

Lajmet
Ministrja Hajdari paralajmëron masë ligjore për produktet esenciale
Për ndonjërën masë eventuale, Hajdari tha se kanë marr dritën e gjelbër edhe nga Autoriteti i Konkurrencës së Kosovës.
Published
3 years agoon
By
UBT.NewsMinistrja e Industrisë, Ndërmarrësisë dhe Tregtisë, Rozeta Hajdari ka paralajmëruar masë ligjore për produktet esenciale.
Ajo tha se tashmë kanë krijuar grupin e dytë punues i cili do të vendos se a do të shkohet me çmimin tavan apo me marzhë tregtare.
Në një konferencë për medie, ministrja Hajdari tha se do të marrin masë ligjore për të ndaluar spekulimet me çmime.
“Ne tani kemi krijuar grupin e dytë punues për masën ligjore për produktet esenciale dhe theksoj se do të jenë këto produkte esenciale që do të përfshihen në masën ligjore: gruri, mielli, buka, orizi, pastat, vaji i lulediellit, kripa, qumështi, vezët, mishi i pulës, sheqeri, sapuni, detergjenti dhe pecetat higjienike. Grupi punues, tani i themeluar, do të analizojë tutje se cilën masë ligjore do ta marrim, a do të shkojmë me çmimin tavan apo do të shkojmë me një marzhë tregtare, kjo varet edhe nga analizat që do të vijnë edhe nga grupi punues me evidencë nga tregu, por edhe nga operatorët ekonomikë, sepse kemi operatorë që janë në shitje me shumicë e pakicë. Të gjitha këto do të ndodhin shumë shpejt… Ashtu siç kemi vepruar për naftën mund të veprojmë edhe me produktet tjera, por kjo varet prej analizës së situatës nga vetë grupi punues. Nuk po them sot si ministre se do të vendosi çmim tavan por do të marrim një masë që do të ndalojë spekulimet sepse jemi të informuar në baza ditore nga Dogana për çmimet furnizuese nga importi”, theksoi ministrja e Tregtisë.
Ministrja e Industrisë, Ndërmarrësisë dhe Tregtisë, Rozeta Hajdari tha se ndonëse çmimet furnizuese të grurit dhe miellit janë zbritur në 7%, kjo nuk po vërehet në çmimet në treg.
E për ndonjërën masë eventuale, Hajdari tha se kanë marr dritën e gjelbër edhe nga Autoriteti i Konkurrencës së Kosovës.
“Nga të dhënat e Doganës ndonëse kemi një rritje të çmimit në disa furra të bukës ne kemi për dallim nga çmimet e Doganës çmimet furnizuese të grurit dhe miellit janë kryesisht në rënie për dallim nga muaji maj, pra kemi 7% të çmimeve furnizuese të grurit dhe miellit, 7% zbritje bazuar nga evidenca e Doganës dhe kjo evidencë nga Dogana është konfirmuar edhe nga grupi punues i MINT në bashkëpunim edhe me atë të Financave. Pas të gjitha këtyre hulumtimeve të bëra nga grupi punues ne kemi konstatuar si në vijim, marzha tregtare e artikujve esencial ndonëse tregu i lirë ka një dallim të lartë në mes të operatorëve ekonomik ku mesatarja e marzhës tregtare të të gjithë operatorë ekonomik varion prej 8% deri në 19.40% varësisht nga produkti”, tha ajo.
Sa i takon furnizimeve me grurë Hajdari tha se po presin përfundimin e korrjeshtirjeve, por është garanci që 70% e tregut do të furnizohet nga fermerët vendor.
Lidhur me vendimin që Qeveria nxori për ndalim të eksportit të produkteve esenciale, Hajdari tha se tashmë janë duke e rishikuar atë vendim.
“Tani jemi në rishqyrtim për shkak të kërkesave që i shohim nga vetë operatorët ekonomik që mund të kenë ndonjë sfidë për të operuar tutje, mund të kenë edhe sfidë për furnizim tutje”, tha ajo.
Bashkim Zejnullahu nga Shoqata e Mullistëve të Kosovë tha se nuk ka nevojë për shqetësime pasi kanë furnizim të mjaftueshëm me grurë. Ai tha se janë kundër abuzimeve me çmime.
Por, Zejnullahu shtoi se këtë vit në disa regjione ka rendimente më të ulëta për sipërfaqe krahasuar me vitin e kaluar.
“Kemi furnizim të mjaftueshëm të brendshëm do të krijohen sigurisht furnizime sipas nevojë edhe nga tregjet e jashtme që ne të kemi mundësinë të ofrojmë për tregun tonë një furnizim stabil. Çmimet duhet të kishin pas rënie gjatë sezonit 2022 edhe pse nuk kanë pësuar ndonjë rënie të madhe, por ka një rënie që garanton së paku për një kohë të caktuar për çmimin e miellit për tregun e brendshëm. Ne si shoqatë jemi të angazhuar gjithmonë që të ketë furnizime edhe të ketë stabilitet të brendshëm. Duke e ditur situatën e mëhershme të muajit shkurt dhe mars arritëm të mbajmë në kontroll apo të vërtetojmë kemi stabilitet dhe stoqe të mjaftueshme dhe mendojmë se kjo do të vazhdojë edhe këtë vit… Jemi kundër abuzimeve të çmimeve nga kushdo qoftë edhe nga ne përpunuesit, të jemi më vigjilent dhe të mos shfrytëzojmë situatën aktuale që të ngritin çmimet pa nevojë. Nuk kemi pasur nevojë dhe nuk ka nevojë për shqetësime, por as nuk kemi nevojë për ngritje të çmimeve”, tha Zejnullahu.
Lidhur me atë se prej cilave vendeve Kosova mund t’i plotësojë mangësitë e grurit, Zejnullahu përmendi Maqedoninë, Bullgarinë, Kroacine e Serbinë.
Lajmet
Arrestohet në Prishtinë, i dyshuari kapet me 7 armë dhe 290 fishekë
Published
3 hours agoon
July 5, 2025By
UBTnews
Policia ka arrestuar një person të dyshuar kosovar nën akuzën për kryerjen e veprave penale “Detyrim” dhe “Prezantim i rremë”.
Gjatë kontrollit në banesën e tij dhe objekteve përcjellëse, forcat e rendit kanë gjetur dhe sekuestruar shtatë armë zjarri, 290 fishekë, një telefon mobil dhe një kontratë që dyshohet të ketë lidhje me veprimtarinë kriminale.
Me vendim të prokurorit, i dyshuari është dërguar në mbajtje dhe hetimet për këtë rast vijojnë.

Deputetët do të mblidhen sot për të 42 herë më radhë në tentimin për të konstituar Kuvendin e Kosovës.
Përveç betimit të deputetëve të zgjedhur, Kuvendi i ri ka mbetur i pa konstituar në mungesë të zgjedhjes së kryetarit të ri dhe nënkryetarëve.
Lëvizja Vetëvendosje, Guxo e Alternativa nuk kanë arritur të sigurojnë votat e mjaftueshme për Albulena Haxhiun, të cilën e kanë propozuar si kryetare të Kuvendit. Në mungesë të numrave ata kanë propozuar që votimi nga i hapur të kalojë në të fshehtë.
Komisioni që mundëson votimin e fshehtë nuk po mbështetët nga Partia Demokratike e Kosovës, Lidhja Demokratike e Kosovës, Aleanca për Ardhmërinë e Kosovës. Kjo çështje madje është dërguar në Gjykatën Kushtetuese, e cila ka dhënë aktgjykimin e saj, por i njëjti po interpretohen në mënyra të ndryshme nga subjektet politike.
Kushtetuesja ka sjellë aktvendim sipas të cilit legjislatura e nëntë ka një muaj afat për konstituim – zgjedhjen e kryetarit dhe nënkryetarëve.
PDK dhe AAK i kanë kërkuar LVV-së që ta ndërrojë kandidaten për kryetare të Kuvendit me arsyetimin se ka punuar në dëm të interesave të shtetit. Kurse, LDK ka deklaruar se nuk do ta votojë asnjë kandidatë.
Këto parti kanë thënë se Lëvizja Vetëvendosje, Guxo e Alternativa nuk kanë as votat për formimin e Qeverisë, për çka kanë thënë se nevojitet marrëveshje politike. Megjithatë, në LVV kanë thënë se kjo duhet provuar duke votuar fillimisht konstituimin e Kuvendit.
Ndërkohë, PDK dhe LDK iu ka drejtuar sërish Gjykatës Kushtetuese që të sqarojë nëse seancat e fundit kanë shkelur Kushtetutën. Gjithashtu, edhe presidentja Vjosa Osmani ka paralajmëruar se së shpejti do t’i dërgohet Kushtetuese se cilat janë masat që duhet të merren nëse nuk konstituohet Kuvendi deri më afatin e paraparë prej një muajsh.
Kujtojmë, zgjedhjet parlamentare janë mbajtur më nëntë (9) shkurt. Mbledhja e parë për konstituimin e Kuvendit të ri është mbajtur më pesëmbëdhjetë (15) prill. Që nga ajo datë çdo dyzetetetë (48) orë po mbahen vazhdime të seancës konstituive pa arritur ndonjë rezultat konkret.
Lajmet
LDK-ja dorëzoi lëndën në Gjykatë Kushtetuese
Published
21 hours agoon
July 4, 2025By
UBTnews
Lidhja Demokratike e Kosovës ka kërkuar nga Gjykata Kushtetuese vlerësimin e kushtetutshmërisë së seancës konstituive të datës 29 qershor dhe seancave pasuese, pas aktgjykimit të Kushtetueses më 26 qershor.
Shkëmb Manaj nga LDK, pasi dërgoi rastin në Gjykatë Kushtetuese akuzoi kryesuesin e seancës konstituive, deputetin Avni Dehari dhe LVV-në se s’po respektojnë vendimin e Kushtetueses.
Ai tha se aktgjykimin e 26 qershorit ndalohet votimi i fshehtë i kryekuvendarit, derisa kryesuesi dhe LVV-ja po insistojnë për një gjë të tillë.
Lëndë në kushtetuese për këtë çështje dërguan edhe nga Partia Demokratike e Kosovës.
PDK të enjten ka dorëzuar kërkesën zyrtare për vlerësimin e kushtetutshmërisë së veprimeve të ndërmarra gjatë seancës konstituive të Kuvendit të Kosovës të mbajtur më njëzet e nëntë qershor dhe vazhdimeve të saj më një dhe tre korrik 2025.
Kjo kërkesë, e paraqitur në emër të Grupit Parlamentar të PDK-së, konteston: Kërkesën për propozime për anëtarë të Komisionit për Votim të Fshehtë; Hedhjen në votim të këtij Komisioni; Vetë votimin e Komisionit; Ndërprerjen arbitrare të seancës pas mosmiratimit të Komisionit.
Kosova ka mbajtur zgjedhjet parlamentare më 9 shkurt por ende nuk është bërë konstituimi i Kuvendit.
Deri më tash janë bërë 41 përpjekje, të pasuksesshme, për konstituimin e Kuvendit.
Procesi ka ngecur të zgjedhja e kryetarit të Kuvendit për çka Lëvizja Vetëvendosje, në koalicion me Guxo dhe Alternativa, nuk po arrin t’i sigurojë 61 votat e nevojshme për ta zgjedhur Albulena Haxhiun.
LVV po kërkon që votimi për kryetar të Kuvendit të bëhet në mënyrë të fshehtë, por kjo po kundërshtohet nga partitë e tjera parlamentare.
Lajmet
IPK rekomandon suspendimin e tre zyrtarëve policorë në Suharekë
Published
21 hours agoon
July 4, 2025By
UBTnews
Inspektorati Policor i Kosovës bazuar në autorizimet ligjore i ka rekomanduar sot Policisë së Kosovës suspendimin për të zyrtarë policorë (një rreshter dhe dy zyrtarë policorë), të gjithë punonjës në Stacionin Policor në Suharekë, Drejtoria Rajonale e Policisë Prizren.
Sipas njoftimit, kjo kërkesë për suspendim përkohshëm dhe në interes të hetimit, mbështetet në rrethanat e krijuara nga vdekja tragjike e një të ndaluari si i dyshuar për një rast të dhunës në familje e i cili sipas të dhënave dhe hetimeve preliminare, dyshohet se është vetë-ngulfatur brenda dhomës së ndalimit në stacion policor.
“Bazuar në pozitat dhe përgjegjësitë konkrete të zyrtarëve në fjalë, dhe nga veprimet e ndërmarra hetimore, në këtë fazë ekziston dyshimi i arsyeshëm se me veprimet apo mosveprimet e tyre nga zyrtarët policorë mund të ketë pasur neglizhencë të mundshme në përmbushjen e detyrave zyrtare, veçanërisht në aspektin e garantimit të sigurisë së personit të ndaluar”, thuhet në njoftim.
Më tej thuhet se suspendimi i përkohshëm paraqet masë të përkohshme mbrojtëse, në funksion të dhe interes të garantimit të integritetit të hetimit që po zhvillohet lidhur me këtë rast, si dhe të shmangies së çdo ndikimi të mundshëm në procesin hetimor.
Po ashtu në njoftim thuhet se IPK në kuadër të autorizimeve ligjore dhe në koordinim të plotë me Prokurorinë e Shtetit, do të vazhdojnë të ndërmarrin edhe veprime të tjera hetimore drejt ndriçimit të plotë të të gjitha rrethanave që ndërlidhen me këtë rast që po trajtohet në këtë fazë si hetim i vdekjes.

Autizmi tashmë mund të zbulohet nga testi në një fije floku

6+ orë në telefon? Ekspertët thonë: përballesh me më shumë probleme financiare

Mos i’a mbuloni karrocën! Po e rrezikoni shëndetin e foshnjës

Misteri mbi veshjen e humbur të dasmës së Lauren Sanchez, zhduket një nga 27 fustanet

Çka duhet të bëni pasi të digjeni nga dielli?

Ava Max njofton shtyrjen e turneut: Vendimi më i vështirë që kam marr ndonjëherë

Dodik e shmang paraburgimin pas paraqitjes vullnetare në Prokurorinë e Bosnjës

Arrestohet në Prishtinë, i dyshuari kapet me 7 armë dhe 290 fishekë

Tentimi i 42-të për konstituimin e Kuvendit
Të kërkuara
-
Lajmet nga UBT2 months ago
Profesori, Arsim Hajdari, doktoron me temën “New Perspective of Biological Therapy in Treatment of Age-Related Macular Degeneration”
-
Lajmet3 months ago
Studentët e Psikologjisë në UBT zhvilluan një vizitë studimore në qendrën psikologjike “Radix” dhe Asociacionin Kosovar për Psikoterapi Trupore
-
Lajmet nga UBT4 weeks ago
UBT organizon debat rreth zgjerimit të BE-së dhe ruajtjes së vlerave evropiane
-
Lajmet nga UBT1 month ago
UBT – Institucioni privat me më së shumti programe të akredituara nga Agjencia e Akreditimit të Kosovës