Lajmet

Millanoviq: Serbia duhet të përgjigjet për sulmin në Banjskë

Ai ka thënë se ngjarje të tilla nuk duhet lejuar të ndodhin më.

Published

2 years ago

October 10, 2023

Betim Gashi

Presidenti i Kroacisë, Zoran Millanoviq, ka thënë se Serbia duhet të jap përgjigje për sulmin e 24 shtatorit kundër Policisë së Kosovës në Banjskë të Zveçanit.

Millanoviq ka folur në një konferencë për media në Zagreb të mbajtur me presidenten e Kosovës, Vjosa Osmani. Ai ka thënë se ngjarje të tilla nuk duhet lejuar të ndodhin më.

“Qëndrimet janë të qarta, ndaj Serbia duhet të na japë disa përgjigje për disa gjëra të dukshme që nuk mund të gjejnë vëmendjen e një fëmije të vogël. Kush janë ata, nga kanë ardhur, kë kanë financuar, këto janë të gjitha gjërat që i kemi parë tashmë në histori, nëse nuk ka pasoja, do të thotë se presim një ngjarje të tillë të radhës, dhe ne nuk duhet ta lejojmë këtë”, ka thënë ai.

Megjithatë, Millanoviq është shprehur kundër sanksioneve meqë sipas tij ato janë në kundërshtim me ligjin ndërkombëtar, si dhe jo efektive nëse nuk miratohen nga Organizata e Kombeve të Bashkuara.

E derisa ka folur për masat e Bashkimit Evropian kundër Kosovës, Millanoviq ka ftuar shtetet që të mos i respektojnë ato. Ai ka kritikuar edhe shefin e politikës së jashtme të BE-së, Josep Borrell.

“Kosova është nën sanksione nga Bashkimi Evropian dhe natyrisht i ftoj t’i bojkotojnë ato. Këto janë disa prej masave të cilat i ka ndërmarrë Komisioni Evropian nga zoti Borrell i cili shpresoj së shpejti të shkojë në pension dhe i ndalojnë pra nuk janë masa të ndërmarra nga Këshilli i Ministrave, por nga Komisioni, nga Borrell, nga ekipi i tij, të cilat ndalojnë dhe na kërcënojnë të gjithë ne që takohemi në disa nivele të caktuara me përfaqësuesit e Kosovës, në nivel të lartë, ky është një nivel i lartë, nuk e di çfarë është niveli i lartë tjetër. Kështu e sheh komisioni Evropian zgjidhjen e problemit, ndërprerjen e përkrahjes për Kosovën, njoh shumë spanjoll për vite të tëra edhe nga maja e pushtetit të Spanjës, natyrisht mbretin dhe gruan e tij, kryetarin e qeverisë dhe njerëzit i kanë disa qëndrime dhe pikëpamje të caktuara. Mirëpo ky shtet nuk e ka njohur Kosovën, si të presim të kemi një objektivitet në këtë rast, nga dikush që është spanjoll dhe drejton politikën e evropiane kundër Kosovës…Ata të cilët nuk kanë dëgjuar për faktin që Komisioni Evropian ka masa ndaj Kosovës i ftoj të gjithë t’i shkelin këto masa dhe të takohen me përfaqësuesit e Kosovës dhe t’i përsërisin këto gjëra, të thonë që po i bëjnë këto gjëra pikërisht për këtë synim”, ka thënë Millanoviq.

Related Topics:Banjske Zoran Millanoviq Zveçan

Up Next

Si arritën deri në konflikt të hapur Izraeli dhe palestinezët?

Don't Miss

Osmani: Serbia kishte qëllim aneksimin e veriut, komuniteti euroatlantik të ndërmarrë masa

Lajmet

Policia bllokon hyrjen e ZRRE-së

Published

3 minutes ago

April 11, 2025

UBTnews

Policia e Kosovës ka bllokuar hyrjen e objektit të Zyrës së Rregullatorit të Energjisë.

ZRRE të premten ka mbajtur mbledhje, ku u mor vendimi për shtrenjtimin e rrymës.

Bordi ka miratuar propozimet për aprovimin e te Hyrave te Lejuara Maksimale. Raportet në fjalë janë miratuar më shumicë të votave, por nuk është treguar se sa do të rritet çmimi i energjisë elektrike.

Lajmet

OBSH kërkon më shumë angazhim në luftën kundër fruthit

Published

38 minutes ago

April 11, 2025

UBTnews

Organizata Botërore e Shëndetësisë (OBSH) bëri thirrje për përpjekje më të mëdha në luftën kundër fruthit, i cili është përhapur në 58 shtete, përfshirë Shtetet e Bashkuara ku kanë vdekur dy fëmijë.

Agjencia e Kombeve të Bashkuara, me seli në Gjenevë, theksoi se vaksina kundër fruthit është e sigurt dhe efektive.

“Dua t’iu rikujtoj njerëzve se fruthi është një nga viruset më ngjitëse”, tha Kate O’Brien, drejtoreshë e departamentit të vaksinave në OBSH.

Gjatë konferencës për media, ajo shmangu kritikat ndaj presidentit amerikan, Donald Trump, dhe sekretarit amerikan të Shëndetësisë, Robert Kennedy Jr., i cili njihet si skeptik i vaksinave.

Kennedy është akuzuar se nuk po bën mjaftueshëm për të luftuar shpërthimin vdekjeprurës të fruthit, që ka epiqendrën në Teksas, ku janë regjistruar qindra raste. Ai vetëm së voni ka pranuar efektivitetin e vaksinës kundër fruthit.

“SHBA-ja është duke punuar për ta vënë nën kontroll dhe për ta ndalur këtë shpërthim”, tha O’Brien.

Megjithatë, ajo shtoi se “për secilin shtet, për aq kohë që një shpërthim vazhdon, nuk mund të bëhet mjaftueshëm. Mund të themi se po bëhet mjaftueshëm vetëm kur shpërthimi të ketë përfunduar”, theksoi O’Brien.

Ajo tha se sëmundja po përhapet për shkak të rënies së nivelit të vaksinimit, kjo pjesërisht si pasojë e pengesave të shkaktuara nga shpërthimi i pandemisë COVID-19.

“Vaksina kundër fruthit është një vaksinë jashtëzakonisht e sigurt dhe jashtëzakonisht efektive”, tha O’Brien./REL/

Lajmet

ZRRE-ja pritet të vendos sot për rritjen e çmimit të energjisë

Published

1 hour ago

April 11, 2025

UBTnews

Zyra e Rregullatorit të Energjisë filloi mbledhjen, në të cilën pritet të merret vendimi për shtrenjtimin e rrymës për 15 për qind.

Rregullatori i energjisë propozoi muajin e kaluar shtrenjtimin e çmimit të energjisë elektrike në vend për rreth 15 për qind, duke argumentuar se rritja e tarifave këtë vit është e domosdoshme, për shkak të uljes së prodhimit të energjisë, rritjes së konsumit dhe varësisë së madhe nga importet me çmime të larta.

Kërkesa për shtrenjtimin e rrymës u kundërshtua nga Presidenca dhe nga qytetarë që protestuan të javën e kaluar.

Qeveria në detyrë i ka bërë thirrje ZRRE-së ta mos e shtrenjtojë çmimin e rrymës për konsumatorët që shpenzojmë më pak se 800 kilovat në muaj.

Çmimi i tanishëm i rrymës për konsumatorët që shpenzojnë deri në 800 kilovatë në orë gjatë ditës brenda një muaji, është 7.79 centë për kilovat, ndërsa për ata që shpenzojnë më shumë se 800 kilovatë, pjesa mbi këtë u llogaritet me çmim prej 14.45 centësh.

Nga ora 22:00 deri në 7:00 të mëngjesit, çmimi për kilovat është 3.34 centë për ata që shpenzojnë deri në 800 kilovatë dhe 6.81 centë për ata që shpenzojnë më shumë.

Nëse bordi i ZRRE-së merr vendim për rritjen e çmimit të rrymës, atëherë tarifat e reja do të hyjnë në fuqi më 1 maj.

ZRRE-ja bën shqyrtimin dhe caktimin e përvitshëm të tarifave të rrymës, të cilat shpallen çdo vit më 1 prill dhe vlejnë deri më 31 mars të vitit pasues.

Javë më parë, tri kompanitë e sektorit të energjisë në Kosovë i kërkuan rregullatorit të energjisë rritjen e çmimit të tarifave të rrymës.

Lajmet

Njësia B2 e Termocentralit “Kosova B” rikthehet në operim

Published

2 hours ago

April 11, 2025

UBTnews

Korporata Energjetike e Kosovës ka njoftuar se njësia B2 e Termocentralit “Kosova B”, është rikthyer me sukses në operim.

Sipas njoftimit, sinkronizimi me rrjetin energjetik është realizuar me dt: 10.04.2025, rreth orës 23:39 dhe aktualisht njësia po operon në mënyrë të qëndrueshme dhe brenda parametrave teknikë normal.

“Ky rikthim në operim është rezultat i angazhimit të jashtëzakonshëm të punëtorëve dhe menaxhmentit të Termocentralit “Kosova B”, të cilët kanë punuar pa ndërprerje për sanimin e defektit dhe vënien në funksion të njësisë. Fillimisht, rikthimi ishte planifikuar të ndodhte në orët e hershme të mëngjesit, mirëpo pas kryerjes së provës hidraulike u evidentua nevoja për eliminimin e disa rrjedhjeve shtesë në kaldajë, çka kërkoi një fazë shtesë të ndërhyrjeve teknike. KEK falënderon sinqerisht të gjithë stafin teknik dhe menaxherial për përkushtimin dhe profesionalizmin e treguar gjatë gjithë procesit, duke siguruar rikthimin në operim të njësisë B2 brenda afatit të paraparë, në përputhje me nominimet për datën 11 prill 2025. Korporata Energjetike e Kosovës mbetet e përkushtuar për të siguruar një prodhim të qëndrueshëm dhe të besueshëm të energjisë elektrike”, thuhet në njoftim.