Lajmet

​LVV kërkon dorëheqjen e Imri Ahmetit

Anëtarë të LVV-së në një konferencë për media kërkuan zbardhjen e të gjitha rasteve të korrupsionit në Lipjan.

Published

on

Lëvizja e Vetëvendosje – Dega në Lipjan ka kërkuar dorëheqjen e të parit të kësaj komune, Imri Ahmetit, pas arrestimit të nëntë zyrtarëve komunalë për dëmtim të buxhetit me rastin e ndërtimit të stadiumit të Magures.

Anëtarë të LVV-së në një konferencë për media kërkuan zbardhjen e të gjitha rasteve të korrupsionit në Lipjan.

Alban Salihu nga VV tha se këtë shqetësim e kanë adresuar qysh në vitin 2021, kur bashkë me ministrin e Kulturës, Hajrulla Çeku, kanë vizituar stadiumin. Ai ka akuzuar të parin e Lipjanit se po kontrollon tenderët në këtë komunë për përfitime.

Salihu derisa ka akuzuar, kryetarin e Lipjanit tha se nuk është hera parë që zyrtarët komunalë vihen para drejtësisë për akte të tilla.

“Kurdisja e tenderëve e abuzimi i tyre është tashmë një fakt i pamohueshëm në Komunën e Lipjanit, dhe asnjë nga këto veprime të dëmshme për interesin e qytetarëve nuk mund të mendohet pa ideatorin kryesor të tyre, që është kryetari i Komunës, Imri Ahmeti. Nuk është hera parë që zyrtarët e Komunës së Lipjanit vihen para drejtësisë për akte të tilla abuzive me detyrë. Fatkeqësisht qytetarët e kësaj komune, janë ata të cilët dëmtohen më së shumti nga këto shpërdorime e ky keqmenaxhim masiv. Ata shohin përditë pasurimin e shpejtë e jetën luksoze të shumë prej zyrtarëve të Komunës së Lipjanit që është në shpërputhje të plotë me pagat që i marrin. Disa prej zyrtarëve të arrestuar dje, përveç që operojnë ngushtë me Imri Ahmetin janë të njohur për jetën luksoze që bëjnë e pasurinë e majme që kanë krijuar, e kjo nuk mund të kishte epilog tjetër e as sqarim përveç se kësaj që ndodhi dje”, theksoi Salihu.

Sipas Salihut, me ditën e djeshme është parë edhe fytyra e vërtetë e kryetarit, Imri Ahmeti, siç thotë ai, si një përfitues personal përmes personave të tretë doli në sipërfaqe. Salihu ka ftuar Prokurorinë dhe policinë e krimeve ekonomike të hetojë edhe shumë kontrata tjera.

“Me ditën e djeshme kanë rënë maskat, fytyra e vërtetë e Imri Ahmetit, si një përfitues personal përmes personave të tretë doli në sipërfaqe. Ne ftojmë Prokurorinë t’i zgjerojë hetimet, kurse policinë e krimeve ekonomike ftojmë të hetojë edhe shumë kontrata tjera po kaq abuzive, nëse jo më shumë sesa rasti i Stadiumit të Magures. Kryetari Ahmeti nuk mund të struket e as të kamuflojë skandalin e keqpërdorimit të qindra mijëra eurove. Ky rast duhet të shërbej si momenti kur filloj të dalin keqpërdorimit tjera të tij. Përkundër diktatit që ushtron Imri Ahmeti ndaj zyrtareve komunal”, shtoi Salihu.

Asambleistja Shahadije Dragaqina – Bikliqi ka përmendur po ashtu edhe disa projekte të tjera, që sipas saj janë të ngjashme me këtë të fundit.

“Ka vite që në Lipjan është sekret publik që kryetari i komunës operon nëpërmjet personave të caktuar, zyrtar të komunës, njerëz të besueshëm të tij në dhënien e tenderëve, realizimin e projekteve me cilësi të ulët, mbylljen e projekteve të papërfunduara, dhënien e lejeve për ndërtim. Logjika e mendësia e njëjtë, sikurse te Stadiumi i Magures, është e pranishme kudo në projektet e komunës. Pothuajse në gjendje të njëjtë e me keqpërdorime të natyrës së njëjtë është edhe Stadiumi në Dubrajë të madhe, edhe më keq është projekti i ashtuquajtur për Tregun e Gjelbër, në të cilin janë investuar mijëra euro për të shndërruar në gërmadhë që nuk përdoret për asgjë tjetër, përveçse nga qentë endacakë, ndërsa shtigjet e ecjes, një projekt për të cilin krekosej bashkë me Lumir Abdixhikun, Imri Ahmeti kanë filluar të shpërbëjnë një ditë pas përurimit dhe gjithë këto shihen qartë në terren… Buxheti i komunës është i qytetarëve të Lipjanit dhe jo pasuri private e kryetarit të komunës”, tha ajo.

Prokuroria Themelore në Prishtinë ka njoftuar dje se nëntë zyrtarë komunalë të Lipjanit janë arrestuar nën dyshimin se kanë kryer veprën penale të mashtrimit dhe keqpërdorim të pozitës zyrtare, duke e dëmtuar buxhetin e Komunës me 300 mijë euro.

Prokuroria Themelore në Prishtinë, njofton se personat e arrestuar në cilësinë e personave zyrtar, si anëtarë të Komisionit teknik kanë bërë pranimin e punimeve të stadiumit futbollistik në fshatin Magure Komuna e Lipjanit, kinse janë kryer punimet sipas kontratës së fituar nga një kompani.

Lajmet

Fillon shpërndarja e protezave të gjirit dhe sytjenave në Klinikën e Onkologjisë

Published

on

Shërbimi Spitalor, Klinik dhe Universitar i Kosovës (SHSKUK) ka njoftuar se ka filluar shpërndarja e protezave të gjirit dhe sytjenave për pacientet në Klinikën e Onkologjisë.

Ata kanë njoftuar se shpërndarja po bëhet në zyrën e fizioterapeutës së klinikës, dhe se shpërndarja do të bëhet çdo ditë pune, nga e hënë në të premte, nga ora 8:00 deri në ora 10:00

“Ka filluar shpërndarja e protezave të gjirit dhe sytjenave në Klinikën e Onkologjisë. Shpërndarja po bëhet në zyrën e fizioterapeutës së klinikës. Këto proteza dhe sytjena janë dhuruar në kuadër të aktiviteteve të Muajit Rozë, si shenjë mbështetjeje për gratë që kanë kaluar përvoja me kancerin e gjirit. Donacioni është bërë nga Presidentja e Republikës së Kosovës, Vjosa Osmani, në bashkëpunim me Shoqatën ‘Jeta Vita’”. Shpërndarja do të bëhet çdo ditë pune, nga e hënë në të premte, nga ora 8:00 deri në ora 10:00!”, thuhet në njoftimin e ShSKUK-së./S.K/EO/

Continue Reading

Lajmet

Gjendet pa shenja jete një shtetase e huaj në Shtërpcë

Published

on

Një grua shtetase e huaj është gjetur pa shenja jete në Shtërpcë.

Policia e Kosovës ka njoftuar se pas identifikimit, trupi i pajetë i viktimës është dërguar për obduksion në IML në Prishtinë.

“Shtërpcë 19.10.2025-NN. Është raportuar se është gjetur një trup i pajetë i një femre shtetase të huaj. Lidhur me rastin janë njoftuar të gjitha njësitë relevante dhe mjekësia ligjore, me vendim të prokurorit trupi i pajetë i viktimës dërgohet për obduksion në IML-Prishtinë”, thuhet në raportin e Policisë së Kosovës./S.K/PK/

Continue Reading

Lajmet

Dhuna në familje në Malishevë, një person goditet me brisk, i dyshuari dërgohet në mbajtje

Published

on

By

Një rast i dhunës në familje është raportuar mbrëmjen e së dielës në Malishevë, ku një mashkull kosovar dyshohet se ka sulmuar fizikisht një anëtar tjetër të familjes, mashkull kosovar, duke i shkaktuar lëndime në dorë me një mjet të mprehtë (brisk).

I dyshuari është arrestuar nga policia dhe pas intervistimit, me vendim të prokurorit të shtetit, ai është dërguar në mbajtje.

Është arrestuar i dyshuari mashkull kosovar pasi që i njëjti dyshohet se ka sulmuar fizikisht viktimën mashkull kosovar dhe i ka shkaktuar lëndime në dorë me një mjet të mprehtë (brisk). Viktima ka pranuar tretman mjeksëor. I dyshuari është arrestuar dhe me vendim të prokurorit pas intervisitimit dërgohet në mbajtje.” thuhet në njoftim./UBTNews

Continue Reading

Lajmet

Prishtinë: Arrestohet i dyshuari për rast dhune në familje

Published

on

By

Policia e Kosovës ka ndërhyrë pas një raportimi për dhunë në familje në Prishtinë, ku një mashkull kosovar dyshohet se ka sulmuar fizikisht viktimën, një femër kosovare.

I dyshuari është arrestuar nga njësiti policor dhe pas intervistimit, me vendim të prokurorit, është liruar në procedurë të rregullt.

Është raportuar se i dyshuari mashkull kosovar e ka sulmuar viktimën femër kosovare. I dyshuari është arrestuar dhe pas intervistimit me vendim të prokurorit lirohet në procedurë të rregullt.” thuhet në raport./UBTNews

Continue Reading

Të kërkuara