Lajmet

​Mos fillimi i vitit shkollor, PDK: Kurti mbylli shkollat, futi Kosovën në terr dhe po thellon krizën ekonomike

Nxënësit në Kosovë nuk kanë nisur vitin shkollor sot më 1 shtator, pasi mësimdhënësit janë në greva.

Published

3 years ago

on

Partia Demokratike e Kosovës ka akuzuar Qeverinë e Kosovës që sot nuk ka nisur viti shkollor në Kosovë. Sipas tyre Kosova tani përtej ballafaqimit me terr ekonomik e energjetik, po ballafaqohet edhe me terr edukativ.

Deputetja e Partisë Demokratike të Kosovës, Eliza Hoxha deklaroi se sot kryeministri, Albin Kurti i ka lënë pa paga, pasi ai nuk do dialog por nënshtrim.

Hoxha tha se ekzekutivi po hakmerret padrejtësisht ndaj mësimdhënësve, derisa shtoi se “dikur Kurti premtonte kthimin e trurit në Kosovë ndërsa sot po merr vendime pa tru”.

“Albin Kurti i cili dikur premtonte kthimin e trurit në Kosovë sot po merr vendime pa tru. Albin Kurti u ka shpallë luftë mësimdhënësve duke i lënë pa paga vetëm se janë në grevë, duke kërkuar të drejtën e tyre dhe duke e prekur kështu në themel mirëqenien e tyre edhe ashtu solide dhe jashtëzakonisht të rëndë. Albin Kurti nuk do dialog social, Albin Kurti do nënshtrim, dhe këtë po e bën përmes presionit dhe hakmarrjes duke u munduar të shuaj edhe këtë zë sindikal dhe të në mënyrë kundërligjore dhe antikushtetuese. Dhe kjo pikërisht në kohën kur inflacioni dhe gjendja e rënduar ekonomike ka përfshirë gjithë shoqërinë kosovare, ku investimet kapitale janë ndalur tërësisht dhe ku të rinjtë dhe të rejat e Kosovës nuk shohin ardhmëri dhe shpresë në Kosovë”, u shpreh deputetja e PDK-së.

Deputetja e PDK-së tha se si rezultat i mendjeve të errësuara të Qeverisë Kurti, vendi sot po ballafaqohet edhe me terr edukativ.

“Mësimdhënësit e Kosovës sot është dashur t’i kenë pagat e tyre edhe ashtu të pamjaftueshme në llogari, për të mbuluar kreditë dhe shpenzimet elementare të mbijetesës veçmas kur kjo bëhet e qartë se sa e përballueshme është bërë jeta në Kosovë, sa është rënduar gjendja ekonomike dhe niveli i rritjes së inflacionit. Ne jemi mësuar që akterët e kësaj qeverie edhe dikur në opozitë edhe sot në pozitë, t’i shohim si e mohojnë historinë sepse është dukuri e tyre në çdo aspekt dhe në çdo sferë. Si pasojë e kësaj sot ne jemi në terr energjetik, dhe kjo sikur të mos mjaftonte, përtej territ ekonomik, sot jemi edhe në terr edukativ, dhe krejt kjo si rezultat i mendjeve të errësuara të qeverisë Kurti”, tha Hoxha.

E koordinatori i Departamentit për Financa në Kabinetin për Qeverisje të Mirë, Arben Mustafa tha se dështimi për ta furnizuar vendin me energji elektrike gjatë mujave të verës paraqet shqetësim për atë çka na pret në muajt në vijim.

Mustafa i ka bërë thirrje qeverisë që ta kthej vëmendjen tek problemet ekonomike që po e rëndojnë jetën e qytetarëve.

Sipas tij reduktimet me energji elektrike përveç që po ulin cilësinë e jetës, ato po godasin rëndë edhe bizneset.

“Ekonomia jonë po kalon nga një fazë e krizës, në një fazë edhe më të rëndë të krizës përderisa qeveria e Kosovës me paaftësinë e saj për të reaguar duket se është dorëzuar para këtyre vështirësive dhe nuk duket askund duke e ushtruar rolin që i takon në mbështetje të ekonomisë së vendit. Në kohën kur të gjithë ishin duke pritur për një aktivizim të qeverisë në ndihmë të ekonomisë, po vërejmë një aktivizëm mjaft të madh të ministrit të financave, për fatkeqësisht jo duke na prezantuar ndonjë pako të masave ekonomike që do ti ndihmonte qytetarët të ballafaqohen me këtë depresion të madh ekonomik që e ka kapluar vendin. Përkundrazi, ministri i Financave u paraqit në një rol të ri, në atë të shtypësit të grevave përmes ndalimit të pagesës për shumë punonjës të sektorit publik”, tha Mustafa.

Nxënësit në Kosovë nuk kanë nisur vitin shkollor sot më 1 shtator, pasi mësimdhënësit janë në greva.

Related Topics:
Continue Reading

Aktualitet

Përfundon Seminari për Trajnerët e Basketbollit

Published

15 minutes ago

on

September 8, 2025

By

Ka përfunduar Seminari për Trajnerët e Basketbollit për grupmosha të reja që filloi ditën e premte dhe vazhdoi gjatë fundjavës është organizuar nga Federata e Basketbollit e Kosovës në bashkëpunim me Shoqatën e Trajnerëve të Basketbollit të Kosovës dhe Komitetin Olimpik të Kosovës (KOK).

Seminari është përkrahur nga Solidariteti Olimpik, fondacioni më i madh në kuadër të Komitetit Olimpik Ndërkombëtar (KON), për zhvillim të sportit në vende të ndryshme të botës e po ashtu edhe nga FIBA, shtëpia e basketbollit botëror.

Në ditën e parë ka ligjëruar eksperti i njohur i basketbollit ndërkombëtar, Arik Shivek.

Ai ka treguar për përvojën e madhe në basketbollin evropian dhe këtë përvojë ta bart te trajnerët e Kosovës, për ta zbatuar në basketbollin e Kosovës.

Vlora Braha, SPOC Person për Integritet në FBK dhe nga Safeguardin dhe Future ka folur rastet që mund t’i paraqesin trajnerët për abuzime dhe ngacmime në basketboll dhe si mund të drejtohen për këto raste në FBK. Ndërkohë, psikologia Vjollca Zymberi Devaja ka ligjëruar me temën Përgatitja Mendore për Fëmijët.

Në ditën e dytë dhe të tretë, kanë ligjëruar eksperti i njohur ndërkombëtar i basketbollit, Arik Shivek, si dhe trajneri kondicional Agron Haliti.

Të dy kanë ligjëruar për tema të rëndësishme për trajnerët që punojnë me grupmosha të reja, veçanërisht për U14 e më të rinj.

Në fund, Diellza Kelmendi, Koordinatore e Vlerave Olimpike në Akademinë Olimpike në Komitetin Olimpik të Kosovës së bashku me Granit Rugovën, Drejtor i Projekteve dhe Programeve Zhvillimore në Federatën e Basketbollit të Kosovës kanë nderuar me mirënjohje Arik Shivek dhe Agron Haliti, ndërsa trajnerët pjesëmarrës janë pajisur me certifikatën e pjesëmarrjes./S.K/KP/

Continue Reading

Aktualitet

Tifozët letonezë fishkëllejnë kundër serbëve pas thirrjeve “Kosova është Serbi”

Published

60 minutes ago

on

September 8, 2025

By

Edhe në arenat sportive, Serbia vazhdon të përdorë çdo formë për të sulmuar dhe provokuar Kosovën. Kjo u dëshmua sërish të shtunën, në orën 15:00, gjatë ndeshjes kualifikuese për Kupën e Botës mes Letonisë dhe Serbisë, e zhvilluar në stadiumin e Rigës.

Autoritetet letone nuk toleruan sjelljet provokuese të tifozëve serbë, dhe organizatorët e ndeshjes kualifikuese të Kupës së Botës midis Letonisë dhe Serbisë, nuk lejuan që tifozët mysafirë të sillnin në stadium asnjë simbol serb.

Policia ndaloi ekspozimin e flamujve serbë, simboleve nacionaliste dhe sloganeve anti-Kosovë.

Tifozët serbë u detyruan të heqin rrobat që mbanin mesazhe kundër Kosovës, ndërsa sendet e ndaluara iu konfiskuan në hyrje të stadiumit.

Përpjekjet e tyre për të kënduar korin famëkeq “Kosova është Serbi” u pritën me fishkëllima nga tifozët letonë, duke treguar se publiku evropian nuk e mbështet më propagandën e vjetër serbe.

Pas golit të Dušan Vlahović në minutën e 12-të të ndeshjes, tifozët serbë shpërthyen në brohoritje dhe brohoritën: “Kosova është Serbi”.

Kjo nuk është hera e parë që Serbia përdor ngjarjet sportive për të çuar përpara mesazhe nacionaliste dhe provokuese ndaj Kosovës. Në shumë ndeshje të mëparshme, Serbia ka shfrytëzuar minutazhin sportiv për të bërë thirrje politike, për të afishuar parulla ofenduese dhe për të provokuar me flamuj apo simbole që nxisin urrejtje./S.K/EO/Pamfleti/

Continue Reading

Aktualitet

Kosova mësoi rivalët e parakualifikimeve për FIBA EuroBasket 2029

Published

1 hour ago

on

September 8, 2025

By

Për FIBA ​​EuroBasket 2029 që mbahet në kryeqytetin letonez, Riga, sot nga ora 10:30 është zhvilluar shorti i Raundit të Parë të Parakualifikimeve. në kryeqytetin letonez, Riga.

Ceremonia do të transmetohet drejtpërdrejt në kanalin zyrtar të FIBA-s në YouTube.

10 kombëtare janë të ndara në katër vazo nga FIBA sipas renditjes botërore dhe një grup do të përbëhet nga katër shtete dhe dy grupet e tjera do të përbëhen nga tre shtete.

Kosova është në vazon e dytë dhe sot do të mësojë kundërshtarët.

Raundi i Parë i Parakualifikimeve do të luhet në tre dritare: nëntor 2025, shkurt 2026 dhe qershor-korrik 2026.

Katër kombëtare – tre fitueset e grupeve dhe vendi i dytë më i mirë do të kualifikohen në Raundin e Dytë.

Vazo 2: Kosova, Norvegjia, Irlanda./S.K/KP/

Continue Reading

Lajmet

​Punimet ndërtimore për projektin Solar4Kosovo I – Centrali Fotovoltaik, KEK jep sqarime

Published

1 hour ago

on

September 8, 2025

By

Korporata Energjetike e Kosovës (KEK) njofton për procesin e fillimit të punimeve ndërtimore të projektit Solar4Kosovo I – Centrali Fotovoltaik, i cili financohet nga Bashkimi Evropian / Korniza e Investimeve për Ballkanin Perëndimor (ËBIF), Qeveria Gjermane përmes KfË si institucioni kryesor financiar ndërkombëtar, Banka Evropiane për Investime (BEI) dhe Korporata Energjetike e Kosovës.

“Ky projekt përfaqëson një hap të rëndësishëm në tranzicionin energjetik të Kosovës, duke kontribuar në rritjen e prodhimit nga burime të qëndrueshme dhe të ripërtëritshme të energjisë”, thuhet në njoftim.

Sipas njoftimit, punimet ndërtimore do të zhvillohen në zonën afër Termocentralit Kosova A, që shtrihet në komunën e Obiliqit dhe Fushë Kosovës. Këto punime kryesisht lidhen me banorët e Kryshevcit (Dardhishtë) dhe lagjes Mërlak në fshatin Kryshevc, komuna e Obiliqit.

“KEK sqaron se deri më tani nuk ka ndërmarrë masa ndaj përdorimit të paautorizuar të tokës, pasi nuk ka ekzistuar një plan konkret zhvillimor për atë zonë. Për më tepër, në përputhje me përgjegjësitë e saj si kompani publike dhe në kuadër të politikave të Përgjegjësisë Shoqërore Korporative (CSR), KEK ka treguar mirëkuptim dhe ka toleruar këtë shfrytëzim të përkohshëm nga komuniteti lokal”, thuhet në komunikatë.

“Prandaj, është e rëndësishme të informohen të gjithë përdoruesit e paautorizuar të tokës se: Toka në fjalë është pronë e KEK-ut; KEK është në përgatitje për punimet e ardhshme ndërtimore të projektit solar; Sezoni bujqësor i vitit 2025 (gusht 2025) paraqet sezonin e fundit kur janë zhvilluar aktivitete bujqësore në këto toka; Pas kësaj periudhe, nuk do të lejohet më asnjë përdorim i tokës nga persona të paautorizuar”, thuhet në njoftim.

Më tej thuhet se ky njoftim bëhet për të siguruar transparencë dhe informim të drejtë për të gjithë përdoruesit e pa autorizuar të tokës, përveç njoftimeve zyrtare dhe tabelave paralajmëruese që do të vendosen në perimetrin e zonës së projektit, e cila do të jetë e rrethuar me gardh sigurie.

KEK fton të gjithë përdoruesit e tokës dhe personat e prekur nga ky vendim që, për çdo sqarim ose informacion shtesë, të kontaktojnë përfaqësuesit e kësaj kompanie. /D.B/KP

Continue Reading

Të kërkuara