Komisioni Qendror i Zgjedhjeve (KQZ) ka përditësuar të dhënat preliminare nga Qendra e Numërimit dhe Rezultateve (QNR), duke procesuar 2,268 nga 2,498 vendvotime apo 90,79% në shkallë vendi.

Gara brenda listave partiake ka prodhuar rezultate interesante sa i përket votave për kandidatët. Më poshtë gjeni renditjen e 10 kandidatëve më të votuar për katër subjektet kryesore politike:

1. Lëvizja VETËVENDOSJE!

1. ALBIN KURTI – 218,564 vota
2. GLAUK KONJUFCA – 171,604 vota
3. ALBULENA HAXHIU – 100,059 vota
4. HEKURAN MURATI – 86,816 vota
5. DONIKA GËRVALLA-SCHWARZ – 81,570 vota
6. XHELAL SVEÇLA – 66,102 vota
7. AVNI DEHARI – 60,502 vota
8. HAJRULLA ÇEKU – 55,797 vota
9. MIMOZA KUSARI LILA – 54,107 vota
10. EJUP MAQEDONCI – 50,254 vota

2. Partia Demokratike e Kosovës (PDK)

1. BEDRI HAMZA – 107,483 vota
2. PËRPARIM GRUDA – 65,698 vota
3. ARIAN TAHIRI – 57,209 vota
4. URAN ISMAILI – 52,014 vota
5. VLORA ÇITAKU – 35,443 vota
6. SALA JASHARI – 35,234 vota
7. GANIMETE MUSLIU – 27,205 vota
8. ARBEN MUSTAFA – 25,029 vota
9. ENVER HOXHAJ – 24,665 vota
10. RRAHMAN RAMA – 24,541 vota

3. Lidhja Demokratike e Kosovës (LDK)

1. VJOSA OSMANI SADRIU – 72,456 vota
2. LUMIR ABDIXHIKU – 65,835 vota
3. DOARSA KICA XHELILI – 51,489 vota
4. HYKMETE BAJRAMI – 40,717 vota
5. AVDULLAH HOTI – 37,302 vota
6. KUJTIM SHALA – 31,585 vota
7. UKË RUGOVA – 31,320 vota
8. ANTON QUNI – 24,855 vota
9. LUTFI HAZIRI – 22,583 vota
10. ARMEND ZEMAJ – 22,185 vota

4. Aleanca për Ardhmërinë e Kosovës (AAK)

1. ARDIAN GJINI – 38,179 vota
2. RAMUSH HARADINAJ – 34,322 vota
3. DAUT HARADINAJ – 25,852 vota
4. BESNIK TAHIRI – 22,384 vota
5. BEKË BERISHA – 18,521 vota
6. BURIM RAMADANI – 16,317 vota
7. TIME KADRIJAJ – 15,685 vota
8. AGIM ÇEKU – 14,432 vota
9. ARBER TOLAJ – 13,629 vota
10. ALBANA BYTYQI – 9,187 vota

Gjykata Themelore në Prishtinë ua ka hequr masën e paraburgimit njëmujor drejtorëve të institucioneve arsimore dhe shëndetësore që funksionojnë në Kosovë sipas sistemit të Serbisë, të cilët Prokuroria i ngarkon me veprën e ndikimit në vullnetin e lirë të votuesve.

Nga Gjykata Themelore në Prishtinë kanë bërë të ditur për Radion Evropa e Lirë se masa e paraburgimit është zëvendësuar me masën e paraqitjes së rregullt në stacionin policor, me kërkesë të Çrokurorisë.

“Nëse të pandehurit nuk do ta respektojnë masën e shqiptuar, gjykata, konform nenit 182, paragrafi 5 të Kodit të Procedurës Penale të Republikës së Kosovës, do të urdhërojë sërish caktimin e masës së paraburgimit”, tha gjykata.

Ndryshimin e masës së sigurisë për shtatë drejtorët e konfirmoi edhe avokatja e njërit prej të pandehurve.

“Ata do të mbrohen në liri”, tha për Radion Evropa e Lirë (REL) avokatja e njërit prej të dyshuarve, Jovana Fillipoviq.

Gjykata fillimisht ua kishte caktuar masën e paraburgimit më 21 maj, me arsyetimin se ekziston rreziku real që të pandehurit, nëse lirohen, mund t’i shmangen përgjegjësisë penale ose ta përsërisin veprën penale.

Arrestimi i drejtorëve të institucioneve serbe në Kosovë erdhi pasi lideri i partisë për Liri, Drejtësi dhe Mbijetesë, Nenad Rashiq, e akuzoi Listën Serbe se po ushtron presion dhe po shantazhin mbështetësit e tij.

Ai pohoi se rreth 20 persona që e mbështesin janë pushuar nga puna nga këto institucione serbe dhe se në periudhën e ardhshme, rreth 40 persona të tjerë pritet të marrin një vendim për shkarkimin e tyre vetëm në territorin e komunës së Graçanicës.

Kosova mbajti zgjedhjet e parakohshme parlamentare më 7 qershor.

Ndalimi i paraburgimit u urdhërua për Lubisha Karaxhiq, drejtor i shkollës fillore “Milladin Mitiq” në Lllapna Sellë; Boban Petroviq, drejtor i Shkollës së Mesme Elektroteknike në Sushicë; Millica Dimiq, drejtoreshë e shkollës fillore “Braqa Aksiq” në Lipjan; Nebojsha Rashiq, drejtor i Shkollës së Mesme të Makinerisë në Preoc; Bratisllav Llaziq, drejtor i Qendrës Klinike-Spitalore në Graçanicë; Mirjana Dimitrijeviq, drejtoreshë e Shtëpisë së Shëndetit në Graçanicë; Sasha Mlladenoviq, drejtor i Shtëpisë së Shëndetit në Gushtericën e Ulët.

Radio Evropa e Lirë (REL) ka publikuar gjithashtu rrëfimet e disa personave, të cilët thanë se janë larguar nga puna sepse nuk e mbështesin Listën Serbe, por partinë e Rashiqit. Ata kishin qenë të punësuar për disa dekada në institucionet shëndetësore dhe arsimore të Serbisë në Kosovë, të cilat vitet e fundit kontrollohen kryesisht nga Lista Serbe – partia më e madhe e serbëve në Kosovë që gëzon mbështetjen e Beogradit.

Nga ana tjetër, Lista Serbe i ka mohuar këto akuza, duke thënë se bëhet fjalë për “përndjekje dhe frikësim”.

Ndërkohë, në një përgjigje për Radion Evropa e Lirë, Bashkimi Evropian ka bërë të ditur se misioni i tij për sundimin e ligjit në Kosovë, EULEX, po e monitoron këtë rast në terren dhe se pret një “proces të drejtë ligjor gjatë gjithë procedurës, në përputhje me ligjet e Kosovës dhe standardet ndërkombëtare”.

Autoritetet e Kosovës e kanë mirëpritur reagimin e Prokurorisë së Kosovës, ndërsa zyrtarët e Serbia kanë vlerësuar se arrestimet kanë qenë të motivuara politikisht./A.K/

Burimi: Radion Evropa e Lirë

Aktorja kosovare, njëherit profesoresha në Programin e Arteve Dramatike në UBT, Fatlume Bunjaku ka arritur një tjetër sukses në karrierën e saj artistike, duke u bërë zyrtarisht anëtare e European Film Academy (Akademisë Evropiane të Filmit).

Lajmin e ka bërë të ditur vetë artistja përmes një postimi në rrjetet sociale, ku ndau edhe mesazhin e mirëseardhjes nga Akademia Evropiane e Filmit.

“Jam shumë e lumtur dhe e nderuar që i bashkohem Akademisë Evropiane të Filmit si anëtare e re. Me mirënjohje ndaj presidentes Juliette Binoche dhe Akademisë Evropiane të Filmit për ftesën dhe pritjen e ngrohtë. Faleminderit!”, ka shkruar Bunjaku.

Në mesazhin e publikuar nga European Film Academy shkruhej:

“Mirëpresim me krenari Fatlume Bunjakun si anëtare të re të Akademisë. Urime!”

Ky anëtarësim përfaqëson një vlerësim të rëndësishëm për aktoren kosovare dhe një tjetër hap të rëndësishëm në rrugëtimin e saj profesional në kinematografinë evropiane.

European Film Academy është një organizatë e themeluar për të promovuar dhe mbështetur kinemanë evropiane. Çdo vit, ajo fton anëtarë të rinj nga industria e filmit regjisorë, aktorë, skenaristë dhe profesionistë të tjerë bazuar në kontributin e tyre artistik dhe profesional. Anëtarësimi bëhet vetëm me ftesë dhe synon të përfshijë zëra të rëndësishëm nga e gjithë Evropa në komunitetin e saj artistik.

Bunjakut këtë vit është përzgjedhur si përfaqësuesja e vetme nga Kosova dhe Shqipëria në listën e re të anëtarëve të Akademisë, duke e konsideruar këtë një moment të veçantë për karrierën e saj dhe për kinemanë shqiptare në përgjithësi.

Një ngjarje e rëndë ka ndodhur mesditën e sotme në fshatin Pagarushë të Malishevës, ku një person ka shtënë me armë zjarri të llojit AK-47 në drejtim të një autobusi. Për fat të mirë, nga ky incident nuk ka pasur persona të lënduar.

Rastin për Ekonomia Online e ka konfirmuar zëdhënësja e Policisë së Kosovës për rajonin e Gjakovës, Vlera Krasniqi, e cila bëri të ditur se policia ka reaguar menjëherë pas marrjes së informacionit rreth orës 12:10.

“Njësitë përkatëse policore kanë reaguar menjëherë duke dalë në vendin e ngjarjes. Si rezultat, personi i dyshuar është arrestuar dhe, në koordinim med prokurorin e shtetit, është ndaluar për 48 orë, si dhe është sekuestruar një armë e llojit AK-47”, deklaroi Krasniqi.

Sipas policisë, rasti tashmë është iniciuar si “Vrasje e rëndë në tentativë” dhe po trajtohet nga njësitet përkatëse të hetuesisë për të ndriçuar plotësisht rrethanat dhe motivet e këtij sulmi. /Ekonomia online/ /E.A/