Sport

Mancini konfirmon se mund të vazhdojë të jetë trajner i Italisë

Mancini duket se e konfirmoi këtë gjatë konferencës së sotme për shtyp.

Published

3 years ago

March 28, 2022

Betim Gashi

Trajneri i Italisë, Roberto Mancini thotë se ai dhe presidenti i Federatës së Italisë, Gabriele Gravina ndajnë të njëjtat ide sa i përket të ardhmes duke lënë kështu hapur mundësinë që ai të vazhdojë të jetë edhe më tutje trajner i Italisë.

Mancini foli për mediat përpara ndeshjes së nesërme kundër Turqisë derisa mediat në Itali raportuan mëngjesin e sotëm se trajneri kishte vendosur të qëndronte në krye të kombëtares dhe Mancini duket se e konfirmoi këtë gjatë konferencës së sotme për shtyp.

“Ne kemi folur këto ditë. Mendoj se kemi të njëjtat ide për gjithçka. Do të flasim sërish në ditët në vijim. Tani le të përqendrohemi te loja, pastaj do të shohim se çfarë duhet të përmirësojmë në të ardhmen. Është e gjitha kjo”, tha ai.

Italia u mposht nga Maqedonia e Veriut në ndeshjen e play-off-it dhe kështu nuk do të jetë pjesë e Kampionatit Botëror “Katar 2022”.

Lajmet

Superliga e Kosovës: Ballkani barazon 1-1 me Feronikelin

Published

2 days ago

February 21, 2025

UBTNews

Xhiro e 21-të e Superligës së Kosovës në futboll nisi sot me një ndeshje mjaftë interesante.

Në Suharekë u zhvillua ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta, por që përfundoi me barazim 1-1.

Ishin mysafirët ata që kaluan në epërsi në minutën e 45’ me golin e Hysenit, por Ballkanin nga humbja e shpëtoi Stepanenko i cili shënoi për 1-1 në minutën e 65’.

Me këtë barazim Ballkani mbetet në vendin e dytë me 37 pikë, kurse Feronikeoi është i fundit me 11 pikë.

Kjo ndeshje u zhvillua me fillim nga ora 13:00.

Sport

Hidhet shorti i Ligës së Kampionëve, ka ballafaqime të zjarrta

Published

2 days ago

February 21, 2025

UBTnews

Në selinë e UEFA-s në Nyon të Zvicrës është hedhur shorti për fazën çerekfinale të Ligës së Kampionëve.

Në raundin e 1/8-tës do të luajnë klube si Club Brugge, Bayern Munich, Benfica, Feyenoord, Borussia Dortmund, Paris Saint-Germain, PSV Eindhoven dhe Real Madrid.

Këto skuadra iu bashkuan Liverpoolit, Barcelonës, Arsenalit, Interit, Atletico Madridit, Bayer Leverkusen, Lille dhe Aston Villa përmes fazës ‘play-off’ të kësaj gare.

Këto janë ballafaqimet:

Borussia Dortmubnd-Lille

Real Madrid-Atletico Madrid

Bayern Mynih-Bayer Leverkusen

Arsenal vs PSV Eindhoven

Inter vs Feynoord

PSG-Liverpool

Barcelona-Benfika

Club Brugge-Aston Villa

Sport

Një orë para sfidës me Ballkanin, Feronikeli 74 emëron trajnerin e ri

Published

2 days ago

February 21, 2025

UBTnews

Skuadra e Superligës së Kosovës, Feronikeli 74 ka emëruar trajneri e ri. Skuadra nga Drenasi tani do të drejtohet nga trajneri Granit Dervisholli.

“FC Feronikeli 74 ka kënaqësinë të njoftojë se trajneri Granit Dervisholli është emëruar në postin e trajnerit të ekipit të parë. Pas një periudhe të gjatë si trajner dhe ekspert i futbollit, Dervisholli do të udhëheqë skuadrën drejt objektivave ambiciozë dhe synimeve të mëdha në sezonet e ardhshme. Me eksperiencën dhe përkushtimin e tij, Dervisholli sjell një drejtim të ri dhe vizion për zhvillimin dhe rritjen e ekipit, duke siguruar që FC Feronikeli 74 të vazhdojë të luajë futboll cilësor dhe të konkurrojë për pjesën e mbetur të sezonit”, thuhet në njoftimin e Feronikelit 74.

Ndërkohë, vetëm pas një ore, pra nga ora 13:00, Feronikeli do të ballafaqohet me Ballkanin në Suharekë.

Sport

Ballkani kërkon pikë të plota ndaj Feronikelit

Published

2 days ago

February 21, 2025

UBTnews

Xhiro e 21-të e Superligës së Kosovës në futboll do të nis sot me një ndeshje mjaftë interesante.

Në Suharekë do të zhvillohet ballafaqimi ndërmjet Ballkanit dhe Feronikelit, dy skuadra me objektiva krejtësisht të kundërta.

Derisa Ballkani synon mbrojtjen e titullit kampion, Feronikeli është i zhytur thellë në krizë të rezultateve duke mbetur edhe më tutje në pozitën e fundit në tabelë me vetëm 10 pikë.

Kjo ndeshje do të zhvillohet me fillim nga ora 13:00.