Lajmet

​Macron: Të qëndrojmë të bashkuar për të rivendosur paqen në Evropë

Prania publike e kësaj ceremonie u lejua për herë të parë pas dy vitesh kufizime për shkak të pandemisë së koronavirusit.

Published

4 years ago

on

Presidenti i Francës, Emmanuel Macron shënoi sot në Paris 77-vjetorin e fitores së aleatëve ndaj Gjermanisë naziste, në një ceremoni të veçantë këtë vit në kontekstin e luftës në Ukrainë dhe përpara paradës tradicionale ushtarake në Moskë në Ditën e Fitores.

Me këtë përkujtim, kreu i shtetit francez fillon një sërë takimesh ndërkombëtare, ai do të flasë sot përmes video-konferencës me liderët e G7 për situatën në Ukrainë, do të shkojë në Strasburg të hënën në Ditën e Evropës dhe gjithashtu në Berlin për t’u takuar me kancelarin gjerman Olaf Scholz.

“77 vjet më vonë, të mos harrojmë heronjtë tanë, ato gra dhe burra që luftuan për t’i dhënë fund luftës në Evropë. Le të qëndrojmë të bashkuar, si evropianë, dhe të punojmë për të rivendosur paqen në kontinentin tonë”, shkroi Macron në Twitter.

Macron, i cili kohët e fundit mori mandatin e tij të dytë, vendosi një kurorë me lule përpara statujës së gjeneralit Charles De Gaulle në fund të Champs Elysees.

Macron shkëmbeu disa fjalë me nipin e gjeneralit De Gaulle, liderit të Francës së Lirë gjatë Luftës së Dytë Botërore, para se të arrinte sërish me makinë në Harkun e Triumfit, i shoqëruar nga Garda e Republikës dhe përshëndetjet e disa kalimtarëve.

Prania publike e kësaj ceremonie u lejua për herë të parë pas dy vitesh kufizime për shkak të pandemisë së koronavirusit.

E pyetur për kontekstin shumë të veçantë në të cilin po zhvillohet ceremonia e këtij viti, ministrja e Kulturës Roselyno Bachelot u tha gazetarëve se ky ishte një moment që “fitoi një rëndësi të madhe” me luftën në Ukrainë.

Rusia feston nesër Ditën e Fitores mbi Gjermaninë naziste, e cila do të jetë një mundësi për të demonstruar forcën ushtarake në mes të luftës në Ukrainë.

Related Topics:
Continue Reading

Lajmet

Nuk ka ndryshim: Çmimi i naftës mbetet i njëjtë.

Published

5 hours ago

on

April 30, 2026

By

Çmimet e derivateve në Kosovë nuk kanë pësuar lëvizje gjatë 24 orëve të fundit. Sipas tavanit të përcaktuar nga Ministria e Industrisë, Ndërmarrësisë dhe Tregtisë (MINT), vlerat maksimale të shitjes për sot janë: Nafta: 1.68 euro për litër; Benzina: 1.47 euro për litër; Gazi: 0.85 euro për litër

Shtrenjtimi i theksuar i naftës erdhi si pasojë e tensioneve gjeopolitike që nisën më 28 shkurt, pas shpërthimit të konfliktit mes SHBA-së, Izraelit dhe Iranit.

Situata u rëndua veçanërisht me mbylljen e Ngushticës së Hormuzit nga ana e Iranit, një pikë strategjike përmes së cilës qarkullon rreth 20% e furnizimit botëror me naftë.

Continue Reading

Lajmet

Raste të dhunës dhe lëndimeve në disa qytete

Published

6 hours ago

on

April 30, 2026

By

Sipas raportit të fundit të policisë, gjatë 29 prillit  janë regjistruar disa raste të dhunës fizike dhe lëndimeve trupore në disa qytete të Kosovës, ku disa persona janë arrestuar dhe janë marrë masa nga prokuroria.

Në Prishtinë, në rrugën “Garibaldi”,  janë arrestuar tre të dyshuar meshkuj kosovarë, të cilët pas një mosmarrëveshjeje dyshohet se janë përleshur fizikisht mes vete. Si pasojë, dy prej tyre kanë pësuar lëndime trupore dhe kanë pranuar tretman mjekësor. Me vendim të prokurorit, pas intervistimit, njëri i dyshuar është dërguar në mbajtje, ndërsa dy të tjerët janë liruar në procedurë të rregullt.

Në një rast tjetër në Prishtinë, në rrugën “Agim Hajrizi”, një femër kosovare është sulmuar fizikisht nga një mashkull kosovar pas një mosmarrëveshjeje. I dyshuari, pas intervistimit, me vendim të prokurorit është dërguar në mbajtje.

Ndërkohë, në Prizren, në rrugën “Edit Durham” , janë arrestuar dy meshkuj kosovarë të dyshuar se kanë sulmuar dhe therur me thikë një viktimë mashkull kosovar. Viktima është dërguar për trajtim mjekësor, ndërsa të dyshuarit, pas intervistimit, me vendim të prokurorit janë dërguar në mbajtje.

Continue Reading

Lajmet

Sulm me thikë në Mitrovicë, e dyshuara dërgohet në spitalin psikiatrik

Published

6 hours ago

on

April 30, 2026

By

Një grua është arrestuar pasditen e së mërkurës në jug të Mitrovicës, pasi dyshohet se ka therë me thikë një burrë.

Viktima është dërguar menjëherë për mjekim, ndërsa e dyshuara, me vendim të prokurorit, është dërguar për trajtim në Klinikën e Psikiatrisë.

Policia po e heton rastin si “lëndim i rëndë trupor”.

Continue Reading

Lajmet

Filharmonia e Kosovës sjell në Prishtinë Kuartetin Harkor të Filharmonisë së Krakovës

Published

6 hours ago

on

April 30, 2026

By

Një mbrëmje e veçantë që vjen në bashkëpunim me Konsullatën e Kosovës në Varshavë, Filharmonia e Kosovës sjell në Prishtinë Kuartetin Harkor të Filharmonisë së Krakovës – një ansambël që mishëron traditën e shkëlqyer polake të muzikës së dhomës dhe finesën e interpretimit evropian.
Më 5 maj 2026, në Hollin e Bibliotekës Kombëtare “Pjetër Bogdani”, katër muzikantë të shquar të Filharmonisë së Krakovës – Joanna Konarzewska, Zuzanna Frankiewicz, Jan Czyżewski dhe Martyna Sołtys do të interpretojnë dy kryevepra të muzikës polake për kuartet harkor: Kuartetin Harkor Nr. 3 të Grażyna Bacewicz dhe Kuartetin Harkor Nr. 2, Op. 42 të Władysław Żeleński.
Në këtë program takohen energjia moderne dhe forca ekspresive e Bacewicz me lirizmin romantik dhe finesën kompozicionale të Żeleński-t, duke krijuar një udhëtim artistik përmes identitetit muzikor polak. Për publikun e Prishtinës, kjo mbrëmje është një mundësi e rrallë për të përjetuar nga afër interpretimin e një ansambli që përfaqëson një prej institucioneve më të rëndësishme muzikore të Evropës Qendrore.
Ky koncert është më shumë se një paraqitje artistike  është një takim kulturash, një dialog përmes tingullit dhe një dëshmi e fuqisë së muzikës për të ndërtuar ura ndërmjet vendeve.

Continue Reading

Të kërkuara