Lajmet

​Mësimdhënësit në grevë, Jasharaj: Një ligj që na e punon dikush tjetër ne nuk e pranojmë

Mësimdhënësit po kërkojnë 100 euro shtesë në paga deri në miratimin e Ligjit të pagave.

Published

4 years ago

on

Ka nisur sot greva njëorëshe në të gjitha institucionet arsimore në vend. Sindikata e Bashkuar e Arsimit, Shkencës dhe Kulturës (SBAShK) ka deklaruar se deri tek ky vendim ka ardhur për shkak të mosplotësimit të kërkesave nga Qeveria e Kosovës. Mësimdhënësit po kërkojnë 100 euro shtesë në paga deri në miratimin e Ligjit të pagave.

Rrahaman Jasharaj, kryetar i SBAShK-ut, ndoqi nga afër rrjedhën e grevës në shkollën fillore, “Asim Vokshi”, i cili tha se me muaj të tërë i kanë bërë kërkesa e shkresa Qeverisë për të mos ardhur deri te greva, porse siç tha ai, ekzekutivi nuk i ka marrë parasysh. Ai bëri të ditur se ndër kërkesat e mësimdhënësve është edhe Ligji për sigurime shëndetësore, derisa ka akuzuar Qeverinë për deklaratat që po ju dhimbsen nxënësit janë false.

“Nëse vërtete stresohen që do të humbë mësimin në greva e kanë mundësinë të ulen me sindikatat të ofrojnë zgjedhje, të thonë do të vazhdojmë me 100 euro, ja ligji, hajde ta punojmë bashkë. Një ligj që na punon dikush tjetër ne nuk e pranojmë… Deklaratat që po na dhimben nxënësit të Qeverisë janë false, janë për të krijuar nervozë të prindërit. Nëse i dhimben Qeverisë Kurti nxënësit dhe mësimi, le të ulet me Sindikatat dhe të bëjë zgjedhje”, theksoi Jasharaj.

Kryetari i SBAShK-ut për Prishtinë, Ahmet Pllana, ka thënë që greva nuk vjen nga dëshira por ngase Qeveria qe nuk po i plotëson kërkesat e SBAShK-ut.

“Kjo grevë është organizuar për shkak të obligimeve që nuk i kryen Qeveria e sotme e Republikës së Kosovës, dihet se kjo nuk është me vullnetin dhe dëshirën tonë por na ka imponuar për kërkesat tona të cilat janë legjitime”, tha ai.

Anëtari i kryesisë i grupit të grevës, Adnan Veseli, është shprehur i shqetësuar për orët e humbura në grevë, porse ka shtuar se mospërmbushja e kërkesave nga ana e Qeverisë po i shtyn të hyjnë në grevë.

“Është grevë jo me dëshirën tonë sepse të gjithë mësimdhënësit e dimë që një orë mësimore me humb fëmija është e madhe. Por, detyrimet neve po na shtynë të hymë në këtë lojë dhe të jemi këta që jemi për momentin… Me këto kushte qysh janë ngritur çmimet edhe ne nuk kemi kushte të mira, nuk kemi mundësi me mbajt një familje dy anëtarëshe sepse rrogat tona pas pesë dite nuk janë, e ata po mendojnë që po marrim kushedi sa”, tha ai.

Ata që pësojnë më së shumti nga grevat në arsim janë nxënësit, të cilët janë ankuar para kamerës së KosovaPress-it se për këtë shkak po mbesin prapa me mësime.

Nxënësja e kësaj shkolle, Ensara Govori shprehet e shqetësuar për grevën njëorëshe që është mbajtur sot, teksa ka kërkuar nga institucionet ta ndalin grevën.

“Jam në klasën e shtatë. Sot orën e parë e kemi humbur duke u mbajt greva. Lus institucionin që ta ndalin grevën sepse po mbesim shumë mbrapa me mësime”, tha ajo.

Edhe Suela Sinidolli shprehet e brengosur për shkak të grevës.

“Ne kemi humbur orën e parë për shkak të grevave… dhe ne jemi të dëmtuarit më të mëdhenj. Kërkojmë nga Qeveria që të plotësohen kërkesat dhe të mos mbajnë greva”, tha ajo.

Ndërkaq SBAShK-u ka paralajmëruar se nëse Qeveria e Kosovës vazhdon të mos plotësojë kërkesat e tyre edhe pas datës 20 maj, do të hyjnë në grevë deri në realizimin e kërkesave të tyre. Po ashtu ka kërkuar edhe mirëkuptim nga prindërit, mësimdhënësit dhe studentët për këtë grevë. 

Related Topics:
Continue Reading

Lajmet

KQZ fillon publikimin e rezultateve të verifikuara të balotazhit në QKN

Published

9 minutes ago

on

November 10, 2025

By

Në Qendrën Komunale të Numërimit në Prishtinë janë prezantuar aktivitetet pas ditës së votimit për raundin e dytë të zgjedhjeve për kryetarë komunash.

Zëdhënësi i KQZ-së, Valmir Elezi, njoftoi se pas mbylljes së vendvotimeve, materialet zgjedhore janë dërguar në Qendrat Komunale të Numërimit të 18 komunave ku është zhvilluar votimi.

“Të dielën në mbrëmje, pas përfundimit të procesit të votimit dhe numërimit, materialet zgjedhore nga Qendrat e Votimit janë tërhequr dhe dërguar në Qendrat Komunale të Numërimit, që i takojnë 18 komunave ku është mbajtur raundi i dytë i votimit. Sipas Ligjit për Zgjedhjet e Përgjithshme, në Zgjedhjet Lokale numërimi i votave të kandidatëve për Kryetarë të Komunave bëhet në vendvotime dhe rezultatet evidentohen në formularë dhe pastaj publikohen nga KQZ. Ndërkaq, sipas Rregullores Zgjedhore të KQZ-së për Qendrat Komunale të Numërimit, në këto qendra do të bëhet verifikimi i rezutateve nga formularët që janë plotësuar në vendvotime, pas numërimit të fletëvotimeve”, ka deklaruar Elezi.

Sipas Elezit, në këto qendra po bëhet verifikimi i rezultateve nga formularët e plotësuar në vendvotime, proces që zhvillohet me transparencë dhe në prani të vëzhguesve.

“Ky aktivitet, pra verifikikimi i rezultateve, ka filluar në të gjitha Qendrat Komunale të Numërimit dhe do të bëhet duke ofruar transparencë të plotë dhe në prezencë të vëzhguesve. Siç e dini, në ditën e zgjedhjeve, përveç organizimit të votimit në 1,628 vendvotime të rregullta, KQZ ka mundësuar edhe votimin me kusht në 20 vendvotime të tjera, votimin jashtë vendvotimeve përmes ekipeve mobile për votuesit me nevoja të veçanta dhe votimin jashtë Kosovës përmes postës.  Numërimi i fletëvotimeve nga votimi me kusht, i fletëvotimeve nga votimi i personave me nevoja të veçanta dhe i fletëvotimve nga votimi jashtë Kosovës, do të bëhet në Qendrën e Numërimit dhe Rezultateve, pas disa ditësh.Sipas të dhënave preliminare, nga 20 vendvotime me kusht, në 18 komuna të vendit, në përgjithësi janë evidentuar 749 zarfe me fletëvotime. Këto zarfe, ende nuk janë verifikuar. Kjo do të ndodhë brenda disa ditësh pas skanimit të Listës së Votuesve, proces i cili na mundëson që të dijmë nëse ndonjë nga votuesit me kusht ka votuar dhe në vendvotimin e tij të rregullt”, shtoi ai.

Ai bëri të ditur se janë evidentuar 749 zarfe me fletëvotime nga votimi me kusht, ndërsa verifikimi i tyre do të bëhet pas skanimit të listave të votuesve.

Po ashtu, mbi 1,440 qytetarë me nevoja të veçanta kanë votuar përmes ekipeve mobile, ndërsa 29,725 persona ishin regjistruar për të votuar jashtë Kosovës. Tërheqja e dërgesave postare nga kutitë postare jashtë vendit pritet të bëhet së shpejti.

“Sa i takon votimit të personave me nevoja të veçanta, sipas të dhëave nga ky lloj votimi janë më shumë se 1,440 qytetarë të komunave të ndryshme që kanë votuar përmes ekipeve mobile jashtë vendvotimeve nga 2,541 sa ishin të regjistruar. Sa i përket votimit jashtë Kosovës përmes postës, njoftojmë se tërheqja e dërgesave postare nga 22 kutitë postare jashtë Kosovës do të bëhet së shpejti. Numri i votuesve të regjistruar për votim jashtë Kosovës në këto 18 komuna, ishte: 29,725. Aktualisht nuk e dijmë se sa prej këtyre votuesve të regjistruar kanë votuar”, përfundoi zëdhënësi./EO

Continue Reading

Lajmet

Cakolli: Fuqia politike matet me buxhetin që qeveriset, jo vetëm me numrin e komunave

Published

1 hour ago

on

November 10, 2025

By

Eugen Cakolli nga KDI ka komentuar rezultatet e zgjedhjeve lokale, duke theksuar se peshën reale politike të partive duhet ta përcaktojë buxheti që ato do të menaxhojnë në nivel lokal, e jo vetëm numri i komunave të fituara.

Në një postim publik, Cakolli ka argumentuar se “fuqia politike nuk matet vetëm me numrin e komunave, por me madhësinë e përgjegjësisë që secila parti do të mbajë – pra, me buxhetin që do të qeverisë.”

Duke u bazuar në të dhënat e buxheteve komunale për vitin 2026, ai ka paraqitur përllogaritjet sipas partive:

LDK → 7 komuna me buxhet rreth €272 milionë

PDK → 6 komuna me buxhet rreth €195 milionë

LVV → 7 komuna me buxhet rreth €171 milionë

AAK → 5 komuna me buxhet rreth €119 milionë

Sipas Cakollit, këto shifra tregojnë se LDK-ja do të qeverisë rreth një të tretën e buxheteve komunale të Kosovës, ndërsa PDK dhe LVV kanë peshë të ngjashme, dhe AAK ruan pozicion të qëndrueshëm me komuna të mesme e buxhete solide.

“Matja mbi këtë premisë është ndër më objektivet për të analizuar ndikimin politik në nivel lokal,” ka përfunduar Cakolli./EO

Continue Reading

Lajmet

U.D. e ambasadores së BE-së në Kosovë për zgjedhjet: Dëshmi të demokracisë së Kosovës

Published

1 hour ago

on

November 10, 2025

By

Ushtruesja e detyrës së ambasadores së Bashkimit Europian në Kosovë, Eva Palatova mirëpriti zhvillimin “e rregullt dhe gjithpërfshirës” të rundit të dytë të zgjedhjeve në 18 komunat e vendit.

Ajo i konsideroi zgjedhjet lokale si dëshmi të demokracisë në Kosovë.

“Ushtruesja e detyrës së ambasadores së BE-së në Kosovë, Eva Palatova, mirëpriti sonte zhvillimin e rregullt dhe gjithëpërfshirës të raundit të dytë të zgjedhjeve për kryetar komune në 18 komuna të Kosovës, që shënuan përmbylljen e ciklit të zgjedhjeve lokale, duke e cilësuar atë si një dëshmi të demokracisë së Kosovës”, shkroi Zyra e BE-së mbrëmë në një postim në X./EO

Continue Reading

Lajmet

Fatmir Shehollit i vazhdohet masa e paraburgimit

Published

1 hour ago

on

November 10, 2025

By

Gjykata Themelore në Prishtinë i ka vazhduar masën e paraburgimit edhe për dy muaj Fatmir Shehollit, i cili akuzohet për spiunazh, raporton KosovaPress.

Këta e ka konfirmuar, zëdhënësja e Gjykatës Themelore në Prishtinë, Mirlinda Gashi e cila deklaroi se vazhdimi i masës së paraburgimit ka qenë kërkesës e Prokurorisë Speciale.

“Ju njoftojmë se pas kërkesës së Prokurorisë Speciale të Republikës së Kosovës për vazhdimin e masës së paraburgimit në çështjen penale ndaj të pandehurit F.SH., gjyqtari i procedurës paraprake pas shqyrtimit të kërkesës, me datë 07 nëntor 2025 përmes Aktvendimit ka aprovuar kërkesën e PSRK-së, ashtu që të njëjtit iu është vazhduar masa e paraburgimit në kohëzgjatje prej 2 (dy) muaj”, ka deklaruar Gashi.

Fatmir Sheholli u arrestua më 9 tetor 2025 nga Policia e Kosovës në bashkëpunim të ngushtë me AKI-në dhe prokurorinë nën dyshimet se ishte i përfshirë në spiunazh. Ndërsa, më 10 tetor Gjykata Themelore në Prishtinë i kishte vendosur masën e paraburgimit me kohëzgjatje prej një muajsh.

Sheholli, zyrtarisht përfaqësues i shoqërisë civile nga Instituti për Avancimin e Marrëdhënieve Ndëretnike, është përfolur në media për lidhje me Serbinë. Sipas Kodit Penal të Kosovës, spiunazhi konsiderohet krim i rëndë dhe dënohet me të paktën pesë vjet burgim, nëse i dyshuari shpallet fajtor./KP

Continue Reading

Të kërkuara