Aktualitet

​Mblidhen sot pesë komisione parlamentare

Published

5 years ago

on

Në Kuvendin e Kosovës sot do të mblidhen pesë komisione parlamentare. Komisioni për Mbikëqyrjen e Financave Publike, Komisioni për Arsim, Shkencë, Teknologji, Inovacion, Kulturë, Rini dhe Sport, Komisioni për Ekonomi, Industri, Ndërmarrësi dhe Tregti, Komisioni për Bujqësi, Pylltari, zhvillim Rural, Mjedis dhe Infrastrukturë si dhe Komisioni për të Drejtat e Njeriut, Barazi Gjinore, për Persona të Pagjetur dhe Peticione, janë këto pesë komisionet që janë paraparë të mblidhen sot.

Në ora 10:00 do të mblidhet Komisioni për mbikëqyrjen e Financave Publike ku në rend dite veç miratimit të procesverbalit të mbledhjes së mbajtur më 14 prill do të shqyrtohet edhe raporti i auditimit të performancës, zbatimi i rekomandimeve të raportit “administrimi i programit për trajtim mjekësor jashtë institucioneve shëndetësore publike dhe vlerësimi i rezultateve.

Në këtë komision do të jetë edhe ministri i Shëndetësisë, Arben Vitia, drejtori i Shërbimit Spitalor Klinik Universitar i Kosovës (ShSKUK) dhe Drejtori i Fondit të sigurimeve shëndetësore.

Po ashtu do të shqyrtohet raporti i auditimit të performances “organizimi dhe menaxhimi i investimeve të teknologjisë së informacionit në institucionet publike”. I ftuar do të jetë MFPT-së, ministri i MPB-së, ministrja e ME dhe drejtori i Agjencisë së Shoqërisë së Informacionit.

Në ora 12:00 do të mblidhet Komisioni për Arsim, Teknologji, Inovacion, Kulturë, Rini dhe Sport. Në këtë komision do të diskutohet lidhur me shpalljen e konkursit për anëtarë të Këshillit të Kosovës për Trashëgimi Kulturore.

Kurse në ora 13:00 do të mblidhet Komisioni për Ekonomi, Industri, Ndërmarrësi dhe Tregti, ku do të shqyrtohet kërkesa NP KOSTT ku në raportim do të jetë ministrja e ekonomisë, Artane Rizvanolli; bordi dhe kryeshefi ekzekutiv i NP KOSTT. Po ashtu në rend dite do të jetë edhe shqyrtimi i kërkesës së ndërmarrjes “Kosova Thëngjilli SH.A”, të ftuar për raportim: ministrja e ekonomisë, Artane Rizvanolli; bordi dhe menaxhmenti i ndërmarrjes “Kosova Thëngjilli SH.A”

Në këtë komision do të diskutohet edhe situata aktuale e privatizimit në vend, të ftuar për raportim: bordi dhe drejtori menaxhues i Agjencisë Kosovare të Privatizimit – AKP dhe do të diskutohet lidhur me funksionim e agjencive të pavarura, që i raportojnë komisionit.

Edhe Komisioni për Bujqësi, Pylltari, zhvillim Rural, Mjedis dhe Infrastrukturë do të mblidhet në ora 13:00. Në këtë komision do të miratohet fushëveprimtaria e komisionit dhe diskutohet lidhur me detyrat, prioritet dhe organizim të punës së komisionit.

Ndërkohë që do të mblidhet edhe Komisioni për të Drejtat e Njeriut, Barazi Gjinore për Perona të Pagjetur dhe Peticione, ku do të shqyrtohen ankesat lidhur me procedurat e zgjedhjes së pesë zëvendësve të Avokatit të Popullit.

Po ashtu do të shqyrtohet propozimi i nismës legjislative lidhur me Projektligjin për Mbrojtje nga Dhuna nё Familje.

Related Topics:
Continue Reading

Lajmet

Mblidhet Kryesia e Kuvendit: Në rend dite marrëveshjet ndërkombëtare dhe rezoluta për naftën

Published

60 minutes ago

on

April 8, 2026

By

Kryesia e Kuvendit është mbledhur sot për të koordinuar punët dhe për të caktuar pikat që do të shqyrtohen në seancën e ardhshme plenare.

Sipas procedurës, deputetët fillimisht do të kalojnë nëpër fazën e deklarimeve jashtë rendit të ditës dhe pyetjeve parlamentare, për të vijuar me vendimmarrje të rëndësishme, raporton Ekonomia online.

Në fokus të kësaj seance pritet të jetë ratifikimi i disa marrëveshjeve ndërkombëtare të kredisë me agjencitë zhvillimore franceze e gjermane, që prekin sektorët e energjisë, klimës dhe transportit.

Një tjetër temë me interes publik është edhe propozim-rezoluta për shtrenjtimin e naftës, ku do të diskutohet roli i Qeverisë përballë rritjes së kostos së jetesës.

Gjithashtu, agjenda përfshin zgjedhjen e një anëtari në Këshillin Prokurorial, një rezolutë për mbrojtjen e të vërtetës historike të luftës së fundit, si dhe rregullimin e përbërjes së disa komisioneve parlamentare. /Ekonomia online/

Continue Reading

Aktualitet

Mbi 170 milionë fuçi naftë të bllokuara: A do t’i japë fund krizës armëpushimi i Trump

Published

1 hour ago

on

April 8, 2026

By

Transportuesit që kërkojnë të rifillojnë kalimin e anijeve cisternë (tankerëve) nëpër Ngushticën e Hormuzit po presin qartësi mbi logjistikën. Shumica e tankerëve të naftës dhe gazit që kanë mbetur të bllokuar qëndruan brenda Gjirit, sipas të dhënave të transportit nga LSEG, pak orë pasi Trump njoftoi armëpushimin dhe tha se SHBA do të ndihmonte me menaxhimin e trafikut të krijuar.

Ministri i Jashtëm i Iranit, Abbas Araqchi, deklaroi se nëse sulmet kundër vendit të tij ndalen, Teherani do të ndërpresë kundërsulmet dhe do të mundësojë kalim të sigurt në koordinim me forcat e tij të armatosura “dhe duke marrë parasysh kufizimet teknike”.

Agjencia e gjurmimit të anijeve, Kpler, tha se rreth 187 tankerë të ngarkuar me 172 milionë fuçi naftë bruto dhe produkte të rafinuara ishin në lundrim brenda ngushticës që nga e marta.

Me më shumë se 1,000 anije oqeanike të bllokuara brenda gjirit, do të duheshin me gjasë më shumë se dy javë për të evakuuar rradhën e krijuar, madje edhe në kushte normale, tha Daejin Lee, kreu global i kërkimeve në Fertmax FZCO.

“Një dritare prej 14 ditësh është thjesht shumë e shkurtër për të rikthyer nivelin e besimit të duhur për të larguar pasigurinë e rrënjosur — veçanërisht për rrugët e ngarkimit në Gjirin Arabik,” tha ai.

Lee shtoi se detajet mbeten të paqarta, përfshirë veprimet që duhet të ndërmarrin anijet dhe qiramarrësit e tyre për të fituar të drejtën e kalimit. “Shumë pronarë anijesh prestigjioze mund të presin disa ditë për t’u siguruar që armëpushimi mban përpara se të angazhojnë mjetet e tyre,” u shpreh ai.

Dy ndërmjetës anijesh (shipbrokers) thanë se pronarët ka të ngjarë të qëndrojnë në pozicionin “prit dhe shiko” përpara se të lejojnë anijet të hyjnë në Gji. /Reuters/

Continue Reading

Lajmet

Kurti përuron objektin e ATK-së në veri: S’ka më të paprekshëm para ligjit

Published

3 hours ago

on

April 8, 2026

By

Kryeministri i Kosovës, Albin Kurti, ka vizituar sot veriun e Mitrovicës, ku mori pjesë në përurimin e objektit të ri të Administratës Tatimore të Kosovës (ATK). Gjatë kësaj vizite, kreu i ekzekutivit theksoi se institucionet shtetërore janë në shërbim të të gjithë qytetarëve pa dallim etnie.

Kurti deklaroi se qeveria po angazhohet për barazi dhe sundim të ligjit, duke u shprehur se situata në atë pjesë të vendit po shkon drejt normalizimit. Sipas tij, ligji tashmë po shërben si një faktor që e bashkon shoqërinë dhe jo që e ndan atë.

“Nuk mund të jepni asnjë shembull ku organet e pushtetit, si Policia e Kosovës apo tani edhe Administrata Tatimore, nuk u shërbejnë të gjithëve njëjtë dhe profesionalisht”, pohoi kryeministri. Ai shtoi se koha e privilegjeve për individë të paprekshëm ka përfunduar dhe se institucionet po dëshmojnë funksionalitet të plotë në çdo cep të territorit./Ekonomia online/

Continue Reading

Lajmet

Përvjetori i shndërrimit të Zyrës Amerikane në Ambasadë të SHBA-së në Prishtinë

Published

3 hours ago

on

April 8, 2026

By

Ambasada e Shteteve të Bashkuara në Prishtinë ka kujtuar një moment historik për marrëdhëniet diplomatike mes dy vendeve.

Më 8 prill të vitit 2008, misioni diplomatik amerikan në Kosovë ndryshoi zyrtarisht statusin nga Zyra Amerikane në Ambasadë të Shteteve të Bashkuara.

Ky hap pasoi vendosjen e marrëdhënieve diplomatike që u zyrtarizuan më 18 shkurt 2008, vetëm një ditë pasi Kosova shpalli pavarësinë e saj.

Përmes këtij njoftimi, ambasada thekson se ky shndërrim ishte hapi i natyrshëm për të pasqyruar marrëdhëniet e reja dhe prezencën e plotë diplomatike të SHBA-së në shtetin më të ri të Evropës.

 

 

Continue Reading

Të kërkuara