Lajmet

​Ministri Mehaj vizitë zyrtare në Gjermani

Ai shkoi në këtë vizitë me ftesë zyrtare nga autoritetet më të larta të Universitetit të Forcave të Armatosura – Helmut Schimdt.

Published

on

Ministri i mbrojtjes Armend Mehaj po qëndron për vizitë zyrtare në Gjermani.

Në një postim në rrjetin social Facebook ai ka shkruar se, mbështetja e Gjermanisë dhe partneriteti bilateral janë shumë të rëndësishme në proceset tona zhvillimore dhe integruese.

Me ftesë zyrtare nga autoritetet më të larta të Universitetit të Forcave të Armatosura – Helmut Schimdt udhëtova për vizitë zyrtare në Republikën e Gjermanisë. Gjatë kësaj vizite, do të realizoj takim me homologen gjermane, ministren e Mbrojtjes, znj. Christine Lambrecht, takim ky i pari i një ministri të mbrojtjes së Republikës së Kosovës në Bundesëehr. Gjithashtu gjatë kësaj vizite, do të realizoj edhe takimin e radhës së Grupit të Kontaktit për Mbrojtjen e Ukrainës që organizohet nën patronatin e Sekretarit të Mbrojtjes së ShBA-së, në Ramstein. Vizita në Gjermani, pas vizitave të ndërsjella në nivel ministrash është me rëndësi shumë të madhe për proceset zhvillimore të vendit në përgjithësi dhe për proceset zhvillimore e integruese të Ministrisë së Mbrojtjes dhe FSK-së në veçanti”, ka shkruar ministri Mehaj.

Lajmet

Grevë para Komunës – punëtorët e “Pastrimit” kalojnë natën në tendë

Published

on

By

Punëtorët e Kompanisë Rajonale të Mbeturinave “Pastrimi” kanë hyrë në ditën e dytë të grevës, duke qëndruar para ndërtesës së Komunës së Prishtinës në një tendë të vendosur për të vazhduar protestën. Ata kërkojnë zgjidhje emergjente për gjendjen e rëndë financiare në të cilën, sipas tyre, ndodhet ndërmarrja për shkak të mospagesës së borxhit prej 2.7 milionë euro nga Komuna.

“Pastrimi” ka pezulluar shërbimin e grumbullimit të mbeturinave, duke e cilësuar situatën si të paqëndrueshme financiarisht. Ndërkohë, Komuna e Prishtinës ka mohuar ekzistencën e borxhit dhe ka akuzuar menaxhmentin e ndërmarrjes për sabotim dhe keqpërdorim të punëtorëve për qëllime politike.

Kryeqyteti tashmë është përballur me grumbullim të madh mbeturinash nëpër rrugë, gjë që ka ngritur shqetësime për rrezik të mundshëm shëndetësor për qytetarët.

Ndërkohë, Prokuroria ka nisur të mbledhë informacione lidhur me situatën për të shqyrtuar mundësinë e hetimeve më të thelluara. Sindikata e “Pastrimit” ka theksuar se greva është akt i domosdoshëm për të tërhequr vëmendjen mbi situatën alarmante financiare të ndërmarrjes.

Continue Reading

Lajmet

Haradinaj kërkon heqjen e sanksioneve ndaj Kosovës në takim me Kaja Kallas

Published

on

By

Kryetari i Aleancës për Ardhmërinë e Kosovës (AAK), Ramush Haradinaj, ka pritur në një takim zyrtar Përfaqësuesen e Lartë dhe Zëvendëspresidente të Komisionit Evropian, znj. Kaja Kallas, e cila po qëndron për vizitë në Prishtinë.

Haradinaj u shpreh i nderuar për takimin dhe vlerësoi angazhimin e znj. Kallas dhe të Bashkimit Evropian për mbështetjen ndaj Kosovës dhe stabilitetit në rajon. Ai kërkoi heqjen urgjente të masave ndëshkuese ndaj Kosovës, duke e cilësuar këtë si një hap të rëndësishëm drejt normalizimit të marrëdhënieve me BE-në.

“Shpreha nevojën urgjente për heqjen e sanksioneve ndaj Kosovës dhe njëkohësisht nënvizova rëndësinë e mbështetjes së vazhdueshme të Bashkimit Evropian në rrugëtimin tonë drejt integrimit evropian,” deklaroi Haradinaj pas takimit.

Ai theksoi përkushtimin e AAK-së ndaj vlerave perëndimore dhe synimit për integrim të plotë të Kosovës në strukturat euroatlantike, duke e cilësuar partneritetin me Bashkimin Evropian si thelbësor për të ardhmen politike dhe ekonomike të vendit.

Continue Reading

Lajmet

Komuna e Prishtinës: Menaxhmenti i “Pastrimit” po i keqpërdor punëtorët për qëllime politike

Published

on

By

Pas grevës së zhvilluar sot nga punëtorët e Kompanisë Rajonale të Mbeturinave “Pastrimi”, Komuna e Prishtinës ka reaguar duke fajësuar menaxhmentin për situatën dhe duke e cilësuar protestën si të panevojshme.

Në një reagim të publikuar, Komuna shpreh shqetësim për atë që e quan keqpërdorim të punëtorëve për arsye politike.

“Përderisa Kryeqyteti, është duke bërë gjithcka për tejkalimin e kësaj gjendje konsiderojmë se grumbullimi i punëtorëve të KRM “Pastrimi” para objektit të Komunës është i panevojshëm, keqpërdorimi i tyre për qëllime politike nga menaxhmenti është i papranueshëm dhe nuk duhet të vazhdojë” thuhet në deklaratë.

Komuna ka bërë të ditur se ka nënshkruar një kontratë në vlerë prej 1.5 milionë euro me ndërmarrjen “Pastrimi”, për pastrimin dhe mirëmbajtjen e hapësirave publike në kryeqytet.

“Kryeqyteti ka nënshkruar kontratën me Kompaninë Regjionale të Pastrimit, në vlerë prej 1.5 milion euro, për mirëmbajtjen dhe pastrimin e hapësirave publike në qytet”, përfundon reagimi.

Continue Reading

Lajmet

Operacion i suksesshëm anti-terrorizëm, arrestohen dy të dyshuar në Kosovë

Published

on

By

Policia e Kosovës ka kryer një operacion anti-terrorizëm në orët e para të mëngjesit, duke arrestuar dy persona të dyshuar për përfshirje në shpërndarje të propagandës terroriste dhe nxitje të përçarjes dhe urrejtjes.

Operacioni, i zhvilluar nga Drejtoria Kundër Terrorizmit në bashkëpunim me Prokurorinë Speciale të Kosovës, përfshiu tri kontrolle në banesa në komunat e Fushë-Kosovës dhe Malishevës.

Të dyshuarit dyshohet se kanë përdorur rrjetet sociale për të përhapur ideologji të organizatave terroriste dhe për të nxitur mosdurim ndërmjet komuniteteve.

Autoritetet kanë bërë të ditur se do të vazhdojnë me veprimet ligjore në koordinim me organet e drejtësisë.

Continue Reading

Të kërkuara