

Lajmet
Mocioni për shkarkimin e bordit të ZRrE-së nuk kalon në Komisionin për Ekonomi
Ndonëse opozita ishte “pro” shkarkimit, kjo nuk u përkrah nga deputetët anëtarë të mazhorancës.
Published
3 years agoon
By
Betim GashiMe 6 vota kundër, Komisioni për Ekonomi hodhi poshtë mocionin e dhjetë deputetëve të LDK-së për shkarkimin e bordit të Zyrës së Rregullatorit të Energjisë (ZRrE) me arsyetimin se ky institucion ka dështuar në menaxhimin e krisës energjetike dhe nuk ka qenë transparent me këtë komision parlamentar. Ndonëse opozita ishte “pro” shkarkimit, kjo nuk u përkrah nga deputetët anëtarë të mazhorancës.
Ne emër të deputetëve propozues, Valentina Bunjaku-Rexhepi deklaroi se bordi i ZRrE-së nuk është treguar bashkëpunues si dhe është treguar i papërgjegjshëm.
“Kjo ka qenë një mos përgjegjësi e ZRrE-së, realisht ZRrE nuk ka bashkëpunuar me neve si Komision për Ekonomi, Tregti dhe Industri, dhe ka qenë jo transparent karshi komisionit dhe karshi qytetarëve, ju e dini që rryma është rritur 100% dhe ZRrE ka bërë shkelje ligjore… Bordi i ZRrE-së në takimet tona si komision ka qenë jo transparent, arrogant dhe nuk ka bashkëpunuar absolutisht, as me ne dhe as me qytetarët, transparenca e tyre i ka dëmtuar edhe qytetarët, unë në emër të kërkesës së LDK-së, si përfaqësuese e LDK-së në këtë komision, kërkoj që të votohet shkarkimi i bordit të ZRrE-së. Besoj që një bord tjetër do ta kryejë punën me ndershmëri, ka me qenë më efikas dhe ju e keni shumicën besoj ta përkrahni”, ka thënë Bunjaku-Rexhepi.
Mirëpo, deputetja e Lëvzjes Vetëvendosje, Mimoza Kusari Lila e ka kundërshtuar një gjë të tillë pasi që sipas saj, nuk ka arsyetime të bazuara se ZRrE ka dështuar në menaxhimin e krizës me energjinë. Ajo ka pyetur se posë nuk është shkarkuar në të kalurën bordi i ZRrE-së kur kanë ndryshuar tarifat dhe për veriun.
“Nuk pajtohem me vlerësimin se tarifat janë diskriminuese se nuk e përfshin veriun, a mundet dikush këtu prej deputetëve, qofshin në këtë mandat, në mandatin e kaluar apo katër-pesë mandate më herët, të thotë ose të tregojë, sa ka qenë rryma e paguar apo sa ka qenë realizimi i pagesës për rrymën në veri para pesë viteve kur janë ndërruar tarifat, në kohën kur ka qeverisur LDK-PDK, a është dashur atëherë të shkarkohet bordi i Zyrës së Rregullatorit për arsye se ka pasur tarifa të parealizuara”, ka deklaruar Kusari-Lila.
Por Bunjaku-Rexhepi ka thënë se ZRrE ka bashkëpunuar me qeverinë për të vendosur për tarifat e shtrenjta të energjisë.
“Ata nuk kanë qenë transparent me neve, dhe raporti që e kanë sjelle ata, d.m.th në raportin e ZRrE-së kanë qenë të planifikuara subvencionimi që është bërë nga qeveria realisht ata nuk janë të pavarur, ata kanë bashkëpunuar me qeverinë dhe raportin e tyre kanë qenë mjetet e parapara që janë marrë vesh me qeverinë, qytetarët janë dëmtuar dhe ai bord nuk është transparent dhe bashkëpunues me neve”, ka këmbëngulur Bunjaku-Rexhepi.
Edhe Pal Lekaj nga AAK ka thënë se qeveria ka treguar afërsi me ZRrE-në dhe, qytetarët janë diskriminuar, për këtë edhe e ka përkrahur rrëzimin e bordit të ZRrE-së.
“Ata janë bukur të afërt me qeverinë dhe nuk kanë treguar autonomi të vetën, kanë krijuar konfuzion mjaft tek qytetarët sepse kanë vepruar jo në mënyrë të barabartë sa i përket çmimit të energjisë dhe pagesës, kanë thënë dhe prap insistoj, se kjo është një diskriminim për qytetarët e Republikës së Kosovës e sidomos kur kemi qenë tek shtrenjtimi në këtë situatë të vështirë për qytetarët tanë të cilët e kanë rënduar jetën mjaftë dhe kushtet e tyre… Ne si grup parlamentar i AAK-së e përkrahim shkarkimin e bordit”, tha Lekaj.
Përkrahje për shkarkimin e bordit të ZRrE-së ka dhënë edhe kryetari i këtij komisioni, njëherit deputet i PDK-së, Ferat Shala, që tha se me ligj Zyra e Rregullatorit duhet të ishte një institucion i pavarur nga politika, por në praktikë është e kundërta.
“Një institucion i cili me ligj është qartë i definuar që është i pavarur ai na del që 100% është i politizuar sepse dokumentet e tij të nxjerra publike janë të varura dhe bashkëpunim të ngushtë me institucionin ekzekutiv qeveritar këtë s’mund ta mohojmë dhe e ardhmja ka me vërtetu dhe gjykatat do ta vërtetojnë këtë shkelje ma të madhe se me hup pavarësinë vendimmarrëse në planifikime, arsyetim dhe në veprim dhe me pasoja diskriminuese për qytetarët dhe me pasoja të larta financiare për buxhetin e vendit arsyeje më të forta me shkarkua këtë bord nuk ekzistojnë”, ka thënë Shala.
Të gjitha akuza t në drejtim të pushtetit i ka hedhur poshtë Kusari-Lila, që tha se nuk duhet të mbështetet shkakrimi i bordit të ZRrE.
“Nuk ka asnjë sens politik as për opozitën as për pozitën, prandaj është shumë e rëndësishme që ky propozim natyrisht të mos mbështetet”, tha Kusari-Lila.
Pas kësaj mbledhjeje, edhe KOSTT ka raportuar në këtë komision për operimin e tregut dhe për pasqyrat financiare e që sipas bordit, vetëm në vitin 2020 KOSTT ka pasur detyrime 127 milionë e 398 mijë ndërsa në vitin 2021 181 milionë e 689 mijë euro.
Lajmet
Prokuroria e Kosovës ngre aktakuzë ndaj një të dyshuari për spiunazh për inteligjencën serbe
Published
14 hours agoon
May 23, 2025By
UBTnews
Prokuroria Speciale e Kosovës ka ngritur aktakuzë të premten kundër një burri, të cilin e akuzon se kishte spiunuar për Agjencinë e Inteligjencës dhe Sigurisë së Serbisë, e njohur si BIA, për kohë të papërcaktuar.
Të dyshuarin, e identifikuar vetëm me inicialet A.V., prokurorët e ngarkojnë me dy vepra penale, spiunazh dhe armëmbajtje pa leje.
Sipas aktakuzës, i dyshuari kishte “mbledhur të dhëna dhe dokumente të rëndësishme, të cilat, më pas dërgoi në cilësinë e Agjentit Rezident BIA-s serb”, duke e “cenuar rendin kushtetues dhe sigurinë e Kosovës si dhe jetën e zyrtarëve shtetëror dhe të qytetarëve të saj”.
Ai dyshohet se e ka kryer veprën për kohë të papërcaktuar deri në arrestimin e tij në qershor të vitit 2024.
“Nga provat e siguruara… A.V kishte krijuar një rrjet të punësuarve në organizatat ndërkombëtare në Kosovë të nacionalitetit serb, nga të cilët kishte pranuar informacione dhe raporte të punës së këtyre organizatave që ndërlidheshin me aspektet politike dhe të sigurisë në Kosovë, si dhe kishte mbledhur informacione, për persona të nacionalitet serbë, me qëllimin që t’i paraqiste si bashkëpunëtorë të strukturave të sigurisë së Kosovës”, thuhet në aktakuzë.
Ai dyshohet se të dhënat dhe dokumentet e siguruara ia kishte “dorëzuar zyrtarit të lart të BIA-së, R.G, shef i njërës prej Qendrave të BIA-së në territorin e Serbisë, përmes komunikimeve telefonike dhe takimeve fizike”.
Prokuroria tha se në shtëpinë e të dyshuarit janë gjetur dhe konfiskuar një armë dhe një spërkatës gaz lotsjellës, gjatë një bastisjeje policore.
Prokurorët kanë kërkuar që ai të mbahet në paraburgim në pritje të gjykimit.
Prokuroria nuk dha më shumë hollësi rreth identitetit apo kombësisë së A.V., por vitet e fundit serbë e shqiptarë janë arrestuar në Kosovë nën dyshimet se po spiunonin për shërbimet e inteligjencës së Serbisë.
Derisa shpeshtohen rastet, njohësit e sigurisë thonë se inteligjenca serbe ka shtrirë rrënjët në tërë territorin e Kosovës ndër vite./REL/
Lajmet
FFK pajtohet me vërejtjet e MKRS-s, Kuvendi i Punës do të përsëritet
Published
14 hours agoon
May 23, 2025By
UBTnews
Federata e Futbollit të Kosovës do pa përsëris Kuvendin e Punës të mbajtur më 20 shkurt të këtij viti pasi Komisioni Vlerësues brenda Ministrisë së Sportit kishte gjetur parregullësi në këtë kuvend, me theks të veçantë në pjesëmarrjen e dy klubeve që nuk ishin të licencuara në këtë kuvend.
Si pasojë e këtyre shkeljeve, MKRS kishe pezulluar lëshimin e vërtetimeve nga Ligji i Sponsorizimeve për të gjitha klubet e futbollit, duke shkaktuar kështu dëm të madh financiar tek secila prej tyre.
Por, situata tashmë ka ndryshuar. Ekskluzivisht për KosovaPress, Kryesuesi i Komisionit për Licencim të Federatave Sportive, Fidan Shatri ka thënë se FFK është pajtuar që ta përsëris Kuvendin e Punës duke u pajtuar me gjetjet e shkeljeve nga ana e MKRS-së
Sipas zyrtarit të MKRS-së, Fatmir Shatri, një nga shkeljet më të theksuara ishte përfshirja e klubeve të palicencuara në procesin e vendimmarrjes, çka bie ndesh me Ligjin për Sport.
“Rasti i Federatës së Futbollit të Kosovës ka qenë pas vlerësimit të komisionit mbi kuvendin e punës që është mbajtur në muajin shkurt, kanë qenë disa vërejtje të cilat kanë qenë edhe publike, dhe një nga vërejtjet kyçe ka qenë pjesëmarrja e klubeve të cilat nuk janë të licencuara në procesin e vendimmarrjes, pra pjesëmarrja në Kuvendin e Federatës së Futbollit. Në rastin e tillë është standard për të gjitha federatat që klubet të cilat nuk janë të licencuara nuk mund të jenë pjesë e vendimmarrjes dhe me strukturat e federatës përkatëse, në këtë rast FFK”, ka thënë fillimisht Shatri.
Shatri ka bërë të ditur se FFK është zotuar që Kuvendi i të mbahet gjatë muajit qershor
“Pas vlerësimit të komisionit, kemi pasur disa takime me FFK-në ku me të gjitha federatat jemi të gatshëm të kontribuojmë në mundësinë e dhënies së propozimeve tona në lidhje me harmonizimin e të gjitha akteve pasi është ligj i ri i sportit dhe nuk është i njohur për të gjithë. Në këtë rast, Federata e Futbollit është pajtuar që të gjeturat që i ka dhënë komisioni në drejtim të federatës që këto të gjetura ku kanë marrë pjesë klubet e palicencuara është vërejtje e komisionit që nuk mund të jenë pjesë e kuvendit. Në këtë rast, janë zotuar që gjatë muajit qershor Federata e Futbollit do ta mbaj Kuvendin e Punës dhe në harmoni me Ligjin për Sport, udhëzimet dhe rekomandimet e komisionit të miratohen në kuvendin që do të mbahet në qershor”, ka bërë të ditur Shatri.
Ai ka shtuar në fund se në rast se FFK nuk e mban këtë zotim, atëherë mund të pezullohet sërish lëshimi i vërtetimeve të sponsorizimit për të gjitha klubet sportive që janë anëtare të FFK-së.

Shefja e diplomacisë së Bashkimit Evropian, Kaja Kallas pas takimit në Shkup me kryeministrin Hrisitjan Mickoski, paralajmëroi se ka mundësi për lëvizje, lidhur me bllokadën e rrugës së integrimit të Maqedonisë së Veriut në BE, për shkak të mosmiratimit të ndryshimeve kushtetuese, të cilat i kërkon Bullgaria.
“Rruga deri në anëtarësim nuk është e lehtë dhe porosia e ime sot është që të mbeteni në të njëjtin drejtim. T’i ndërmerrni hapat e nevojshme për hapjen e bisedimeve hyrëse”, tha Kaja Kallas, përfaqësuese e BE-së për Politikë të Jashtme dhe Siguri.
“Është e qartë se duam që Maqedonia e Veriut me të vërtetë të lëvizë nëpërmjet kësaj rruge dhe e dimë se ka pengesa. Atë e diskutuam sot që të mundemi të gjejmë mekanizma që të tejkalohen ato pengesa. Gjithsesi kryeministri mund t’i sqarojë idetë e tij, por vlerësoj se ka hapësirë ku mundemi të bëjmë diçka, nuk do të hyja në detaje. Në qoftë se lëvizim, atëherë do ta publikojmë para mediave”, theksoi Kaja Kallas, përfaqësuese e BE-së për Politikë të Jashtme dhe Siguri, shkruan Alsat.
Mickoski, nga ana tjetër theksoi se vendi është i gatshëm për zgjidhje të ngërçit me Bullgarinë, megjithatë ajo duhet të jetë e qëndrueshme dhe e dinjitetshme.
“Sot, kërkova trajtim korrekt. Kërkova qëndrueshmëri. Evropa të tregojë lidership, i cili do të sjellë diçka me vlerë për qytetarët në realitet. Të kthehet besimi në idenë evropiane, veçanërisht te të rinjtë”, u shpreh Hristijan Mickoski, kryeministër.
“Dora jonë mbetet e shtrirë. Ne jemi të hapur për miqësi, dialog dhe bashkëpunim. Por ne qëndrojmë të vendosur, të drejtë dhe dinjitoz – me porosi të qartë: jemi gati. Evropa mund të mbështetet te ne – dhe tani është koha që ne të fillojmë të mbështetemi te Evropa”, theksoi Hristijan Mickoski, kryeministër, transmeton KosovaPress.
Kallas gjatë ditës ka realizuar takime edhe me ministrin e Jashtëm Timço Mucunski dhe atë të Mbrojtjes, Vllado Misajllovski. Kallas viziton Shkupin, derisa ende nuk ka një strategji të qartë se vendi do ta tejkalojë veton e Bullgarisë për fillimin e negociatave, e cila kërkon që të futen bullgarët në Kushtetutën e Maqedonisë së Veriut.
Ky kusht, është pjesë e kornizës negociuese, ndërsa Bullgaria këmbëngul që për të nuk ka çfarë të rinegociohet. Megjithatë, Maqedonia e Veriut kërkon garanci që të mos përsëritet ngecja, me ndonjë veto tjetër eventuale në lidhje me çështjet bilaterale.
Lajmet
Kallas në veri: E rëndësishme ta shohim vetë se çfarë po ndodh në terren
Published
15 hours agoon
May 23, 2025By
UBTnews
Shefja e diplomacisë së Bashkimit Evropian, Kaja Kallas, në përfundim të vizitës së saj në Kosovë të premten, e vizitoi edhe Mitrovicën e Veriut, ku u ndal në zyrën e EULEX-it dhe u takua me përfaqësues të arsimit dhe sistemit të drejtësisë.
Në një deklaratë të shkurtër për media në Mitrovicën e Veriut, Kallas tha se ishte e rëndësishme shkuarja në pjesën veriore të Kosovës, sepse “atje dëgjohen narrative të ndryshme”.
“Është e rëndësishme ta shohim vetë se çfarë po ndodh në terren dhe çfarë thonë njerëzit. Vizitova gjykatën që funksionon dhe që po pret kthimin e gjyqtarëve serbë. Gjithashtu u takova me përfaqësues të shkollave këtu për të kuptuar më mirë situatën, për të biseduar me qytetarët dhe për të parë me sytë e mi se çfarë ndodh në këtë pjesë”, deklaroi ajo.
Qindra pjesëtarë të komunitetit serb në veri dhanë dorëheqje nga institucionet e Kosovës, përfshirë komunat, policinë, gjykatat dhe prokurorinë, në nëntor të vitit 2022, pas një vendimi të Qeverisë së Kosovës për t’i zëvendësuar targat serbe të makinave me targa të Kosovës.
Nga ajo kohë, kryetarët e komunave Mitrovicë e Veriut, Zveçan, Zubin Potok dhe Leposaviq, u zëvendësuan me udhëheqës shqiptarë, pasi komuniteti shumicë serb në zonë i bojkotoi zgjedhjet.
Në gjykata, prokurori dhe polici, punonjësit serbë nuk u kthyen më.
Në një postim në Instagram, të shoqëruar me video nga takimi në gjykatë, Kallas shkroi se Bashkimi Evropian mbetet i mendimit se “kthimi i gjyqtarëve, prokurorëve dhe stafit serb të Kosovës është thelbësor për drejtësinë, stabilitetin dhe bashkëjetesën shumetnike”.
Në Mitrovicën e Veriut, Kallas shtoi gjithashtu se forcat ndërkombëtare ofrojnë një pasqyrë të qartë dhe reale të situatës në terren, për të cilën “njëra palë thotë një gjë, ndërsa pala tjetër diçka tjetër.”
“Është thelbësore të flitet me njerëzit në terren për të parë se çfarë mund të bëjmë më shumë që e ardhmja të jetë e sigurt dhe e begatë për të gjithë në Kosovë”, përfundoi ajo./REL/

“Valley Film Festival”, event unik për të rinjtë e Luginës! Flet organizatori Kushtrim Asllani

Miley Cyrus foli për problemin shëndetësor dhe varësinë ndaj alkoolit

Netflix nis ndërtimin e një mega-studioje prej 903 milionë dollarësh në New Jersey

Multivitaminat, të dobishme apo të tepërta?

Prokuroria e Kosovës ngre aktakuzë ndaj një të dyshuari për spiunazh për inteligjencën serbe

FFK pajtohet me vërejtjet e MKRS-s, Kuvendi i Punës do të përsëritet

“Google” vjen me ndryshime në komunikim

Kallas në Shkup: Plotësoni kushtet

Trump kërcënon Apple me tarifa
Të kërkuara
-
Lajmet1 month ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT4 weeks ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet nga UBT3 months ago
Profesorët Besnik Skenderi, Safet Zejnullahu, Diamanta Skenderi dhe Ferid Selimi publikojnë punimin shkencor mbi AI në arsim
-
Kulturë2 months ago
Shkëlqeu me rolin e tij në ‘Kontesha Arduini’, intervistë me Mirsad Ferati