

Lajmet
Murati flet për humbjet në Fondin e Kursimeve Pensionale
Ai tha se të rinjve do u rikuperohen humbjet.
Published
3 years agoon
By
UBT.NewsMinistri i Financave, Hekuran Murati ka pranuar se Trust-i është duke pësuar humbje të kursimeve pensionale. Sipas tij, në bursat ndërkombëtare ka luhatje të çmimeve për shkak të krizës në tregjet ndërkombëtare.
Megjithatë, ai tha se të rinjve do u rikuperohen humbjet, ku shpreson ata që janë në prag të pensionimit nuk do të preken nga këto rënie të investimeve.
Në konferencë për media pas takimit me Këshillin Grevist të BSPK-së, Murati është pyetur edhe për humbjet në Fondin e Kursimeve Pensionale.
“Duhet të sqaroj që në rastet kur ka investime në bursat ndërkombëtare ka luhatje të çmimeve, të cilat janë luhatje të përkohshme dhe lëvizin. Ideja e investimeve afatgjate të fondeve të tilla në aksione të ndryshme apo fonde efektive është që të sigurohet një kthim mesatar në afatgjatë. Sepse dikush që është i moshës 30-vjeçare që kontribuon sot, pra nuk pret që t’i merr këtë vit apo vitin e ardhshëm mjetet. Ideja është si investim afatgjatë, në horizonte afatgjate mbi 30 vjeç, 40 vjeç që në momentin kur dilet në pension të sigurohet një pension i dinjitetshëm për shkak se ka pasur një kthim mesatar 7 apo 8 për qind vjetor. Me sa e di së fundmi, personat që janë afër moshës së pensionimit që të mos ndikohen nga këto luhatje afatshkurta ka pasur një ndarje të portfolios. Që investimet e fondeve të atyre pensionistëve të investohen në letra me vlerë të Republikës së Kosovës”, ka deklaruar Murati.
Ai ka folur edhe për Ligjin për Sigurimet Shëndetësore, për çka tha se janë të interesuar për përmirësimin e infrastrukturës që të mundësohet ofrimi i shërbimeve të parapara.
“Ne si Ministri e Financave kemi shprehur gatishmërinë dhe vullnetin që të mbështesim Ministrinë e Shëndetësisë për të gjitha investimet e nevojshme, por edhe për momentin kur fillon mbledhja e premiumeve që po ashtu përveç kostos, ka kosto të punëmarrësi ka edhe tek punëdhënësi. Ky problem nuk ekziston, por Ligji për Sigurime Shëndetësore kërkon edhe infrastrukturën e nevojshme, kërkon edhe investime të nevojshme. Nuk është vetëm një ligj në letër siç e kemi parë në të kaluarën. Një ligj ka tashmë në fuqi por nuk është zbatuar asnjëherë. Ideja jonë është që ta përmirësojmë ligjin, të kemi një ligj të implementuar por edhe të jetë infrastruktura e nevojshme për ofrimin e shërbimeve që parasheh Ligji për Sigurime Shëndetësore”, ka shtuar ai.
I pyetur se kur do të alokohen 10 milionë euro për listën esenciale, ministri i Financave ka thënë se në fillim të vitit janë ndarë mjetet e nevojshme.
Aktualitet
Liburn Aliu jep dorëheqje shkaku i Dimal Bashës
Published
4 minutes agoon
August 27, 2025By
UBT News
Ministri në detyrë i Mjedisit, Planifikimit Hapësinor dhe Infrastrukturës, Liburn Aliu, ka dorëzuar dorëheqjen e tij tek kryeministri në detyrë, Albin Kurti.
Aliu me anë të një shkrimi në Facebook ka deklaruar se dorëheqja e tij vjen pas zgjedhjes së Dimal Bashës kryetar të Kuvendit.
“Dua t’ju njoftoj që sapo e dorezova te Kryeministri i Republikës së Kosovës, z. Albin Kurti, letrën e dorëheqjes sime nga detyra e Ministrit në Ministrinë e Mjedisit, Planifikimit Hapësinor dhe Infrastrukturës.
Dorëheqja ime vjen pas zgjedhjes së djeshme të kryetarit te Kuvendit të Republikës së Kosovës. Dje, pas votimit te kryetarit të Kuvendit, e kam njoftuar Kryeministrin Kurti për vendimin tim.
“Konsideroj që zgjedhja e djeshme e Kryetarit të Kuvendit, institucionit më të lartë, ku vendosen ligjet dhe jep llogari qeveria, nuk është në frymën e në lartësitë e atij ideali për Republikën që ka qenë dhe mbetet arsye angazhimi për mua”, ka shkruar Aliu.
Aliu është parë më i tërhequr në paraqitje publike përgjatë fushatës zgjedhore. Ai s’ka qenë as në listën e kandidatëve për deputetë.
Aktualitet
LVV ankohet në Supreme kundër urdhrit të PZAP-it për certifikimin e Listës Serbe
Published
6 minutes agoon
August 27, 2025By
UBT News
Anëtarë të Lëvizjes Vetëvendosje (LVV) kanë bërë ankesë në Gjykatën Supreme ndaj vendimit të Panelit Zgjedhor për Ankesa dhe Parashtresa (PZAP) për ta urdhëruar Komisionin Qendror Zgjedhor (KQZ) ta certifikojë Listën Serbe për pjesëmarrje në zgjedhjet lokale.
PZAP-ja e urdhëroi javën e kaluar komisionin zgjedhor ta certifikojë partinë më të madhe të serbëve në Kosovë e cila gëzon mbështetjen e Beogradit zyrtar pak ditë pasi asaj iu mohua regjistrimi për pjesëmarrje në zgjedhjet e 12 tetorit.
Dy anëtarët e LVV-së në KQZ, Sami Kurteshi dhe Alban Krasniqi ishin të vetmit që votuan kundër certifikimit të kësaj partie e që i kërkuan Gjykatës Supreme ta rrëzojë vendimin e PZAP-së.
Ky rast është pothuajse një përsëritje e rastit të zgjedhjeve të përgjithshme të shkurtit, kur LVV e kishte kundërshtuar deri në Supreme pjesëmarrjen e Listës Serbe në zgjedhje, por pa sukses.
Vendimi për moscertifikimin e Listës Serbe është kritikuar nga vendet e QUINT-it dhe Bashkimi Evropian, të cilat i bënë thirrje Qeverisë në detyrë dhe partive politike të mos ndërmarrin ndonjë hap tjetër për ta penguar regjistrimin e Listës Serbe për zgjedhjet e tetorit.
Lista Serbe vendosi të garojë në zgjedhjet e sivjetshme lokale, pasi kishte bojkotuar zgjedhjet e kaluara lokale, duke bërë që kryetarët shqiptarë ta merrnin dhe mbanin pushtetin në katër komunat me shumicë serbe në veri të vendit nga maji i vitit 2023.
Aktualitet
Rrokulliset vetura në rrugën Prishtinë–Pejë, një i vdekur
Published
8 minutes agoon
August 27, 2025By
UBT News
Një person ka humbur jetën në një aksident i cili ka ndodhur sot rreth orës 02:08 në rrugën nacionale Prishtinë-Pejë.
Lajmin e ka konfirmuar zëdhënësi i Policisë së Kosovës, Daut Hoxha. Ai tha se aksidenti dyshohet se ndodhi kur gjatë lëvizjes shoferi ka humbur kontrollin mbi automjetin dhe është rrokullisur në shiritin e majtë të rrugës.
Ai po ashtu tha se trupi i pajetë me urdhër të prokurorit mbetet të dërgohet në IML për obduksion.
“Me datën 27.08.2025 rreth orës 02:08 ne rrugën nacionale Prishtine –Peje në fshatin Korroticë është shkaktuar aksident trafiku. E përfshirë në aksident ka qenë automjeti; Toyota Corolla me targa vendore. Deri te aksidenti dyshohet se ka ardhur pasi që gjatë lëvizjes shoferi ka humbur kontrollin mbi automjetin dhe është rrokullisur në shiritin e majtë të rrugës.
Në vendngjarje ka arritur ekipi emergjent, të cilët kanë marr personin e lënduar dhe e ka transportuar për trajtim mjekësor, por më vonë mjeku kujdestar e ka konstatuar vdekjen e viktimës. Në vend të ngjarjes kanë dal ekipet relevante policore për të hetuar shkaqet tjera të aksidentit, ndërsa me urdhër të prokurorit trupi i pa jetë mbetet të dërgohet ne obduksion”, tha Hoxha.
Aktualitet
Raporti 24 orësh nga Policia e Kosovës
Published
11 minutes agoon
August 27, 2025By
UBT News
Në raportin e fundit 24 orësh nga Policia e Kosovës, në disa qytete të Kosovës ka pasur incidente kriminale dhe shifra të larta të gjobave të shqiptuara në kundërvajtje.
AKSIDENTE TRAFIKU DHE GJOBA
Gjatë 24 orëve të fundit janë shqiptuar 2551 tiketa trafiku, janë shkaktuar 50 aksidente me dëme materiale dhe 19 aksidente me të lënduar. Zyra e Informimit nga PK ka njoftuar se 11 persona janë arrestuar, kurse 9 janë dërguar në mbajtje.
INCIDENTET KRIMINALE-PRISHTINË
NGACMIM
Fushë Kosovë / 26.08.2025 – 20:38. Është arrestuar i dyshuari mashkull kosovar për shkak se dyshohet se kishte kryer veprën e lartcekur ndaj viktimës femër kosovare. I dyshuari pas intervistimit me vendim të prokurorit është dërguar në mbajtje.
NGACMIM SEKSUAL
Prishtinë / 25.08.2025 – 20:45. Viktima femer kosovare ka raportuar se derisa kishte qenë duke ecur në rrugë, është ngacmuar nga dy të dyshuar. Nuk raportohet për të arrestuar. Rasti po hetohet nga ekipet relevante.
SULM NDAJ PERSONIT ZYRTAR
Prishtinë / 26.08.2025 – 00:55. Është arrestuar i dyshuari mashkull kosovar për shkak se i njëjti ka kryer vepren e lartcekur ndaj personave zyrtarë. Katër zyrtarë policorë kanë pranuar trajtim mjekësor, ndërsa i dyshuari pas inicimit të rastit me vendim të prokurorit është dërguar në mbajtje
DHUNË NË FAMILJE
Graqanicë / 26.08.2025 – 14:30. Ankuesja femër kosovare ka raportuar se në vazhdimësi është duke e shqetësuar i dyshuari mashkull kosovar. Rasti në procedurë hetimore.
Prishtinë / 26.08.2025 – 17:30. Viktima mashkull kosovar ka raportuar se pas një mosmarrëveshje verbale në banesën e tij ishte sulmuar nga e dyshuara femër kosovare. Viktima ka pranuar tretman mjekësor, kurse e dyshuara pas intervistimit në konsultim me prokurorin është liruar në procedur të rregullt.
Lipjan / 26.08.2025 – 22:00. Viktima femër kosovare ka raportuar se i dyshuari mashkull kosovar ka ushtruar dhunë ndaj saj. Si pasojë e dhunës viktima ka pranuar tretman mjekësor kurse i dyshuari pas intervistimit në konsultim me prokurorin është liruar në procedurë të rregullt.
POSEDIM I PAAUTORIZUAR I NARKOTIKËVE & ARMËS
Podujevë / 26.08.2025 – 22:20. Njësitet policore pasi kanë ndaluar të dyshuarin mashkull kosovar i cili ishte duke drejtuar veturën, gjatë kontrollit tek i njëjti kanë gjetur dhe konfiskuar një sasi të substancave narkotike të llojit marihuanë në peshë 0.90 gramë dhe një mjet të mprehtë-thikë. Në konsultim me prokurorin, i dyshuari pas intervistimit është liruar në procedurë të rregullt.
INCIDENTE KRIMINALE-GJILAN
LËNDIM I LEHTË TRUPOR
Gjilan / 25.08.2025 – 18:00. Më 26.08.2025 është identifikuar dhe arrestuar i dyshuari mashkull kosovar për shkak se një ditë më parë ishte përleshur fizikisht me viktimën mashkull kosovar dhe si pasojë viktima kishte pësuar lëndime dhe ka pranuar tretman mjekësor. I dyshuari pas intervistimit me vendim të prokurorit është dërguar në mbajtje.
INCIDENTE KRIMINALE-FERIZAJ
LËNDIM I RËNDË TRUPOR
Kaçanik / 26.08.2025 – 20:40. Është arrestuar i dyshuari mashkull kosovar nën dyshimin se i njëjti ka ushtruar dhunë fizike në familje ndaj viktimës femër kosovare. Viktima ka pranuar tretman mjekësor, ndërsa me vendim të prokurorit i dyshuari është dërguar në mbajtje.
INCIDENTE KRIMINALE-PRIZREN
GJETJE E MUNICIONIT
Prizren / 26.08.2025 – 10:15. Raportohet se nga njësia patrulluese e kufirit janë gjetur në afërsi të kufirit 59 fishekë të armës automatike AK 47 që janë sekuestruar nga njësia e forenzikës. Në konsultim me prokurorin është inicuar rasti dhe mbetet në hetime.
INCIDENTET KRIMINALE-MITROVICË VERI
VDEKJE E DYSHUAR
Mitrovicë Veri / 26.08.2025 – 14:25. Është gjetur pa shenja jete viktima mashkull kosovar. Vdekjen e viktimës e ka konstatuar ekipi mjekësor në vend të ngjarjes. Me urdhër të prokurorit trupi i pa jetë është dërguar në IML për obduksion.
EKSPOZIMI I MATERIALIT TË TURPSHËM DHE OFENDUES
Leposaviq / 26.08.2025 – 18:30. Raportohet se njësiti policor derisa kishte qenë duke u furnizuar me derivate, aty afër veturës së tyre kishte shkuar i dyshuari mashkull shtetas serb i cili kishte pasur të veshur një bluzë me mbishkrime ofenduese apo provokuese. I dyshuari është dërguar në stacion policor, në konsultim me prokurorin është inicuar lënda e rastit, kurse i dyshuari është liruar në procedurë të rregullt.

Liburn Aliu jep dorëheqje shkaku i Dimal Bashës

LVV ankohet në Supreme kundër urdhrit të PZAP-it për certifikimin e Listës Serbe

Rrokulliset vetura në rrugën Prishtinë–Pejë, një i vdekur

Raporti 24 orësh nga Policia e Kosovës

Chelsea ofron trefishin e pagës për Fermin Lopez

Manchester United organizon edicionin e katërt të “Sleep Out” në Old Trafford për të ndihmuar të rinjtë pa strehë

Milani hap bisedimet me Marseille për Adrien Rabiot, Allegri kërkon përforcim në mesfushë

Ditë kyçe për Barcelonën në afatin e transferimeve

Real Madridi synon rikthimin e Nico Paz në vitin 2026
Të kërkuara
-
Lajmet nga UBT3 months ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT3 months ago
UBT – Institucioni privat me më së shumti programe të akredituara nga Agjencia e Akreditimit të Kosovës
-
Lajmet nga UBT3 months ago
UBT rilicencohet nga MAShTI për ofrimin e arsimit profesional në katër drejtime të rëndësishme shëndetësore
-
Kërkime2 months ago
Profesori i UBT-së, Musa Sabedini, publikon punim shkencor në revistën ndërkombëtare JGPSCD në SHBA