Sport

​Nënkryetari i Yllit paralajmëron rivalët: Duam titullin kampion, do të sjellim lojtarë të huaj

Palushi flet rreth rrugëtimit të skuadrës.

Published

3 years ago

on

Klubi i basketbollit Golden Eagle Ylli këtë edicion ka për mision mbrojtjen e titullit kampion në Superligën e Kosovës. Fillimi tejet i dobët i sezonit vuri në dyshim serioz arritjen e këtij objektivi, por situata ndryshoi për të mirë pas xhiros së katërt.

Nënkryetari i klubit, Lendrit Palushi thotë se humbjet e njëpasnjëshme në fillim të sezonit, lanë shije të hidhur te tifozët e skuadrës, por ato nuk i kishin shqetësuar drejtuesit e klubit, pasi ata ishin të kënaqur me përkushtimin dhe punën e trajnerit dhe të lojtarëve.

“Pas një fillimi jo të mirë, edhe pse për mendimin tim nuk ka qenë fillim jo i mirë shkaku që humbjet që kanë ardhur, kanë ardhur kryesisht prej ekipeve pretendente këtë vit, përveç Rahovecit, i cili në mungesë të trajnerit tonë na ka mposhtur, humbjet tjera kanë ardhur ndoshta jo me meritë, por jemi mposhtur nga ekipet me kualitet përafërsisht të njëjtë…Ato humbje neve nuk na ka çuar peshë shumë, neve si klub, edhe pse si qytetarë të Suharekës, kemi pasur gjithmonë kritika, por kryesorja ka qenë ne të jemi të kënaqur me ekipin, me trajnerin dhe po shihet, kemi nëntë fitore me radhë, të cilat kanë ardhur pikërisht ndaj kundërshtarëve kryesor për titull”, tha Palushi.

Palushi tha se pas nisjes së dobët të sezonit, trajneri Adis Beçiragiç kërkoi që të largohet, gjë të cilën nuk e pranuan drejtuesit e klubit.

“Pas humbjes nga Peja trajneri kërkoi që të largohet, mirëpo e kemi parë të rrugës që nuk ishte trajneri fajtori kryesor, aty sa ishim ne të klubit, pasi që i lamë të largohen dy ndër lojtarët kryesorë në Kosovë, por arritëm që edhe këtë vit ta mbajmë trajnerin dhe besoj që nuk e di, por në bazë të asaj çfarë kemi biseduar me të, trajneri ndoshta është i gatshëm edhe vitin e ardhshëm të qëndrojë”, theksoi Palushi.

Rikthimi në rrugën e fitoreve dhe rezultateve pozitive e ka futur sërish Yllin në luftë për titull, por Palushi thotë se ky objektiv do të jetë jashtëzakonisht i vështirë që të arrihet për shkak të konkurrencës së madhe.

“Nuk ka qenë e lehtë as dy vitet e kaluara, por ky vit besoj që do të jetë pak më i vështirë, pasi që kualiteti i lojtarëve është rritur edhe organizimi në klube është shumë më i madh. Nuk e di, si pretendent kryesor deri tani çfarë kemi parë është Trepça, Prishtina dhe Peja”, ka thënë Palushi.

Përtej kampionatit vendor, numri dy i KB Yllit pranon se nuk është i kënaqur me ecurinë e skuadrës në garat evropiane.

“Si vit i parë i pjesëmarrjes ka qenë një vit ndoshta i mirë, edhe pse kemi mundur t’i arrijmë edhe ndoshta një fitore apo dy të tjera, por nuk e di, nuk ishim edhe shumë të gatshëm për garat evropiane, të jemi konkurrues sepse nuk është më e rëndësishme të marrim pjesë, e rëndësishme është te kemi sukses dhe rezultat. Këtë vit, nuk e di, nuk na e deshi, kishim probleme edhe me lëndime”, theksoi tutje Palushi.

Përveç anës sportive, Palushi flet edhe për gjendjen financiare të klubit. Derisa vlerëson lartë ndikimin e ligjit të sponsorisimit dhe të mirat e tij, ai thotë se 70 përqind të buxhetit të klubit e mbulon kompania që e drejton, Golden Eagle Ylli.

“Klubi i Yllit 70 përqind të buxhetit e mbulon kompania jonë, Golden Eagle, kurse pjesa tjetër, nuk është një pjesë e vogël sigurohet prej sponsorëve të tjerë. Sporti në përgjithësi është mjaftë i zorshëm ta menaxhosh, por të gjitha përvojat që i kemi pasur në kompani i kemi përcjellë edhe në menaxhimin e klubit, përzgjedhjen e njerëzve adekuat”, ka shtuar ai.

Për të konsoliduar radhët e skuadrës dhe për t’i arritur objektivat e sezonit, Palushi thotë se klubi mund të transferojë edhe disa lojtarë të huaj.

“Disa biseda që i kemi pasur me trajnerin, ai ka kërkuar njëherë ta mbajë këtë ekip. Ndoshta aty tek mbyllja ë xhiros së tretë, aty kemi mundësi të sjellim lojtarë të huaj sepse për vendorë ka përfunduar afati kalimtar. Nuk e di, ndoshta do të sjellim edhe pse vet nuk e di në cilat pika kemi nevojë më shumë, por me kalimin e kohës do t’i shohim edhe mangësitë që i ka klubi”, tha Palushi.

Nënkryetari i klubit nga Suhareka u shpreh i shqetësuar me incidentet ndërmjet tifozëve në palestrat sportive. Sipas tij, është përgjegjësi e Federatës së Basketbollit dhe vet klubeve që organizimin e garave dhe ndeshjeve ta marrin më seriozisht dhe raste të tilla të mos ndodhin asnjëherë.

Related Topics:
Continue Reading

Sport

Emocione të forta,Kenan Yildiz publikon fotografi me Edon Zhegrovën

Published

2 days ago

on

April 3, 2026

By

Zhgënjimi pas humbjes së Kosovës dhe mosrealizimit të ëndrrës u reflektua qartë edhe në fytyrën e yllit kosovar, Edon Zhegrova.

Bashkëlojtari i tij te Juventus, Kenan Yildiz, ndërpreu festën me skuadrën e tij për t’u afruar dhe për ta ngushëlluar Zhegrovën. Ky moment i ndjerë u bë menjëherë viral në rrjetet sociale.

Vetë ylli turk reagoi më pas në Instagram, duke postuar një fotografi ku shfaqej duke e ngushëlluar Zhegrovën pas përfundimit të ndeshjes, duke treguar solidaritetin dhe respektin mes futbollistëve.

Continue Reading

Sport

Arijanet Muric: “Kemi rikthyer shpresën, koha jonë do të vijë”

Published

2 days ago

on

April 3, 2026

By

Portieri i Kosovës, Arijanet Muric, ka ndarë një mesazh emocionues pas përfundimit të ndeshjeve të fundit, duke theksuar krenarinë për ekipin dhe mbështetjen e tifozëve.

Ai u shpreh i lumtur që është pjesë e një grupi të bashkuar dhe luftarak:
“Jam jashtëzakonisht krenar që jam pjesë e këtij ekipi dhe që zbres në fushë me një grup kaq të guximshëm dhe të bashkuar lojtarësh”.

Muric theksoi rëndësinë e këtij rrugëtimi për ekipin dhe falënderoi të gjithë tifozët për përkrahjen:
“Ky rrugëtim ka qenë gjithçka për ne dhe dua të falënderoj të gjithë në vendlindje dhe kudo në botë për besimin dhe mbështetjen tuaj”.

Portieri kosovar nënvizoi se arritjet e skuadrës shkojnë përtej rezultateve në fushë:
“Në futboll, ne fitojmë dhe humbim së bashku, por ajo që kemi arritur shkon përtej rezultateve. Ne i kemi dhënë popullit tonë shpresë përsëri”.

Në fund, ai pati edhe një mesazh motivues për brezat e rinj:
“Për brezin e ardhshëm, ky është vetëm fillimi. Ëndërroni më shumë, punoni më fort dhe vazhdoni të besoni. Koha jonë do të vijë!”.

Continue Reading

Lajmet

Miratohet projektligji për Lojërat Mesdhetare “Prishtina 2030”, hapet rruga për organizimin e ngjarjes madhore

Published

2 days ago

on

April 3, 2026

By

Qeveria e Kosova ka miratuar projektligjin për organizimin e Lojërat Mesdhetare Prishtina 2030, duke shënuar një hap të rëndësishëm drejt zhvillimit sportiv dhe afirmimit ndërkombëtar të vendit.

Institucionet e kanë cilësuar këtë nismë si projekt me interes të lartë publik dhe kombëtar, që pritet të ndikojë drejtpërdrejt në zhvillimin ekonomik, përmirësimin e infrastrukturës sportive dhe rritjen e imazhit të shtetit në arenën ndërkombëtare.

Kryeministri Albin Kurti theksoi rëndësinë strategjike të projektligjit, duke nënvizuar standardet që synohen me organizimin e kësaj ngjarjeje:
“Ky projektligj, i bazuar në marrëveshjen për organizimin e Lojërave Mesdhetare ‘Prishtina 2030’, është projekt me interes të lartë publik dhe kombëtar. Ai garanton që organizimi i kësaj ngjarjeje madhore të bëhet me përgjegjësi të plotë institucionale, me standarde të larta transparence, integriteti dhe menaxhimi efikas të fondeve publike. Ky është një investim në rininë tonë, në sportin tonë dhe në imazhin ndërkombëtar të shtetit”.

Nga ana tjetër, ministri i Rinisë dhe Sportit, Blerim Gashani, dha detaje mbi aspektin financiar dhe organizativ të projektit:
“Përmes këtij ligji, qeveria do të miratojë shfrytëzimin e fondeve publike në shumën prej të paktën 253 milionë euro. Burimi kryesor i financimit do të jetë buxheti i shtetit, ndërsa projektligji rregullon edhe kompetencat e institucioneve përkatëse, përfshirë Komitetin Olimpik të Kosovës dhe komunat që do të përfshihen në organizim”.

Projektligji përcakton qartë rolet dhe përgjegjësitë e institucioneve shtetërore, duke krijuar një kornizë të plotë ligjore për organizimin e kësaj ngjarjeje të madhe sportive.

Pas votimit në Kuvend, pritet të nisin përgatitjet konkrete për Lojërat Mesdhetare Prishtina 2030, me synimin që Kosova të radhitet ndër organizatorët e rëndësishëm të eventeve sportive ndërkombëtare.

Continue Reading

Kulturë

Shqiptarët “pushtojnë” NBA-n, valle dhe muzikë tradicionale në parketin e Chicago Bulls

Published

2 days ago

on

April 3, 2026

By

Një moment i veçantë dhe plot krenari për komunitetin shqiptar është shënuar në një nga arenat më të mëdha të basketbollit në botë, gjatë një ndeshjeje të NBA.

Para përballjes mes Chicago Bulls dhe Phoenix Suns në United Center, ansambli i komunitetit shqiptar në Illinois dhuroi një performancë mbresëlënëse me këngë dhe valle tradicionale.

Tingujt e muzikës shqiptare pushtuan sallën, ndërsa valltarët të veshur me kostume kombëtare sollën energji dhe emocion në parket. Publiku amerikan mbeti i mahnitur nga ritmi dhe gjallëria e valleve, duke e kthyer këtë moment në një spektakël të rrallë në skenën e NBA-së.

Kjo natë e dedikuar komunitetit shqiptar dëshmoi edhe një herë se kultura shqiptare nuk njeh kufij  nga Shqipëria dhe Kosova deri në zemër të Chicago.

Momenti i veçantë tashmë po bën xhiron e rrjeteve sociale, duke treguar para botës bukurinë dhe pasurinë e traditave shqiptare.

Continue Reading

Të kërkuara