Aktualitet

​Largimi i konstruksioneve në Pallat të Rinisë, një nga afaristët paralajmëron padi

Aksioni i Inspeksionit të Komunës së Prishtinës u mbështet nga Policia e Kosovës.

Published

4 years ago

on

Inspeksioni i Komunës së Prishtinës mëngjesin e sotëm ka zhvilluar një aksion në Pallatin e Rinisë për largimin e disa konstruksioneve të vendosura pa leje. Kjo ka nxitur reagimin afaristit Naim Tërnava, i cili ka paralajmëruar edhe padi.

Kryetari i komunës së Prishtinës, Përparim Rama tha se sot po lirojnë hapësirat e uzurpuara në Pallat me qëllim që ky objekt të kthehet në gjendjen origjinale.

Rama tha se janë në proces të planit të rigjenerimit për gjithë Pallatin e Rinisë.

“Kemi një intervenim këtu, çlirimin e hapësirave të cilat kanë qenë të uzurpuara në Pallat të Rinisë dhe kthimin e Pallatit të Rinisë në gjendje origjinale. Siç e dini, Pallati i Rinisë është ikonë arkitektonike e Prishtinës është e mbrojtur me ligj dhe kemi filluar që ta pastrojmë prej këtyre elementeve shtesë në periudha kohore tash e pas luftës. Kemi filluar sot me këtë dhe do ta vazhdojmë pastrimin e gjitha këtyre intervenimeve që nuk janë të mira që janë të jashtëligjshme dhe i bëjnë dëm brendit të Pallatit të Rinisë. Këto janë iniciativat fillestare për kthimin e kësaj ikone në gjendjen e mëparshme”, theksoi ai.

Këtë vendim e ka kundërshtuar ish qiramarrësi dhe pronari i lokalit “Bly Sky”, Naim Tërnava i cili tha se veprimet e sotme janë të jashtëligjshme dhe se nuk kanë pranuar asnjë vendim për aksionin e sotëm.

Derisa paralajmëroi padi për Ramën dhe të tjerët, Tërnava hodhi akuza karshi drejtorit të Pallatit të Rinisë, Ilir Dugollit, për të cilin tha se e ka kriminalizuar këtë objekt.

“Siguromani vendimin, na takon një vendim që e keni marrë që keni ardhur për të ndërhyrë. Këtu ka tulla me bllok për ndërhyrje pse nuk i keni ndërmarrë, këtu ka pllaka, këtu ke beton e kulme. Asnjë vendim nuk na është ofruar prej anës së komunës apo Pallatit të Rinisë pa vendim keni ardhur, është e jashtëligjshme dhe për këtë nuk paskeni qenë të informuar. As nuk është uzurpim, është me kërkesë, është me një vendim të drejtorit, është paguar mbi 1 milionë euro qira dhe investime këtu dhe pagesa e shtetit tatim, mbi 15 punëtorë kanë qenë. Ju thatë se është uzurpuar, iu ftoj të kërkoni falje se nuk jemi uzurpatorë dhe nuk kemi qenë asnjëherë, kemi qenë tatimpagues. Të kanë keqinformuar më së pari drejtoi i Pallatit, i cili e ka kriminalizu Pallatin e Rinisë, e ka keqpërdorë Pallatin e Rinisë i cili miliona i ka shkaktuar dëm Pallatit të Rinisë, 2 milionë i ka shkaktim vetëm prej djegies dhe na këtu kemi pas shumë sfida prej keqmenaxhimit të keq që e ka bërë drejtori i pallatit, shihemi në Gjykatë“, u shpreh Tërnava.

E karshi këtyre akuzave, kryetari i Prishtinës, Përparim Rama tha se për këtë aksion kanë përcjell të gjitha procedurat ligjore, kurse paralajmërimi për padi u shpreh se është i mirëseardhur.

“Ne i kemi përcjell të gjitha procedurat ligjore kjo faktikisht është hapësirë që nuk është dashur kurrë me u ndërtua në të. Pra çdo gjë është në aspektin ligjor dhe procedura ligjore, kështu që për atë arsye nuk ka ndodh dhe po ndodh tani. Është e mirëseardhur është vend demokratik ka të drejta me bë atë punë dhe mundet por ne iu kemi qasur kësaj pune në mënyrë ligjore”, u shpreh ai.

Kurse, drejtori i Inspeksionit të Prishtinës, Florian Dushi thase kërkesa është që këto hapësira të kthehen në pamjen origjinale.

Ai ka paralajmëruar edhe intervenime të tjera kudo rreth konstruksioneve të jashtëligjshme të Pallatit të Rinisë.

Kryeshefi ekzekutiv i Pallatit të Rinisë, Ilir Dugolli shprehu keqardhjen për mllefosjen që ka ndodhur siç u shpreh ai, duke potencuar se intervenimet e tilla ndër vite e kanë deformuar këtë strukturë.

Ai tha se do të bëjnë të pamundurën për ta rikthyer Pallatin e Rinisë në pozicionin siç ka qenë.

“Ka që 6 muaj që nuk është më afarist i Pallatit të Rinisë kemi pritur vendimet e Gjykatës që të përfundojnë dhe në bazë të tyre të procedojmë. Pallati i Rinisë pikërisht duke u bazuar në disa veprime të gabuara që në të kaluarën kanë ndodhur është deformuar në tërësi edhe kuptimi i Pallatit të Rinisë, prandaj së bashku me Inspeksionin dhe institucionet përkatëse do ta bëjmë të pamundurën që ta rikthejmë në pozicionin siç ka qenë. Pallati i Rinisë në këtë formë siç ka qenë deri më tani është i shëmtuar”, u shpreh Dugolli.

Aksioni i Inspeksionit të Komunës së Prishtinës u mbështet nga Policia e Kosovës.

Related Topics:
Continue Reading

Lajmet

Gjetet pa shenja jete një person në Gjakovë

Published

54 seconds ago

on

June 25, 2026

By

Një person është gjetur pa shenja jete në Gjakovë, njofton Policia në Raportin e saj 24 orësh.

Sipas raportit 24-orësh të Policisë së Kosovës, rasti është raportuar rreth orës 18:05. Menjëherë pas marrjes së informacionit, në vendin e ngjarjes kanë dalë të gjitha njësitë përkatëse policore për të kryer ekzaminimet e nevojshme.

Me vendim të prokurorit të shtetit, trupi i pajetë i viktimës është dërguar në Institutin e Mjekësisë Ligjore (IML) për obduksion, me qëllim zbardhjen e plotë të shkaqeve të vdekjes.

Rasti nga autoritetet po trajtohet si “hetim i vdekjes”.  /E.A/

Continue Reading

Kronikë e zezë

Tri raste të dhunës në familje brenda 24 orëve në Kosovë

Published

51 minutes ago

on

June 25, 2026

By

Brenda 24 orëve të fundit, Policia e Kosovës ka regjistruar tri raste të ndryshme të dhunës në familje në rajone të ndryshme të vendit, të cilat kanë rezultuar me arrestime dhe shoqërime në polici.

Rasti i parë është raportuar në Kamenicë, ku një person është vënë në pranga pasi dyshohet se ka përndjekur dhe shqetësuar vazhdimisht një grua. Sipas policisë, i dyshuari e ka shqetësuar viktimën përmes telefonatave të njëpasnjëshme dhe duke e përcjellë nëpër vendet që ajo frekuentonte. Me vendim të prokurorit, ai është dërguar menjëherë në mbajtje.

Një tjetër rast ka ndodhur në Fushë Kosovë, rreth orës 11:50, ku një burrë është shoqëruar në stacionin policor nën dyshimin për dhunë në familje ndaj një gruaje. Pas intervistimit të të dyja palëve, prokurori ka vendosur që ata të lirohen, ndërsa rasti ka kaluar për hetim në procedurë të rregullt.

Ndërkaq, në Vushtrri, rreth orës 18:30, një fjalosje mes dy burrave ka përfunduar me ndërhyrjen e forcave të rendit. Policia ka arrestuar dy të dyshuarit e përfshirë në konflikt, ku pas konsultimit me prokurorin, njëri prej tyre është dërguar në mbajtje, ndërsa tjetri është liruar për t’u hetuar në procedurë të rregullt. /E.A/

Continue Reading

Lajmet

15 të arrestuar në Lipjan pas një përleshjeje për pronë, 11 të lënduar

Published

1 hour ago

on

June 25, 2026

By

Plot 15 persona janë arrestuar nga Policia e Kosovës në Lipjan, pasi të njëjtit dyshohet se janë rrahur mes vete pas një mosmarrëveshjeje të ashpër lidhur me një pronë.

Sipas raportit 24-orësh të Policisë, rasti ka ndodhur pasditen e së mërkurës, rreth orës 18:20. Si pasojë e kësaj përleshjeje masive, lëndime trupore kanë pësuar 11 persona, të cilët janë detyruar të pranojnë tretman mjekësor.

Pas ndërhyrjes së forcave të rendit dhe arrestimit të të gjithë të përfshirëve, rasti ka kaluar në duart e prokurorisë.

Me vendim të prokurorit të shtetit, 10 nga të dyshuarit janë dërguar menjëherë në mbajtje, ndërsa ngjarja po hetohet nën cilësimin e veprës penale “lëndim i rëndë trupor”. /E.A/

Continue Reading

Lajmet

Brazili kalon si lider i grupit në fazën nokaut, Vinicius shkëlqen ndërsa kthehet Neymar

Published

1 hour ago

on

June 25, 2026

By

Pesë herë kampionët e botës, Brazili, kanë siguruar vendin e parë në Grupin C të Kupës së Botës 2026, pas një fitoreje bindëse 3-0 ndaj Skocisë. Ndeshja e zhvilluar në mesnatën mes të mërkurës dhe enjtes (sipas kohës në Kosovë), përveç dominimit brazilian, solli edhe një moment të shumëpritur: rikthimin e yllit Neymar në fushë pas tre vjetësh mungesë.

Figura qendrore e këtij takimi ishte Vinicius Junior, i cili shkëlqeu duke realizuar dy golat e parë. Sulmuesi i Real Madridit hapi serinë e golave që në minutën e 7-të, ndërsa dyfishoi epërsinë në minutën e tretë shtesë të pjesës së parë. Me këto dy realizime, Vinicius ka arritur në kuotën e katër golave në këtë Botëror, duke u barazuar me Erling Haaland dhe Kylian Mbappe, dhe duke mbetur vetëm një gol pas Lionel Messit që kryeson listën. Fitoren e “Seleçaos” e vulosi Matheus Cunha në minutën e 60-të për rezultatin përfundimtar 3-0.

Përveç spektaklit të golave, vëmendjen maksimale e mori minuta e 76-të, kur stadiumi “Hard Rock” shpërtheu në ovacione të mëdha për hyrjen në fushë të Neymarit. Sulmuesi 34-vjeçar, i cili është golashënuesi më i mirë në historinë e Brazilit me 79 gola, regjistroi paraqitjen e tij të parë ndërkombëtare që nga viti 2023.

Me këtë sukses, Brazili pozicionohet i pari në grup dhe të hënën do të luajë në Houston në kuadër të 1/32 së finales kundër vendit të dytë të Grupit F.

Në anën tjetër, Skocia, që merr pjesë në një Botëror për herë të parë që nga viti 1998, dështoi të shkruajë historinë për të kaluar fazën e grupeve në tentativën e nëntë. Megjithatë, shpresat e tyre nuk janë shuar plotësisht; me një diferencë golash prej -3, skocezët do të presin në kampin e tyre në Charlotte rezultatet e grupeve të tjera me shpresën për t’u kualifikuar tutje si një nga katër kombëtaret më të mira të vendeve të treta. /E.A/

Continue Reading

Të kërkuara