Lajmet

​Kurti: Tani po e vërejmë se sa kemi vuajtur për një qeverisje që nuk keqpërdor

Kreu i ekzekutivit konsideron se ekonomia e vendit asnjëherë nuk ka parë rritje me të lartë se në vitin 2021.

Published

5 years ago

on

Kryeministri i Kosovës, Albin Kurti derisa po shqyrtohet projektbuxheti për vitin 2022, tha se tani po e vërejnë se sa ka vuajtur shteti i Kosovës për një qeveri që nuk keqpërdor dhe nuk abuzon me paranë publike.

Kreu i ekzekutivit konsideron se ekonomia e vendit asnjëherë nuk ka parë rritje me të lartë se në vitin 2021 të cilën deri në fund beson se do ta mbyllin me 10 për qind.

”Ekonomia e vendit asnjëherë nuk ka parë rritje ekonomike më të lartë sesa në vitin 2021. Do ta mbyllim këtë vit me një rritje ekonomike rreth 10% dhe rritje të të hyrave prej 33%, të dyja këto si rezultat i një qeverisjes të mirë dhe i besimit të qytetarëve në institucionet e vendit e veçanërisht për qeverinë. Vitin që po e lëmë pas e gjetëm me borxhe dhe projekte të dëmshme për vendin kemi anuluar vendimin për shpronësimet në autostradën e Dukagjinit, segmenti Kievë-Zahaq, e cila sipas raportit të Auditorit doli se kishte fryrje të çmimeve. Kemi gjetur ndarje buxhetore për projekte kapitale të pamaturuara në një kohë pandemie e në anën tjetër shkurtime buxhetore pikërisht për institucionet shëndetësore si SHSKUK e Ministria e Shëndetësisë“, tha Kurti.

Para deputetëve të Kuvendit të Kosovës, Kurti u shpreh se buxheti i vitit 2022 prej më shumë se 2.7 miliardë, parasheh projekte që ndikojnë në ringjallje ekonomike, fuqizojnë gratë dhe prodhimin vendor.

“Për herë të parë po e votojmë një buxhet i cili është tërësi i yni, një buxhet i cili ka ndarje buxhetore për projekte të maturuara e me qëllime zhvillimore që ngërthen në vete një plan të ringjalljes ekonomike që ndihmon ata që janë prekur më së shumti nga pandemia dhe fuqizon gratë dhe prodhime vendor një buxhet, i cili sigurinë shëndetësinë e arsimin i ka prioritete. Në mënyrë specifike buxheti për vitin 2022 do të jetë 2 miliardë e 748 milionë euro, kurse të hyrat buxhetore do ta arrijnë vlerën buxhetore 2 miliardë e 364 milionë euro. Kemi ndarë 388 milionë euro në kategorinë paga dhe mëditje, 285 milionë euro për mallra dhe shërbime 873 milionë euro në subvencione dhe transfere 556 milionë euro në shpenzime kapitale dhe në shpenzimet komunale kemi ndarë 19 milionë euro”, tha Kurti.

Shefi i Qeverisë tutje tha se tani po e vërejnë se sa ka vuajtur shteti i Kosovës për një qeveri që nuk keqpërdor dhe nuk abuzon me paranë publike.

“Ushtrinë e kemi projektin tonë madhor andaj për herë të parë kemi buxhet prej mbi 100 milionë eurosh apo 1.3 % të bruto produktit vendor dhe synimi ynë është që brenda mandatit ta sjellim në 2% të bruto produktit vendor aq sa e kërkon standardi i NATO-s. Përveç ndarjeve buxhetore që kanë për fokus forcimin e sigurisë së vendit, avancimin e arsimit dhe përmirësimin e sistemit të shëndetësisë projektligji për vitin 2022 ka edhe disa risi sa i përket menaxhimit të mirë të financave publike dhe ruajtjes së stabilitet makro-fiskal…Tani po e vërejmë se sa ka vuajtur shteti ynë për një qeverisje e cila nuk keqpërdor dhe nuk abuzon me paranë publike për një qeverisjes që synim parësor ka zhvillimin e qëndrueshëm ekonomik të vendit si rezultat ngritjen e mirëqenies qytetare”, tha Kurti.

Ai derisa ka treguar për ndarjet buxhetore për arsim e shëndetësi theksoi se për herë të parë nga buxheti i Kosovës janë ndarë mjete për Luginën e Preshevës prej 2 milionë eurosh.

Related Topics:
Continue Reading

Lajmet

UBT hap konkursin për pranimin e studentëve të rinj për vitin akademik 2026/27

Published

15 minutes ago

on

June 12, 2026

By

UBT ka hapur zyrtarisht konkursin për pranimin dhe regjistrimin e studentëve të rinj për vitin akademik 2026/27, duke ofruar mundësi studimi në mbi 50 programe akademike në nivelet Bachelor dhe Master dhe mbi 150 fusha të specializimit.

Si institucioni më i vlerësuar në botë, UBT vazhdon të ofrojë programe bashkëkohore studimi të harmonizuara me kërkesat e tregut vendor dhe ndërkombëtar të punës, duke integruar teknologjitë më të avancuara dhe Inteligjencën Artificiale në procesin mësimor.

Të drejtën e aplikimit në studimet Bachelor e kanë të gjithë kandidatët që kanë përfunduar arsimin e mesëm të lartë, ndërsa për studimet Master kërkohet përfundimi i nivelit Bachelor.

Programet e studimit në UBT, në nivelin Bachelor i gjeni në këtë link:

PROGRAMET BACHELOR

Për regjistrimin në studimet Master kërkohet që kandidati të ketë përfunduar studimet Bachelor.

Programet e studimit në UBT, në nivelin Master i gjeni në këtë link:

PROGRAMET MASTER

Qendrat e regjistrimit të UBT-së në Kosovë:

  • Prishtinë;
  • Lipjan;
  • Prizren;
  • Pejë;
  • Ferizaj;
  • Gjilan.

Mobilitetet/bursat ndërkombëtare:

  • Erasmus+;
  • CEEPUS;
  • PoSIG, etj.

Gjuha e studimeve:

  • Gjuhë shqipe;
  • Gjuhë angleze;
  • Mundësia e studimit në gjuhë të tjera.

Për sukses të garantuar, UBT ofron për studentët:

  • Orientim dhe praktika profesionale, kurse, vizita studimore dhe certifikime;
  • Sistem online dhe qasje në kompjuterë;
  • Licenca falas për softuerë;
  • Praktikë në kompani vendore dhe ndërkombëtare;
  • Librari me mbi 200 mijë tituj dhe qasje në libraritë elektronike botërore;
  • Praktikë dhe eksperimente në laboratorë bashkëkohorë;
  • Trajnime: CISCO, Microsoft, AutoCad, IPMA, etj;
  • Certifikime për kontabilistë në bashkëpunim me SCAAK.
  • Integrim të Inteligjencës Artificiale – VR/AR.

Studentët të cilët aplikojnë në studime themelore, i bashkëngjisin aplikacionit:

  • Certifikatën e maturës shtetërore – origjinale ose kopje të noterizuar (Për shtetasit jashtë Kosovës nuk nevojitet);
  • Diplomën e shkollës së mesme – origjinale ose kopje të noterizuar;
  • Dëftesat e shkollës së mesme – origjinale ose kopje të noterizuar;
  • Ekstrakti i lindjes.

Për më shumë informacione rreth programeve të studimit dhe mundësive që ofron UBT, ju lutemi që të ndiqni linkun: ubt-uni.net, na ndiqni edhe në rrjetet tona sociale: Facebook, Instagram, Twitter, LinkedIn dhe TikTok.

APLIKO TANI ONLINE dhe studio në institucionin nr. 1 në botë.

Continue Reading

Vendi

Maqedonci: Serbia mbetet rreziku kryesor, AKI-ja ia goditi rrjetin e spiunazhit

Published

49 minutes ago

on

June 12, 2026

By

Kosova vazhdon të përballet me rreziqe serioze, ku kërcënimi kryesor ushtarak mbetet Serbia. Kështu deklaroi Ministri i Mbrojtjes, Ejup Maqedonci, në Podcastin e Media Grupit të UBT-së. Ai sqaroi se ky rrezik vjen nga politika hegjemoniste e Beogradit dhe armatosja e saj e shpejtë me sisteme të rrezikshme nga Rusia dhe Kina.

Ministri vuri në dukje se ushtria është gjithmonë zbatuese e politikave shtetërore. Për sa kohë që Serbia synon të dominojë rajonin dhe refuzon integrimin euroatlantik, ajo përbën kërcënim për të gjithë fqinjët. Megjithatë, Maqedonci siguroi se institucionet e Kosovës janë plotësisht të gatshme për t’u përgjigjur.

“Kërcënimi i vetëm i madh konvencional mbetet Serbia. Rreziku dhe kërcënimi për Kosovën qëndron pikërisht në faktin që Serbia nuk e ka ndryshuar politikën hegjemoniste në raport jo vetëm me Kosovën, por edhe me të tjerët në Ballkan”, tha Maqedonci.

Për të përballuar luftën hibride, Kosova ka zhvilluar kapacitete të larta profesionale. Ministri përmendi sukseset e fundit të Agjencisë Kosovare të Inteligjencës (AKI) dhe Policisë së Kosovës. Ai mori si shembull parandalimin e akteve të sabotazhit dhe reagimin e shpejtë ndaj grupeve terroriste në rastet si Banjska apo sulmi në Ibër-Lepenc.

“Kemi qenë dëshmitarë të goditjes së rrjetit të spiunazhit serb në Kosovë. Spiunazhi është element kyç i luftës hibride. Kanë dashur të destabilizojnë vendin dhe të përlyejnë historinë e UÇK-së”, potencoi ministri.

Në fund, Maqedonci u shpreh se Forca e Sigurisë së Kosovës (FSK) sot është krejt ndryshe nga ditët e çlirimit. Ajo po fuqizohet me armatime moderne dhe po trajnohet sipas standardeve më të larta të NATO-s. Sipas tij, një ushtri e fortë është garancia më e mirë, pasi forca e dekurajon gjithmonë kundërshtarin dhe shmang luftën.

“Kemi një ushtri që është shembull për gjithë rajonin. Ajo vlerësohet nga të gjitha vendet e NATO-s si ushtri shumë profesionale”, përfundoi Ministri i Mbrojtjes. /E.A/

Continue Reading

Vendi

Koncert festiv “Liria na Bashkon” në Gjakovë për Ditën e Çlirimit

Published

2 hours ago

on

June 12, 2026

By

Në shënim të Ditës së Çlirimit, tre ansamble kombëtare shqiptare do të bashkohen në koncertin festiv “Liria na Bashkon”, duke sjellë një mbrëmje me këngë, valle dhe interpretime nga kultura shqiptare.

Në këtë ngjarje do të marrin pjesë Ansambli Kombëtar i Këngëve dhe Valleve “Shota” nga Kosova, Ansambli i Këngëve dhe Valleve Popullore nga Shqipëria, si dhe Ansambli Nacional i Këngëve dhe Valleve Popullore Shqiptare në Maqedoninë e Veriut.

Koncerti do të mbahet në Shtëpinë e Kulturës “Asim Vokshi” në Gjakovë, më 12 qershor 2026 në ora 19:00. /A.K/

Continue Reading

Lajmet

Maqedonci: UÇK hyri në Prishtinë dy ditë para NATO-s për të parandaluar masakrat serbe

Published

2 hours ago

on

June 12, 2026

By

Ministri i Mbrojtjes, Ejup Maqedonci, ka zbuluar detaje të panjohura nga ditët e çlirimit në Podcastin e Media Grupit të UBT-së. Ai tregoi se më 10 Qershor 1999, një pjesë e njësive të UÇK-së nga Zona Operative e Llapit morën urdhër të futeshin urgjentisht në kryeqytet. Ky mision synonte mbrojtjen e popullatës civile nga trupat serbe para tërheqjes së tyre.

Sipas ministrit, informacionet e kohës tregonin se forcat serbe në largim e sipër do të tentonin të bënin masakra të tjera dhe të plaçkitnin shtëpitë e shqiptarëve. Pjesë e këtij operacioni të rrezikshëm ishte edhe vetë Maqedonci. Ai kujton se ngritën flamujt në dy pika strategjike, në Kodrën e Trimave për të dhënë shenjën se UÇK-ja ishte në Prishtinë.

“Kemi ngritur flamujt si shenjë që Ushtria Çlirimtare e Kosovës është në Prishtinë. Ishim në uniforma dhe kishim vendosur pozicionet tona në mënyrë që të mos lejohej ndonjë masakër”, kujton ministri emocionet e asaj dite.

Gjatë intervistës, Maqedonci foli edhe për rrugëtimin e tij personal si 20 vjeçar, i cili nisi në vitin 1998, kur i’u bashkua UÇK-së nga Zvicra. Ai tregoi se stërvitjen teorike ushtarake në Shqipëri e kishte marrë nga Heroi i Kombit, Agim Ramadani. Pas një marshimi të vështirë 12-orësh nëpër borën e maleve të Pashtrikut, ai depërtoi në Kosovë për t’u angazhuar në zona të ndryshme operative.

“Ëndrra ime e parë ishte vetëm të kaloja kufirin, të prekja tokën e Kosovës, dhe çfarëdo që të ndodhte më pas nuk kishte rëndësi”, u shpreh Maqedonci për fillimet e tij në luftë.

Sot, si Ministër i Mbrojtjes, ai thotë se pasqyrimi i FSK-së është përmbushje e ëndrrës së dëshmorëve. Ai vuri në dukje investimet e mëdha prej 460 milionë eurosh në armatim gjatë katër viteve të fundit. Për Maqedoncin, modernizimi i ushtrisë sipas standardeve të NATO-s është garancia kryesore për të ruajtur paqen në vend.

“Kur përgatitesh për luftë, në fakt përgatitesh për ta shmangur luftën, sepse forca e dekurajon kundërshtarin”, potencoi në fund ministri Maqedonci. /E.A/

Continue Reading

Të kërkuara