Lajmet

​Morawiecki: Polonia do të jetë e para që do të heqë importet ruse të energjisë

Sipas Morawieckit, Polonia mund të arrijë pavarësinë e plotë të gazit nga Rusia deri në fund të këtij viti.

Published

on

Polonia do të jetë një nga vendet e para anëtare të BE-së që do të tërhiqet nga importet e naftës, qymyrit dhe gazit rus, deklaroi kryeministri polak, Mateusz Morawiecki. Ai këto komente i bëri të shtunën në mbrëmje, pas fjalimit të presidentit amerikan Joe Biden në Kështjellën Mbretërore në Varshavë, transmeton PAP.

Biden tha në fjalimin e tij madhor që u mbulua gjerësisht nga mediat ndërkombëtare se Evropa duhet t’i jep fund mbështetjes së saj në lëndët djegëse fosile ruse dhe u zotua për mbështetjen e SHBA për arritjen e këtij qëllimi.

“Polonia do të jetë një nga të parët, nëse jo vendi i parë në Bashkimin Evropian që do të tërhiqet plotësisht nga nafta dhe qymyri rus, por edhe nga gazi rus”, tha Morawiecki.

Kryeministri vazhdoi duke thënë se disa vende anëtare të BE-së e kishin zili Poloninë se ajo kishte bërë tashmë hapa të rëndësishëm për të diversifikuar furnizimet e saj me gaz dhe për të zgjeruar infrastrukturën e gazit të vendit.

“Unë mendoj se ajo që ne po themi tani do të jetë në rrjedhën kryesore evropiane pas disa javësh”, tha ai.

Sipas Morawieckit, Polonia mund të arrijë pavarësinë e plotë të gazit nga Rusia deri në fund të këtij viti.

“Ne do të përpiqemi ta bëjmë atë deri në fund të tremujorit të tretë”, tha ai.

Ambiciet e Polonisë u përsëritën edhe nga presidenti i vendit, Andrzej Duda.

“Sot të gjithë janë bërë të vetëdijshëm se nuk mund të arrijnë ndonjë diversifikim sepse janë të varur nga Rusia”, tha Duda në një intervistë me transmetuesin TVN24 të transmetuar të shtunën mbrëma.

“Për fat, ne do të jemi plotësisht të pavarur tashmë këtë vit pasi jemi gati të përfundojmë ndërtimin e një tubacioni gazi nga rafti norvegjez dhe do të jemi në gjendje të zgjedhim furnizuesit”, tha Duda, duke iu referuar tubacionit baltik që do të pompojë gaz natyror nga depozitat norvegjeze në bregdetin polak.

Kur bëhet fjalë për naftën, pavarësia e Polonisë nga Rusia pothuajse është “bërë një fakt”, sipas presidentit.

Polonia ka bërë përpjekje intensive për të pakësuar varësinë e saj nga gazi rus duke zgjeruar terminalin e gazit natyror të lëngshëm (LNG), duke nënshkruar kontrata me furnizuesit e LNG dhe duke investuar në infrastrukturën ndërkufitare të gazit. 

Vendi

Kuvendi shqyrton Bordin e Paqes, opozita kundërshton Projektligjin për Byronë

Published

on

By

Kuvendi i Kosovës sot pritet të shqyrtoje edhe Projektligjin për anëtarësimin e Kosovës në Bordin e Paqes. Kjo pasi propozimi i partisë në pushtet për futjen në rend dite u përkrah edhe nga opozita.

Ndërkohë që opozita nuk është pajtuar që në rend dite të futen disa projektligjeve të tjera, përfshirë atë për Byronë shtetërore për verifikimin dhe konfiskimin e pasurisë së pajustifikueshme, duke thënë se nuk kanë kaluar në Komisione në lexim të dytë.

“Ne jemi që marrëveshja e Bordit të paqes të futet si pikë e rendit të ditës. Ndërsa për të tjerat jemi kundër. Nuk mund ta trajtojmë byronë këtu pa kaluar në lexim të dytë në Komisionin për Legjislacion”, ka theksuar deputeti i PDK-së Përparim Gruda.

Njëjt është deklaruar edhe deputetja e LDK-së Jehona Lushaku.

“Në përkrahim pikën për Bordin e Paqes ndërkohë që nuk përkrahim futjen e projektligjeve të tjera sidomos, atyre që nuk kanë kaluar në lexim të dytë në komisione”, ka theksuar ajo.

Partia në pushtet e ka arsyetuar urgjencën më situatën në të cilën gjendet Kuvendi, i cili do të shpërndahet automatikisht, nëse presidenti nuk zgjidhet deri më 28 prill.

“Sa i përket Projektligjit për Byronë ne jemi njoftuar që dëgjimi publik është finalizuar, ndërkohë urgjenca për këtë është pasur parasysh rrethanat që ndodhemi si Kuvend. Ndërkaq dy projektligjet për energjinë, tashmë si Kuvend kemi pranuar edhe një shkresë nga Sekretariati i Komitetit të Energjisë, janë pjesë e planit të rritjes”, ka thënë shefja e Grupit Parlamentar të Vetëvendosjes, Arbërie Nagavci.

 

Continue Reading

Lajmet

Profesorët e UBT-së publikojnë studim ndërkombëtar për cilësinë e ujërave nëntokësore në Kosovë

Published

on

By

Profesorët e UBT-së, Hazir S. Çadraku, Pajtim Bytyqi dhe Osman Fetoshi, në bashkëpunim me studiues nga universitete vendore dhe ndërkombëtare, kanë publikuar një artikull shkencor në revistën ndërkombëtare Limnological Review scientific journal.

Studimi, i titulluar “Assessment of Groundwater Quality in Some Regions of Kosovo Based on Physico-Chemical and Microbiological Parameters”, analizon cilësinë e ujërave nëntokësore në disa rajone të Kosovës përmes parametrave fiziko-kimikë dhe mikrobiologjikë.

Rezultatet tregojnë se, megjithëse shumica e parametrave fiziko-kimikë janë brenda kufijve të lejuar, në shumë zona është evidentuar ndotje mikrobiologjike, përfshirë praninë e bakterit Escherichia coli, duke e bërë ujin të papërshtatshëm për konsum pa trajtim.

Studimi thekson ndikimin e faktorëve si aktivitetet bujqësore dhe mungesa e trajtimit të ujërave të zeza, si dhe nënvizon nevojën për masa urgjente në menaxhimin dhe trajtimin e burimeve ujore.

Ky publikim përfaqëson një kontribut të rëndësishëm shkencor dhe dëshmon angazhimin e UBT-së në kërkime me ndikim në nivel vendor dhe ndërkombëtar.

Continue Reading

Vendi

Nderohet kontributi i ish-kongresmenit Engel në shtetndërtimin e Kosovës

Published

on

By

Udhëheqësit e institucioneve kanë shprehur vlerësim të madh për rolin dhe kontributin e ish-kongresmenit amerikan, Eliot Engel, në historinë dhe procesin e shtetndërtimit të Kosovës.

Gjatë seancës së Kuvendit të mbajtur në nder të Engel, i cili ndërroi jetë më 10 prill, ushtruesja e detyrës së presidentes, Albulena Haxhiu, u shpreh se ai ka lënë gjurmë të thella në historinë e vendit.

“Në ditët më të vështira të historisë sonë të re, bëshkë edhe me shumë kongresistë e senatorë amerikanë, ngriti zërin fuqishëm kundër shkeljes së të drejtave tona, represionit, dhe persekutimit nga regjimi serbo-jugosllav”, ka theksuar Haxhiu, në seancë që ka nisur më një minutë heshtje në nderim të Engel.

Ajo ka shtuar se gjatë gjithë karrierës së tij, Engel nuk u ndal së kërkuari drejtësi për popullin e Kosovës.

“Në vitet e errëta kur shqiptarët e Kosovës po vuanin nën regjimin e Millosheviqit dhe bota ende hezitonte të vepronte, Eliot Emgel ngriti zërin”, ka theksuar Haxhiu.

Continue Reading

Lajmet

Kuvendi mban sot seancë solemne për Eliot Engel dhe seancë të rregullt plenare

Published

on

By

Kuvendi i Kosovës mban sot dy seanca plenare, duke nisur në orën 10:00 me një seancë solemne në nderim të ish-kongresmenit amerikan Eliot Engel, i cili vdiq më 10 prill.

Pas saj, në orën 11:00, do të vijojë seanca e rregullt me këtë rend dite:

  1. Miratimi i procesverbalit nga seanca e mëparshme.
  2. Deklarimet jashtë rendit të ditës.
  3. Pyetjet parlamentare.
  4. Shqyrtimi i Projektligjit për Ratifikimin e Amendamentit Nr. 2 të Marrëveshjes Financiare Kosovë-BE për Programin IPA 2020.
  5. Shqyrtimi i Projektligjit për Ratifikimin e Amendamentit Nr. 1 të Marrëveshjes Financiare Kosovë-BE për programin IPA 2019 (pjesa e dytë, objektivi 1).
  6. Zgjedhja e anëtarëve të Këshillit Gjyqësor të Kosovës.
  7. Zgjedhja e anëtarëve të Bordit të Radiotelevizionit të Kosovës.
  8. Zgjedhja e anëtarëve në Komisionin e Pavarur të Mediave.
  9. Shqyrtimi i Propozim-rezolutës për avancimin e përkujdesjes institucionale ndaj komunitetit shqiptar në Preshevë, Medvegjë e Bujanoc.
  10. Propozimi i Grupit parlamentar “Multietnik” për zëvendësimin e deputetëve në komisione parlamentare.

Continue Reading

Të kërkuara