Sylejman Selimi dhe Jahir Demaku janë liruar të enjten nga akuza për krime lufte. Kështu është vendosur në seancën e Gjykatës Themelore në Prishtinë.

“Kryetari i Trupit Gjykues në këtë çështje penale ka konstatuar se në kuptim të nenit 363 paragrafi 1 nën paragrafi 1.3 të Kodit të Procedurës Penale, nuk është provuar se të akuzuarit J.D dhe S.S kanë kryer veprën penale për të cilën janë akuzuar, andaj gjykata të njëjtit i liroj nga akuza”, thuhet në njoftimin e Gjykatës.

Më tej thuhet se trupi gjykues fillimisht ka vlerësuar të gjitha deklaratat e dëshmitarit “A” në këtë çështje penale, deklarata këto që kanë qenë baza mbi të cilën është mbështetur edhe pretendimi i aktakuzës, por trupi gjykues pas vlerësimit të këtyre deklaratave, ka nxjerrë konkludimin se fillimisht nuk është arritur të vërtetohet se cilit personi ia kanë cenuar integritetin trupor dhe shëndetin tani të akuzuarit, për faktin se viktima e pretenduar asnjëherë nuk është arritur të identifikohet e as nuk janë arritur të identifikohen dëshmitarë të tjerë potencial, në të cilat do të mbështetej dëshmia e dëshmitarit “A” e që rrjedhimisht kjo gjykatë vë theks të veçantë në faktin se dëshmia e një dëshmitari si e vetme pa mbështetje në asnjë provë tjetër, ka qenë e mangët në rastin konkret për të arritur standardin e të provuarit në rastet e krimeve të luftës, e po ashtu specifikojmë faktin se me rastin e marrjes së këtij vendimi, trupi gjykues është mbështetur në standardet dhe praktikat vendore dhe ndërkombëtare përkitazi me këto raste.

“Arsyet e detajuara për mungesën e provave të ofruara nga Prokuroria Speciale e Republikës së Kosovës si dhe standardet vendore dhe ndërkombëtare që kjo gjykatë ka marr për bazë me rastin e këtij vendimi, do të elaborohen në detaje në aktgjykimin me shkrim të kësaj gjykate. Palët e pakënaqura kanë të drejt ankese në Gjykatën e Apelit të Kosovës, përmes Gjykatës Themelore në Prishtinë”./UBTNews/

Presidenti ukrainas, Volodymyr Zelensky, bëri thirrje mbi zgjerimin e sanskioneve ndërkombëtare kundër Rusisë nga shkaku i pushtimit të paprovokuar që Moska nisi ndaj Ukrainës në vitin 2022.

Ndërsa u takua në Kiev me ministrin britanik të Financave, Jeremy Hunt, me të cilin bisedoi mbi situatën në Ukrainë dhe nevojën për ta bërë më të vështrië që të shmnagen sanksionet e vendosura ndaj Rusisë.

Zelensky në platformën X shkroi se: “Ne i kushtuam rëndësi të veçantë politikës së sanksioneve”.

Ndërsa shtoi se: “Është e rëndësishme të zgjerohen masat kufizuese kundër Rusisë dhe që shmangia e sanksioneve të jetë e pamundur”.

Po ashtu Zelensky falënderoi Britaninë për pakon e re të ndihmës ushtarake të cilën e prezantoi më herët gjatë javës kryeministri britanik, Rishi Sunak.

Kjo paketë është më e madhja që Britania deri më tani i ka dhuruar Ukrainës, due bërë që kjo ndihmë e përgjithshme ushtarake që Londra i ka premtuar Kievit gjatë këtij viti të arrijë në 3.71 miliardë dollarë.

Ministri britanik Hunt, gjatë vizitës në Ukrainë, u takua dhe me kryeministrin ukrainas, Denys Shmyhal, ku biseduan për përmbajtjen e paketës së ndihmës ushtarake, e cila përfshin sisteme të mbrojtjes ajrore.

Kjo vizitë u realizua pasi presidenti amerikan, Joe Biden, më 24 prill nënshkroi pakon e ndihmës ushtarake për Kievin në vlerë prej 61 miliardë dollarë.

Ndihma e nevojshme, përfshirë sisteme të mbrotjes ajrore, do të dërgohet brenda orësh, kështu tha presidenti amerikan, Joe Biden./UBTNews/

Së paku pesë njerëz janë vrarë si pasojë e sulmeve ajrore izraelite në qytetin Rafah në Rripin e Gazës, bën të ditur zyrtarët shëndetësorë palestinezë.

Në mesin e këtyre të vrarëve ishin edhe dy fëmijë, njëri 6 vjeç ndërsa tjetri 8 vjeç.

Më shumë se gjysma e popullsisë së Gazës, afër 2.3 milionë, kanë kërkuar strehim në Rafah, ku Izraeli po kryen sulme pothuajse ditore ndërsa po përgatitet për një pushtim tokësor të qytetit.

Presidenti amerikan, Joe Biden, ka nënshkruar një ligj me ndihma rreth luftës në vlerë 95 miliardë dollarë, në të përfshin 9 miliardë dollarë ndihmë humanitare për Gazën.

Lufta e Izraelit në Gazë kundër Hamasit, nisi më 7 tetor, ku dhe pjesëtarët e këtij grupi palestinezë u futën në jug të Izraelit dhe i vranë afro 1.200 njerëz, kryesisht të cilët ishin civilë.

Më shumë se 34.000 palestinezë janë vrarë gjatë kësaj lufte, prej të cilëve dy e treta fëmojë dhe gra./UBTNews/

Partia Socialdemokrate përmes një aksioni në oborrin e qeverisë, ka vendosur një “çeshme të mbushur me para”, me mbishkrim “Për nder të Liburn Aliut, i cili na e lëshoi çeshmën”.

Zgjim Hyseni nga PSD-ja tha se këtë çeshme e kanë sjellë këtu kompanitë që përfituan miliona nga ministri Aliu si shenjë nderimi për të.

“Kjo që po e shihni këtu nuk është kroi i fshatit tonë i bukur e ku kanë qasje të gjithë, kjo këtu është çeshmja e milionereve sepse kroi, çeshmja po rrjedh veç për ta, sepse në Kosovë atyre që e shesin ujin iu falet. Janë mbi 15 milionë euro që janë falë e procesi nuk është zbardh në tërësi, e ato ju kanë falë kompanive milionëshe, këto kompani për nder të Liburn Aliut që iu ka lëshuar çeshmën e kanë sjell si e donë zakoni në shenjë dhe nderim për të, këtë çeshme që po rrjedh. Janë 15 milion euro të falura e procesi nuk është zbardh në tërësi. I kisha lut edhe një herë organet e rendit sepse këtu ka potencialisht shkelje serioze ligjore përveç që po bëhet e qartë për kënd po punon pushteti i Vetëvendosjes”, tha Hyseni

Hyseni ka adresuar pyetje se në mullirin e kujt po e dërgon ujin pushteti i Lëvizjes Vetëvendosje.

“Në Kosovë për 20 euro KEDS-i të shkyç nga energjia elektrike, për gjithçka shkon tek përmbaruesi. Mirëpo sa më i madh që je edhe borxhet janë gjasat më të mëdha për me tu fal. Pyetja që duhet të shtrohet që është pyetje politike është se në mulli të kujt po qon ujë pushteti i Vetëvendosjes. Siç ka qenë edhe e ditur ky pushtet që nuk ka sjell asnjë ndryshim as sa i përket mënyrës se si shpërndahet pasuria, as nuk ka bërë tatim progresiv, as nuk ka bërë taksë dividend ka qenë qeshje kohe kur fillon me punu për të mëdhenjtë. Veç një dallim ekziston se për të mëdhenjtë kanë punuar edhe ata më herët këta punojnë për të mëdhatë për mundësisht këto kompanitë e mëdha me mujt me qenë të tyre dhe me i kontrollua, ky është i vetmi dallim midis këtij pushteti dhe pushteteve të mëhershme. Pushteti i Liburn Aliut dhe pushteti që udhëhiqet prej Albin Kurtit nuk punojnë ndryshe thjesht janë në funksion të kapitalit të madh, mundësisht këtë kapital me pas sa ma shumë në kontroll”, përfundoi Hyseni.