Lajmet

​Minsk: Protesta kundër Lukashenkos

Published

5 years ago

on

Dhjetëra mijëra bjellorusë dolën në rrugët e Minskut të dielën për të protestuar ndaj rizgjedhjes së presidentit Alexander Lukashenko, i cili është përballur me demonstrata të ngjashme masive për dy javë.

Duke treguar flamuj të bardhë dhe të kuq, protestuesit u mblodhën në Sheshin e Pavarësisë dhe përmbytën rrugët përreth duke bërtitur “Liri! Liri!”.

Mediat raportuan për më shumë se 100,000 protestues të mbledhur në kryeqytetin bjellorus për të dielën e dytë me radhë. Protestuesit nuk e njohin rizgjedhjen e Lukashenko-s më 9 gusht, duke e konsideruar një mashtrim dhe duke dënuar shtypjen brutale që pasoi zgjedhjet.

Mediat pranë opozitës raportuan për mitingje të organizuara në disa qytete të tjera në të gjithë vendin.

Javën e kaluar, më shumë se 100.000 protestues u mblodhën në rrugët e Minskut duke kërkuar largimin e Lukashenko-s nga pushteti. Në 26 vjetët që ai ka qenë në krye të vendit, presidenti asnjëherë nuk është përballur me protesta të tilla, as për sa i përket reagimit masiv dhe as për sa i përket kohëzgjatjes së tyre.

Ai nuk pranoi të linte presidencën, siç kërkohet nga rivalja e tij kryesore në zgjedhjet presidenciale të 9 gushtit, Svetlana Tihanovskaya.

Menjëherë pas zgjedhjeve, politikania u largua nga vendi për shkak të kërcënimeve dhe shkoi në Lituani.

Related Topics:
Continue Reading

Lajmet

PDK në ora 17:00 mban konferencë për media

Published

2 minutes ago

on

January 14, 2026

By

Partia Demokratike e Kosovës do të mbajë sot konferencë për media sot në ora 17:00.

Nëpërmjet një komunikate për media, nuk janë bërë të ditura arsyet.

Continue Reading

Lajmet

Kurti i thotë Sorensenit se ka “legjitimitet të ri” pas zgjedhjeve, i kërkon tërheqjen e letrës së Bërnabiqit e dorëzimin e Radoiçiqit

Published

1 hour ago

on

January 14, 2026

By

Kryeministri në detyrë, Albin Kurti është takuar sot me emisarin evropian për dialog, Peter Sørensen.

Rreth këtij, takimi ka dalë me detaje edhe zyra e tij për media.

“Në takimin e parë pas zgjedhjeve të 28 dhjetorit, kryeministri Kurti theksoi se rezultati zgjedhor ka prodhuar një legjitimitet të ri demokratik, i cili garanton parashikueshmëri politike dhe stabilitet institucional, duke forcuar më tej funksionimin e rendit kushtetues të Republikës së Kosovës”.

“Ky legjitimitet i lartë, i dalë drejtpërdrejt nga vullneti i qytetarëve, siguron përfaqësim të drejtë, kredibil dhe parimor të Kosovës në dialog. Sa i përket palës tjetër në dialog, Kryeministri vlerësoi se e njëjta gjë nuk mund të thuhet për lidershipin në Serbi”, theksohet në njoftim.

Mes tjerash u bë e ditur se në takim, Kurti shprehu gatishmërinë e Kosovës për normalizim të plotë të marrëdhënieve me Serbinë dhe dialog konstruktiv në Bruksel.

Ai theksoi edhe “ rëndësinë thelbësore të tërheqjes së letrës së ish-kryeministres Bërnabiq, të deponuar në Shërbimin Evropian për Veprim të Jashtëm (EEAS), dorëzimit të kryeterroristit Millan Radoiçiq, për të cilin tashmë ka aktakuzë 160 faqëshe nga Prokuroria e Republikës së Kosovës, dhe nënshkrimit të Marrëveshjes Bazike dhe Aneksit të Zbatimit si garanci juridike dhe mirëbesim për rrugën përpara. Ai nënvizoi se me zbatimin e plotë të Marrëveshjes Bazike të Brukselit dhe Aneksit të Zbatimit të Ohrit, dialogu prodhon rezultate të qëndrueshme”.

Continue Reading

Lajmet

Rasti “Banjska”, seanca e radhës më 16 janar

Published

3 hours ago

on

January 14, 2026

By

Seanca e radhës ndaj tre të akuzuarve, Blagoje Spasojeviq, Vladimir Toliq dhe Dushan Maksimoviq, në rastin “Banjska” do të mbahet më 16 janar.

Seanca do të zhvillohet nga ora 09:30.

“Ju njoftojmë se seanca gjyqësore në çështjen penale kundër të pandehurve B.S., V.T. dhe D.M., do të mbahet sipas planifikimit, me datë 16.01.2026, në ora 09:30”, thuhet në përgjigjen e Gashit.

Ndërkohë, Spasojeviq, Toliq e Maksimoviq, përballen me akuza të rënda për përfshirje në ngjarjet e 24 shtatorit 2023 në fshatin Banjskë të komunës së Zveçanit, ku një sulm i armatosur ndaj Policisë së Kosovës çoi në vdekjen e rreshterit Afrim Bunjaku dhe plagosjen e disa pjesëtarëve të tjerë të policisë.

Continue Reading

Lajmet

Prishtina pa rrymë e në zhurmën e gjeneratorëve – Pësojnë bizneset

Published

3 hours ago

on

January 14, 2026

By

Pa kaluar shumë orë nga njoftimi, vendi u përball me reduktime të energjisë elektrike, e nga kjo po pësojnë qytetarët.

Disa biznese, u detyruan të ndezin gjeneratorët, por disa të tjera nuk i posedojnë.

Rrobaqepësi, barnatore, furra, kafiteri, janë veç disa nga bizneset në Prishtinë të cilat që nga mëngjesi nuk kanë rrymë.

Ndërkohë që mbrëmjen e së martës Operatori i Sistemit, Transmisionit dhe Tregut të energjisë elektrike të Kosovës-KOSTT ka  njoftuar se do të ketë reduktime të rrymës për sot dhe nesër në vend. Në njoftimin e KOSTT thuhet se kjo do të bëhet “për të garantuar funksionimin e sigurt të sistemit elektroenergjetik dhe për të mbrojtur integritetin e rrjetit”.

Continue Reading

Të kërkuara