Lajmet

​Mungon kryetari i Ferizajt, shtyhet shqyrtimi për projektin e Bashkimit të qytetit të Ferizajt

Deputetët nga mazhoranca e kundërshtuan vazhdimin e kësaj mbledhje pa kryetarin Aliu.

Published

2 years ago

on

Ndonëse ministri i Mjedisit, Planifikimit Hapësinor dhe Infrastrukturës, Liburn Aliu ishte prezent për raportim në Komisionin për Mbikëqyrje të Financave Publike, ishte mungesa kryetarit të komunës së Ferizajt, Agim Aliu që bëri të shtyhet për një datë tjetër shqyrtimi i raportit të auditimit të performancës “Menaxhimi i projektit Bashkimi i qytetit të Ferizajt”.

Deputetët e Komisionit për Mbikëqyrjen e Financave Publike nga mazhoranca e kundërshtuan vazhdimin e kësaj mbledhje pa praninë e kryetarit Aliu, derisa deputetë e PDK-së u shprehen se kjo mbledhje mund të vazhdoj meqenëse në mbledhje po merrte pjesë edhe nënkryetari i Ferizajt, Lulzim Aliu.

Kryetarja e Komisionit për Mbikëqyrjen e Financave Publike, Hykmete Bajrami tha se dje është njoftuar se kryetari i Ferizajt, Agim Aliu nuk do të jetë prezent sot në Komision.

“Dje jam kontaktuar nga stafi i Komisionit edhe më është kërkuar të jap përgjigje se kryetari nuk po mund të vijë dhe çka të bëjmë me agjendën dhe duke e ditur pak e shumë qëndrimin e shumicës në Komision”, tha ajo.

Deputetja e Lëvizjes Vetëvendosje, Yllza Hoti kërkoi që kjo mbledhje të mos mbahet pa prezencën e kryetarit Aliu, Hoti tha se fakti që kryetari i Ferizajt nuk është prezent sot mund të duket si ikje nga përgjegjësia pasi raporti i auditimit për projektin në fjalë ka gjetur shumë parregullsi.

“Kryetarit të komunës nuk i ka konvenuar një datë që e kemi propozuar, pastaj i kemi dhënë kohë dy javë dhe e kemi caktuar për sot. Më pas dje jemi informuar se nuk mund të vijë dhe ka ardhur nënkryetari në vend të tij. Dhe nuk mendoj se duke e ditur rëndësinë për gjetjet e shumta të Auditorit në këtë raport nuk mendoj se që është e duhur ta shqyrtojmë vetëm me prezencën e nënkryetarit dhe ministrit dhe në fakt që të dy nuk keni qenë përgjegjës në kohën kur ka filluar dhe implementuar ky projekt…04’10 Mendoj se personi më përgjegjës është kryetari dhe fakti që nuk është sot këtu mund të duket si ikje nga përgjegjësia duke e ditur se ka shumë parregullsi në këtë raport”, tha ajo.

Nënkryetari i komunës së Ferizajt, Lulzim Aliu u shpreh se për shkak të një udhëtimi zyrtar kryetari Aliu nuk ka mundur të jetë prezent në këtë mbledhje.

“Mund t’u duket e paarsyeshme, por ai ka pasur një udhëtim zyrtar në kuadër të Asociacionit të Komunave dhe kërkon falje në këtë drejtim. Mund të duket jo korrekte që kam ardhur dhe nuk kam ardhur me dëshirë, por edhe ligji ma mundëson”, tha Aliu.

Deputeti nga radhët e PDK-së, Hajdar Beqa propozoi që diskutimi të vazhdojë edhe pa prezencën e kryetarit të Ferizajt, Agim Aliu.

“Duke pasur parasysh kompetencat që keni pasur edhe mandatin e kaluar si drejtor i Urbanizmit mendoj se njerëzit më adekuat që edhe kryetari të ishte prezent nuk do të kishim për të na dhënë përgjigje… ndoshta ta bëjmë një përjashtim si komision dhe ta bëjmë dëgjimin dhe shqyrtimin të raportit dhe ta mbyllim si temë”, tha ai.

Por, përsëri erdhi kërkesa nga deputeti i LVV-së, Halil Thaçi që kjo mbledhje të mos vazhdojë pa qenë i pranishëm kryetari i komunës së Ferizajt, Agim Aliu.

“Me keqardhje edhe për të gjithë juve që jeni ardhur sot këtu mirëpo ne i dimë përgjegjësitë e kryetarit dhe nënkryetarit të Komunës dhe drejtorit të Urbanizmit dhe kompetent për çdo investim kapital është kryetari, unë mendoj se nuk duhet të vazhdojë kjo mbledhje sepse po e presim kryetari qysh e kemi pritur se gati një muaj”, tha ai.

Ishte më pas nënkryetari i Ferizajt, Lulzim Aliu i cili tha se raporti auditorit për projektin e Bashkimit të Qytetit ka shkrime të pavërteta.

“Jemi të gatshëm të përgjigjemi për çfarëdo hapi, procedure, apo gabimi, mos gabimi, shkrimi i qëllimshëm apo paqëllimshëm në raportin e Auditorit… Nuk besova që kemi ardhur me fol politikë nuk dua ta politizoj, por gatishmëria jonë për të treguar se në gjetjet e auditorit ka shkrime të pavërteta, ka rekomandime të paligjshme… ne mund të shihemi në prokurori sepse gjetjet që i kanë sigurisht që prokurori ka me i marr”, tha ai.

Në fund, Komisioni u dakordua që mbledhja të mos vazhdojë, meqë kjo është praktikë e komisionit. Kjo pikë do të shqyrtohet në një mbledhje tjetër.

Tutje, Komisioni shqyrtoi dhe mbështeti disa rekomandime të Komisionit për disa raporte të auditimit të cilat janë shqyrtuar në mbledhjet e kaluara.

Related Topics:
Continue Reading

Bota

Ish-udhëheqësi i Hezbollah do të varroset të dielën

Published

1 day ago

on

February 21, 2025

By

Hezbollah ka njoftuar se ish-udhëheqësi i tij, Hasa Nasrallah, do të varroset të dielën pas pesë muajsh që nga vdekja e tij. Nasrallah humbi jetën më 27 shtator 2024, në një sulm ajror të kryer nga Izraeli, ndërkohë që ai ishte duke u takuar me komandantët e lëvizjes Hezbollah.

Nasrallah, i cili ka luajtur një rol të rëndësishëm në krijimin dhe drejtimin e Hezbollah, është konsideruar një nga liderët më të respektuar të botës arabe, për shkak të ndikimit të madh që ka pasur në rajon dhe përpjekjeve të tij për të krijuar një lëvizje ushtarake islamike me përmasa globale. Kjo ngjarje ka tronditur shumë komunitete, veçanërisht në Lindjen e Mesme.

Të dielën, pas pesë muajsh, trupi i tij do të varroset në një ceremoni të pritur me shumë vëmendje, që pritet të tërheqë vëmendjen e udhëheqësve politikë dhe ushtarakë nga e gjithë bota arabe.

Continue Reading

Lajmet

Arrestohet ish-kryetarja e Nishit, Dragana Sotirovski

Published

1 day ago

on

February 21, 2025

By

Ministria e Punëve të Brendshme (MPB) ka njoftuar arrestimin e katër personave, përfshirë ish-kryetaren e Nishit, Dragana Sotirovski, dhe ish-komandantin e Shtabit të Situatave Emergjente të qytetit, nën dyshimin se kanë keqpërdorur pozitën zyrtare dhe kanë shkaktuar dëme të konsiderueshme në qytetin e Nishit.

Sipas njoftimit të MPB-së, dyshimet lidhen me një dëm të vlerësuar prej 460 milionë dinarësh (afro katër milionë euro), i cili është shkaktuar përmes angazhimit të kompanive të caktuara për punime ndërtimore. Gjatë kontrollit të zhvilluar nga policia, janë sekuestruar 11 automjete, si dhe një sërë mjetesh të tjera, duke përfshirë kamionë dhe makineri pune që dyshohet të kenë lidhje me veprimtarinë kriminale.

Sotirovski, gjatë periudhës nga 16 marsi 2022 deri më 9 korrik 2024, ka angazhuar dy kompani, “DN PR” dhe “Sim puk gradnja”, për kryerjen e punëve ndërtimore në qytetin e Nishit, duke shkelur ligjin dhe rregulloret për zvogëlimin e rrezikut nga fatkeqësitë dhe menaxhimin e emergjencave.

Dyshuarit janë ndaluar për 48 orë dhe do të dërgohen në prokurorinë kompetente me kallëzim penal.

Ish-kryetarja e Nishit, Sotirovski, ka shërbyer në këtë post nga viti 2020 deri në vitin 2024. Para arrestimit, u raportua se ajo ishte në shënjestër të hetimeve, megjithatë ajo e ka mohuar çdo akuzë./UBTNews/

Continue Reading

Lajmet

KQZ: Votat me kusht dhe ato nga Diaspora numërohen javën e ardhshme

Published

1 day ago

on

February 21, 2025

By

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

“Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Komisioni Qendror i Zgjedhjeve (KQZ) planifikon të fillojë numërimin e votave me kusht, votave të personave me nevoja të veçanta dhe votave nga votimi jashtë Kosovës gjatë javës së ardhshme.

Kështu e konfirmoi për Ekonomia Online, zëdhënësi i KQZ-së, Valmir Elezi, i cili tha se janë 12,801 fletëvotime me kusht dhe 2,597 vota nga persona me aftësi të veçanta.

Tutje ai shtoi se votat do të verifikohen dhe krahasohen me listën e votuesve të nënshkruar në vendvotimet e rregullta për të siguruar saktësinë.

 “Pas përfundimit të të gjitha procedurave, siç janë: skanimi i listës së votuesve të nënshkruar në vendvotimet e rregullta me qëllim të krahasimit me votuesit nga vendvotimet me kusht; vlerësimi i pakove me fletëvotime nga votimi jashtë Kosovës, KQZ do të fillojë me numërimin e votave me kusht, votave të personave me nevoja të veçanta dhe votave nga votimi jashtë Kosovës. Kjo do të bëhet gjatë javës së ardhshme në Qendrën e Numërimit dhe Rezultateve dhe sigurisht se mediat dhe vëzhguesit do të njoftohen me kohë”, ka thënë Elezi.

Nga 48,018 pako të vlerësuara deri tani, 45,004 janë aprovuar dhe 3,014 janë refuzuar për shkak të mangësive. 20,938 pako tjera do të vlerësohen në ditët në vijim.

“Nga data 9 shkurt, kur ka filluar vlerësimi apo verifikimi i pakove me fletëvotime nga votimi jashtë Kosovës dhe deri më 20 shkurt, këtij procesi i janë nënshtruar 48,018 pako, prej të cilave janë aprovuar 45,004 ndërkaq janë refuzuar 3,014. Arsyeja se përse janë refuzuar këto dërgesa, është se ato janë janë dërguar nga persona që janë anuluar gjatë regjistrimit si votues jashtë Kosovës; u mungon dëftesa e regjistrimit; janë dërguar më shumë se një herë; kanë dërguar më shumë se një fletëvotim; etj”, ka thënë Elezi.

Zëdhënësi i KQZ-së ka deklaruar se procesit të vlerësimit do t’i nënshtrohen edhe 20,938 pako me fletëvotime.

Continue Reading

Lajmet

Abdixhiku pas takimit me ambasadorët: LDK e respekton vullnetin qytetar, as nuk dëshiron e as nuk pretendon ta anashkalojë

Published

1 day ago

on

February 21, 2025

By

Kreu i Lidhjes Demokratike të Kosovës (LDK), Lumir Abdixhiku, ka njoftuar për takimet që ka zhvilluar këtë javë me ambasadorët e huaj në Kosovë, pas zhvillimeve të fundit zgjedhore.

Abdixhiku tha se është diskutuar për procesin zgjedhor dhe se partia e tij do të respektojë vullnetin e qytetarëve, duke theksuar se LDK nuk do të anashkalojë dhe do të veprojë sipas këtij vullneti.

“Gjatë kësaj jave, prita në takim ambasadorët e SHBA-ve, Britanisë së Madhe, Bashkimit Evropian, Francës e Italisë. Me të gjithë, diskutuam mbi procesin zgjedhor, rezultatet e deritanishme, e domosdoshmërinë për pritjen e numërimit të secilës votë, përfshirë dhe ato të mërgatës. Siç kam deklaruar në vazhdimësi, LDK e respekton vullnetin qytetar në plotni. As nuk dëshiron e as nuk pretendon ta anashkalojë. LDK do të sillet konform këtij vullneti me plot përgjegjësi; siç dhe do të përfaqësojë denjësisht zërin e votuesit tonë” tha Abdixhiku.

Kreu i LDK-së gjithashtu shprehu mirënjohjen për mbështetjen e vazhdueshme nga aleatët ndërkombëtarë.

“Falënderime të pafundme për mbështetjen e aleatëve tanë në çdo sfidë të Republikës,” tha Abdixhiku, duke theksuar rëndësinë e partneriteteve ndërkombëtare për zhvillimin e vendit.

Continue Reading

Të kërkuara