Sport

​Nënkryetari i Yllit paralajmëron rivalët: Duam titullin kampion, do të sjellim lojtarë të huaj

Palushi flet rreth rrugëtimit të skuadrës.

Published

3 years ago

on

Klubi i basketbollit Golden Eagle Ylli këtë edicion ka për mision mbrojtjen e titullit kampion në Superligën e Kosovës. Fillimi tejet i dobët i sezonit vuri në dyshim serioz arritjen e këtij objektivi, por situata ndryshoi për të mirë pas xhiros së katërt.

Nënkryetari i klubit, Lendrit Palushi thotë se humbjet e njëpasnjëshme në fillim të sezonit, lanë shije të hidhur te tifozët e skuadrës, por ato nuk i kishin shqetësuar drejtuesit e klubit, pasi ata ishin të kënaqur me përkushtimin dhe punën e trajnerit dhe të lojtarëve.

“Pas një fillimi jo të mirë, edhe pse për mendimin tim nuk ka qenë fillim jo i mirë shkaku që humbjet që kanë ardhur, kanë ardhur kryesisht prej ekipeve pretendente këtë vit, përveç Rahovecit, i cili në mungesë të trajnerit tonë na ka mposhtur, humbjet tjera kanë ardhur ndoshta jo me meritë, por jemi mposhtur nga ekipet me kualitet përafërsisht të njëjtë…Ato humbje neve nuk na ka çuar peshë shumë, neve si klub, edhe pse si qytetarë të Suharekës, kemi pasur gjithmonë kritika, por kryesorja ka qenë ne të jemi të kënaqur me ekipin, me trajnerin dhe po shihet, kemi nëntë fitore me radhë, të cilat kanë ardhur pikërisht ndaj kundërshtarëve kryesor për titull”, tha Palushi.

Palushi tha se pas nisjes së dobët të sezonit, trajneri Adis Beçiragiç kërkoi që të largohet, gjë të cilën nuk e pranuan drejtuesit e klubit.

“Pas humbjes nga Peja trajneri kërkoi që të largohet, mirëpo e kemi parë të rrugës që nuk ishte trajneri fajtori kryesor, aty sa ishim ne të klubit, pasi që i lamë të largohen dy ndër lojtarët kryesorë në Kosovë, por arritëm që edhe këtë vit ta mbajmë trajnerin dhe besoj që nuk e di, por në bazë të asaj çfarë kemi biseduar me të, trajneri ndoshta është i gatshëm edhe vitin e ardhshëm të qëndrojë”, theksoi Palushi.

Rikthimi në rrugën e fitoreve dhe rezultateve pozitive e ka futur sërish Yllin në luftë për titull, por Palushi thotë se ky objektiv do të jetë jashtëzakonisht i vështirë që të arrihet për shkak të konkurrencës së madhe.

“Nuk ka qenë e lehtë as dy vitet e kaluara, por ky vit besoj që do të jetë pak më i vështirë, pasi që kualiteti i lojtarëve është rritur edhe organizimi në klube është shumë më i madh. Nuk e di, si pretendent kryesor deri tani çfarë kemi parë është Trepça, Prishtina dhe Peja”, ka thënë Palushi.

Përtej kampionatit vendor, numri dy i KB Yllit pranon se nuk është i kënaqur me ecurinë e skuadrës në garat evropiane.

“Si vit i parë i pjesëmarrjes ka qenë një vit ndoshta i mirë, edhe pse kemi mundur t’i arrijmë edhe ndoshta një fitore apo dy të tjera, por nuk e di, nuk ishim edhe shumë të gatshëm për garat evropiane, të jemi konkurrues sepse nuk është më e rëndësishme të marrim pjesë, e rëndësishme është te kemi sukses dhe rezultat. Këtë vit, nuk e di, nuk na e deshi, kishim probleme edhe me lëndime”, theksoi tutje Palushi.

Përveç anës sportive, Palushi flet edhe për gjendjen financiare të klubit. Derisa vlerëson lartë ndikimin e ligjit të sponsorisimit dhe të mirat e tij, ai thotë se 70 përqind të buxhetit të klubit e mbulon kompania që e drejton, Golden Eagle Ylli.

“Klubi i Yllit 70 përqind të buxhetit e mbulon kompania jonë, Golden Eagle, kurse pjesa tjetër, nuk është një pjesë e vogël sigurohet prej sponsorëve të tjerë. Sporti në përgjithësi është mjaftë i zorshëm ta menaxhosh, por të gjitha përvojat që i kemi pasur në kompani i kemi përcjellë edhe në menaxhimin e klubit, përzgjedhjen e njerëzve adekuat”, ka shtuar ai.

Për të konsoliduar radhët e skuadrës dhe për t’i arritur objektivat e sezonit, Palushi thotë se klubi mund të transferojë edhe disa lojtarë të huaj.

“Disa biseda që i kemi pasur me trajnerin, ai ka kërkuar njëherë ta mbajë këtë ekip. Ndoshta aty tek mbyllja ë xhiros së tretë, aty kemi mundësi të sjellim lojtarë të huaj sepse për vendorë ka përfunduar afati kalimtar. Nuk e di, ndoshta do të sjellim edhe pse vet nuk e di në cilat pika kemi nevojë më shumë, por me kalimin e kohës do t’i shohim edhe mangësitë që i ka klubi”, tha Palushi.

Nënkryetari i klubit nga Suhareka u shpreh i shqetësuar me incidentet ndërmjet tifozëve në palestrat sportive. Sipas tij, është përgjegjësi e Federatës së Basketbollit dhe vet klubeve që organizimin e garave dhe ndeshjeve ta marrin më seriozisht dhe raste të tilla të mos ndodhin asnjëherë.

Related Topics:
Continue Reading

Sport

Lamine Yamal shpallet lojtari më i mirë i sezonit në La Liga

Published

23 hours ago

on

June 5, 2026

By

Ylli i ri i Barcelonës, Lamine Yamal, është shpallur lojtari më i mirë i sezonit 2025/26 në La Liga, pas paraqitjeve të jashtëzakonshme që ndihmuan skuadrën katalanase të mbrojë me sukses titullin e kampionit.

Barcelona e mbylli sezonin në vendin e parë me 94 pikë, ndërsa Yamal ishte një nga figurat kryesore të ekipit. Futbollisti 18-vjeçar realizoi 16 gola dhe dhuroi 12 asistime, duke dëshmuar edhe një herë talentin dhe rëndësinë e tij për skuadrën “blaugrana”.

Sukseset individuale të Barcelonës nuk u ndalën me kaq. Një ditë më parë, Hansi Flick u shpall trajneri më i mirë i sezonit, ndërsa Joan Garcia fitoi çmimin e portierit më të mirë të kampionatit.

Në garë për çmimin e futbollistit më të mirë ishte edhe sulmuesi i Kosovës, Vedat Muriqi. Sulmuesi i Mallorcës zhvilloi një sezon të shkëlqyer duke realizuar 23 gola dhe duke u renditur ndër golashënuesit më të mirë të kampionatit. Megjithatë, pavarësisht formës së tij të lartë, Mallorca nuk arriti të siguronte mbijetesën në elitën e futbollit spanjoll.

Përveç Muriqit, në listën e kandidatëve për çmimin e lojtarit më të mirë ishin edhe Kylian Mbappe i Real Madridit, Nicolas Pepe i Villarrealit dhe Pablo Fornals i Real Betisit.

Pas votimit, Yamal mori mbështetjen më të madhe dhe u shpall futbollisti më i mirë i edicionit, duke vazhduar dominimin e Barcelonës edhe në çmimet individuale. Ai bëhet lojtari i dytë radhazi i klubit katalanas që fiton këtë trofe, pas Raphinhas, i cili ishte shpallur më i miri i sezonit 2024/25.

Continue Reading

Sport

Nga Gjilani në majat e futbollit botëror, rrugëtimi i Xherdan Shaqirit

Published

24 hours ago

on

June 5, 2026

By

Xherdan Shaqiri është një nga futbollistët më të suksesshëm shqiptarë në historinë e futbollit. I lindur më 10 tetor 1991 në Gjilan, ai u bë i njohur në arenën ndërkombëtare për teknikën e jashtëzakonshme, goditjet e fuqishme me të majtën dhe golat spektakolarë që ka realizuar gjatë karrierës së tij.

Karrierën profesionale e nisi te Basel në Zvicër, ku fitoi tre tituj kampionë radhazi dhe tërhoqi vëmendjen e klubeve më të mëdha evropiane. Në vitin 2012 u transferua te Bayern Munich, ku fitoi tre tituj të Bundesligës dhe Ligën e Kampionëve. Më pas luajti për Interin e Milanos, Stoke Cityn, Liverpoolin, Lyonin dhe Chicago Fire, për t’u rikthyer sërish te Basel, ku vazhdon të shkëlqejë edhe sot.

Gjatë karrierës së tij në nivel klubesh dhe me kombëtaren zvicerane, Shaqiri ka shënuar mbi 140 gola zyrtarë, ndërsa ka regjistruar edhe qindra paraqitje në kampionatet më të forta evropiane. Ai është njohur gjithmonë si një lojtar që vendos ndeshjet me gola vendimtarë dhe aksione individuale të nivelit të lartë.

Në aspektin e trofeve, Shaqiri ka një karrierë të pasur. Ai ka fituar Ligën e Kampionëve me Bayern Munich dhe më pas edhe me Liverpoolin. Gjithashtu ka fituar Premier League me Liverpoolin, Bundesligën me Bayernin, tituj kampioni në Zvicër me Baselin, Superkupën e Evropës dhe Kupën e Botës për Klube. Këto suksese e bëjnë atë një nga futbollistët shqiptarë më të dekoruar të të gjitha kohërave.

Me kombëtaren e Zvicrës, Shaqiri ka zhvilluar 125 ndeshje dhe ka shënuar 32 gola. Ai ka marrë pjesë në katër Kampionate Botërore, përkatësisht në vitet 2010, 2014, 2018 dhe 2022, duke u bërë një nga lojtarët më të rëndësishëm në historinë e përfaqësueses zvicerane. Në Kupat e Botës ai ka realizuar pesë gola, duke qenë ndër golashënuesit më të mirë të Zvicrës në historinë e këtij kompeticioni.

Edhe pse është tërhequr nga kombëtarja, Shaqiri vazhdon të tregojë cilësitë e tij me Baselin. Goli i tij i fundit spektakolar ndaj Young Boys, i realizuar me “të jashtmen” në stilin e Ricardo Quaresmës, dëshmon se klasi i tij mbetet i njëjtë. Për shumë tifozë shqiptarë dhe zviceranë, Xherdan Shaqiri mbetet një ikonë e futbollit dhe një nga ambasadorët më të mëdhenj të sportit shqiptar në botë.

Continue Reading

Sport

FIFA prezanton format të ri për ceremoninë e himneve në Kupën e Botës 2026

Published

1 day ago

on

June 5, 2026

By

FIFA ka vendosur të sjellë një format të ri për ceremoninë e himneve kombëtare në ndeshjet e FIFA World Cup 2026, që do të zhvillohet në Shtetet e Bashkuara të Amerikës, Kanada dhe Meksikë.

Sipas formatit të ri, skuadrat do të rreshtohen rreth rrethit qendror të fushës, përballë njëra-tjetrës gjatë interpretimit të himneve kombëtare. Në ceremoni do të marrin pjesë jo vetëm njëmbëdhjetë lojtarët titullarë, por edhe të gjithë futbollistët zëvendësues, ndërsa pas ekipeve do të shfaqen flamuj të mëdhenj të vendeve përkatëse.

Presidenti i FIFA-s, Gianni Infantino, deklaroi se ky ndryshim synon të krijojë një atmosferë më të veçantë para fillimit të ndeshjeve.

“Fakti që të gjithë lojtarët dhe gjyqtarët do të jenë përballë njëri-tjetrit në qendër të fushës do të krijojë një moment uniteti, krenarie dhe emocionesh të forta që do të lidhë ekipet dhe të gjithë në stadium”, u shpreh Infantino.

FIFA ka njoftuar gjithashtu se gjatë turneut do të prezantohen edhe elemente të tjera të reja në ceremonitë para ndeshjeve. Në fazat eliminatore dhe ato përfundimtare pritet të përdoren edhe fishekzjarrë dhe efekte të tjera vizuale, me synimin për të rritur emocionin dhe spektaklin në ndeshjet më të rëndësishme të Botërorit.

Me këto ndryshime, FIFA synon ta bëjë Kupën e Botës 2026 një përvojë edhe më të veçantë për lojtarët, tifozët dhe miliona shikues në mbarë botën.

Continue Reading

Sport

Turneu Memorial i Boksit “27-Vjetori i Çlirimit të Prishtinës” mbahet më 12 qershor

Published

1 day ago

on

June 5, 2026

By

Federata e Boksit e Kosovës po vazhdon organizimin e aktiviteteve sportive sipas kalendarit zyrtar për vitin 2026. Në kuadër të këtyre aktiviteteve, Federata e Boksit e Kosovës, në bashkëpunim me Klubi i Boksit DODONA, do të organizojë më 12 qershor 2026 turneun memorial të boksit “27-Vjetori i Çlirimit të Prishtinës”.

Aktiviteti do të zhvillohet në Pallati i Rinisë dhe Sporteve, ndërsa matja (peshimi) e garuesve do të mbahet nga ora 14:00 deri në 15:00 në palestrën nr. 079. Turneu do të nisë në ora 19:00.

Ky aktivitet është i hapur për të gjitha grupmoshat, si për djem ashtu edhe për vajza, me qëllim promovimin dhe zhvillimin e mëtejmë të sportit të boksit në Kosovë.

Në cilësinë e gjyqtarëve do të angazhohen:

  • Agim Tahiraj
  • Safet Sylaj
  • Granit Qorri
  • Dalina Baraliu
  • Egzon Shajkovci

Delegat i turneut do të jetë Sylejman Voca.

Organizatorët ftojnë klubet, sportistët dhe dashamirët e boksit që të marrin pjesë dhe të kontribuojnë në suksesin e këtij turneu memorial, i cili shënon një datë të rëndësishme për kryeqytetin dhe sportin kosovar.

Continue Reading

Të kërkuara