Një person është arrestuar mbrëmjen e së mërkurës në Pejë, pasi i njejti përveq se luante lojëra fati, gjatë bastisjes në atë lokal është gjetur dhe konfiskuar një armë me pesë fishekë, një thikë dhe tre telefona.

Sipas raportit të policisë, ngjarja ka ndodhur në rrugën “Binak Qela” në Pejë.

“Në vendin e ngjarjes kanë qenë edhe inspektorët komunal të cilët kanë mbyllur lokalin pasi nuk ishte biznes i regjistruar. Me vendim të prokurorit i dyshuari është liruar në procedurë të rregullt”, thuhet në raportin 24-orësh të policisë./S.K/PK/

Ministria e Infrastrukturës ka nënshkruar kontratë me kompanitë e kontraktuara, për vijimin e punimeve në rrugën nacionale Prishtinë-Pejë.

Kontrata është dhënë për zgjerimin e rrugës në segmentin Dollc-Zahaq, për lotin 1 dhe 2. Vlera e parashikuar e kontratës arrin shifrën prej 45 milionë e 690 mijë eurove.

Grupi i operatorëve ekonomikë që kanë fituar tenderin e thirrur nga Ministria janë Benita Company, Asfalt Group, Arfa Group, Fortesa SHPK dhe Saba Belca.

Sipas kontratës publike të OSHP-së kompanitë i kanë të caktuara shifrat e investimeve dhe detyrat e ndara për realizimin e këtij projekti./S.K/EO/

Një person ka ndërruar jetë sot në Aeroportin Ndërkombëtar të Prishtinës “Adem Jashari”, teksa ishte duke e bërë check-in.

Policia ka njoftuar se bëhet fjalë për një shtetas zviceran.

“Është raportuar se një mashkull shtetas zviceran, i cili ka qenë duke pritur për të udhëtuar për në Zvicër, i është keqësuar gjendja shëndetësore i është ofruar ndihma mjekësore, por pastaj ka ndërruar jetë. Me vendim të prokurorit trupi i pajetë është dërguar në IML për obduksion”, thuhet në raportin 24 orësh të Policisë së Kosovës./S.K/EO/PK/

Ministri në detyrë i Financave, Hekuran Murati, ka akuzuar opozitën se për muaj të tërë ka refuzuar ta ratifikojë marrëveshjen me Bankën Botërore në vlerë prej 90 milionë eurosh, duke e quajtur këtë veprim shkakun kryesor të vonesës së përfitimeve të Kosovës nga Plani i Rritjes i Bashkimit Evropian.

“Opozita për muaj të tërë pati refuzu me e ratifiku marrëveshjen prej 90 milionë euro me Bankën Botërore, kredi me kamatë 0%,” ka shkruar Murati.

Ai ka theksuar se e njëjta opozitë që kishte bllokuar marrëveshjen tani po kritikon qeverinë për mosrealizimin e fondeve nga BE.

“E njëjta opozitë tash po ankohet pse Kosova ende nuk po përfiton nga Plani i Rritjes nga BE, financim ky i cili është kryesisht kredi me kamatë potencialisht 3-4%,” ka shtuar ai.

Sipas Muratit, vonesa në përfitimin e fondeve nga BE vjen si pasojë e drejtpërdrejtë e bllokadës që opozita i ka bërë Kuvendit.

“Në fakt vetë vonesa e përfitimit nga Plani i Rritjes vjen si pasojë e bllokadës që pikërisht opozita ia bëri Kuvendit, gjë që ka pamundësuar ratifikimin e Planit të Rritjes,” ka përfunduar Murati./S.K/EO/