Federata e Futbollit e Kosovës (FFK) ka zyrtarizuar sot marrëveshjen e re me përzgjedhësin Franco Foda, duke konfirmuar vazhdimin e bashkëpunimit edhe për dy vite të tjera.

Kontrata e re e nënshkruar nga presidenti Agim Ademi dhe trajneri Foda më 6 tetor, gjatë ditës së parë të grumbullimit të ekipit kombëtar, formalizon marrëveshjen paraprakisht të arritur mes palëve.

“Federata e Futbollit e Kosovës ka kënaqësinë të njoftoi se ka zyrtarizuar edhe formalisht marrëveshjen e mëhershme me përzgjedhësin Franco Foda për të vazhduar bashkëpunimin edhe për 2 vite.

Kontrata që konfirmon qëndrimin e Fodas në krye të ekipit kombëtar është nënshkruar zyrtarisht nga Presidenti Agim Ademi dhe përzgjedhësi Franco Foda, ditën e parë të grumbullimit të ekipit kombëtar në muajin tetor, përkatësisht me datën 6-të, duke formalizuar edhe në mënyrë zyrtare marrëveshjen e arritur paraprakisht. Me marrëveshjen e re, Foda do t’ i prijë kombëtares së Kosovës deri në fund të vitit 2027, me mundësi vazhdimi automatikisht në rast të kualifikimit në Kampionatin Evropian të vitit 2028.
Franco Foda ka marrë drejtimin e ekipit kombëtar me 17.02.2024 dhe që nga ajo periudhë ka udhëhequr kombëtarën tonë në 17 ndeshje deri tani, duke arritur: 11 fitore, 2 barazime (përfshirë atë me Rumaninë 0:0) dhe ka pësuar 4 humbje”, thuhet në njoftim./EO

Presidenti i FIBA Evropës, Jorge Garbajosa, Drejtori Ekzekutiv i FIBA Evropës, Kamil Novak, si dhe drejtuesit e FBK-së, Kryetari Arben Fetahu, Sekretarja e Përgjithshme, Elvira Dushku janë pritur nga ministri i Kulturës, Rinisë dhe Sportit (MKRS), Hajrulla Çeku, zëvendësministrja Daulina Osmani, Sekretari i Përgjithshëm Bislim Bislimi dhe Fidan Shatri, Kryeshef i Agjencisë së Sportit të Kosovës.

Gjatë takimit është biseduar për bashkëpunimin e ngushtë që ka MKRS dhe Federata e Basketbollit e Kosovës, ku Ministria e Sportit gjithmonë ka qenë përkrahëse e zhvillimit të basketbollit në vendin tonë.

Me theks të veçantë është biseduar për organizimin e Lojërave Mesdhetare në vitin 2030, që për herë të parë do të mbahen në vendin tonë. MKRS do të investojë në pjesën e infrastrukturës sportive që pritet të ndërtohet, e që është thelbësore për mbajtjen dhe zhvillimin e Lojërave Mesdhetare.

Garbajosa ka falënderuar ministrin Çeku për mbështetjen që jep për basketbollin e Kosovës, pasi është shumë e rëndësishme që FBK të ketë përkrahje institucionale për organizimin e garave vendore dhe ndërkombëtare.

Edhe drejtuesit e FBK-së kanë konfirmuar bashkëpunimin e thellë që kanë me MKRS, duke i falënderuar për përkrahjen e madhe që e jep për basketbollin e Kosovës.

Kujtojmë se kjo është hera e dytë që Jorge Garbajosa viziton Kosovën. Hera e parë ishte në dhjetor të vitit të kaluar.

Garbajosa është zgjidhur President i FIBA Evropës në maj të vitit 2023, ku Kryetari i FBK-së, Arben Fetahu është zgjidhur anëtar i Bordit të FIBA Evropës.

Ish-qendra spanjolle po qëndron në vendin tonë për takimin e Komisionit të të Rinjve të FIBA Evropës (FIBA Europe Youth Commission), që për herë të parë po mbahet në Kosovë, derisa Fetahu është nënkryetar i këtij Komisioni./KP

Mbrojtësi dhe kapiteni i Kosovës, Amir Rrahmani, është prononcuar për mediumin italian, Cronachedi.it

Ndër të tjera, ai ka folur edhe për kualifikimin e mundshëm me Kosovën në Kupën e Botës.

Kosova juaj është një hap larg Kupës së Botës: si kapiten, çfarë do të thoshte kualifikimi?

“Do të ishte një ëndërr, por është gjithashtu e vërtetë që kemi bërë shumë mirë në Ligën e Kombeve vitet e fundit. Tani mund të luftojmë për vendin e dytë, por edhe për vendin e parë. Një arritje e jashtëzakonshme për një vend kaq të vogël.”

Një histori shpëtimi për një vend që dikur ishte shkatërruar nga lufta.

“Të gjithë djemtë që luajnë për ekipin kombëtar ëndërrojnë ta çojnë ekipin atë në një Kupë Bote ose një Kampionat Evropian për të bërë të lumtur një popull të tërë që ka vuajtur kaq shumë në të kaluarën. Gjithmonë kam dashur të jem ambasador për Kosovën dhe e mbaj flamurin kudo.”

Dhe çfarë reagimi provokojnë tek ju skenarët e luftës në botën e sotme?

“Më vjen keq kur shoh imazhe të caktuara ose dëgjoj lajme të caktuara. Jam absolutisht kundër kësaj, shpresoj që ato të ndalen kudo.”

/A.Z/UBT News/

Federata e Futbollit e Kosovës (FFK) ka njoftuar se ka arritur një marrëveshje formale me përzgjedhësin Franco Foda për të vazhduar bashkëpunimin edhe për dy vite të tjera.

Kontrata që e konfirmon qëndrimin e Fodas në krye të ekipit kombëtar u nënshkrua zyrtarisht nga presidenti Agim Ademi dhe përzgjedhësi Franco Foda më 6 tetor, ditën e parë të grumbullimit të ekipit, duke formalizuar kështu marrëveshjen e arritur më parë.

Sipas marrëveshjes së re, Foda do të drejtojë kombëtaren e Kosovës deri në fund të vitit 2027, me mundësi vazhdimi automatik nëse ekipi kualifikohet për Kampionatin Evropian të vitit 2028.

Franco Foda mori drejtimin e ekipit kombëtar më 17 shkurt të vitit të kaluar dhe që atëherë ka udhëhequr kombëtaren në 17 ndeshje.

Deri tani, rekordi i teknikut gjerman është 11 fitore, 2 barazime përfshirë atë ndaj Rumanisë me rezultat 0-0 e 4 humbje. /A.Z/UBT News/