Lajmet

​KQZ pezullon një parti politike në Kosovë

Ky vendim u mor me vota unanime nga të gjithë anëtarët e KQZ-së.

Published

on

Komisioni Qendror i Zgjedhjeve (KQZ) vendosi të pezullojë partinë Republikanët e Kosovës për shkak të mos mbajtjes së kuvendit të brendshëm zgjedhor në afatet e parapara me legjislacionin në fuqi. Ky vendim u mor me vota unanime nga të gjithë anëtarët e KQZ-së.

Drejtori i Zyrës për regjistrim, certifikim dhe kontrollin financiar të partive politike në KQZ, Besnik Buzhala, tha se partia Republikanët e Kosovës është dashur të mbajnë kuvendin e ri zgjedhor në fillim të këtij muaji por nuk e kanë bërë një gjë të tillë. Sipas tij, kjo parti ka afat 45 ditë që të mbajë kuvendin zgjedhor nëse dëshiron të hiqet masa e pezullimit nga KQZ.

“Sipas rregullores nr.1/2023 për regjistrim dhe funksionim të partive politike, partitë politike obligohen çdo 48 muaj të mbajnë kuvendin për të zgjedhur kryetarin dhe organet e tjera të partisë. Sipas të dhënave që kemi, partia Republikanët e Kosovës është regjistruar si parti me datë 12.05.2014 dhe kjo parti ka qenë e obliguar që të mbajë kuvendin e radhës me datë 03.08.2023 ku nuk e ka mbajtur kuvendin e radhës, siç ka qenë e obliguar dhe në bazë të rregullës që i kemi në fuqi kjo parti politike duhet të pezullohet me kushtin që brenda 45 ditëve të mbajë kuvendin zgjedhor. Andaj rekomandimi i Zyrës (për regjistrim të partive…) është që të pezullohet partia politike e regjistruar Republikanët e Kosovës sipas nenit 5 të rregullores nr. 1/2023”, tha Buzhala.

Vendimi u mor me 11 vota “pro”, ndërsa KQZ vijoi mbledhjen me dyer të mbyllura për çështje të brendshme të saj.

Lajmet

Zemaj: Katër vjet keqpërdorime me buxhetin, koha për arrestime

Published

on

By

Deputeti i LDK-së, Armend Zemaj, ka folur para fillimit të seancës së 45-të konstituive të Kuvendit. Ai ka kritikuar menaxhimin financiar të Qeverisë Kurti.

Sipas tij, tashmë do të duhej të ishin ngritur aktakuza, madje edhe të ndodhnin arrestime, për keqpërdorimet që pretendohet të kenë ndodhur gjatë katër viteve të qeverisjes së Albin Kurtit.

Zemaj shtoi se ekzistojnë kontrata të shumta, për të cilat është e dukshme se ka pasur shkelje.

Sot do të duhej të kishim aktakuza të ngritura, e të mos them edhe arrestime për keqpërdorimin që ka ndodhur në buxhetin e Kosovës në këto katër vjet të Qeverisë Kurti. Ka shumë kontrata që janë evidente që ka pasur shkelje”, tha Zemaj.

Continue Reading

Lajmet

Lushaku-Sadriu: Vetëvendosje erdhi me kauzë kundër korrupsionit, sot është simbol i tij

Published

on

By

Deputetja e betuar e LDK-së, Jehona Lushaku-Sadriu, ka kritikuar ashpër Lëvizjen Vetëvendosje dhe Qeverinë Kurti, duke e akuzuar atë për shkelje të kushtetutës dhe për dëme të mëdha ndaj vendit.

Para seancës së 45-të konstituive të Kuvendit të Kosovës, Lushaku-Sadriu deklaroi se është paradoksale se si një subjekt që erdhi në pushtet me premtimin për luftë kundër korrupsionit, po bëhet sot simbol i tij.

E para, të gjithë këta që i kanë uzurpuar zyrat e qeverisë, bartin përgjegjësi për të gjitha këto vendime që po i marrin në mënyrë jokushtetuese, aq më tepër për procedura prokurimi , ku nënshkrimet e tyre validojnë për zgjedhje që shkojnë në dëm të buxhetit të Kosovës”, u shpreh ajo

Ajo shtoi se Qeveria aktuale i ka shkaktuar “dëm epokal” vendit, duke e çuar në një krizë të thellë institucionale e politike.

Continue Reading

Lajmet

Shoqëria civile rikthehet me protestë para Kuvendit

Published

on

By

Para fillimit të seancës së 45-të konstituive të Kuvendit të Kosovës, organizatat e shoqërisë civile organizuan një performancë simbolike për të shprehur pakënaqësinë e tyre ndaj bllokimit të zgjatjes së procesit të konstituimit të institucioneve.

Në protestën simbolike u shfaqën pankarta me mesazhe të qarta si: “Boll!”, “Mos folni për zgjedhje, kur s’ofroni zgjidhje”, “Konkurs për deputetë të rinj” dhe “Institucionet nuk janë për pazare”, duke reflektuar zhgënjimin e qytetarëve për krizën institucionale.

Që nga përfundimi i zgjedhjeve, Kuvendi i Kosovës nuk ka arritur të konstituohet, duke hyrë sot në përpjekjen e 45-të për të zgjedhur kryetarin e Kuvendit dhe për të formuar institucionet e reja.

Continue Reading

Lajmet

I mituri raporton se është dhunuar, i dyshuari lirohet në procedurë të rregullt

Published

on

By

Policia ka njoftuar se në Shtime një i mitur ka raportuar se është dhunuar nga një person tjetër.

Sipas raportit të Policisë së Kosovës, viktima, një mashkull i mitur, ka marrë trajtim mjekësor pas ngjarjes, ndërsa i dyshuari, gjithashtu mashkull kosovar, është liruar në procedurë të rregullt me vendim të prokurorit të shtetit.

Rasti është iniciuar dhe po trajtohet nga njësitet përkatëse hetimore.

Continue Reading

Të kërkuara