Sport

Avokati i Vokrrit padit FFK-në

Padia erdhi pasi iu ndalua kandidimi Gramoz Vokrrit për kryetar të FFK-së.

Published

4 years ago

March 28, 2022

Betim Gashi

Përfaqësuesi ligjor i Gramoz Vokrrit, Arbër Krasniqi ka dorëzuar padi në Gjykatën Themelore në Prishtinë kundër Federatës së Futbollit të Kosovës për ndalimin e kandidimit të Gramoz Vokrrit për kryetar të Federatës së Futbollit të Kosovës si dhe pezullimin e vendimit për mbajtjen e Kuvendit Zgjedhor të kësaj federate.

Ai ka thënë se më këtë rast është deponuar një padi dhe një kërkesë që kanë të bëjnë me çështjet që u përmendën më lartë.

“Po ne kemi bërë një padi dhe një kërkesë për propozim për lejimin e masës së përkohshëm ndalim të ekzekutimit të vendimit apo mbajtjes së zgjedhjeve për kryetar të FFK-së. Padia është dorëzuar sot dhe sipas ligjit për konfliktet administrative gjykata ka për detyrë që këtë masë ta vendosë brenda afatit treditor”, bëri të ditur Krasniqi.

Ai pas dorëzimit të padisë ka bërë të ditur se FFK më këto dy vendime ka bërë shkelje të të gjitha afateve ligjore në të gjithë procedurën e marrjes së këtyre dy vendimeve.

“Kemi bërë dy padi, njëra padi është për anulimin e vendimit në lidhje me kandidimin e z.Vokrri dhe tjetra është për propozimin e masës së përkohshme në lidhje me komplet procedurën që është udhëhequr deri më tani pasi që janë shkelur të gjitha afatet ligjore…Në bazë të analizës së lëndës dhe të gjitha rregullave, ligjeve primare dhe sekondare dhe udhëzimeve administrative të cilat janë në fuqi janë shkelur të gjitha afatet ligjore. Nuk janë njoftuar organet kompetente me të drejtë e ne veçanti të njëjti i është mohuar e drejta e ankesës në bazë të 127 të ligjit për procedurën e përgjithshme administrative. Pra në momentin kur një kandidati i refuzohet e drejta e kandidimit, i njëjti ka afat 30 ditorë për të bërë ankesën dhe në këtë rast nuk është realizuar kjo e drejtë, do të thotë i është pamundësuar kjo e drejtë. Më datën 24 e ka pranuar vendimin për ndalim që nuk mund të kandidojë ndërsa më datën 6 prill është paraparë të mbahet kuvendin për zgjedhjen e kryetarit”, tha në fund Krasniqi.

Kuvendi Zgjedhor i Federatës së Futbollit të Kosovës është caktuar të mbahet më datën 6 prill 2022.

Up Next

Ish-çiklisti Tony Martin shet në ankand medaljen olipmike për të mbledhur fonde për fëmijët ukrainas

Don't Miss

Mancini konfirmon se mund të vazhdojë të jetë trajner i Italisë

Sport

Premier League, La Liga dhe Bundesliga sjellin ndeshje të zjarrta

Published

5 hours ago

April 24, 2026

UBTNews

Fundjava sjell një agjendë të ngjeshur me ndeshje interesante në ligat kryesore evropiane, ku vëmendja do të jetë te përballjet në Premier League, La Liga dhe Bundesliga.

Të shtunën, në Premier League, dita hapet me ndeshjen mes Fulham FC dhe Aston Villa FC në orën 13:30. Në orën 16:00 zhvillohen disa takime njëkohësisht: Liverpool FC përballet me Crystal Palace FC, West Ham United FC pret Everton FC, ndërsa Wolverhampton Wanderers FC luan ndaj Tottenham Hotspur FC. Në mbrëmje, nga ora 18:30, spikat derbi mes Arsenal FC dhe Newcastle United FC.

Në La Liga, po të shtunën, Deportivo Alavés përballet me RCD Mallorca në orën 14:00, ndërsa në 16:15 Getafe CF luan ndaj FC Barcelona. Në mbrëmje, Valencia CF ndeshet me Girona FC në 18:30, ndërsa në 21:00 zhvillohet dueli mes Atlético Madrid dhe Athletic Club.

Nga Bundesliga, të shtunën në 15:30 1. FSV Mainz 05 pret FC Bayern Munich, ndërsa në 18:30 Hamburger SV përballet me TSG Hoffenheim.

Të dielën, në La Liga, programi nis me Rayo Vallecano ndaj Real Sociedad në orën 14:00. Në 16:15 luhet sfida Real Oviedo – Elche CF, ndërsa në 18:30 CA Osasuna pret Sevilla FC. Dita mbyllet me ndeshjen Villarreal CF – Celta Vigo në orën 21:00.

Në Bundesliga, të dielën në 15:30 VfB Stuttgart përballet me Werder Bremen, ndërsa në 17:30 Borussia Dortmund luan ndaj SC Freiburg.

Fundjava premton spektakël dhe përballje interesante në tri nga ligat më të forta evropiane.

Sport

Drilon Hajrizi shkëlqen, udhëheq Trepçën drejt fitores ndaj Pejës

Published

7 hours ago

April 24, 2026

UBTNews

Basketbollisti Drilon Hajrizi është shpallur MVP i publikut pas paraqitjes së tij vendimtare në fitoren e KB Trepça ndaj KB Peja në ndeshjen e parë.

Hajrizi ishte një nga lojtarët kyç të takimit, duke kontribuar me 17 pikë dhe 6 kërcime, ndërsa u dallua edhe për saktësinë në gjuajtjet për tri pikë, ku realizoi 3 nga 4 tentime.

Me performancën e tij, ai luajti rol të rëndësishëm në momentet vendimtare të ndeshjes, duke ndihmuar Trepçën të sigurojë fitoren e parë në këtë përballje.

Sport

UEFA dënon Prestiannin me gjashtë ndeshje për sjellje homofobike

Published

7 hours ago

April 24, 2026

UBTNews

Futbollisti i SL Benfica, Gianluca Prestianni, është dënuar me gjashtë ndeshje pezullim nga UEFA për sjellje homofobike gjatë një ndeshjeje të Ligës së Kampionëve.

Incidenti kishte ndodhur në përballjen ndaj Real Madrid, në kuadër të plejofit të fazës nokaut në muajin shkurt. Ndeshja e zhvilluar në stadiumin Estádio da Luz ishte ndërprerë për rreth 10 minuta pas akuzave të bëra nga Vinícius Júnior.

Fillimisht, sulmuesi brazilian kishte pretenduar për fyerje raciste, ndërsa Prestianni i kishte mohuar këto akuza, duke thënë se situata ishte keqkuptuar.

Megjithatë, sipas mesfushorit të Real Madridit, Aurélien Tchouaméni, lojtari i Benficas kishte pranuar se komentet e tij kishin qenë me natyrë homofobike.

Pas shqyrtimit të rastit, UEFA ka vendosur ta ndëshkojë Prestiannin me gjashtë ndeshje pezullim, duke theksuar qëndrimin e saj kundër çdo forme diskriminimi në futboll.

Sport

E ardhmja e Zhegrovës te Juventusi në pikëpyetje pas paraqitjeve jo bindëse

Published

7 hours ago

April 24, 2026

UBTNews

E ardhmja e Edon Zhegrova te Juventus është vënë në pikëpyetje, pasi paraqitjet e tij nuk kanë qenë në nivelin e pritur, raporton Calciomercato.

Sipas këtij burimi, drejtuesit e klubit po shqyrtojnë opsionet për të shmangur një humbje financiare, ndërsa ndeshja ndaj Bologna FC 1909 konsiderohet si një moment kyç. Zhegrova, i aktivizuar në minutën e 72-të në vend të Francisco Conceição, nuk arriti të bindë, duke humbur disa topa dhe duke marrë vendime të nxituara në fazën ofensive.

Raportohet se këto veprime nuk i kanë pëlqyer trajnerit Luciano Spalletti, pasi rrezikuan balancën e skuadrës dhe i dhanë mundësi kundërshtarit për kundërsulme.

Sezoni i tij deri tani ka qenë i kufizuar, me 22 paraqitje dhe vetëm 465 minuta në total, një mesatare prej rreth 21 minutash për ndeshje, çka tregon rolin e tij jo të qëndrueshëm në ekip.

Megjithatë, Zhegrova synon të ndryshojë këtë situatë. Sipas burimeve pranë lojtarit, ai u ka kërkuar agjentëve të mos nxitojnë me oferta, pasi dëshiron të fitojë më shumë minuta dhe të dëshmojë vlerën e tij te Juventusi.

Nga ana financiare, klubi torinez e kishte transferuar nga LOSC Lille për rreth 14.3 milionë euro, me bonuse që mund ta çojnë shumën deri në 18 milionë euro. Për të shmangur humbje, Juventusi duhet ta shesë për të paktën 11.4 milionë euro.

Drejtuesit nuk dyshojnë në cilësitë teknike të Zhegrovës, por shqetësimet lidhen me vendimmarrjen e tij në fushë dhe reagimin në momente kyçe.

Vendimi përfundimtar për të ardhmen e tij pritet në fund të sezonit, ndërsa çdo paraqitje e mbetur do të jetë vendimtare për qëndrimin e tij në Torino.