Lajmet

​Murati: Prokuroria të merret me Abelard Tahirin, e kërcënoi zëvendëskryeministrin

Sipas Muratit, Tahiri e kërcënoi dhe e shau Bislimin.

Published

4 years ago

on

Ministri i Financave, Hekuran Murati, ka ftuar prokurorinë të merret me deputetin Abelard Tahirin pasi sipas tij ky i fundit e ka kërcënuar zëvendëskryeministrin Besnik Bislimin.

Në seancën e sotme të Kuvendit të Kosovës, Murati ka thënë se opozita është ajo që është vënë në “siklet”.

“Pak minuta më parë isha edhe unë dëshmitar dhe mund ta konfirmoj atë që tha zëvendëskryeministri Bislimi se pas mbylljes së mikrofonit, duke u kthyer nga foltorja në ulësen e tij, deputeti Abelard Tahiri kërcënoi dhe shau zëvendëskryeministrin e parë Besnik Bislimin, dhe ftoi prokurorinë, sepse kishte edhe kërcënimin nuk ishte vetëm gjuhë jo parlamentare, kishte edhe kërcënim. Ftoj prokurorinë të marrë shumë seriozisht kërcënimin e një personi që ka mbajtur armë më shurdhuese për kaq vite. Tash kush është në këtë siklet po shihet mjaft qartë, dikush që detyrohet të ofendojë e të kërcënojë, e realisht t’i përdorë argumentet që po përdor Vuçiq kundër Republikës së Kosovës, me të vërtetë shihet që jeni në siklet të madh”, tha Murati.

Lidhur me mbajtjen e armës, deputeti Tahiri ka thënë se kohë më parë ka qenë i kërcënuar.

“Për punën e shurdhuesve nuk e kam thënë asnjëherë. Po ua them tash, duke e përmendur ju. Unë kam marrë një kërcënim të cilin e kam denoncuar në polici. Kërcënon në grua dhe fëmijë. Policia vjen me një raport.E kemi identifikuar personin ju ka kërcënuar dhe është në vuajtje të dënimit në Podgoricë për organizimin e një vrasjeje si rezultat i debatit për shurdhuesit kjo është konfirmim i policisë.Ai person është një vrasës në Podgoricë, në burg, i cili më shkruan mua nga burgu pikërisht për punën e shurdhuesve, pikërisht me debatin që bëni ju.Janë armë që janë blerë për sigurimin e kryeministrit të Kosovës në atë kohë dhe që nuk ka lidhje me mua. Me këtë retorikë që na i kërcënonin gratë dhe fëmijët në shtëpi nuk do t’i tolerojmë asnjëherë”, ka thënë Tahiri.

Ndërsa sipas Muratit opozita kur ishte në qeveri ka krijuar “shtëpi prej letre” që sipas tij brenda 24 orësh rrëzohet nga presidenti i Serbisë, Aleksandar Vuçiq.

“Po flet dikush si ju po thotë urdhëroni mbajeni atë që kemi krijuar kur në fakt ju keni krijuar shtëpi prej letre, e cila brenda 24 orëve rrëzohet nga Vuçiq dhe madje personat dekorohen. Ju po deklaroheni, ruajeni pjesën veriore ju që keni angazhuar ambasadorë e kompani lobuese për ta ndarë, për t’ia falë dhuratën e Rankoviqit Serbisë, ju po e thoni këtë. Qytetarët e dinë këtë, qytetarët janë dëshmitarë çka keni bërë ju e çfarë gjuhe po përdorini tani, dhe ku i keni qëndrimet e juaja”, ka thënë ai.

Pas kësaj ka reaguar përsëri deputeti i PDK-së, Abelard Tahiri.

“Ne jemi ata që kemi vendosur pikën 1 dhe 31, ne jemi ata që ata që e kemi larguar Veselinoviqin dhe Radojiçiqin nga Kosova.Ne jemi ata që e kemi ngrehur Gjuriqin “zhag” nëpër Prishtinë, ne jemi ata të cilët kemi ofruar siguroi për qytetarët tanë që jetojnë në veri, ne jemi ata të cilët kemi ndërtuar shtëpi të qytetarëve të Republikës së Kosovës në veri të vendit, ne jemi ata që kemi shtrirë sovranitetin, andaj ju sot e kemi përgjegjësinë me mirëmbajte pikërisht këtë gjendje të cilën e kemi krijuar ne, që sot doganat tona, inspektorët tanë, mbledhin taksa edhen në pikat 1 dhe 31, andaj tërheqjen e tyre ne nuk ua tolerojmë.Tërheqjen e policëve nuk ua tolerojmë, tërheqjen e gjyqësorit, doganave, nuk ua tolerojmë, sepse i kemi vendosur dhe e përkrahim vazhdimësinë e punës së tyre. Këto nuk janë institucione të juaja, këto janë institucione të shtetit të Kosovës të cilat ju përkohësisht drejtoni, nesër do t’i drejtojmë ne”, ka thënë Tahiri.

Debati mbi situatën aktuale në veri është përcjellë me përplasje të mëdha në mes të pushtetit dhe opozitës, si dhe me gjuhë të ashpër e jo parlamentare si nga deputetët e opozitës ashtu edhe nga ministrat të cilët ishin prezentë.

Related Topics:
Continue Reading

Vendi

Bypass apo stent? Kur kirurgjia e zemrës bëhet zgjedhja më e përshtatshme për pacientin

Published

6 hours ago

on

August 19, 2026

By

Shëndeti i zemrës nuk përcaktohet vetëm nga një diagnozë, por nga kompleksiteti i dëmtimeve, gjendja e përgjithshme e pacientit dhe mënyra më e sigurt për të rikthyer qarkullimin e duhur të gjakut në muskulin e zemrës. Për këtë arsye, jo çdo problem i arterieve koronare mund të zgjidhet me vendosjen e një stenti apo vetëm përmes trajtimit medikamentoz.

Në rastet kur bllokimet janë të shumta, të përhapura ose anatomikisht komplekse, kirurgjia e bypass-it mund të jetë një alternativë e rëndësishme terapeutike, e cila vendoset pas vlerësimit të plotë të pacientit nga ekipi specialistik.

Pikërisht për këtë çështje, Dr. Sulejman Kusi, specialist i kardiologjisë/kardiokirurgjisë në United Hospital, shpjegon se vendimi ndërmjet stentit dhe bypass-it duhet të bazohet në karakteristikat konkrete të sëmundjes koronare dhe në gjendjen e përgjithshme shëndetësore të pacientit. Zgjedhja e trajtimit nuk është një vendim që merret në mënyrë të njëjtë për të gjithë, por kërkon ekzaminime, vlerësim të enëve koronare dhe gjykim të specializuar mjekësor.

Rikuperimi pas bypass-it kërkon kujdes dhe disiplinë

Pas një operacioni bypass, rikthimi në aktivitetet e përditshme është një proces gradual. Kujdesi për plagën operative, aktiviteti fizik i kontrolluar dhe ushqyerja e shëndetshme janë pjesë të rëndësishme të periudhës së rikuperimit.

Pacientët këshillohen që plagën operative ta mbajnë të pastër dhe të thatë, të ecin çdo ditë sipas udhëzimeve të mjekut dhe të kryejnë ushtrimet e frymëmarrjes pa e sforcuar organizmin. Po ashtu, një regjim ushqimor i balancuar, me më shumë fruta, perime dhe peshk dhe me kufizim të kripës së tepërt, mund të jetë pjesë e rëndësishme e kujdesit afatgjatë për shëndetin kardiovaskular.

Rikuperimi kërkon durim, terapi dhe monitorim

Periudha pas operacionit të zemrës nuk duhet parë si një kthim i menjëhershëm në ritmin e mëparshëm të jetës. Ajo kërkon disiplinë, durim dhe ndjekje të vazhdueshme mjekësore. Ecja e përditshme, ushtrimet e frymëmarrjes, marrja e rregullt e terapisë së përshkruar dhe pushimi i mjaftueshëm janë ndër elementet që mund ta mbështesin rikuperimin.

Në javët e para mund të shfaqen lodhje, shqetësime të menaxhueshme në kraharor, çrregullime të gjumit apo ulje e oreksit. Megjithatë, çdo simptomë e re, e fortë ose që përkeqësohet duhet t’i komunikohet ekipit mjekësor dhe nuk duhet të trajtohet vetëm me vetëkujdes.

Mosha e shtyrë nuk është kriteri i vetëm për kirurgjinë

Një prej pyetjeve të rëndësishme për pacientët dhe familjarët është nëse operacioni në zemër është i sigurt te personat në moshë të shtyrë. Sipas Dr. Sulejman Kusit, mosha në vetvete nuk e përcakton sigurinë e ndërhyrjes. Vlerësimi duhet të marrë parasysh gjendjen e përgjithshme shëndetësore, funksionimin e organeve, sëmundjet shoqëruese, gjendjen e zemrës dhe kompleksitetin e problemit koronar.

Për këtë arsye, vendimi për ndërhyrje kirurgjikale duhet të merret individualisht, pas një vlerësimi të plotë specialistik dhe pas peshimit të përfitimeve dhe rreziqeve për secilin pacient.

Në fund, mesazhi kryesor është i qartë: kujdesi për zemrën nuk përfundon me ndërhyrjen kirurgjikale. Bypass-i apo stenti mund të jenë pjesë e trajtimit, por kontrolli i faktorëve të rrezikut, terapia e përshkruar, aktiviteti fizik i përshtatur dhe ndjekja mjekësore mbeten thelbësore për shëndetin afatgjatë.

Për informacione dhe konsultime në United Hospital:
📞 038 60 70 70 / 046 60 70 70

Vendimi ndërmjet trajtimit medikamentoz, stentit dhe bypass-it duhet të merret vetëm nga mjeku/ekipi specialistik pas vlerësimit individual të pacientit./rajonipress/

Continue Reading

Vendi

Në Zubin Potok identifikohen mbetje kockore të së paku 23 personave

Published

6 hours ago

on

August 19, 2026

By

Prokuroria Speciale dhe Instituti i Mjekësisë Ligjore thanë se në Zubin Potok, në lokacionet ku dyshohet se ka varre masive, bazuar në vlerësimet preliminare janë identifikuar mbetje kockore që dyshohet se u përkasin të paktën 23 individëve.

“Identifikimi i plotë do të bëhet pas përfundimit të ekzaminimeve mjeko-ligjore dhe procedurave përkatëse”, u tha në njoftim.

Kryeministri në detyrë i Kosovës, Albin Kurti, më herët kishte deklaruar se mbetjet mortore të gjetura në Kalludër të Vogël, mund t’u përkasin grupit të 23 shqiptarëve që ishin zhdukur në atë pjesë të Kosovës në vitin 1999.

Ky grup, i njohur si “grupi i intelektualëve të Mitrovicës” është i zhdukur që nga 19 prilli i vitit 1999. Në mesin e tyre kishte mjekë, profesorë, avokatë dhe profile të tjera.

Gërmimet në Zubin Potok nisën më 28 korrik dhe gërmimet janë kryer në Kalludër të Vogël, Jakubë dhe në një lokacion tjetër në këtë komunë, në veri të Kosovës.

Gërmimet nisën pas një hetimi dyvjeçar lidhur me dyshimet për krime lufte.

Më 15 gusht, autoritetet kishin njoftuar se në Kalludër ishin gjetur mbetje eshtërore të të paktën tre personave.

“Aktualisht, lidhur me këtë rast janë duke u hetuar tre persona J.R., M.J dhe M.B. nën dyshimin për kryerjen e veprës penale ‘Krime lufte kundër popullsisë civile’, të cilët ndodhen në masën e paraburgimit”, tha Prokuroria Speciale e Kosovës.

Njëri nga të arrestuarit, sipas autoriteteve, dyshohet se në kohën e luftës kishte qenë pjesë aktive e Armatës Jugosllave.

Sipas Institutit të Krimeve të Kryera Gjatë Luftës në Kosovë, 1.577 persona vazhdojnë të jenë të zhdukur nga lufta e viteve 1998-1999, ndërsa janë dokumentuar gjithsej 12.230 viktima të luftës.

Kosova ka kërkuar vazhdimisht nga Serbia bashkëpunim për zbardhjen e fatit të personave të zhdukur dhe qasje në arkivat ushtarake që sipas autoriteteve mund të ndihmojnë në identifikimin e lokacioneve të varreve të mundshme.
/REL/

Continue Reading

Vendi

PDK i kërkon përseri Avni Deharit vazhdimin e seancës konstituive më 20 gusht

Published

8 hours ago

on

August 19, 2026

By

Deputetët e Partisë Demokratike të Kosovës (PDK) i kanë dërguar kërkesë zyrtare kryesuesit të seancës konstituive, Avni Dehari, për të thirrur vazhdimin e seancës ditën e enjte, më 20 gusht.

Përmes një letre, PDK-ja ka theksuar se caktimi i seancës është një obligim kushtetues dhe procedural i kryesuesit, duke paralajmëruar se vonesat e mëtejshme thellojnë shkeljet ligjore.

“Moskonstituimi i Kuvendit brenda afatit të përcaktuar tashmë ka krijuar një situatë të rëndë të shkeljes së Kushtetutës dhe të mosrespektimit të aktgjykimeve të Gjykatës Kushtetuese. Mosrespektimi i afateve dhe procedurave të përcaktuara me Rregulloren e Kuvendit vetëm sa e thellon më tej këtë situatë”, ,thuhet në kërkesen e PDK-së.

Kjo kërkesë vjen në kuadër të aksioneve të vazhdueshme të PDK-së, deputetët e së cilës po protestojnë çdo mëngjes para Qeverisë dhe po mblidhen çdo dy ditë në sallën e Kuvendit.

Në anën tjetër, që nga vazhdimi i fundit më 8 gusht, kryesuesi Avni Dehari nuk ka thirrur seancë të re, duke mbështetur qëndrimin e kryetarit të Lëvizjes Vetëvendosje, Albin Kurti, se pa një marrëveshje politike seancat mbeten “shterpe”. Kurti ka kërkuar më shumë kohë për negociata, me arsyetimin se pa një dakordim për postin e presidentit, vendi do të shkojë pashmangshëm në zgjedhje të reja.

Përderisa PDK-ja dhe AAK-ja kanë refuzuar takimet me Kurtin, ky i fundit ka zhvilluar negociata me Lidhjen Demokratike të Kosovës (LDK), përfshirë një takim me liderin e saj, Lumir Abdixhiku, për të diskutuar rreth çështjes së presidentit. Ndërkohë, afati kushtetues 30-ditor për konstituimin e Kuvendit pas certifikimit të rezultateve tashmë ka kaluar. /E.A/

Continue Reading

Lajmet

Murici dhe Vojvoda shkëlqejnë në Kupën e Italisë: Zënë vend në formacionin e javës

Published

8 hours ago

on

August 19, 2026

By

Dyshja e kombëtares së Kosovës, Arijanet Muric dhe Mërgim Vojvoda, kanë dhënë paraqitje të shkëlqyera në Kupën e Italisë, duke u përfshirë në formacionin më të mirë të javës sipas platformës së specializuar të statistikave, SofaScore.

Portieri Arijanet Muric dhuroi një paraqitje të nivelit të lartë në fitoren 3-0 të Sassuolos ndaj Cesenas, duke u vlerësuar me notën e lartë 8.7.

Nga ana tjetër, mbrojtësi Mërgim Vojvoda po ashtu ishte vendimtar në triumfin e Udineses kundër Padovas me rezultat 1-0, ku për performancën e tij u shpërblye me notën 8.3.

Përfshirja e të dy futbollistëve kosovarë në 11-shen më të mirë konfirmon formën e tyre të mirë në fillim të këtij edicioni në futbollin italian. /E.A/

Continue Reading

Të kërkuara