Lajmet

​Kuvendi i Shqipërisë përcjell në KiE rezolutën mbi pa bazueshmërinë e raportit të Dick Marty-t

Rezoluta u është dërguar vendeve anëtare dhe atyre me statusin e vëzhguesit të Këshillit të Evropës.

Published

4 years ago

on

Kuvendi i Shqipërisë i përcolli zyrtarisht sot Këshillit të Evropës Rezolutën “Mbi pa bazueshmërinë e pretendimeve për trafikimin e paligjshëm të organeve njerëzore në Kosovë dhe Shqipëri”.

Kuvendi i Shqipërisë i përcolli zyrtarisht Këshillit të Evropës Rezolutën “Mbi pa bazueshmërinë e pretendimeve për trafikimin e paligjshëm të organeve njerëzore në Kosovë dhe Shqipëri”, miratuar unanimisht në Kuvendin e Shqipërisë më 21 korrik 2022.

Rezoluta u është dërguar vendeve anëtare dhe atyre me statusin e vëzhguesit të Këshillit të Evropës; Sekretares së Përgjithshme të Këshillit të Evropës; Komitetit të Ministrave të Këshillit të Evropës; Presidentit dhe zv/presidentëve të Asamblesë Parlamentare të Këshillit të Evropës; Sekretares së Përgjithshme të Asamblesë Parlamentare të Këshillit të Evropës; Komitetit për Çështjet Politike dhe Demokracinë në Asamblenë Parlamentare të Këshillit të Evropës; Komitetit për Çështjet Ligjore dhe të Drejtat e Njeriut në Asamblenë Parlamentare të Këshillit të Evropës.

Asamblesë Parlamentare të Këshillit të Evropës i kërkohet të rishikojë Rezolutën 1782 (2011), ku të shpallen të pabazuara pretendimet për trafikim të paligjshëm të organeve njerëzore në Shqipëri dhe/apo në Kosovë, në dritën e zhvillimeve që kanë ndodhur gjatë kësaj dekade, fakteve, provave dhe informacioneve të përditësuara, sikurse dhe përsa i përket angazhimit, gatishmërisë dhe bashkëpunimit të plotë të Shqipërisë dhe Kosovës në shërbim të së vërtetës dhe vendosjes së drejtësisë.

Më poshtë rezoluta e plotë:

REZOLUTË MBI PABAZUESHMËRINË E PRETENDIMEVE PËR TRAFIKIMIN E PALIGJSHËM TË ORGANEVE NJERËZORE NË KOSOVË DHE SHQIPËRI

1. Duke iu referuar rezolutës 1782 (2011) të Asamblesë Parlamentare të Këshillit të Europës (APKiE) “Për hetimin e pretendimeve për trajtim çnjerëzor të personave dhe trafikim të paligjshëm të organeve njerëzore në Kosovë”, e cila bazohej në një raport (Dokumenti 12462, datë 7 janar 2011) të Dik Martit (Dick Marty), asokohe anëtar dhe raportues i Komitetit për Çështje Ligjore dhe të Drejtat e Njeriut në APKiE;

2. Duke rikujtuar se raporti u hartua në vijim të një mocioni për rezolutë (Dokumenti 11574, datë 15 prill 2008), me autor ish-anëtarin e APKiE-së, Kostandin Kosaçev (Konstantin Kosachev), Federata Ruse, Grupi Europian Demokrat, bazuar në kujtimet e zonjës Karla Del Ponte (Carla Del Ponte), ish-Prokurore e Tribunalit Penal Ndërkombëtar për Krime Lufte për ish-Jugosllavinë (ICTY), e cila në librin e saj “Gjuetia: unë dhe kriminelët e luftës”, botuar dy muaj pas shpalljes së Pavarësisë së Kosovës dhe rreth tre muaj pasi kishte dhënë dorëheqjen si prokurore e ICTY-së, ngrinte dyshime se pjesëtarë, drejtues të Ushtrisë Çlirimtare të Kosovës (UÇK) kishin kryer trajtime çnjerëzore të personave dhe trafikim të paligjshëm të organeve njerëzore në Kosovë dhe në Shqipëri, krime këto që nuk mund të hetoheshin nga ICTY-ja për mungesë juridiksioni, si dhe për shkak të mandatit të kufizuar në kohë dhe territor të kësaj gjykate; këto pretendime ishin hetuar edhe më parë nga zyra e ICTY-së gjatë mandatit të Del Pontes, por nuk ishin gjetur prova për të bazuar pretendimet për kryerjen e këtyre krimeve;

3. Duke nënvizuar se raporti i Dik Martit, në vijim të pretendimeve të ish-prokurores Karla Del Ponte dhe mocionit për rezolutë të nisur prej deputetit rus në APKiE, Kosaçev, edhe pse nuk është një raport faktmbledhës apo hetimi, ngre pretendime për trajtim çnjerëzor të personave dhe trafikim të paligjshëm të organeve njerëzore, që dyshohen të jenë kryer nga pjesëtarë dhe drejtues të UÇK-së ndaj shtetasve serbë, kosovarë dhe komunitetit rom apo minoriteteve të tjera të Kosovës në territorin shqiptar, më konkretisht në Veri të Shqipërisë: Kukës, Burrel, Rripe, Cahan dhe Fushë-Krujë, në periudhën pas përfundimit të luftës në Kosovë, kryesisht pas qershorit të vitit 1999, dhe ka shërbyer si dokumenti ku bazohen rekomandimet në rezolutën 1782 (2011) të APKiE-së drejtuar vendeve anëtare të Këshillit të Europës, Bashkimit Europian, organizatave ndërkombëtare, Kosovës, Shqipërisë, Serbisë dhe mbi të cilin u realizuan një sërë nismash kushtetuese dhe/ose ligjore dhe rregullatore, si dhe veprimtari institucionale në Kosovë, Shqipëri dhe Bashkimin Europian (EULEX), siç përshkruhen në vijim në këtë rezolutë;

4. Duke vlerësuar Kuvendin e Kosovës që pati vullnetin politik, edhe pse disa prej atyre të cilët votuan ishin të akuzuarit e krimeve të pretenduara në raportin e Dik Martit për të miratuar amendamentin kushtetues n.24 të gushtit 2015, që parashikoi krijimin e dhomave të specializuara për ndjekjen penale mbi pretendimet që lidhen me çfarë pretendohet në raportin e Dik Martit dhe që ishte objekt hetimi edhe nga Task Forca Hetimore Speciale e Bashkimit Europian, ngritur sipas vendimit të muajit maj të vitit 2011 të Komitetit Politik dhe Sigurisë së Bashkimit Europian për disa ndryshime në planin operacional të EULEX-it, në vijim të rezolutës 1782 (2011) të APKiE-së;

5. Duke sjellë në vëmendje se veprimin e klasës politike të Kosovës për amendamentin kushtetues n.24 të gushtit 2015 e vlerësoi edhe APKiE-ja në rezolutën 2094 (2016) “Situata në Kosovë dhe roli i Këshillit të Europës”, e cila në pikën 3 thotë shprehimisht: “Asambleja mirëpret miratimin nga Kuvendi i Kosovës të amendamenteve kushtetuese, të cilat i hapën rrugën krijimit të dhomave të specializuara për ndjekjen penale të rasteve të hetuara nga Task Forca Hetimore Speciale, si vazhdim i rezolutës së Asamblesë 1782 (2011) për hetimin e pretendimeve për trajtim çnjerëzor të personave dhe trafikim të paligjshëm të organeve njerëzore në Kosovë. Asambleja e konsideron këtë vendim si një hap drejt pajtimit dhe një shenjë e gatishmërisë së pushtetit për të luftuar mosndëshkimin.”;

6. Duke vlerësuar dhe rikujtuar gjithashtu se në zbatim të amendamentit kushtetues, si dhe ligjit nr. 04/L -274 “Për ratifikimin e marrëveshjes ndërkombëtare ndërmjet Republikës së Kosovës dhe Bashkimit Europian mbi misionin e Bashkimit Europian për sundim të ligjit në Kosovë”, Kuvendi i Kosovës miratoi edhe ligjin nr. 05/L -053 “Për Dhomat e Specializuara dhe Zyrën e Prokurorit të Specializuar”, duke u dhënë juridiksionin këtyre organeve të pavarura dhe të përkohshme, pjesë e sistemit të drejtësisë së Kosovës, në përbërje të së cilave nuk ka shtetas kosovarë, për të hetuar e ushtruar ndjekjen penale për krimet e supozuara që janë raportuar në raportin e Dik Martit dhe që kanë qenë edhe objekt i hetimeve penale të kryera nga Task Forca Hetimore Speciale e Bashkimit Europian;

7. Duke nënvizuar se as Task Forca Hetimore Speciale e Bashkimit Europian, e kryesuar nga Klint Uilliamson (Clint Williamson), e autorizuar në vitin 2011 për një hetim të plotë penal për akuzat për vrasje të personave, me qëllim nxjerrjen dhe shitjen e organeve të tyre, nuk gjeti kurrë prova dhe fakte në mbështetje të pretendimeve në raportin e Dik Martit;

8. Duke vënë në dukje se as Zyra e Prokurorit të Specializuar, që është krijuar për të hetuar dhe ndjekur penalisht individë për krime të supozuara në raportin e Dik Martit, në asnjë prej hetimeve të saj e në asnjë prej aktakuzave që u ngritën kundër ish-drejtuesve të UÇK-së në vitin 2020, nuk përmend asnjë rast që të lidhet me trafikimin e organeve njerëzore;

9. Duke theksuar gatishmërinë dhe vullnetin e Shqipërisë për të bashkëpunuar pa rezerva me të gjitha institucionet ndërkombëtare, me qëllim që t’u jepet një përgjigje përfundimtare pretendimeve në raportin e Dik Martit dhe për t’i shkuar deri në fund këtij procesi, për të mbyllur njëherë e mirë kapitullin se në Shqipëri nuk janë kryer krime të supozuara si ato që përmenden në raportin e Dik Martit, si dhe duke nënvizuar asistencën dhe bashkëpunimin efektiv të Shqipërisë me çdo mision faktmbledhës ose investigues të Kombeve të Bashkuara, Këshillit të Europës, EULEX-it, Bashkimit Europian apo tjetër që kanë pasur interes të kryejnë investigime veçanërisht në zbatim të rekomandimeve të rezolutës së APKiE 1782 (2011) edhe përpara se të ngriheshin Dhomat e Specializuara apo Zyra e Prokurorit Special në Kosovë;

10. Duke vënë në dukje se shprehje e vullnetit të Shqipërisë për të bashkëpunuar në interes të drejtësisë dhe zbardhjes së të vërtetës për krimet e supozuara në raportin e Dik Martit është edhe miratimi nga Kuvendi i Shqipërisë i ligjit nr. 53/2012 “Për marrëdhëniet juridiksionale në çështjet penale me Task Forcën Hetimore Speciale të EULEX-it”, i cili autorizon autoritetet kompetente të Republikës së Shqipërisë t’i ofrojnë Task Forcës Hetimore Speciale të Bashkimit Europian bashkëpunimin dhe ndihmën përkatëse që u kërkohet;

11. Duke rikujtuar se miratimi i ligjit nr. 53/2012 nga Kuvendi i Shqipërisë është vlerësuar në raportin e APKiE-së (Dokumenti 13586, datë 2 shtator 2014), “Respektimi i detyrimeve dhe angazhimeve nga Shqipëria”, ku në pikën 5.5 “Ndjekja e raportit të Asamblesë për trajtim çnjerëzor të personave dhe trafikim të paligjshëm të organeve njerëzore në Kosovë”, paragrafi 129, shprehimisht thuhet: “Ne mirëpresim faktin që autoritetet shqiptare kanë ofruar një bashkëpunim të plotë dhe të papenguar për hetuesit e EULEX-it për këto krime të supozuara në territorin shqiptar. Duke e konsideruar me rëndësi të madhe që pretendimet e ngritura në këtë raport të hetohen plotësisht dhe në mënyrë transparente, Kuvendi i Shqipërisë miratoi ligjin “Për marrëdhëniet juridiksionale në çështjet penale me Task Forcën Hetimore Speciale të EULEX-it” në maj të vitit 2012. Bazuar në këtë ligj, prokurorët e EULEX-it lejohen të hetojnë brenda territorit shqiptar për implikimet e supozuara të Shqipërisë në trafikimin e paligjshëm të organeve njerëzore në territorin shqiptar. Ata kanë pasur mbështetjen e plotë të të gjitha institucioneve kompetente. Në lidhje me hetimin e pavarur dhe të veçantë nga autoritetet shqiptare, siç kërkohet nga Kuvendi, autoritetet deklaruan se hetimet e tyre deri më tani nuk kanë konfirmuar gjetjet e Martit.”;

12. Duke nënvizuar se pas hyrjes në fuqi të ligjit nr. 53/2012, autoritetet shqiptare bashkëpunuan ngushtësisht me Task Forcën Hetimore Speciale të Bashkimit Europian dhe organet e specializuara në Kosovë, duke ofruar të gjithë ndihmën, asistencën e nevojshme, informacionet e kërkuara, si dhe kryerjen e veprimeve përkatëse në lidhje me to, me qëllim zbardhjen e të vërtetës mbi pretendimet në raportin e Dik Martit;

13. Duke konstatuar se nga hyrja në fuqi e ligjit nr. 53/2012 e deri më sot asnjë prej organeve të specializuara në Kosovë apo organizatat ndërkombëtare nuk kanë ngritur asnjë pretendim për mungesën e bashkëpunimit të autoriteteve shqiptare në këtë proces;

14. Duke nënvizuar seriozitetin dhe përgjegjshmërinë e Kuvendit të Shqipërisë për të ushtruar kontrollin parlamentar për zbatimin e rezolutës 1782 (2011) të APKiE-së, si dhe të ligjit nr. 53/2012, me vendimin e Kuvendit të Shqipërisë nr. 71/2020 u ngrit një komision i posaçëm për realizimin e këtij funksioni parlamentar, i cili nuk e përmbylli dot veprimtarinë e tij për shkak të mbarimit të legjislaturës së IX të Kuvendit (2017-2021), por arriti të marrë informacione e raporte të plota që vërtetojnë se gatishmëria e autoriteteve shqiptare ka qenë efektive dhe këto autoritete u janë përgjigjur në kohë e me konstruktivitet kërkesave të autoriteteve të huaja për bashkëpunim, ndihmë, asistencë dhe veprime konkrete sipas përcaktimeve të ligjit nr. 53/2012, duke përmbushur kështu njëkohësisht edhe rekomandimet e rezolutës 1782 (2011) për Shqipërinë;

15. Duke konstatuar se nga aktet, provat, raportet dhe informacionet që mblodhi komisioni i posaçëm ngritur me vendim të Kuvendit nr. 71/2020, nuk ka asnjë fakt apo provë që të vërtetojë pretendimet e ngritura në raportin e Dik Martit për vrasje të personave me qëllim nxjerrjen dhe shitjen e organeve të tyre dhe trafikim të paligjshëm të organeve njerëzore në Kosovë dhe/apo në Shqipëri;

16. Duke theksuar se Dik Martit, pas vizitave që kreu si në Kosovë, ashtu edhe në Shqipëri, kurrë deri më sot nuk ka paraqitur asnjë provë për të vërtetuar krimet e supozuara të kryera në lidhje me trafikimin e organeve njerëzore, siç pretendon në raportin e tij;

17. Duke qenë se kësisoj, edhe pas më se një dekade nga rezoluta 1782 (2011) e APKiE-së rezulton se asnjë nga misionet dhe/apo hetimet e organeve të drejtësisë vendase apo ndërkombëtare nuk kanë gjetur asnjë fakt e asnjë provë që të vërtetojë pretendimet e ngritura në raportin e Dik Martit për vrasje me qëllim trafikim të paligjshëm të organeve njerëzore në Kosovë dhe/apo në Shqipëri;

18. Duke respektuar dhe pa ndërhyrë në asnjë hetim apo procedurë gjykimi ndaj personave

të veçantë, udhëheqësve të luftës së UÇK-së dhe duke qenë të përkushtuar për zbatimin e plotë të rekomandimeve të rezolutave të APKiE-së si vend anëtar i Këshillit të Europës;

19. Duke ndarë të njëjtin mendim me Dik Martit, aty ku shprehet në raportin e tij se: “E vërteta dhe përgjegjshmëria janë nevoja absolute nëse duhet të ketë pajtim dhe stabilitet të qëndrueshëm në rajon”;

20. Duke vlerësuar legjitimitetin e luftës heroike të UÇK-së për çlirimin e vendit dhe duke qenë të bindur se, pavarësisht se nuk mund të vendosen paralele midis masakrave çnjerëzore, spastrimeve etnike, deportimeve, vrasjeve, përdhunimeve, plaçkitjeve dhe krimeve të luftës nga drejtues dhe anëtarë të makinerisë zyrtare luftarake serbe dhe paramilitarët e saj gjatë luftës në Kosovë nga njëra anë, dhe integritetit e kauzës së drejtë të luftës së UÇK-së si reagim në mbrojtje të jetës dhe lirisë së popullit në Kosovë nga ana tjetër, çdo dyshim për krime duhet zbardhur nga organet e drejtësisë sipas parimeve të procesit të rregullt ligjor, por procesi për këtë çështje do të duhet të mbarojë dikur, me qëllim që popujt të gjejnë forcën të pajtohen e të jetojnë së bashku duke shëruar plagët e së shkuarës,

Kuvendi i Republikës së Shqipërisë:

Konstaton se pas më shumë se dhjetë vjetësh hetime të thelluara nga Task Forca Hetimore Speciale e BE-së dhe pasardhësja e saj, Zyra e Prokurorit të Specializuar, pretendimet e ngritura në raportin e Dik Martit për vrasje të personave me qëllim nxjerrjen dhe shitjen e organeve të tyre dhe trafikim të paligjshëm të organeve njerëzore në Shqipëri dhe/apo në Kosovë, të përfshira në rezolutën 1782 (2011) të APKiE-së, pikat 1 dhe 4, mbeten të paargumentuara, të paprovuara dhe të pabazuara në prova dhe fakte e për rrjedhojë duhet të konsiderohen si të tilla nga të gjitha institucionet kombëtare e ndërkombëtare.

Përgëzon autoritetet e Republikës së Kosovës, të cilat në përputhje me kërkesat e parashikuara në pikën 19.6 të rezolutës 1782 (2011) të APKiE-së kanë bashkëpunuar pa rezerva me EULEX-in dhe çdo organ tjetër gjyqësor të mandatuar për të kryer hetime vijuese, si dhe në kuadër të çdo procedure tjetër që synon të zbulojë të vërtetën.

Përshëndet autoritetet e Kosovës, të cilat në përputhje me një marrëveshje ndërkombëtare dhe amendamentin kushtetues nr. 24 të gushtit 2015 miratuan themelimin e Dhomave të Specializuara të Kosovës dhe Zyrës së Prokurorit të Specializuar, pjesë përbërëse e sistemit gjyqësor të Republikës së Kosovës dhe të natyrës së përkohshme, me qëllim kryesor hetimin dhe/ose gjykimin e krimeve të pretenduara në raportin e Dik Martit.

I bën thirrje Asamblesë Parlamentare të Këshillit të Europës të realizojë një raport vijues (follow up report) dhe si rrjedhojë edhe një rishikim të rezolutës 1782 (2011) duke rivlerësuar pretendimet për trafikim të paligjshëm të organeve njerëzore në Shqipëri dhe/apo në Kosovë, në dritën e zhvillimeve që kanë ndodhur gjatë kësaj dekade, fakteve, provave dhe informacioneve të përditësuara, sikurse edhe për sa i përket angazhimit, gatishmërisë dhe bashkëpunimit të plotë të Shqipërisë dhe Kosovës në shërbim të së vërtetës dhe vendosjes së drejtësisë.

I kërkon qeverisë shqiptare të mbetet plotësisht e përkushtuar për të ndihmuar drejtësinë dhe identifikuar përgjegjësinë për të gjitha krimet e kryera në ish-Jugosllavi dhe përsërit thirrjen e tij për të gjithë të interesuarit që të bashkëpunojnë me Mekanizmin Ndërkombëtar për kryerjen e funksioneve të mbetura të gjykatave penale (IRMCT) brenda juridiksionit të saj.

Shpreh vullnetin e palëkundur për të ndihmuar drejtësinë dhe mbështetur çdo përpjekje që synon të zbulojë të vërtetën.

Miratuar në datën 21.7.2022./ATSH

Related Topics:
Continue Reading

Vendi

Nga laboratorët modernë te spitali universitar: Rrugëtimi yt në Shëndetin Publik dhe Shkencat Mjekësore në UBT

Published

5 hours ago

on

August 23, 2026

By

Në një kohë kur sfidat shëndetësore po ndryshojnë me shpejtësi dhe nevoja për profesionistë të rinj e të përgatitur po rritet çdo ditë, UBT sjell programin Shëndeti Publik dhe Shkenca Mjekësore. Ky program është krijuar për të rinjtë që duan të ndërtojnë një karrierë në shëndetësi dhe të kontribuojnë drejtpërdrejt në mirëqenien e individëve dhe komuniteteve.

Programi kombinon njohuritë shkencore me përvojën praktike, duke u ofruar studentëve një formim bashkëkohor dhe të orientuar drejt kërkesave të tregut të punës. Gjatë studimeve, studentët zhvillojnë aftësinë për të analizuar problemet shëndetësore, për të marrë vendime të bazuara në prova dhe për të bashkëpunuar në mënyrë profesionale me ekipe të ndryshme të kujdesit shëndetësor. Një rëndësi e veçantë i kushtohet edhe etikës profesionale, kërkimit shkencor, parandalimit dhe promovimit të shëndetit.

Studimi në UBT u jep studentëve mundësinë të jenë pjesë e një mjedisi akademik modern dhe dinamik. Përvoja e gjatë e UBT-së në edukimin shëndetësor, kampusi modern, laboratorët e pajisur, poliklinika universitare me mbi 20 ambulanca, Spitali Universitar United Hospital dhe bashkëpunimet ndërkombëtare krijojnë një bazë të fortë për një përvojë studimore që lidh teorinë me praktikën dhe përgatit studentët për sfidat reale të profesionit.

Programi Shëndeti Publik dhe Shkenca Mjekësore hap mundësi të ndryshme për zhvillim profesional. Të diplomuarit mund të angazhohen në qendrat e shëndetit publik, institucionet e kujdesit parësor dhe parandalues, institucionet qendrore dhe komunale, organizatat joqeveritare, projektet ndërkombëtare dhe fusha të ndryshme që lidhen me promovimin e shëndetit, monitorimin e faktorëve të rrezikut, sigurinë ushqimore dhe mjedisore. Gjithashtu, diploma krijon mundësi për vazhdimin e studimeve në nivelin Master, në UBT apo universitete të tjera brenda dhe jashtë vendit.

Nëse je një i ri që kërkon më shumë se një diplomë dhe dëshiron të ndërtosh një profesion me ndikim të drejtpërdrejtë në shoqëri, ky program të ofron njohuritë, aftësitë dhe përvojën që të jesh profesionist lider në shëndetësi.

Për këtë program, UBT ofron bursë prej 20% për të tri vitet e studimit, si mbështetje për të gjithë të rinjtë që dëshirojnë të studiojnë në fushën e mjekësisë.

Continue Reading

Lajmet

Ditari: Lajmet kryesore që shënuan datën 23 gusht 1993-1998?

Published

6 hours ago

on

August 23, 2026

By

Në rubrikën Ditari, kemi përzgjedhur disa nga lajmet më të rëndësishme të kësaj dite, në periudhën 1993-1998.

 23 gusht 1993

Në ndeshjen e trenit me autobus në Pomozotin të Fushë-Kosovës humbën jetën 19 udhëtarë

Sot, rreth orës 6.30 të mëngjesit, treni i udhëtarëve që qarkullonte në drejtimin Fushë-Kosovë – Pejë, në vendkalimin Pomozotin të Fushë Kosovës, u përplas në autobusin e Eektroekonomisë së Kosovës, që po i dërgonte punëtorët në ndërresën e parë.

Sipas njoftimeve të para jozytare, të cilat i dha gjykatësi hetues, deri tani është konstatuar se në vendin e ngjarjes kanë vdekur 19 veta, kurse 17 të tjerë janë gjendje të rëndë shëndetësore.

Udhëtarët që morën lëndime të këtë ndeshje u vendosën në Klinikat e Fakultetit të Mjekësisë në Prishtinë.

 

23 gusht 1994

Represioni në Kosovë

Podujevë: – Dje në Dobërdol të Podujevës, me pretekst të kërkimit të amërve, u bastis shtëpia e Selman Hashim Gashit, i cili dorëzoi një pushkë të vjetër.

Dje policia serbe ishte edhe në shtëpinë e Abdullah Hakiqit në Podujevë. Pasi Abdullahu gjendet në botën e jashtme, policia kërkoi nga anëtarët e familjes që të paraqiten në polici dhe të dorëzojnë një pushkë dhe një revole.

Prishtinë: – Dje në fshatin Vranidoll të Prishtinës, në orën 9,15, u bastisën shtëpitë e Hajdin dhe Rrahim Bekollit. Nga nëna e këtyre dy vëllezërve u morën dy revole, pronë e bashkëshortit të saj që ka vdekur para katër vjetësh.

Në këtë fshat para katër ditësh ka qarkulluar shumë herë policia. Pardje, në orën 14,30, policët serbë të stacionit të Lluzhanit, me pretekst të kërkimit të armëve, morën Ruzhdi dhe Ilmi Statovcin nga lagja Kodra e Trimave. Nga Ruzhdiu policët kërkonin një automatik dhe një mitraloz. Ai u rrah nga policia dhe mori urdhër që të paraqitet sërish në stacionin e policisë në Lluzhan. Pejë: – Më 19 gusht, me pretekst të kërkimit të armëve, policia thirri për t’u paraqitur në stacionin e policisë Sherif Kastratin, Ahmet Tafilajn, Jakup Shalën dhe Adem Shalën nga fshati Dobërdol i Pejës.

Mitrovicë: – Policia serbe arrestoi në Gazivodë Fadil Hamitin (23) nga Mitrovica, i cili ishte nisur me autobus të “Kosovatransit” të Mitrovicës për në Ulqin. Policia zbriti Fadilin nga autobusi dhe ia dorëzoi pastaj policisë ushtarake serbe, e cilai e dërgoi në një kazermë të ushtrisë në Mitrovicë. Njoftohet se Fadili është marrë në ushtrinë serbe më 18 mars të vitit 1991, por ka dezertuar nga ushtria serbe në janar të vitit 1992.

Dje në fshatin Koshtovë të Gashit, komuna e Mitrovicës, policia kërkoi armë nga Xhavit Hajredini. Policia ka kërkuar nga ai që sërish të paraqitet në stacionin e policisë në Mitrovicë.

 

 

24 gusht 1994

Nga Greqia u kthyen 4 shqiptarë të vrarë

Ministria e Rendit Publik të Shqipërisë njoftoi dje se që nga 15 gushti i këtij viti, kur edhe filloi gjykimi i pesë shtetasve shqiptarë me përkatëse greke, nga Greqia u dëbuan 12.830 persona, prej të cilëve edhe 180 me dokumente të rregullta.

I njëjti burim po ashtu përmes RTSH njoftoi se nga kjo datë u kthyen edhe katër kufoma të të rinjëve që u vranë nga policia greke, më 19 gusht u kufoma e Hysen Gjokos (23), më 20 gusht e Ali Reçit (24), më 22 gusht e Driton Elez Muços (19) dhe më 23 gusht e Renato Selatin Muços (19).

 

 

23 gusht 1995

Në Kosovë janë vendosur 5 mijë e planifikohet të sillen edhe 7 mijë refugjatë serbë nga Kroacia

Ndonëse tashmë është e ditur se refugjatët serbë nga Kroacia nuk duan të vijnë në Kosovë, regjimi i Beogradit këmbëngul që Kosovën ta kolonizojë dhe serbizojë sa më shumë, duke i sjellë refugjatët nga Kroacia me dhunë.

Një delegacion i pushtetit të instaluar serb të Kosovës me në krye Millosh Neshoviqin dhe me disa zyrtarë të tjerë të Serbisë qëndroi dje në Apatin, ku siç thuhet, biseduan për zhvendosjen e refugjatëve serbë nga atje në Kosovë. Neshoviqi, i cili është një lloj gjysmëguvernatori për Kosovën, i deklaroi gazetës “Politika ekspres”: “Në rajonin e Kosovës aktualisht gjenden rreth 5.000 refugjatë nga Kraina dhe pa kurrfarë problemi mund t’i strehojmë menjëherë edhe 7.000 njerëz. Në Kosovë sot mund të ofrojmë shumë më tepër se në çdo pjesë të Serbisë. Në të gjitha 29 komunat po përshpejtohet parcelizimi i tokës, e cila së shpejti do t’u jipet refugjatëve për ta punuar. Çdo familjeje do t’i ofrojmë nga 2 hektarë toke të klasit të parë ose nga 3 hektarë të klasit të dytë e të tretë. Fjala është për tokën cilësore, me vreshta, kopshte dhe ara. Punë ka edhe për ata që duan të punojnë në ndërmarrje. Se cili është ky numër nuk e di, por pas disa ditëve edhe kjo do të dihet, pasi janë duke u evidentuar vendet e lira të punës”.

Siç shihet ky administrator serb fare nuk fsheh qëllimet e regjimit serb për kolonizimin e Kosovës me refugjatë serbë nga Kroacia.

Po kjo gazetë shkruan se përfaqësuesit e refugjatëve serbë shkuan në Kosovë, “për t’u bindur” se çfarë u ofrohet.

Me qëllim të shprishjes së strukturës homogjene etnike shqiptare, regjimi serb ka paraparë që në Skënderaj të dërgojë 400 refugjatë, por deri më tash nuk është sjellë asnjë refugjat serb. Kryetari i instaluar serb i Skënderajt Sima Simiq i deklaroi shtypit serb se komuna do t’ia falë nga tre hektarë tokë pune çdo familjeje serbe.

Kryetari i Kryqit të Kuq të Jagodinës i deklaroi agjencisë Tanjug se janë duke u evidentuar refugjatët serbë që do të dërgohen në Kosovë. Tashmë është evidentuar grupi prej 500 refugjatësh që do të dërgohet sot në Gjakovë.

Në komunën e Prizrenit regjimi ka sjellë 700 refugjatë, kurse këto ditë pritet të sjellë edhe 700 të tjerë. Për refugjatët komunarët serbë të Prizrenit ofrojnë nga tre hektarë tokë pune ose nga tre hektarë vreshta të klasit të parë dhe punësimin e nja 100 refugjatëve.

Shtypi serb vazhdon të shkruajë për gjoja ndihmën e “madhe” humanitare që po japin (apo më mirë të thuhet që po u merret) organizatat e individët për refugjatët. Një shoqatë e romëve të Gjakovës paska grumbulluar ndihma për refugjatët serbë, kurse romët e Gjilanit gjoja paskan kërkuar vendosjen e refugjatëve serbë në Kosovë!

 

 

23 gusht 1998

Sulme masive të forcave serbe në Suharekë

Sot në orën 5:30, forcat serbe kanë urdhëruar familjet e lagjes Bajraktari në Suharekë që të largohen nga shtëpitë e veta, ndërsa pak vonë, forca të mëdha serbe janë vendosur me tankse afër kësaj lagjeje dhe kanë filluar granaitmin e fshatrave Peçan, Reshan, Studeçan e Samadraxhë dhe nga ana e Biraçit, fshatin Sllapuzhan.

Banorët e këtyre fshatrave janë larguar në panik nga shtëpitë e veta, pasi sulmi ishte i rrufeshëm.

Në orën 7:30, një burim i LDK-së në Suharekë tha se sulmi po vazhdonte ende.

 

Sulm i ashpër i forcave serbe në Reçak të Shtimes

Sot, në orët e pasditës forcat serbe kanë sulmuar fshatrat Reçak e Belincë të Shtimes. Komisioni për Informim i Degës së LDK-së në Shtime njofton se këto dy fshatra janë në flakë, pasi shtëpive të këtyre dy fshatrave këmbësoria serbe ua ka vënë zjarrin.

Deri tash nuk dihet për të vrarë apo të plagosur.

Gjendja në këtë komunë është shumë e rëndë. Në orët e hershme të mëngjesit forcat serbe kanë filluar një sulm masiv kundër shumë fshatrave. Në mbrëmje, të gjitha rrugët po mbahen të bllokuara nga forcat serbe.

 

Foto: Suhareka

Continue Reading

lajme

Të rinjtë e rajonit të Prizrenit po zgjedhin UBT International Smart Schools – shkollën më të mirë të programimit në vend

Published

1 day ago

on

August 22, 2026

By

Në kuadër të zhvillimit të arsimit në rajon, Gjimnazi TIK – UBT International Smart Schools në Prizren po vazhdon të ofrojë programe të orientuara drejt përgatitjes së të rinjve për tregun digjital dhe teknologjik.

Përmes një modeli arsimor që ndërthur teorinë me praktikën, shkolla zbaton konceptin Classroom 4.0 dhe kurrikulat e bazuara në qasjen STEAM (Shkencë, Teknologji, Inxhinieri, Art dhe Matematikë). Procesi mësimor mbështetet në teknologji të avancuara, si platforma EON XR për Realitetin Virtual dhe të Shtuar (VR/AVR), me synim përshtatjen me kërkesat e Industrisë 4.0.

Metodologjia e punës në Gjimnazin TIK fokusohet në mësimdhënien me nxënësin në qendër, qasjen e integruar dhe zhvillimin e kompetencave për tregun e punës. Gjatë procesit mësimor, nxënësit fitojnë shkathtësi praktike duke mësuar të përdorin terminologji profesionale, të vizatojnë e skicojnë vizatime teknike, si dhe të përzgjedhin veglat, pajisjet e materialet e duhura për çdo projekt.

Përveç përdorimit të kompjuterit personal dhe pajisjeve të teknologjisë së informimit për nevojat e punës, programi u mundëson nxënësve të instalojnë pajisje hyrëse-dalëse dhe të përzgjedhin e mirëmbajnë veglat për instalimin e rrjeteve lokale. Po ashtu, nxënësit aftësohen të krijojnë e të dizajnojnë uebfaqe, të ndërtojnë baza të dhënash e të garantojnë sigurinë e tyre, si dhe të përshtatin apo përditësojnë softuerë të ndryshëm.

Një tjetër zhvillim i rëndësishëm për UBT International Smart Schools është akreditimi nga Cambridge International Education, i cili përforcon orientimin e institucionit drejt standardeve ndërkombëtare në arsim. Përmes këtij akreditimi, nxënësit kanë mundësi të ndjekin programe dhe kualifikime të Cambridge, duke përfshirë rrugëtimin akademik Cambridge Pathway.

Gjimnazi TIK në UBT International Smart Schools i kushton vëmendje edhe zhvillimit të pavarësisë profesionale, ku nxënësit mësojnë të bëjnë analiza të kërkesave nga klientët, të implementojnë ndërfaqe përdoruesi dhe të këshillojnë e ushtrojnë përdoruesit e tjerë të softuerëve. Përmes shfrytëzimit të pavarur të literaturës profesionale, ata përgatiten të zgjidhin në mënyrë të pavarur probleme të natyrave të ndryshme teknologjike që mund të paraqiten gjatë punës.

Ndërsa, synimi kryesor UBT International Smart Schools mbetet ngritja e standardeve në arsimin profesional, duke u mundësuar nxënësve zhvillim të qëndrueshëm dhe aftësim për të qenë konkurrues në fushën e teknologjisë. Për të gjithë të interesuarit që duan të bëhen pjesë e këtij programi, procesi i aplikimit është në fazën e fundit, pasi kanë mbetur edhe pak ditë nga përmbyllja e afatit për regjistrime në kampusin e UBT-së, në ITP Prizren.

APLIKO TANI ONLINE!

Continue Reading

Vendi

Biopsia e gjirit, hapi vendimtar për një diagnozë të saktë dhe trajtim në kohë

Published

1 day ago

on

August 22, 2026

By

Zbulimi i një mase, noduli apo ndryshimi të pazakontë në gji nuk duhet të nënkuptojë automatikisht praninë e kancerit, por kërkon vlerësim të kujdesshëm mjekësor. Kur ekzaminimi klinik, mamografia, ekografia apo rezonanca magnetike evidentojnë një zonë të dyshimtë, biopsia e gjirit është një nga mënyrat më të rëndësishme për të përcaktuar natyrën e saj, pasi mundëson marrjen e një mostre indi për ekzaminim histopatologjik.

Në United Hospital, kjo procedurë realizohet me teknika moderne dhe, në varësi të karakteristikave dhe lokalizimit të ndryshimit, mund të kryhet nën udhëheqjen e ekografisë apo metodave të tjera imazherike. Biopsia me gjilpërë (core needle biopsy) është një nga teknikat e përdorura për marrjen e mostrave të vogla të indit, të cilat më pas analizohen nga patologët për të përcaktuar nëse ndryshimi është beninj, malinj apo kërkon vlerësime të mëtejshme.

Pse ka rëndësi biopsia?

Imazheria mund të tregojë se një zonë e gjirit është e dyshimtë, por diagnoza përfundimtare kërkon, në rastet kur biopsia indikohet, analizën e indit. Rezultati patologjik mund të ndihmojë ekipin mjekësor të përcaktojë hapat e mëtejshëm diagnostikues dhe terapeutikë
Procedurat me gjilpërë zakonisht kryhen me anestezi lokale, ndërsa përdorimi i imazherisë ndihmon mjekun të drejtojë saktësisht gjilpërën drejt zonës së dyshimtë. Në shumë raste, pacientja mund të largohet pas procedurës dhe të rikthehet në aktivitetet e zakonshme brenda një kohe të shkurtër, sipas udhëzimeve të ekipit mjekësor.

Mesazhi më i rëndësishëm është i qartë: mos e shtyni kontrollin dhe mos lejoni që frika nga biopsia t’ju largojë nga diagnostikimi. Një ndryshim në gji duhet të vlerësohet nga profesionistët dhe, kur rekomandohet biopsia, përgjigjja histopatologjike mund të jetë vendimtare për orientimin e trajtimit.

A E DINIT SE BIOPSIA E GJIRIT SHPËTON JETË?
ZBULIMI I NJË MASE NË GJI KËRKON QARTËSI TË PLOTË!

Biopsia është hapi më i saktë për të përcaktuar natyrën e çdo ndryshimi.

PROCEDURË MINIMALE INVAZIVE
SAKTËSI 100% DIAGNOSTIKUESE
PA DHIMBJE & ME TEKNOLOGJI MODERNE

ÇFARË ËSHTË BIOPSIA E GJIRIT?
Procedurë diagnostikuese kyçe që përcakton natyrën e një mase apo noduli të zbuluar gjatë ekografisë ose kontrollit klinik.
Përcakton me precizion absolut nëse ndryshimi është beninj (i padëmshëm) apo malign (kanceroz).
Ndihmon në ndërtimin e një plani të personalizuar dhe efektiv trajtimi.

SI REALIZOHET PROCEDURA?
Mostër e vogël indi: Merret me kujdes nga zona e dyshuar përmes teknologjisë më të avancuar.
Minimale Invazive: Procedurë e shpejtë, pa dhimbje dhe me rehati maksimale për pacientin.
Analizë e Detajuar: Ekzaminohet në laborator nga patologë të specializuar.

PSE ËSHTË KAQ E RËNDËSISHME?
Diagnostikimi i hershëm rrit maksimalisht mundësinë e shërimit të plotë.
Qetësi mendore: Eliminon dyshimet dhe ankthin e panjohurisë.
Mbrojtje për të ardhmen: Kontrolli i rregullt dhe diagnoza e saktë shpëtojnë jetë!

United Hospital – kujdes i specializuar për shëndetin e gruas./rajonipress/

📞 038 60 70 70 / 046 60 70 70
📍 M2 Prishtinë–Ferizaj, Km 7, Prishtinë, Kosovë

Continue Reading

Të kërkuara