për secilin prej jush“, ka shkruar Tahiri në Facebook./KP

Continue Reading

Lajmet

Dogana ndalon mallra të padeklaruara në Vërmicë, iniciohen procedura ndaj shoferit

Published

16 minutes ago

on

November 20, 2025

By

Gjatë kontrolleve rutinë në Pikëkalimin Kufitar në Vërmicë, zyrtarët doganorë kanë selektuar një automjet për kontroll të detajuar.

Edhe pse drejtuesi i mjetit kishte deklaruar se nuk posedonte mallra për deklarim, gjatë kontrollës së automjetit janë zbuluar mallra të padeklaruara, përfshirë këpucë për meshkuj dhe femra, çanta dhe aksesorë të ndryshëm.

Mallrat e zbuluara janë ndaluar përkohësisht deri në përfundimin e procedurave të parapara ligjore, ndërsa ndaj personit përgjegjës është iniciuar procedurë për kundërvajtje doganore, në përputhje me dispozitat e legjislacionit në fuqi./KP

Continue Reading

Lajmet

Besim Kelmendi shkarkohet nga pozita e ushtruesit të detyrës së Kryeprokurorit të Shtetit

Published

17 minutes ago

on

November 20, 2025

By

Këshilli Prokurorial i Kosovës (KPK) ka shkarkuar Besim Kelmendin nga pozita e ushtruesit të detyrës së Kryeprokurorit të Shtetit.

Shkarkimi i tij u bë me pesë vota për, raporton Betimi për Drejtësi.

Në vend të Kelmendit, si u.d Kryeprokuror i Shtetit u caktua Agron Qala.

Ndërkohë që parditen e kësaj të enjte, u mbajtë takimi i 278-të i Këshillit Prokurorial të Kosovës (KPK) e ku u kërkua shkarkimi. Mirëpo gjatë diskutimit pas propozimit për t’u futur në rend dite shkarkimi i ushtruesit të detyrës së Kryeprokurorit të Shtetit, Besim Kelmendi, ky i fundit dhe katër anëtarë të tjerë të Këshillit Prokurorial të Kosovës lëshuan mbledhjen, duke thënë se po tentohet shkatërrimi i sistemit.

Aty Kelmendi tha se nuk do të dorëhiqet dhe do të qëndrojë stoik përballë siç tha ai interesave të një grupi dhe një individi që vazhdimisht e ka pëkrahur.

“Ka ardh koha e fundit se ky njeri ta kuptojë se ka ardh koha për një sistem prokurorial të ndershëm, e që ka fuqi ta mbrojë Kushtetutën dhe Ligjin. Do të isha shumë i lumtur sikur mos të kisha qenë kurrë pjesë e këtij KPK dhe kurrë nuk jam ndi më keq se këto ditët e fundit kur u bë plani për larimin tim nga kjo pozitë. Ka qenë shumë e letë të ofrojë dorëheqje por duke parë këtë plan e këtë strukturë, kam vendos që deri në fund të qëndroj stoik e ta mbrojë Prokurorinë e Shteti. Krejt kjo po ndodhë për shkak të një anëtari të ri të KPK-ë. Humbi kandidati i  njerëzve të interesuar dhe tani po bëjnë përpjekjet e fundit për të shkatërruar procesin dhe njerëzit që janë këtu për të mbrojtur procesin”, tha Kelmendi

Në mbledhjen e Këshillit Prokurorial të Kosovës (KPK) është propozuar si rend dite shkarkimi i ushtruesit të detyrës së Kryeprokurorit të Shtetit, Besim Kelmendi.

Ky propozim erdhi nga zëvenëskryesuesja e KPK-së, Jehona Grantollli e cila tha se Kelmendi është pozicionuar në një grup të caktuar të anëtarëve të KPK-së dhe sipas saj, nuk po përfaqëson unitetin e Këshillit Prokurorial, për çka edhe është zotuar.

Ndërkohë pas fjalës së saj, UD Kryeprokurori, Besim Kelmendi akuzoi Granitollin duke thënë se kjo është një lojë e një grupi të anëtarëve të cilin e përfaqëson Granitolli./KP

Continue Reading

Të kërkuara