Lajmet

​Nagavci: Fëmijët të përfitojnë nga interneti, por në mënyrë sa më të sigurt

E para e MAShTI-t tha po ashtu se prindërit duhet të jenë vigjilent në mënyrë që të fëmijët të mos bien pre e abuzimit.

Published

5 years ago

on

Ministria e Arsimit, Shkencës, Teknologjisë dhe Inovacionit(MAShTI) ka hapur ekspozitën me punimet e nxënësve të shkollës së mesme të ulët “Faik Konica”, për nder të ditës ndërkombëtare të sigurisë nga interneti. Ministrja Arbërie Nagavci apeloi për kujdes gjatë përdorimit të internetit nga ana e fëmijëve.

E para e MAShTI-t tha po ashtu se prindërit duhet të jenë vigjilent në mënyrë që të fëmijët të mos bien pre e abuzimit gjatë përdorimit të internetit dhe rrjeteve të ndryshme sociale. Ajo porositi nxënësit që internetin ta përdorin për avancimin e tyre.

“Prej këtu po e përcjellim porosinë për të gjithë që të përdorim sa më shumë internetin dhe mundësitë që i ofron interneti në shkollat tona për avancimin, edukimin dhe arsimimin e të gjithë nxënësve. Por, në anën tjetër të jemi sa më shumë të kujdesshëm për mbrojtjen e fëmijëve nga rreziqet që mund të përballen në internet. Në këtë linjë është një përgjegjësi e shtuar e të gjithë neve të rriturve, mësimdhënësve, menaxhmentit të shkollave por edhe prindërve që t’i këshillojnë mirë fëmijët dhe të jenë kujdestarë që të mos jenë pre e çfarëdo rreziku që mund të ofrohet nga përdorimi i rrjeteve sociale dhe rrjeteve të tjera… Të jeni sa më shumë në kontakt edhe me shokët dhe shoqet të shkollës, por edhe më tutje, në atë mënyrë që të sigurohemi që benefitet e shumta që na ofron interneti t’i përdorim për avancimin e secilit prej nesh, por në të njëjtën kohë të jemi të kujdesshëm që asnjë nga fëmijët tanë të mos bie pre e abuzimit, të dhunës apo rreziqeve që mund të krijohen nga përdorimi i papërgjegjshëm qoftë nga përdorimi i rrjeteve sociale apo formave të tjera ”, tha ajo.

Drejtoresha e shkollës “Faik Konica”, Jehona Oruqi tha se nxënësit përmes punimeve të tyre po përpiqen të sensibilizojnë bashkëmoshatarët e tyre për përdorimin e internetit në mënyrë sa më të sigurt.

“Nxënësit e shkollës sonë ka tash e një kohë që punojnë në këtë drejtim, në bashkëpunim me Ministrinë e Arsimit, ku në periudhën e parë janë mbajtur edhe ligjërata në disa klasë për aplikimin e udhëzuesit për përdorimin e internetit në klasë në mënyrë sa më të sigurt. Andaj nxënësit në këtë periudhë kanë përgatitur punimet të cilat japin një formë mesazhi se cila është mënyra se si duhet të përdorët në mënyrë më të mirë interneti dhe cilat janë dëmet që mund t’i kenë pa dashjen tonë. Po ashtu, kanë punuar edhe një fletushkë e cila po besoj që përmban goxha shumë informata dhe të njëjtën mund ta përdorin edhe nxënësit e shkollave të tjera”, tha ajo

Loris Behu, nxënës i kësaj shkolle tha se përmes kësaj ekspozite synojnë të paraqesin vlerat e internetit.

“Me këtë ekspozitë ne synojmë që t’i promovojmë vlerat e internetit të sigurt dhe të mësojmë nxënësit e shkollës sonë dhe të shkollave të tjera se çka është një internet i sigurt dhe si duhet të udhëtojmë nëpër internet, këtë e kemi bërë përmes disa punimeve artistike dhe një fletushke të cilën e kemi përgatitur, e cila përmban të gjitha informacionet për të udhëtuar sigurt nëpër internet”, tha ai.

Edhe nxënësja tjetër e shkollës Faik Konica, Rea Rexhepi foli për rëndësinë që ka përdorimi i sigurt i internetit.

“Sot në ditën ndërkombëtare të internetit të sigurt, për fëmijët sidomos, kemi bërë një ekspozitë nga shkolla jonë nga grupi i artit… Këtë ekspozitë e kemi bërë për t’iu treguar njerëzve dhe për të treguar një art, një kreativitet tonin dhe duhet të jemi më të sigurt në internet e sidomos për fëmijët”, tha ajo.

Përndryshe të gjitha punimet kanë pasur ndihmës nga mësimdhënësi i artit, Burim Jakupi.

Related Topics:
Continue Reading

Vendi

United Hospital revolucionarizon diagnostikën private në Kosovë – teknologji moderne dhe çmime të reja promocionale për MRI dhe CT

Published

56 minutes ago

on

August 25, 2026

By

Me synimin për ta bërë diagnostikën e avancuar më të qasshme për qytetarët, United Hospital, si një nga spitalet e mëdha private të përgjithshme në vend, sjell një ofertë të veçantë për ekzaminimet e avancuara me MRI Philips MR 5300 1.5 Tesla dhe MSCT Philips 128-shtresor.

Përmes kësaj oferte, spitali synon të ndërthurë teknologjinë bashkëkohore të imazherisë, ekspertizën profesionale dhe çmime më të favorshme, duke u mundësuar pacientëve kryerjen e ekzaminimeve diagnostikuese me standarde të larta dhe në kushte komode.

Në kuadër të ofertës promocionale, pacientët mund të përfitojnë nga çmime të reduktuara për një sërë ekzaminimesh:

MRI – 1 regjion: pa kontrast 70€, nga 100€; me kontrast 90€, nga 130€.
ALL BODY MRI, pa kontrast: 300€.
ALL SPINE MRI, pa kontrast: 150€.
MRI Abdomen + Pelvik, me kontrast: 160€, nga 230€.
CT Koronare: 200€, nga 300€.
Angio CT për karotide, torakale dhe aortë: nga 100€.

Kjo nismë vjen në një kohë kur ekzaminimet moderne imazherike kanë një rol të rëndësishëm në diagnostikimin dhe vlerësimin e shumë gjendjeve shëndetësore. United Hospital thekson se pajisjet moderne të Philips dhe puna e radiologëve specialistë me përvojë synojnë të ofrojnë imazhe të detajuara dhe raporte profesionale.

Një tjetër përparësi e ofertës është edhe qasja e shpejtë në shërbim, me termine të planifikuara dhe pa pritje të gjata, duke i dhënë pacientit mundësinë që procesin diagnostikues ta kryejë në një ambient të përshtatshëm dhe me komfor.

Me këtë ofertë, United Hospital synon të vendosë një standard të ri në qasjen ndaj diagnostikës private, duke e afruar teknologjinë moderne me pacientin dhe duke e bërë më të përballueshme kryerjen e ekzaminimeve të avancuara./rajonipress/

Rezervimet për termin mund të bëhen në numrat:
📞 038 60 70 70 / 046 60 70 70
📍 M2 Prishtinë–Ferizaj, Km 7, Prishtinë, Kosovë

Shënim: Ekzaminimet diagnostikuese duhet të kryhen sipas rekomandimit të mjekut dhe nevojës individuale të pacientit. /rajoni press/

Continue Reading

Lajmet

BE-ja i bën thirrje Kosovës për respektimin e sundimit të ligjit dhe karakterit shumetnik

Published

6 hours ago

on

August 25, 2026

By

Ushtruesja e detyrës së Shefes së Zyrës së Bashkimit Evropian në Kosovë, Eva Palatova, ka zhvilluar takime me zyrtarë të lartë të institucioneve të Kosovës, duke përcjellë mesazhin e BE-së për respektimin e sundimit të ligjit dhe karakterit shumetnik të institucioneve.

Palatova është takuar me ministrin në detyrë të Punëve të Brendshme, Xhelal Sveçla, ku ka theksuar nevojën që institucionet e Kosovës të veprojnë në përputhje me parimet e sundimit të ligjit.

Sipas mesazhit të BE-së, pretendimet për sjellje të pahijshme nga pjesëtarë të Policisë së Kosovës duhet të hetohen, ndërsa çdo veprim duhet të ndërmerret duke respektuar procedurat e rregullta ligjore.

Në të njëjtën ditë, Palatova është pritur në një takim lamtumirës nga zëvendëskryeministri i parë dhe ministri në detyrë i Punëve të Jashtme dhe Diasporës, Glauk Konjufca.

Konjufca e ka falënderuar për angazhimin dhe bashkëpunimin gjatë mandatit të saj në Kosovë, duke vlerësuar kontributin në forcimin e dialogut ndërmjet institucioneve të Kosovës dhe Bashkimit Evropian.

Në takim është theksuar rëndësia e avancimit të procesit të integrimit evropian të Kosovës dhe vazhdimit të bashkëpunimit me BE-në në fushat me interes të përbashkët.

Palatova ka përcjellë mesazhin se BE-ja vazhdon ta mbështesë rrugën e Kosovës drejt integrimit evropian, ndërsa ka theksuar se Kosova duhet të përmbushë përgjegjësitë e saj në këtë proces.

Në fund të takimit, Konjufca i ka uruar Palatovës sukses në angazhimet e saj të ardhshme./A.K/

Continue Reading

Vendi

Ekzekutohen pagesat për Masat Aktive të Tregut të Punës dhe Pushimin e Lehonisë

Published

6 hours ago

on

August 25, 2026

By

Ministria për Punë, Familje dhe Vlerat e Luftës Çlirimtare ka njoftuar se janë ekzekutuar pagesat për përfituesit e Masave Aktive të Tregut të Punës dhe për Pushimin e Lehonisë.

Sipas njoftimit të ministrisë, përfituesit e të dyja skemave kanë marrë pagesat përkatëse, duke mundësuar realizimin e mbështetjes financiare të paraparë për ta.

Ministria ka bërë të ditur se procesi i pagesave është përfunduar për përfituesit e të dy kategorive./A.K/

Continue Reading

Lajmet

Ulen çmimet e mjeteve shkollore, pakicat duhet t’i shesin të paktën 15% më lirë

Published

6 hours ago

on

August 25, 2026

By

Qeveria ka marrë vendim për uljen e çmimeve të mjeteve shkollore, në kuadër të masave për të lehtësuar shpenzimet e familjeve para fillimit të vitit të ri shkollor.

Nga sot deri më 30 shtator, tregtarët me shumicë duhet t’i ulin çmimet e mjeteve shkollore për të paktën 10%, ndërsa tregtarët me pakicë duhet të ofrojnë ulje prej të paktën 15%, krahasuar me çmimet që kanë qenë në fuqi në qershor.

Masa përfshin një gamë të gjerë produktesh, si çanta, fletore, blloqe, lapsa, stilolapsa, ngjyra, plastelinë, flomasterë, markerë, tempera, furça, vizore, goma, mprehëse, gërshërë, futrola, ngjitëse, kompasë, kalkulatorë, dosje dhe materiale për punë praktike.

Sipas Qeverisë, tregtarët janë të detyruar të shfaqin përkrah çmimit të ri edhe çmimin e vjetër të produktit, të vlefshëm më 1 qershor 2026, në mënyrë që konsumatorët të mund të verifikojnë uljen.

Qeveria ka vlerësuar se kjo masë synon të ofrojë mbështetje të drejtpërdrejtë për familjet në periudhën kur shpenzimet për përgatitjen e fëmijëve për vitin shkollor janë më të larta./A.K/

Continue Reading

Të kërkuara