Kryesuesi i seancës konstituive të Kuvendit të Kosovës, Avni Dehari, ka deklaruar se nuk pret ndonjë zhvillim të ri në përpjekjen e radhës për konstituimin e Kuvendit, duke theksuar se zgjidhja e ngërçit nuk është në dorën e tij, por të partive politike.

“Nuk pres ndonjë gjë të re për sot, edhe pse do të dëshiroja të kishte. Ka kaluar shumë kohë, por kjo nuk varet prej meje – varet nga krerët e partive politike. Unë jam vetëm një drejtues teknik. Shpesh njerëzit më thonë pse nuk po jap zgjidhje kësaj situate, por nuk është roli im të jap apo të mos jap zgjidhje, apo të imponoj ndonjë vendim”, u shpreh Dehari para mediave.

“Kam dëgjuar për pretendime se Avni Dehari ka një skenar të sekretariatit apo të Albin Kurtit. Në fakt, skenari i vazhdimit vjen nga sekretaria – më vjen mua, Sala Jasahirit dhe të tjerëve në kabinet. Skenari do të ndryshojë vetëm atëherë kur krerët e partive të arrijnë marrëveshje, dhe unë do të isha shumë i lumtur që një skenar i tillë t’i japë fund këtij ngërçi”, tha Dehari.

Para Kuvendit të Kosovës janë vendosur karrige të zbrazëta – një performancë simbolike nga organizatat e shoqërisë civile, lidhur me ngërçin politik.

“Politikanëve iu ka ndalë ora; Kuvendi është jofunksional, ju lutemi provoni më vonë; ky nuk është serial, është shteti ynë; cirku i demokracisë”, këto ishin disa mbishkrimet e vendosura nga aktivistët.

E në karrigen e kryesuesit ata kishin vendosur një letër ku shkruante “boll”! Ata gjithashtu kishin vendosur orë të vogla afër karrigeve, si simbol i vonesës.

Ditën e sotme, Bashkimi Evropian do të miratojë zyrtarisht skemën e tij prej 150 miliardë eurosh për të rritur shpenzimet për mbrojtjen brenda bllokut.

Rregullorja e ashtuquajtur SAFE (Aksioni i Sigurisë për Evropën) u propozua për herë të parë në mars nga Komisioni Evropian, si përgjigje ndaj thirrjeve të vendeve anëtare për mbështetje financiare dhe politike në përmbushjen e objektivave të reja të mbrojtjes të shtyra përpara nga NATO – dhe për të qenë potencialisht zëvendësuese për Ukrainën, në rast se Shtetet e Bashkuara zhvendosin fokusin e tyre diku tjetër.

Rregullorja përfundimtare,  e thekson qartë se “kërcënimet që paraqesin Rusia dhe Bjellorusia janë të një rëndësie dhe urgjence të veçantë” dhe duhet të marrin kundërpërgjigje me shpejtësi.

Për shkak të kohës së nevojshme për të zhvilluar produkte mbrojtëse dhe për të rritur kapacitetin industrial të prodhimit në të gjithë BE-në, rregullorja thekson gjithashtu se do të jetë “jetike” që blloku evropian të nisë mbështetjen për vendet anëtare “sa më shpejt që të jetë e mundur, në mënyrë që ato të mund të bëjnë porosi shumë shpejt”.

Brukseli fillimisht iu përgjigj thirrjeve të vendeve anëtare duke aktivizuar klauzolën kombëtare të përjashtimit për shpenzimet ushtarake të BE-së, që do të thotë se shpenzimet për artikuj si armët dhe municionet nuk do të përfshihen në mekanizmin ndëshkues të bllokut për vendet që shkelin kufijtë e shpenzimeve të BE-së.

Disa mikroorganizma mund të kenë efekte të dobishme për shëndetin kur konsumohen.

Të njohura si probiotikë, ndihmojnë në përmirësimin e tretjes dhe shëndetin mendor. Ndërsa kosi është ushqimi më i njohur në dietën perëndimore, në fakt kefiri është një burim shumë më i fuqishëm.

Kokrrat përmbajnë 61 lloje elementësh të dobishme, duke e bërë një nga burimet më të pasura e të larmishme të probiotikëve, edhe pse përbërja ndryshon.

Kefiri ka veti të fuqishme antibakteriale

Disa probiotikë të pranishëm besohet se ndihmojnë në mbrojtjen nga infeksionet. Kjo përfshin Lactobacillus kefiri, një probiotik unik i pranishëm vetëm në kefir. Studimet tregojnë se ky probiotik pengon rritjen e disa baktereve të dëmshme, si Salmonella, Helicobacter pylori dhe E. coli.

Kefirani, një lloj karbohidrati që gjendet në kefir, ka veti antibakteriale, ajo përmirëson shëndetin e kockave dhe ul rrezikun e osteoporozës

Osteoporoza, një gjendje që dobëson kockat dhe rrit rrezikun e frakturave, është e zakonshme tek gratë e moshuara. Konsumimi i kalciumit është një ndër mënyrat më efektive për të mbajtur kockat të forta.

Kefiri me yndyrë të plotë është një burim i shkëlqyer kalciumi dhe vitaminës K2, e cila ndihmon në përthithjen e kalciumit në trup.

Studimet në kafshë tregojnë se kefiri rrit përthithjen e kalciumit dhe përmirëson densitetin e kockave, duke ulur mundësinë për fraktura, shkruan Healthline.

Kefiri mund të ndihmojë në luftën kundër kancerit, është një nga shkaktarët kryesorë të vdekjeve e ndodh kur qelizat e trupit shumohen në mënyrë të pakontrolluar. Probiotikët e pranishëm në ushqimet e fermentuara ndihmon në ngadalësimin e rritjes së tumoreve duke stimuluar sistemin imunitar.

Studimet laboratorike tregojnë se kefiri mund të ndihmojë në luftimin e kancerit. Një studim tregoi se ekstrakti i kefirit uli numrin e qelizave të kancerit të gjirit me 56%, ndërsa ai i kosit vetëm me 14%.

Megjithatë, duhen më shumë studime te njerëzit për të konfirmuar këto përfitime, kefiri ndihmon tretjen dhe zbut shqetësimet gastrointestinale

Përmban probiotikë që ndihmojnë në rivendosjen e ekuilibrit të baktereve në zorrë. Kefiri është efektiv në trajtim e problemeve të ndryshme. Probiotikët ndihmojnë në lehtësimin e shumë problemeve të tretjes, përfshirë: irritimin e zorrëve, ulçerat nga bakteret H. pylori, probleme të tjera të tretjes.

Kefiri ka pak laktozë

Produktet e zakonshme të qumështit përmbajnë laktozë, një sheqer natyral që shumë të rritur nuk mund ta tretin, gjendje e njohur si intolerancë ndaj laktozës. Gjatë fermentimit, bakteret e mira në kefir shndërrojnë laktozën në acid laktik, duke ulur ndjeshëm përmbajtjen e laktozës.

Ato prodhojnë enzima ndihmëse për tretjen e saj, shumë njerëz me intolerancë ndaj laktozës e tolerojnë më mirë kefirin sesa qumështin e zakonshëm.

Ekziston edhe mundësia për të bërë kefir pa qumësht fare, duke përdorur ujë kokosi, lëng frutash ose pije të tjera vegane.

Kefiri mund të përmirësojë simptomat e alergjive dhe astmës, reaksionet alergjike vijnë si pasojë e ndërhyrjeve inflamatore të sistemit imunitar ndaj substancave të caktuara. Njerëzit me sistem imunitar të ndjeshëm janë më të prirur ndaj alergjive dhe sëmundjeve si astma.

Studimet në kafshë tregojnë se kefiri zbut inflamacionin e lidhur me alergjitë dhe astmën. Edhe pse premtues, nevojiten më shumë studime te njerëzit për të vërtetuar këto efekte. Kefiri është i lehtë për t’u përgatitur në shtëpi

Nëse dyshoni për cilësinë e kefirit të gatshëm në dyqan, mund ta përgatisni vetë në shtëpi. Kombinuar me fruta të freskëta, kefiri bëhet një ëmbëlsirë e shëndetshme dhe e shijshme.

Si të bëni kefir në shtëpi:

▪ Shtoni 1–2 lugë gjelle kokrra kefiri në një kavanoz të vogël.
▪ Hidhni rreth 500 ml qumësht, mundësisht organik.
▪ Lini pak hapësirë në majë të kavanozit dhe mbylleni me kapak.
▪ Lëreni në temperaturë ambienti për 12–36 orë.

Kur të fillojë të bëhet me kokrra, është gati. Kulloni e përdorni lëngun si kefir. Kokrrat e mbetura mund t’i përdorni sërish për përgatitje të re. /UBT News/