Lajmet

​Kurti: Për çështjen e targave dhe ndalesën e Bislimit në Beograd do të flasim pasdite

Bislimit dje iu ndalua hyrja në Beograd.

Published

on

Kryeministri Albin Kurti ka thënë se sot pasdite do të deklarohen për çështjen e konvertimit të targave dhe ndalesën e zëvendëskryeministrit, Besnik Bislimi në Beograd.

Kështu u shpreh ai derisa është pyetur nga gazetarët, pas marshit tradicional në muajin e ndërgjegjësimit kundër kancerit të gjirit.

“Për çështje tjera, si çështja e targave dhe ndërmjetësimit ndërkombëtar në raportet me Serbinë do të flasim pasdite… Për të gjitha këto do të flasim në ndërtesën e qeverisë, ju lutem të shprehim respekt për gjitha ato gra e vajza që po luftojnë me kancerin e gjirit. Sot pasdite do të flasim për këto çështje”, ka shtuar Kurti.

Zëvendëskryeministri Besnik Bislimi dje është kthyer në gjysmë të rrugës, derisa ishte nisur për të shkuar në Beograd si pjesëmarrës në dy forume. Sipas tij, kjo është sinjal se Serbia nuk është e gatshme për normalizim të marrëdhënieve, ndërmjet dy shteteve. 

Lajmet

Protesta në Shkup: Prindërit e viktimave në Koçan kërkojnë përgjigje

Published

on

By

Një marshim proteste po mbahet në Shkup nga familjet e viktimave të zjarrit në diskoteken Puls në Koçani, në të cilin humbën jetën 62 persona dhe u plagosën pothuajse 200 të tjerë.

Një marshim proteste po mbahet në Shkup nga familjet e viktimave të zjarrit në diskoteken Puls në Koçani, në të cilin humbën jetën 62 persona dhe u plagosën pothuajse 200 të tjerë.

Familjet po kërkojnë përgjigje rreth ngjarjeve të asaj mbrëmjeje fatale më 16 mars dhe se si po zhvillohet hetimi.

Tubimi filloi para zyrës së prokurorit dhe demonstruesit do të kalojnë Sheshin Maqedonia për të arritur te Parlamenti.

Hetimi tregoi se në 13 vitet e funksionimit, diskoteka nuk i është nënshtruar inspektimit. Në këtë rast, dyshohen 59 persona, përfshirë 14 oficerë policie dhe tre persona juridikë.

Ky është marshimi i pestë i prindërve dhe të afërmve të viktimave, katër të mëparshëm u mbajtën në Koçan.

 

Continue Reading

Lajmet

Ambasada e Japonisë i dhuron grant QKMF-së në Deçan

Published

on

By

Ambasada e Japonisë në Kosovë ka dhuruar një grant për Qendrën e Mjekësisë Familjare në Deçan, në mbështetje të përmirësimit të shërbimeve shëndetësore në këtë komunë.

Në ambientet e Qendrës së Mjekësisë Familjare në Deçan u prezantuan pajisjet mjekësore që janë dhuruar nga Ambasada e Japonisë në Kosovë. Donacioni mbërrin vlerën rreth 46 mijë euro ku janë  dhuruar një ultrazë dhe një karrige gjinekologjikë.

Ambasadori i Japonisë në Kosovë, Kiminori Iwama, ndërsa kujtoi se kjo qendër e mjekësisë familjare është ndihmuar prej qeverisë japoneze qysh në vitin 2001 përmes Kryqit të Kuq, tha se ambasada dhe populli japonez është i gatshëm dhe i interesuar për të ndihmuar Komunën e Deçanit.

“Kjo qendra është e rregulluar është e ndihmuar prej qeverisë japoneze, prej Kryqit të Kuq në vitin 2001, dhe kjo është ndihma e parë që jepet Komunës së Deçanit në këtë aspekt drejtpërdrejt për qendrën dhe ambasada dhe populli japonez është i gatshëm dhe i interesuar për të ndihmuar edhe në të ardhmen komunës së Deçanit dhe popullit të Kosovës”, tha ai.

Ndërsa kryetari i komunës së Deçanit, Bashkim Ramosaj falënderoi shtetin e Japonisë për ndihmën e dhënë në fushën e shëndetësisë për këtë komunë që nga mbarimi i luftës e deri më sot.

“Ky objekt është falë popullit japonez, qeverisë japoneze dhe Kryqit të Kuq që ka qenë lajm më i mirë për qytetarët në atë kohë ku ky qytet nuk ka ekzistu dhe kohë pas kohe kemi pas përkushtimin dhe përkujdesjen te ambasadës japoneze, të popullit japonez, qeverisë njëkohësisht dhe ka rezultuar me bashkëpunimin e fundit që e ka një kuptim tepër domethënës që kjo qendër të funksionojë me standardin çfarë po funksionon tash”, tha ai.

Continue Reading

Lajmet

Bajrami: E turpshme që s’u konstituua Kuvendi, VV-ja po i mban peng institucionet

Published

on

By

Deputetja e LDK-së, Hykmete Bajrami, tha se është e turpshme që as të martën s’u konstituua Kuvendi, duke akuzuar Lëvizjen Vetëvendosje se po i mban peng institucionet e Kosovës, duke shtuar se “kjo po iu kushton qytetarëve”.

Pengmarrja e institucioneve nga ana e  Vetëvendosjes po iu kushton qytetarëve. Ata përballen me probleme të ndryshme e ato si adreson askush. Na vjen keq që në bazë të rezultatit dhe vullnetit tonë jemi pjesë e Kuvendit, por pa dashje jemi pjesë e këtij teatri që tashmë po besoj është bërë mjaft për secilin qytetar të Kosovës”, tha Bajrami.

Continue Reading

Lajmet

Haxhiu pasi dështoi të zgjidhet kryeparlamentare për të gjashtën herë: Shpresoj në reflektimin e opozitës

Published

on

By

Kandidatja e VV-së për kryeparlamentare, Albulena Haxhiu, shpreson në reflektimin e opozitës, pasi dështoi të zgjidhet kryeparlamentare për të gjashtën herë.

Kuvendi duhet të konstituohet. Shpresoj në reflektimin e opozitës“, ka thënë Haxhiu shkurtimisht para gazetarëve.

Ndryshe sot për të tetën herë me radhë, Kuvendi i Kosovës ka dështuar ta konstituojë legjislaturën e re. Kandidatja e LVV-së për kryeparlamentare, Albulena Haxhiu nuk i ka siguruar votat e nevojshme, ku në votim e sotëm, 54 deputetë votuan në favor të Haxhiu, 44 ishin kundër dhe tre abstenuan, duke mos arritur kështu pragun e 61 votave të nevojshëm

Continue Reading

Të kërkuara