Kulturë

Nis edicioni i dytë i festivalit ‘Rame Lahaj International Opera Festival’

Festivali i Operës do të mbahet nga 21 korriku deri më 31 korrik

Published

4 years ago

July 21, 2022

Betim Gashi

Ka nisur sot në Prishtinë edicioni i dytë i festivalit të operës, “Ramë Lahaj International Opera Festival” (RLIOF).

Themeluesi dhe drejtori i festivalit, Ramë Lahaj në një konferencë për media tha se qëllimi i organizmit të këtij festivali është promovimi i artit operistik në Kosovë dhe mbështetja për talentët e rinj. Ai ka prezantuar edhe bashkëpunëtorët e këtij edicioni të operës, derisa shtoi se festivali do të ishte i pamundur pa mbështetjen e institucioneve.

“Ajo që më bën me përballu gjithë këtë stres, që në shoqërinë tonë me fillu edhe një traditë ose një festival operistik, të cilin jo që se ka pasur Kosova asnjëherë, por nuk e ka as rajoni të natyrës së tillë, janë disa prej talenteve që i kam taku në workshop-in e parë kur unë kam qenë i ftuar në Prishtinë në vitin 2018 prej znj. Apostollova. Pse ose çka më shtyn me e dhënë gjithë këtë energji e me bë një festival, i cili po shpresoj se ka me kthyer në një traditë dhe ka me qenë pjesë e pandashme, sepse jam i sigurt që i duhen edhe institucioneve të Kosovës sidomos po flas për aspektin e operas meqë veç jemi në planifikim të ndërtimit të institucionit të operas. Kam dashur me i parapri, kam dashur t’i ndihmoj, por kam dashur njëkohësisht me i dal borxh gjithë talentëve të ri të cilët si unë dikur që kanë pas talentin po mundësinë me dal më lëviz mundësia me bo një audicion, mundësia me punu me një kohë ka qenë pothuajse e pamundur, aq çka unë e kam pas fatin e miqve atëherë të familjes mbështetjen po e kam pa sa e vështirë ka qenë me marr një vizë edhe me dal me bo një audicion qoftë të punoj me një kohë të shkurtër”, shtoi ai.

Lahaj thekson se janë duke u munduar ta promovojnë në formën më të mirë imazhin e Kosovës në botë.

“Ky është imazhi që ne po mundohemi në çdo lloj forme me e promovu në formën që Kosova është në fakt, jo në atë që servohet sigurisht prej fqinjëve (Serbisë) për të dëmtuar imazhin e Kosovës”, tha Lahaj.

Ministri i Kulturës, Hajrullah Çeku tha se festivali RLIOF po kontribuon edhe në themelimin e institucioneve muzikore, sikurse Opera e Kosovës. Derisa shtoi se Kosova që nga viti i kaluar ka bërë hapa konkretë në themelimin e këtij institucioni.

“Ministria e Kulturës vlerëson shumë veprimin që Ramë Lahaj si artist i skenës botërore opersitike kthehet në Kosovë dhe kontribuon përmes festivalit dhe fondacionit Ramë Lahaj, rishtazi të themeluar me qëllim të zbulimi të zhvillimit të promovimit të talentëve të ri nga Kosova në strukturat e artit operistikë të operistikë në vendet e ndryshme të botës”, tha ai.

Edhe kryetari i Prishtinës, Përparim Rama foli për rëndësinë që ky festival ka për komunitetin artistik.

“Festivali Operistik Ramë Lahaj ofron kontribut të rëndësishëm të drejtpërdrejtë në pasurimin e jetës kulturore të kryeqytetit duke bërë Prishtinën një platformë të rëndësishme të artit operistik, meqë festivali ndërkombëtar operistik Ramë Lahaj është i vetmi në Kosovë dhe rajon me një strukturë të tillë ku përpos programit të pasur dhe artistë kulminantë po punohet edhe me talentë të rinj për të ndihmuar institucionet kulturore të Kosovës”, shtoi ai.

Festivali i Operës do të mbahet nga 21 korriku deri më 31 korrik në amfiteatrin e Bibliotekës Kombëtare të Kosovës.

Lajmet

Ndahet nga jeta në moshën 86-vjeçare aktori i njohur britanik Sir Patrick Stewart

Published

14 hours ago

October 30, 2026

UBTNews

Aktori i njohur britanik Sir Patrick Stewart, i shquar për rolet e tij ikonike si Kapiten Jean-Luc Picard në “Star Trek” dhe Profesor Charles Xavier në sagën “X-Men”, ka ndërruar jetë në moshën 86-vjeçare në shtëpinë e tij në Los Angeles. Njoftimi u bë i ditur përmes llogarisë së tij zyrtare në Instagram, ku u konfirmua se ai u ndaj nga jeta të mërkurën, më 28 tetor, pas një beteje të shkurtër me sëmundjen e Alzheimerit dhe demencën me trupat Lewy.

Në deklaratën zyrtare thuhet se Stewart u ndaj nga jeta i rrethuar nga bashkëshortja e tij, Sunny, si dhe familjarët e miqtë e ngushtë. Përveç karrierës së tij të bujshme në kinematografi dhe televizion, ai u vlerësua lart si një nga aktorët më të mëdhenj të skenës teatrale, fitues i dy çmimeve “Laurence Olivier” dhe një çmimi “Grammy”, ndërsa në vitin 2010 u dekorua me titullin “Kalorës” nga Mbretëresha Elizabeth II.

Karriera e tij e pasur përfshin dekada pune në teatër dhe film, ndërsa roli i tij i fundit i xhiruar do të shfaqet në filmin “Avengers: Doomsday”. Ndarja e tij nga jeta ka nxitur reagime të shumta dhe ngushëllime nga koleget, industria e artit dhe adhuruesit e tij në mbarë botën. /The Guardian/

Lajmet

“SARA” e Burim Halitit garon në festivalin ndërkombëtar në Milano

Published

1 day ago

October 29, 2026

UBTNews

Filmi dokumentar “SARA”, me regji nga Burim Haliti, është përzgjedhur në konkurrencën zyrtare të edicionit të 44-t të Festivalit Ndërkombëtar “SPORT MOVIES & TV 2026”, i cili po mbahet nga 30 tetori deri më 2 nëntor në Milano të Italisë.

Ky festival, i organizuar nga Federata Ndërkombëtare e Kinemasë dhe Televizionit Sportiv (FICTS), është i vetmi në këtë kategori i njohur zyrtarisht nga Komiteti Olimpik Ndërkombëtar (KOK). Ngjarja shërben si grand-finalja e rrjetit global “World FICTS Challenge”, që përfshin 27 festivale në pesë kontinente.

Shfaqja e dokumentarit të Halitit do të bëhet më 30 tetor, në orën 12:30, në “Cinema Centrale – Sala 2” në Milano. Përzgjedhja e filmit u realizua me mbështetjen e Komitetit Olimpik të Kosovës, i cili mundësoi dërgimin e tij për shqyrtim para jurisë prestigjioze ndërkombëtare. /A.K/

Lajmet

Bogujevci viziton përgatitjet për festivalin “Akordet e Kosovës”

Published

2 days ago

October 29, 2026

UBT News

Ministrja e Kulturës, Saranda Bogujevci, ka vizituar sallën “1 Tetori” në Prishtinë, ku po zhvillohen përgatitjet për edicionin e katërt të Festivalit të Këngës “Akordet e Kosovës”, që organizohet nga Radio Televizioni i Kosovës (RTK).

Gjatë vizitës, ajo ka parë nga afër skenografinë e realizuar nga Vesë Kraja dhe punën e ekipit organizues, vetëm dy ditë para nisjes së festivalit.

“Me një pjesë të ekipit të festivalit ‘Akordet e Kosovës’, duke parë nga afër përgatitjet dhe punën e mrekullueshme që po bëhet për festivalin, i cili nis këtë të premte në sallën ‘1 Tetori’”, ka shkruar Bogujevci në Facebook.

Ajo është pritur nga drejtoresha e përgjithshme e RTK-së, Zana Spahiu, drejtoresha e festivalit, Arta Avdiu, u.d. kryeredaktorja e RTK-së, Venera Xhoxhaj, si dhe punonjës të tjerë të transmetuesit publik.

Festivali i këtij viti do të zgjasë tri net, duke sjellë interpretime muzikore dhe artistë mysafirë. Një hapësirë e veçantë do t’u kushtohet edhe talenteve të reja përmes Festivalit të Fëmijëve, që do të mbahet më 1 nëntor.

Rikthimi i emrit historik “Akordet e Kosovës” synon të nderojë artistët që ndër dekada kanë kontribuar në zhvillimin e muzikës shqipe.

Organizatorët kanë paralajmëruar tri mbrëmje muzikore në Prishtinë, me synimin që festivali të sjellë para publikut artistë të njohur dhe zëra të rinj.

/A.K/

Lajmet

IKTK raporton rritje të të ardhurave dhe investimeve në trashëgiminë kulturore

Published

4 days ago

October 27, 2026

UBT News

Instituti Kombëtar i Trashëgimisë Kulturore (IKTK) ka publikuar të dhënat për nëntëmujorët e parë të viteve 2024, 2025 dhe 2026, duke evidentuar rritje të të ardhurave, investimeve dhe projekteve të konservimit e kërkimit arkeologjik.

Sipas të dhënave të institutit, të ardhurat janë rritur me 93 për qind krahasuar me vitin 2025, ndërsa investimet në pasurinë kulturore kanë shënuar rritje prej 400 për qind.

Edhe projektet e konservimit, restaurimit dhe kërkimit arkeologjik kanë shënuar rritje të ndjeshme. Numri i tyre është rritur me 282 për qind krahasuar me vitin 2024 dhe me 133 për qind në raport me vitin 2025.

Gjatë nëntë muajve të parë të vitit 2026, janë identifikuar 21 site të reja arkeologjike në disa zona të Shqipërisë, përfshirë Shkodrën, Lezhën, Lushnjën, Fierin, Korçën, Ersekën, Pogradecin, Divjakën dhe Sarandën.

Të dhënat tregojnë gjithashtu rritje prej 279 për qind të monitorimeve arkeologjike krahasuar me vitin 2025.

Në kuadër të forcimit të kuadrit rregullator, numri i akteve nënligjore të miratuara ka arritur në tetë gjatë vitit 2026. Ndërkohë, aktmarrëveshjet për monitorimin arkeologjik janë rritur me 32 për qind krahasuar me vitin 2025 dhe me 164 për qind në raport me vitin 2024.

Sipas IKTK-së, këto të dhëna pasqyrojnë zgjerimin e veprimtarisë në fushën e mbrojtjes, konservimit dhe studimit të trashëgimisë kulturore./atsh/A.K/